Нэхэмжлэгч нэхэмжлэлээсээ татгалзсаныг

 баталж хэргийг хэрэгсэхгүй болгох тухай

 

 

А аймаг дахь сум дундын анхан шатны шүүхийн шүүгч П.Гандолгор би

Нэхэмжлэгч: ........ давхарт байрлах “О ББСБ” ХХК-ийн нэхэмжлэлтэй

Хариуцагч: А аймгийн Ц сумын ..-р багт оршин суух хаягтай П.Бд холбогдох

1,037,450 төгрөг гаргуулах тухай иргэний хэргийг хянаад

 

ТОДОРХОЙЛОХ нь:

 

Нэхэмжлэгч “О ББСБ” ХХК шүүхэд гаргасан нэхэмжлэлдээ: ...Иймд үндсэн зээл 500,000 төгрөг, зээлийн хүү 532,450 төгрөг, шимтгэл 5000, нийт 1,037,450 төгрөгийг  зээлдэгч П.Баас  гаргуулан шийдвэрлэж өгнө үү... гэжээ.

 

Нэхэмжлэгчийн итгэмжлэгдсэн төлөөлөгч ................. шүүхэд гаргасан хүсэлтдээ: “О ББСБ” ХХК нэхэмжлэлтэй хариуцагч П.Бд холбогдох зээлийн гэрээний үүрэгт 1,037,450 төгрөг гаргуулах тухай нэхэмжлэлд хариуцагч зээлийн төлбөрийг бүрэн төлж барагдуулсан тул нэхэмжлэлийн шаардлагаасаа татгалзаж байна, хэргийг хялбаршуулсан журмаар шийдвэрлэж өгнө үү  гэжээ.

 

ҮНДЭСЛЭХ нь:

 

Нэхэмжлэгч “О ББСБ”  ХХК нь хариуцагч П.Бд холбогдуулан 1,037,450 төгрөг гаргуулах тухай нэхэмжлэлийг шүүхэд гаргасан.

 

Хэрэг хянан шийдвэрлэх ажиллагааны явцад нэхэмжлэгч нь 1,037,450 төгрөг гаргуулах тухай нэхэмжлэлийн шаардлагаасаа хариуцагч төлсөн үндэслэлээр татгалзсан нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй байх тул нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгож шийдвэрлэв.

 

Нэхэмжлэгч “О ББСБ”  ХХК-н улсын тэмдэгтийн хураамжид төлсөн 29,448 төгрөгийг улсын орлогод хэвээр үлдээж, улсын орлогоос 14,724 төгрөгийг гаргуулан нэхэмжлэгч “О ББСБ”  ХХК олгохоор шийдвэрлэв. 

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйл, 75, 75⁸.1 дүгээр зүйл, 123 дугаар зүйлийн 123.1-д заасныг удирдлага болгон 

                                            

                                                             ЗАХИРАМЖЛАХ нь:

 

1. Нэхэмжлэгч “О ББСБ”  ХХК нь хариуцагч П.Бд холбогдуулан 1,037,450 төгрөг гаргуулах тухай нэхэмжлэлийн шаардлагаасаа нэхэмжлэгч “О ББСБ” ХХК нь татгалзсаныг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.5, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д нэхэмжлэгч “с ББСБ”  ХХК-н улсын тэмдэгтийн хураамжид төлсөн 29,448 төгрөгийг улсын орлогод хэвээр үлдээж, улсын орлогоос 14,724 гаргуулан нэхэмжлэгч “О ББСБ”  ХХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т заасныг баримтлан энэ захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

ШҮҮГЧ                                       П.ГАНДОЛГОР