Нэхэмжлэгч нэхэмжлэлийн шаардлагаасаа татгалзсаныг

 батлах тухай

 

Орхон аймаг дахь Сум дундын иргэний хэргийн анхан шатны шүүхийн шүүх хуралдааныг шүүгч Д.Ариунцэцэг  даргалан тус шүүхийн хуралдааны танхимд хийж 

Нэхэмжлэгч: Орхон аймаг Баян-Өндөр сум Бүрэнбүст баг 5-3-56 тоотод оршин суух Хармадай овгийн Даланбуугийн Баярмаагийн/ФД-75050105 / нэхэмжлэлтэй,

Хариуцагч: Орхон аймаг Баян-Өндөр сум Уурхайчин баг 3-8-84 тоотод оршин суух Урианхай овгийн Алтанхуягийн Бямбамаад хариуцагдах 500,000 төгрөг гаргуулах тухай нэхэмжлэлийг  2016 оны 04 дүгээр  сарын 05-ны өдөр хүлээн авч хэрг үүсгэн хянан хэлэлцэв.

Шүүх хуралдаанд нэхэмжлэгч Д.Баярмаа, хариуцагч А.Бямбамаа, шүүх хуралдааны нарийн бичгийн дарга Ө.Энхбаатар нар оролцов.

 

ТОДОРХОЙЛОХ нь: 

Нэхэмжлэгч Д.Баярмаа нь шүүхэд гаргасан нэхэмжлэлдээ:  “А.Бямбамаа нь 2014-06 сард үнэртэй ус, түрийвч зэрэг 600,000 төгрөгний бараа авч удахгүй өгнө гэсээр 18 сар  болсон.2016-03-31-ний өдөр 100,000 төгрөг өгсөн.Хүү авахгүй одоо 500,000 төгрөгийг нэхэмжилж байна.Бямбамаа нь Эрдэнэт үйлдвэрийн байр 1-р давхарт хэвлэл мэдээллийн албанд сэтгүүлчээр ажилладаг гэжээ.

Хариуцагч А.Бямбамаа шүүхэд гаргасан тайлбартаа : Миний  бие хүсэлт гаргасан Даланбуугийн охинтой олон жил найзалж байна.Хэдэн сарын өмнө найз хүүхнээсээ 85,000 төгрөгийн үнэртэй ус авсан юм.Боломжгүй учрир өгч чадалгүй удсан нь үнэн.Энэ хугацаанд аав нь ажил дээр ирж өсгөж авна шүү,хүүтэй авна гээд байхаар нь тоглож байгаа юм байх гэж бодож байлаа.Тэгтэл үнэхээр 500,000 төгрөг өг тэгэхгүй бол шүүхэд өгнө гэж амаар доромжилж сүрдүүлсэн.13 дахь сарын цалин буухад ирэхэд нь 100,000 төгрөг би өгсөн.Тэгэхэд чи хэлсэндээ хүр би хүүтэй авна гэж хэл амаар доромжилж гарахдаа шүүхэд өгнө гээд гарсан юм.1-рт би Даланбуугаас аваагүй, охин Баярмаагаас авсан.Охин Баярмаад нь хэдэн жилийн өмнө өлгүүрийнх нь лангуун дээр түр тавиулсан ноолууран өмд, ногоон ноолууран цамцыг минь алга болгосон гээд одоо болтол өгөөгүй.Ингэж хэл ам болж явахынхаа оронд Говийн ноолууран хувцасыг минь өгч буян болно уу  гэжээ.

      ҮНДЭСЛЭХ нь:

Нэхэмжлэгч Д.Баярмаа нь А.Бямбамаагаас 500,000 төгрөг гаргуулах шаардлага гаргасныг хариуцагч зөвшөөрөөгүй.

Шүүх хуралдааны товыг нэхэмжлэгч хүлээж аваад ирээгүй” утсаар нэхэмжлэлээсээ  татгалзаж байна” гэж тайлбарласан байх тул хэргийг хялбаршуулсан журмаар шийдвэрлэж хэрэгсэхгүй болгох үндэслэлтэй гэж үзэв.

 

Монгол улсын Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5, 123 дугаар зүйлийн 123.1,123.2-д заасныг тус тус удирдлага болгон ЗАХИРАМЖЛАХ НЬ:                                                                                                           

1. .Д.Баярмаагийн нэхэмжлэлтэй А.Бямбамаад холбогдох 500,000 төгрөгний нэхэмжлэлийн шаардлагаас нэхэмжлэгч Д.Баярмаа татгалзсаныг баталж, хэргийг хэрэгсэхгүй болгосугай.
2. Иргэний Хэрэг Шүүхэд Хянан Шийдвэрлэх Тухай Хуулийн 106 дугаар  зүйлийн 106.6-д зааснаар нэхэмжлэгчээс улсын тэмдэгтийн хураамжинд Төрийн банкны Орхон салбарт 130000801681 тоот дансанд 2016 оны 04 дүгээр сарын 01-ний өдөр төлсөн 15,650 төгрөгийг төрийн санд үлдээсүгэй.

3. Иргэний Хэрэг Шүүхэд Хянан Шийдвэрлэх Тухай Хуулийн75 дугаар зүйлийн 75.6 дахь хэсэгт зааснаар шүүхийн энэ захирамжийг  хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй.

4. Иргэний Хэрэг Шүүхэд Хянан Шийдвэрлэх Тухай Хуулийн 74 дүгээр зүйлийн 74.4 дэх хэсэгт зааснаар зохигчид шүүгчийн захирамжид давж заалдах,хяналтын гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурьдсугай

 

 

 

ШҮҮГЧ                                     Д.АРИУНЦЭЦЭГ