2020            09           29

183/ШШ2020/02611

 

 

 

МОНГОЛ УЛСЫН НЭРИЙН ӨМНӨӨС

 

Хан-Уул дүүргийн Иргэний хэргийн анхан шатны шүүхийн шүүгч Д.Мөнгөнтуул даргалж, тус шүүхийн танхимд хийсэн шүүх хуралдаанаар,

 

Хүсэлт гаргагч: Хан-Уул дүүргийн, ................ Н-ийн нэхэмжлэлтэй,

 

Иргэний эрх зүйн маргаанд хариуцагчаар оролцвол зохих этгээд болох ТТТ ХХК болон захирал Д.Сыг эрэн сурвалжлуулах тухай иргэний хэргийг хянан хэлэлцэв.

 

Шүүх хуралдаанд: Шүүх хуралдааны нарийн бичгийн дарга Б.Сэндэр оролцов.

 

ТОДОРХОЙЛОХ нь:

 

Нэхэмжлэгч Нийгмийн даатгалын хэлтэс шүүхэд гаргасан нэхэмжлэл болон хүсэлтдээ:“...ТТТ ХХК нь 23 655 592 төгрөгийг нийгмийн даатгалын шимтгэлийн өр үүсгээд байна. Уг компанид холбогдуулан шүүхэд нэхэмжлэл гаргасан боловч хаягтаа байрладаггүй, үйл ажиллагаа явуулаггүй болох нь тогтоогдож хэргийг хэрэгсэхгүй болгосон. Иймд ТТТ ХХК болон захирал Д.Сыг эрэн сурвалжлуулж өгнө үү. Шүүх хуралдаанд нэхэмжлэгчийн төлөөлөгч намайг байлцуулалгүйгээр хэргийг шийдвэрлэж өгнө үү” гэжээ

Хэрэгт байгаа болон шүүх хуралдаанаар хэлэлцэгдсэн нотлох баримтуудыг шинжлэн судлаад, ҮНДЭСЛЭХ нь: 

 

Хүсэлт гаргагч Нийгмийн даатгалын хэлтэс нь иргэний эрх зүйн маргаанд хариуцагчаар оролцвол зохих этгээд болох ТТТ ХХК болон захирал Д.Сыг эрэн сурвалжлуулах тухай хүсэлтийг тус шүүхэд гаргасан байх бөгөөд тэрээр Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.2 дахь хэсэгт зааснаар өөрийн оршин байгаа газрын шүүхээр хариуцагчаар оролцвол зохих этгээдийг эрэн сурвалжлуулах хүсэлт гаргах эрхтэй, шүүхийн харьяалал зөрчөөгүй байна.  

 

Хэргийн баримтаас үзэхэд хүсэлт гаргагч ТТТ ХХК-иас 2007 оны 6 дугаар сараас 2008 оны 01 дүгээр сарын 30-ны өдрийг хүртэлх хугацааны нийгмийн даатгалын шимтгэл төлөөгүй байх тул нийгмийн даатгалын шимтгэлийн өрийг шаардсан нэхэмжлэлд ТТТ ХХК нь хариуцагчаар оролцвол зохих этгээд болох үндэслэлтэй.

 

ТТТ ХХК  нь ................................. тоот хаягт бүртгэлтэй боловч үйл ажиллагаа явуулдаггүй болох нь ............................... хорооны Засаг даргын тодорхойлолт, хүсэлт гаргагчийн тайлбар зэргээр нотлогдож байна.

 

Иймд Иргэний хэрэг шүүхэд хянан шийдвэрлэх тухай 155 дугаар зүйлийн 155.3 дахь хэсэгт “Хүсэлтэд хариуцагчаар оролцвол зохих этгээдийг эрэн сурвалжлуулах үндэслэлийг тодорхойлж, түүний оршин байгаа газрыг олж тогтооход ач холбогдол бүхий бичиг баримтыг боломжтой бол хавсаргана. Шүүх хүсэлтийг хүлээн авч эрэн сурвалжлах тухай шийдвэр гаргана” гэж заасныг баримтлан Нийгмийн даатгалын хэлтсийн хүсэлтийг хангаж, иргэний эрх зүйн харилцаанд хариуцагчаар оролцвол зохих этгээд ТТТ ХХК болон захирал Д.Сыг эрэн сурвалжлан оршин суугаа хаягийг нь тогтоох ажиллагааг Цагдаагийн байгууллагаар гүйцэтгүүлэхээр шийдвэрлэлээ.  

 

Хүсэлт гаргагч  нь шүүх хуралдаанд өөрийгөө байлцуулахгүйгээр хэргийг шийдвэрлэх хүсэлт гаргасан байх тул Иргэний хэрэг шүүхэд хянан шийдвэрлэх тухай хуулийн 100 дугаар зүйлийн 100.1 дэх хэсэгт заасныг үндэслэн түүнийг оролцуулахгүйгээр хэргийг хянан шийдвэрлэсэн болно.

 

ТТТ ХХК оршин байгаа хаягийг тогтооход ач холбогдол бүхий баримтуудыг дурдвал .............................. тоот хаяг, Цагдаагийн байгууллага нь нэхэмжлэгчээс холбогдох мэдээллийг авахыг хүсвэл 00000000, 00000000 гэсэн дугаарын утсаар холбогдож болохыг дурдав.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн 133.1.9 дэх хэсэгт заасныг удирдлага болгон, ТОГТООХ нь: 

 

            1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3 дахь хэсэгт заасныг баримтлан, ТТТ ХХК болон захирал Д.Сыг эрэн сурвалжилсугай.

 

2. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4 дэх хэсэгт зааснаар хариуцагчийг эрэн сурвалжилж, оршин суугаа газрыг тогтоох ажиллагааг гүйцэтгэхийг Хан-Уул дүүргийн Цагдаагийн газрын 1 дүгээр хэлтэст даалгасугай.

 

3. Улсын тэмдэгтийн хураамжийн тухай хуулийн 41 дүгээр зүйлийн 41.1.4 дэх хэсэгт зааснаар нэхэмжлэгч нь улсын тэмдэгтийн хураамжаас чөлөөлөгдсөн болохыг дурдсугай.

 

4. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т заасны дагуу зохигч, тэдгээрийн төлөөлөгч буюу өмгөөлөгч шүүхийн шийдвэрийг гардан авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргах эрхтэйг тайлбарласугай.

 

 

 

 

 

                     ДАРГАЛАГЧ, ШҮҮГЧ                                Д.МӨНГӨНТУУЛ