МОНГОЛ УЛСЫН НЭРИЙН ӨМНӨӨС

Ховд аймаг дахь сум дундын иргэний хэргийн анхан шатны шүүхийн Ерөнхий шүүгч Ц.Оюун-Эрдэнэ даргалж, тус шүүхийн шүүх хуралдааны танхимд нээлттэй хийсэн шүүх хуралдаанаар

Хүсэлт гаргагч: Ховд аймаг, ******* сум, ******* багт оршин суух, ******* дугаарын регистртэй, Мянган овогт *******ийн *******гийн хүсэлттэй нас тогтоолгохыг хүссэн иргэний хэргийг хянан хэлэлцэв.

Шүүх хуралдаанд хүсэлт гаргагч Б.*******, хүсэлт гаргагчийн өмгөөлөгч Д.Нямдорж, шүүх хуралдааны нарийн бичгийн дарга А.Золзаяа нар оролцов.

ТОДОРХОЙЛОХ нь:

Хүсэлт гаргагч Б.******* нь шүүхэд гаргасан хүсэлт болон шүүх хуралдаанд гаргасан тайлбартаа: Миний бие 1968 оны 09 дүгээр сарын 03-ны өдөр Ховд аймгийн ******* сумын хүн эмнэлэгт төрсөн. 52 настай. Ам бүл 2. Хүүхдийн хамт амьдардаг. Бага насаа эцэг эхийн гар дээр өнгөрүүлсэн. 1976 онд Ховд аймгийн ******* сумын 8 жилийн сургуульд элсэн орж 1984 оны 06 дугаар сард 8 дугаар ангиа төгсөөд Баян-Өлгий аймгийн ТМС-д засал чимэглэлийн мэргэжлээр суралцан 1987 оны 07 дугаар сард төгсөж улмаар Ховд аймгийн Барилга угсралтын трестэд хуваарилагдан ажилд орж өнөөдрийг хүртэл барилгын салбарт ажиллаж байна. 1990 оны 10 дугаар сарын 01-нд иргэн Ч.Пүрэвжавтай гэр бүл болсон. Одоо өндөр насны тэтгэвэр тогтоолгох болоход миний төрөлтийнх бүртгэл байхгүйгээс болоод тогтоолгож чадахгүй хохирч байна. Иймд намайг 1968 оны 09 дүгээр сарын 03-ны өдөр Ховд аймгийн ******* суманд төрсөн болохыг тогтоож өгнө үү гэжээ.

ҮНДЭСЛЭХ нь:

Хүсэлт гаргагч Б.******* нь тус шүүхэд хандаж нас тогтоолгох тухай хүсэлтийг гаргажээ.

Шүүх хүсэлтийг Иргэний хэрэг шүүхэд хянан шийдвэрлэх тухай хуулийн 133 дугаар зүйлийн 133.1.1-д зааснаар онцгой ажиллагааны журмаар хянан шийдвэрлэх нь зүйтэй гэж үзлээ.

Хүсэлт гаргагч Б.*******гийн хүсэлтийн шаардлагыг хангаж шийдвэрлэх нь зүйтэй байна.

Хүсэлт гаргагч Б.******* 1968 оны 09 дүгээр сарын 03-ны өдөр төрсөн болох нь

Ховд аймгийн Улсын бүртгэлийн хэлтсийн 2020 оны 04 дүгээр сарын 07-ны өдрийн 493 дугаартай албан бичгээр ирүүлсэн тодорхойлолт,

Ховд аймгийн ******* сумын ******* багийн Засаг даргын 2020 оны 04 дүгээр сарын 07-ны өдрийн 55 дугаартай албан бичгээр ирүүлсэн тодорхойлолт,

Засгийн газрын хэрэгжүүлэгч агентлаг, Улсын бүртгэлийн Ерөнхий газар, Улсын бүртгэлийн хэлтсийн 2020 оны 03 дугаар сарын 27-ны өдрийн 126/ дугаартай төрөлт бүртгэлгүй тухай лавлагаа,

Иргэн Б.*******д 2004 оны 06 дугаар сарын 17-ны өдөр Төрийн нэрийн өмнөөс Ховд аймгийн Засаг даргын Тамгын газраас олгосон ХО дугаартай иргэний үнэмлэхийн эх хувь,

Гэрч Д.*******ын ...Б.******* нь Ховд аймгийн ******* сумын ******* багийн төвд *******ийн 4 дэх охин болон 1968 оны 09 дүгээр сарын 03-нд төрсөн нь үнэн болно... гэх тодорхойлолт,

Гэрч П.*******гийн ...Б.******* нь Ховд аймгийн ******* сумын ******* багийн төвд *******ийн 4 дэх охин болон 1968 оны 09 дүгээр сарын 03-нд төрсөн нь үнэн болно... гэх тодорхойлолт зэрэг нотлох баримтуудаар тогтоогдож байх тул Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.13-д заасныг баримтлан Б.*******гийн хүсэлтийн шаардлагыг хангаж шийдвэрлэх нь зүйтэй байна.

Хүсэлт гаргагч Б.******* нь 2021 оны 01 дүгээр сарын 14-ний өдрийн 153/ШЗ2021/00131 дугаар шүүгчийн захирамжаар улсын тэмдэгтийн хураамжид 70200 төгрөг төлөхөөс чөлөөлөгдсөн болохыг дурдав.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйлд заасныг удирдлага болгон

ТОГТООХ нь:

1.Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.13-т зааснаар Мянган овогт *******ийн ******* / *******/-г 1968 оны 09 дүгээр сарын 03-ны өдөр төрсөн болохыг тогтоосугай.

2. Иргэний хэрэг шүүхэд хянан шийдвэрлэх тухай хуулийн 58 дугаар зүйлийн 58.3-д зааснаар хүсэлт гаргагч Б.******* нь 2021 оны 01 дүгээр сарын 14-ний өдрийн 153/ШЗ2021/00131 дугаар шүүгчийн захирамжаар улсын тэмдэгтийн хураамжид 70200 төгрөг төлөхөөс чөлөөлөгдсөн болохыг дурдсугай.

3.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-т зааснаар шийдвэр нь танилцуулан сонсгомогц хүчинтэй болох бөгөөд шийдвэр хүчинтэй болсноос хойш 7 хоногийн хугацаа өнгөрмөгц шүүх хуралдаанд оролцсон тал 14 хоногийн дотор шүүхэд хүрэлцэн ирж шийдвэрийг өөрөө гардан авах үүрэгтэй болохыг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар энэ шийдвэрийг зохигч, тэдгээрийн төлөөлөгч буюу өмгөөлөгч эс зөвшөөрвөл шийдвэрийг гардан авснаас хойш 14 хоногийн дотор, Ховд аймгийн Эрүү, Иргэний хэргийн давж заалдах шатны шүүхэд давж заалдах журмаар гомдол гаргах эрхтэйг дурьдсугай

 

 

ДАРГАЛАГЧ, ЕРӨНХИЙ ШҮҮГЧ Ц.ОЮУН-ЭРДЭНЭ