МОНГОЛ УЛСЫН НЭРИЙН ӨМНӨӨС

 

Ховд аймаг дахь сум дундын иргэний хэргийн анхан шатны шүүхийн Ерөнхий шүүгч Ц.Оюун-Эрдэнэ даргалж, тус шүүхийн шүүх хуралдааны танхимд нээлттэй хийсэн шүүх хуралдаанаар

Хүсэлт гаргагч: Ховд аймаг, *******т сум, ******* баг, ******* айлын орон сууц, ******* тоотод оршин суух, ******* дугаарын регистртэй, ******* овогт ******* *******ын хүсэлттэй ажиллаж байсан байдал тогтоолгох тухай нэхэмжлэлийг 2020 оны 12 дугаар сарын 21-ний өдөр хүлээн авч, 2020 оны 12 дугаар сарын 28-ны өдөр иргэний хэрэг үүсгэн хянан хэлэлцэв.

Шүүх хуралдаанд хүсэлт гаргагч Б.*******

Шүүх хуралдааны нарийн бичгийн дарга А.Золзаяа оролцов.

ТОДОРХОЙЛОХ нь:

Хүсэлт гаргагч Б.******* нь шүүхэд гаргасан хүсэлтдээ болон шүүх хуралдаанд гаргасан тайлбартаа: Миний бие 1966 оны 06 дугаар сарын 09-нд ******* аймгийн нэгдсэн төв эмнэлэгт айлын 7 дах охин болон мэндэлсэн. 1974 онд ******* аймгийн 8 жилийн дунд сургуулийн 1 дүгээр ангид элсэн орж 1984 онд 10 дугаар ангиа төгссөн. Улмаар ******* аймгийн 3 дугаар яслид угаагч, үйлчлэгчээр ажиллаж байгаад 1989 онд Ховд аймгийн Багшийн дээд сургуульд элсэн орж суралцсан. 1991 оны 05 дугаар сарын 24-нд гэр бүл болсон. Одоо өндөр насны тэтгэвэрт гарах гэтэл миний орсон гарсан тушаал олдохгүй байгаа тул хохироход хүрээд байна. Иймд намайг 1984 оноос 1989 оныг хүртэл ******* аймгийн 3 дугаар яслид угаагч, үйлчлэгчээр ажиллаж байсан байдлыг тогтоож өгнө үү гэжээ.

Шүүх хуралдаанаар хэрэгт цугларсан нотлох баримтуудыг шинжлэн судлаад

ҮНДЭСЛЭХ нь:

Шүүх хүсэлтийг Иргэний Хэрэг Шүүхэд Хянан Шийдвэрлэх тухай хуулийн *******3 дугаар зүйлийн *******3.1.1-д зааснаар онцгой ажиллагааны журмаар хянан шийдвэрлэх нь зүйтэй гэж үзлээ.

Хүсэлт гаргагч Б.******* нь 1984 оны 01 дүгээр сарын 01-ний өдрөөс 1989 оны 08 дугаар сарын 27-ны өдрийг хүртэл ******* аймгийн 3 дугаар яслид угаагч, үйлчлэгчээр ажиллаж байсан болох нь

******* аймгийн Засаг даргын Тамгын газрын дэргэдэх архивын тасгийн 2020 оны 10 дугаар сарын 27-ны өдрийн 11/1728 дугаартай албан бичиг,

******* аймгийн Эрүүл мэндийн газрын 2020 оны 07 дугаар сарын 29-ний өдрийн 760 дугаартай архивын лавлагаа, хавсралтын хамт

Хүсэлт гаргагчийн 1986 оны 05 дугаар сарын 20-ны өдрийн 141108 дугаартай хөдөлмөрийн дэвтрийн хуулбар,

1984 оны 01 дүгээр сарын 01-ний өдрөөс 1989 оны 01 дүгээр сарын 01-ний өдрийг хүртэл ******* аймгийн 3 дугаар яслид угаагч, үйлчлэгчээр ажиллаж байхдаа авахуулсан гэх тайлбар бүхий гэрэл зураг,

Ажилласан жил, тэтгэврийн даатгалын шимтгэлийг нөхөн тооцох тухай хуульд заасны дагуу 1990 оноос 2000 оныг дуустал хугацаанд ажилласан жил, тэтгэврийн даатгалын шимтгэлийг нөхөн тооцуулсан талаарх 1600002971 дугаартай Баталгаажилтын хуудасны хуулбар,

Гэрч Ч.*******ийн ...Миний бие 1984 оноос 1989 онуудад ******* аймгийн Мөрөн сумын 3 дугаар яслид асрагч, үйлчлэгчээр ажиллаж байсан. Энэ хугацаанд Б.******* нь үйлчлэгч угаагчаар ажиллаж байсан. Бид хамтдаа ажиллаж байсан бөгөөд одоо 3 дугаар ясли нь 6 дугаар цэцэрлэг нэртэй болон өөрчлөгдсөн... гэх тодорхойлолт,

Гэрч Я.гийн ...Миний бие 1984 оноос 1989 онуудад ******* аймгийн Мөрөн сумын 3 дугаар яслид сувилагч, хүмүүжүүлэгч багшаар ажиллаж байсан. Энэ хугацаанд Б.******* нь үйлчлэгч угаагчаар ажиллаж байсан. Бид хамтдаа ажиллаж байсан... гэх тодорхойлолт зэрэг баримтуудаар тогтоогдож байх тул Иргэний хэрэг шүүхэд хянан шийдвэрлэх тухай хуулийн *******5 дугаар зүйлийн *******5.2.6-д заасныг баримтлан Б.*******ын ажиллаж байсан байдлыг тогтоох нь зүйтэй байна.

Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1 дэх хэсэгт зааснаар хүсэлт гаргагчийн улсын тэмдэгтийн хураамжид төлсөн 70200 төгрөгийг улсын орлогод хэвээр үлдээх нь хуульд нийцнэ.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116,118, *******3 дугаар зүйлүүд, *******3.1.1 дэхь хэсэгт заасныг удирдлага болгон

ТОГТООХ нь:

1.Иргэний хэрэг шүүхэд хянан шийдвэрлэх тухай хуулийн *******5 дугаар зүйлийн *******5.2.6-д заасныг баримтлан ******* овогт ******* *******ыг 1984 оны 01 дүгээр сарын 01-ний өдрөөс 1989 оны 08 дугаар сарын 27-ны өдрийг хүртэл ******* аймгийн 3 дугаар яслид угаагч, үйлчлэгчээр ажиллаж байсан болохыг тогтоосугай.

2. Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1 дэх хэсэгт зааснаар хүсэлт гаргагчийн улсын тэмдэгтийн хураамжид төлсөн 70200 төгрөгийг улсын орлогод хэвээр үлдээсүгэй.

3.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар энэ шийдвэрийг зохигч, тэдгээрийн төлөөлөгч буюу өмгөөлөгч эс зөвшөөрвөл шийдвэрийг гардан авснаас хойш 14 хоногийн дотор, Ховд аймгийн Эрүү, Иргэний хэргийн давж заалдах шатны шүүхэд давж заалдах журмаар гомдол гаргах эрхтэйг дурьдсугай.

 

 

 

 

ДАРГАЛАГЧ, ЕРӨНХИЙ ШҮҮГЧ Ц.ОЮУН-ЭРДЭНЭ