Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116 , 118 -д заасныг удирдлага болгон

ТОГТООХ нь:

 1. Гэр бүлийн тухай хуулийн 23 дугаар зүйлийн 23.1-д зааснаар 0000 оны 00 дугаар  сарын 00-ны өдөр төрсөн охин Э.М-н эцэг нь М-г овогт Б-н Ц-н мөн болохыг тогтоосугай.

 2. Гэр бүлийн тухай хуулийн 38 дугаар зүйлийн 38.3-д зааснаар 2015 оны 07 дугаар сарын 15-ны өдөр төрсөн хүү Ц.Х-, 2020 оны 05 дугаар  сарын 08-ны өдөр төрсөн охин Э.М-д нарыг эцэг Б.Ц-р тэжээн тэтгүүлэхээр тэтгэлэг тогтоосугай.

 3. Гэр бүлийн тухай хуулийн 40 дүгээр зүйлийн 40.1.1, 40.1.2-т зааснаар хариуцагч Б.Ц-с сар бүр 11 нас хүртэлх насны хүүхдэд тухайн бүс нутагт тогтоогдсон амьжиргааны доод түвшингийн 50 хувиар, 11-16 нас /суралцаж байгаа бол 18 нас/-тай болтол амьжиргааны доод түвшингийн хэмжээгээр 2015 оны 07 дугаар сарын 15-ны өдөр төрсөн хүү Ц.Х-й /РД:МЛ000000/, 0000 оны 00 дугаар  сарын 00-ны өдөр төрсөн охин Э.М-д /РД:МЛ000000/ нарт тус бүрд хүүхдийн тэтгэлэг гаргуулан тэжээн тэтгүүлсүгэй.

 4. Гэр бүлийн тухай хуулийн 38 дугаар зүйлийн 38.5-д зааснаар хүүхдийн тэтгэлгийг гагцхүү хүүхдийн хэрэгцээнд зарцуулах үүрэгтэй болохыг нэхэмжлэгчид үүрэг болгосугай.

 5. Нэхэмжлэгч дундын эд хөрөнгийн ногдох хэсэгт 6,100,000 төгрөг гаргуулах нэхэмжлэлийн шаардлагаа 4,600,000 төгрөгөөр багасгаж, 1,500,000 төгрөг нэхэмжилснийг хариуцагч 1,500,000 төгрөгийг 2021 оны 10 дугаар сарын 01-ний өдөр төлөхөөр харилцан тохиролцсоныг дурдсугай.

 6. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1, Улсын тэмдэгтийн хураамжийн тухай хуулийн 7 дугаар зүйлийн 7.1.1, 7.1.2-т зааснаар нэхэмжлэгчийн улсын тэмдэгтийн хураамжид урьдчилан төлсөн 182,750 төгрөгийг улсын орлогод хэвээр үлдээж, хариуцагчаас 109,150 төгрөгийг гаргуулан нэхэмжлэгчид олгосугай.

  7. Иргэний хэрэг шүүхэд хянан шийдвэрлэх тухай хуулийн 63 дугаар зүйлийн 63.1.5-т зааснаар хариуцагчийн нэг жилийн хугацаанд төлбөл зохих тэтгэлгийн нийлбэр дүнгээс улсын тэмдэгтийн хураамж тооцож, хариуцагчаас 54,770 төгрөгийг гаргуулан улсын орлогод оруулсугай.

 8. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 120 дугаар зүйлийн 120.2-т зааснаар шийдвэр танилцуулан сонсгомогц хүчинтэй болох бөгөөд шүүхийн шийдвэрийг шүүх хуралдаанд оролцсон зохигч, тэдгээрийн итгэмжлэгдсэн төлөөлөгч, өмгөөлөгч нар нь  шийдвэр бичигдсэнээс хойш 14 хоногийн дотор шүүхэд хүрэлцэн ирж шийдвэрийг өөрөө гардан авахыг мэдэгдсүгэй.

9. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар  шийдвэрийг эс зөвшөөрвөл гардан авснаас хойш 14 хоногийн дотор зохигч тэдгээрийн итгэмжлэгдсэн төлөөлөгч, өмгөөлөгч нар нь Сэлэнгэ аймгийн Эрүү, иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

  

 

                                ДАРГАЛАГЧ, ШҮҮГЧ                       Г.АЛГИРМАА