Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 115.2.2 дахь хэсэг, 116, 118 дугаар зүйлд заасныг удирдлага болгон

 

ТОГТООХ нь:

 

1.Гэр бүлийн тухай хуулийн 26 дугаар зүйлийн 26.5 дахь хэсэгт зааснаар асран хамгаалагч /эх П.М*******/-ийн оролцоо буюу зөвшөөрөлтэйгээр эцэг Ц.Б*******ийг охин Б.Г*******тай долоо хоногт нэг удаа уулзуулж, хүүхдийн амралт, чөлөөт цагийг ая тухтай өнгөрүүлэх, эрүүл мэндэд нь анхаарч амарч сувилуулах буюу эрүүл чийрэг өсгөн бойжуулах үүргийг нь эцэг Ц.Б*******өөр хэрэгжүүлэхээр тогтоосугай. 

2.Гэр бүлийн тухай хуулийн 40 дүгээр зүйлийн 40.1.1, 40.1.2-т зааснаар 2018 оны 02 дугаар сарын 01-ний өдөр төрсөн охин Б.Г*******д 11 нас хүртэл тухайн бүс нутагт тогтоосон амьжиргааны доод түвшингийн 50 хувиар, 11-16 нас хүртэл /суралцаж байгаа бол 18 нас хүртэл/ амьжиргааны доод түвшингийн хэмжээгээр тэтгэлэг тогтоож, сар бүр эцэг Ц.Б*******өөр тэжээн тэтгүүлсүгэй.

     3.Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1 дэх хэсэг, 60 дугаар зүйлийн 60.1 дэх хэсэг, Улсын тэмдэгтийн хураамжийн тухай хуулийн 7 дугаар зүйлийн 7.1.2 дахь хэсэгт заасныг баримтлан нэхэмжлэгчийн  улсын тэмдэгтийн хураамжид төлсөн 70,200 төгрөг, хариуцагчийн тэмдэгтийн хураамжид төлсөн 37,030 төгрөгийг тус тус улсын орлогод хэвээр үлдээж, хариуцагч П.М*******эс тэмдэгтийн хураамжид 70,200 төгрөгийг гаргуулж, нэхэмжлэгч Ц.Б*******өд, нэхэмжлэгч Ц.Б*******өөс тэмдэгтийн хураамж 37,030 төгрөгийг гаргуулж, хариуцагч П.М*******д тус тус олгосугай.

    4.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч, гуравдагч этгээд, тэдгээрийн төлөөлөгч буюу өмгөөлөгч нь шийдвэрийг эс зөвшөөрвөл гардаж авсан өдрөөс хойш 14 хоногийн дотор Нийслэлийн иргэний хэргийн давж заалдах шатны шүүхэд гомдол гаргах эрхтэйг дурдсугай.

 

 

                    ДАРГАЛАГЧ, ШҮҮГЧ                         З.БАЯРМАА