МОНГОЛ УЛСЫН НЭРИЙН ӨМНӨӨС

 

Орхон аймаг дахь Сум дундын эрүүгийн хэргийн анхан шатны шүүхийн шүүх хуралдааныг шүүгч Ж.Байгалмаа даргалж

 

Улсын яллагч Ц.Идэрмөнх

Шүүгдэгч Б.Мөнхбат

Шүүх хуралдааны нарийн бичгийн дарга Н.Хулан нарыг оролцуулан тус шүүхийн хурлын танхимд нээлттэй хийсэн шүүх хуралдаанаар

 

Орхон аймгийн Прокурорын газраас Эрүүгийн хуулийн тусгай ангийн 99 дүгээр зүйлийн 99.1-д зааснаар яллагдагчаар татах тогтоол үйлдэж ирүүлсэн Б.Мөнхбатад холбогдох эрүүгийн 201714000203 дугаартай хэргийг хянан хэлэлцэв.

 

Биеийн байцаалт: Монгол улсын иргэн, 1995 оны 06 дугаар сарын 11-ний өдөр Булган аймгийн Баян-Агт суманд төрсөн, эрэгтэй, 21 настай, бүрэн дунд боловсролтой, мэргэжилгүй, ШУТИС-ийн харьяа технологийн сургуулийн цахилгааны 3 дамжаанд сурдаг, ам бүл 5 аав, ээж, дүү нарын хамт Орхон аймгийн Баян-Өндөр сумын Оюут баг Технологийн сургуулийн дотуур байр 401 тоотод оршин суух хаягтай, гавьяа шагналгүй, ял шийтгэлгүй, бие эрүүл гэх Чонос овогт Болор-Эрдэнийн Мөнхбат /РД: ГА95061115/

 

Шүүгдэгч Б.Мөнхбат нь 2017 оны 04 дүгээр сарын 02-ны өдөр Орхон аймаг Баян-Өндөр сумын Оюут багийн нутаг дэвсгэрт байрлах ШУТИС-ийн харьяа Технологийн сургуулийн дотуур байрны 401 тоот өрөөнд оюутан Б.Марал-Эрдэнэтэй маргалдаж улмаар биед нь хөнгөн гэмтэл санаатай учруулсан  гэмт хэрэгт холбогджээ.

 

ТОДОРХОЙЛОХ НЬ:

 

Шүүх хуралдааны хэлэлцүүлэгт дараахь нотлох баримтуудыг шинжлэн судлав. Үүнд:

 

-Шүүгдэгч Б.Мөнхбатын шүүхийн хэлэлцүүлэгт өгсөн: Мөрдөн байцаалтын шатанд үнэн зөв мэдүүлэг өгсөн. Өрөөгөө цэвэрлэхээс болж маргалдсан. Хохирогч Марал-Эрдэнийн хамар руу 2 удаа цохисон. Хавсарч унагааж цохисон. Хохиролд 100.000 төгрөг төлсөн. Хохирогчийн зүгээс буруутай зүйл байхгүй. Энэ хэргийн хувьд маргах зүйлгүй. Хийсэн хэрэгтээ маш их гэмшиж байна. Дахиж ийм байдал гаргахгүй гэсэн мэдүүлэг,

 

-Хохирогч Б.Марал-Эрдэнийн мөрдөн байцаалтын шатанд өгсөн: ...2017 оны 04 дүгээр сарын 02-ны өдөр би Булган аймгаас оюутны дотуур байрандаа ирээд өрөөндөө байж байтал гаднаас Мөнхбат орж ирээд чи өнөөдөр шал угаах ээлжтэй юм байна өрөөгөө угаа гэж хэлэхэд нь би босоод шалаа угааж байтал намайг хогоо шүүрдэж байгаад угаа гэсэн. Тухайн үед хогийн шүүр байхгүй байсан учир би гараад өөр өрөөнүүдээс хогийн шүүр асуутал олдоогүй. Буцаж ороод шүүр олдсонгүй ингээд угаачихъя гэхэд Мөнхбат би чамайг шүүрдээд угаа гэж хэлээд байгаа юм бишүү гэж хэлээд намайг 4-5 удаа нүүр лүү минь цохисон. Би өрөөнөөс зуггаж гартал араас ирээд хавирч унгаагаад толгой руу нэг удаа өшиглөсөн. Дахин өшиглөх гэхэд нь би гараараа хааж амжсан юм. Би зодуулсаны дараа хамаатны ах эгч хоёртоо утсаар хэлж дуудсан. Тэр хоёр удалгүй ирээд Мөнхбаттай уулзтал та нар цагдаа дагуулаад ир чамайг дахиад зодно гэж над руу дайрсан. Тэгээд би аавыгаа дуудаж удалгүй аав ирээд цагдаа дуудсан гэсэн мэдүүлэг /хх 14 ху/,

 

-Шүүхийн шинжилгээний үндэсний хүрээлэнгийн 325 дугаартай дүгнэлтэнд:

1. Б.Марал-Эрдэнийн биед хамрын таславчийн муруйлт, баруун шуунд цус хуралт үүсчээ.

2. Дээрх гэмтэл нь хатуу зүйлийн, тус бүрдээ нэг нэг удаагийн, шууд чиглэлийн үйлчлэлээр үүсгэгдэх боломжтой. Шинэ гэмтэл ба 2017.04.02-ны өдөр үүссэн байхыг үгүйсгэхгүй.

3. Эрүүл мэндийг түр хугацаагаар сарниулна.

4. Хамрын таславчийн муруйлт нь гэмтлийн зэргийн зааврын 2.4.1-д зааснаар гэмтлийн хөнгөн зэрэгт хамаарагдана. Баруун шуунд цус хуралт нь гэмтлийн зэргийн зааврын 2.4.6-д зааснаар гэмтлийн зэрэгт хамаарагдахгүй.

5. Энгийн хөдөлмөрийн чадварын тогтонги алдалтанд нөлөөлөхгүй гэсэн дүгнэлт /хх 16 ху/,

 

-Б.Мөнхбатын сэжигтнээр тооцох тогтоол, сэжигтнээр байцаасан тэмдэглэл, яллагдагчаар татах тогтоол, яллагдагчаар байцаасан тэмдэглэл /хх 21-22, 25-27 ху/

              -Ял шийтгэгдсэн эсэхийг шалгах хуудас /хх 29 ху/

              -Хохирол төлсөн тухай баримт /хх 35 ху/ зэрэг болно.

 

Шүүхийн хэлэлцүүлгийн үед шинжилсэн нотлох баримтууд нь энэ хэрэгт хамааралтай, хуульд заасан журмаар цугларсан, хэрэг хянан шийдвэрлэхэд хангалттай байна гэж үзэв.

 

            Шүүгдэгч Б.Мөнхбат нь 2017 оны 04 дүгээр сарын 02-ны өдөр Орхон аймаг Баян-Өндөр сумын Оюут багийн нутаг дэвсгэрт байрлах ШУТИС-ийн харьяа Технологийн сургуулийн дотуур байрны 401 тоот өрөөнд оюутан Б.Марал-Эрдэнэтэй маргалдаж улмаар биед нь хөнгөн гэмтэл санаатай учруулсан гэмт хэргийг үйлдсэн болох нь шүүхийн хэлэлцүүлэгт шүүгдэгчийн үйлдсэн хэргээ хүлээн мэдүүлсэн мэдүүлэг, мөрдөн байцаалтын шатанд өгсөн хохирогч Б.Марал-Эрдэнийн “...Буцаж ороод шүүр олдсонгүй ингээд угаачихъя гэхэд Мөнхбат би чамайг шүүрдээд угаа гэж хэлээд байгаа юм бишүү гэж хэлээд намайг 4-5 удаа нүүр лүү минь цохьсон. Би өрөөнөөс зуггаж гартал араас ирээд хавирч унгаагаад толгой руу нэг удаа өшиглөсөн” /хх 14 ху/ гэсэн мэдүүлэг, хохирогчийн биед хамрын таславчийн муруйлт, баруун шуунд цус хуралт гэмтэл үүссэнийг тогтоосон 325 дугаартай шинжээчийн дүгнэлт, ял шийтгэлийг шалгах хуудас болон хэрэгт цугларч шүүхийн хэлэлцүүлэгт шинжлэн судлагдсан нотлох баримтуудаар хангалттай нотлогдон тогтоогдож байна.

 

                     Шүүгдэгч Б.Мөнхбатад холбогдох хэргийн зүйлчлэл зөв, шүүхээс түүнийг бусдын биед хөнгөн гэмтэл санаатай учруулсан гэмт хэргийг үйлдсэн гэм буруутайд тооцож, эрүүгийн хариуцлага хүлээлгэх үндэслэлтэй гэж дүгнэв.

            Шүүгдэгч нь анх удаа хөнгөн гэмт хэрэг үйлдсэн, үйлдсэн хэрэгтээ чин санаанаасаа гэмшиж байгаа, хохирол төлбөргүй, мөн уг хэргийн хохирогч Б.Марал-Эрдэнэ нь шүүгдэгчтэй сайн дураараа эвлэрсэн болох нь хохирогчийн шүүхэд ирүүлсэн тодорхойлолт зэргээр тогтоогдож байх тул Б.Мөнхбатад холбогдох хэргийг хэрэгсэхгүй болгож шийдвэрлэх нь зүйтэй байна.

Хохирогч нь гомдол саналгүй, нэхэмжлэх зүйлгүй гэж байх тул энэ шүүх хуралдаанаар хэлэлцэх хохирол төлбөргүй байна.

Энэ хэрэгт эд мөрийн баримтаар хураагдсан зүйлгүй, битүүмжилсэн хөрөнгөгүй, шүүгдэгч нь цагдан хоригдоогүй, түүний иргэний бичиг баримт шүүхэд ирээгүй болно.