МОНГОЛ УЛСЫН НЭРИЙН ӨМНӨӨС

 

Ховд аймаг дахь Захиргааны хэргийн анхан шатны шүүхийн шүүх хуралдааныг Ерөнхий шүүгч Г.Сонинболор даргалж тус шүүхийн шүүх хуралдааны танхимд нээлттэй хийсэн шүүх хуралдаанаар

Нэхэмжлэгч: Ховд аймгийн П газрын  Т.Ж-ийн дүгнэлттэй,

Хариуцагч: Ховд аймгийн Т хэлтсийн  улсын байцаагч Ц.Б , Н.Н нарт холбогдох,

Нэхэмжлэлийн шаардлага: “Ховд аймгийн Т хэлтсийн  2017 оны 12 дугаар сарын 15-ны өдрийн №162201716 дугаартай шийтгэлийн хуудасны 1 дэх заалтын “... Зөрчлийн тухай хуулийн 11.19 дүгээр зүйлийн 1,4 дэх хэсэгт...” гэснийг “...Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 4 дэх хэсэгт” гэж өөрчлүүлэх”-ийг хүссэн нэхэмжлэлийн шаардлагатай захиргааны хэргийг хянан хэлэлцэв.

Шүүх хуралдаанд: Ховд аймгийн П газрын  Т.Ж , шүүх хуралдааны нарийн бичгийн дарга Ц.Энхтуяа оролцов.

ТОДОРХОЙЛОХ нь

Ховд аймгийн П газрын Т.Ж  2018 оны 2 дугаар сарын 21-ний өдрийн 06 дугаар дүгнэлтдээ: Ховд аймгийн П газрын  Т.Ж  би, Ховд аймгийн Т хэлтсийн  Ц.Б , Н.Н нар нь 2086816 регистрийн дугаартай “Дүүрэн итгэл” ХХК нь 2013 онд 1,260,000.00 төгрөгийг нэмэгдсэн өртгийн албан татварын ногдуулалт, төлөлтийн тайланд тусгаагүй, татвар ногдуулж төлөөгүй нь Татварын Ерөнхий хуулийн 18 дугаар зүйлийн 18.1 дэх заалт, 18.1.1, 18.1.14 хэд хэсгийг, Нэмэгдсэн өртгийн албан татварын татварын тухай хуулийн 4.1.10 дахь хэсэг, Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 3 дахь хэсгийг зөрчсөн нь тухайн байгууллагын санхүү, татварын тайлан, санхүүгийн анхан шатны баримтуудаар нотлогдож байна гэх үндэслэлээр 2017 оны 12 дугаар сарын 15-ны өдрийн 162201716 дугаартай шийтгэлийн хуудсаар 1,260,000.00 төгрөгийн зөрчилд 126,000.00 төгрөгийн нөхөн татвар, 37,800.00 төгрөгийн торгууль, 63,000.00 төгрөгийн алданги, нийт 228,600.00 төгрөгийн төлбөр ногдуулах шийтгэл оногдуулж шийдвэрлэжээ.

Дээрх зөрчилд шийтгэлийн хуудсаар шийтгэл оногдуулахдаа шийдвэрлэх нь хэсгийн 1 дэх хэсэгт Зөрчлийн тухай хуулийн 11.19 дүгээр зүйлийн 3 дахь хэсэгт зааснаар гэж хуульд байхгүй зүйл, заалтаар шийтгэл оногдуулсан нь зөрчлийн бодит байдалтай нийцэхгүй Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 3 дахь хэсэгт зааснаар гэж өөрчлөх үндэслэлтэй байх тул Монгол Улсын Зөрчил шалган шийдвэрлэх тухай хуулийн 7.2 дугаар зүйлийн 8 дахь хэсгийг удирдлага болгон татварын улсын байцаагч Ц.Б , Н.Н нарын 2017 оны 12 дугаар сарын 15-ны өдрийн №162201716 дугаартай шийтгэлийн хуудасны 1 дэх заалтын “... Зөрчлийн тухай хуулийн 11.19 дүгээр зүйлийн 1,4 дэх хэсэгт...” гэснийг “...Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 4 дэх хэсэгт” гэж өөрчлүүлэхээр прокурорын дүгнэлт бичив гэжээ.

 

Ховд аймгийн Т хэлтсийн  Ц.Б , Н.Н нар нь шүүхэд гаргасан тайлбартаа: Ховд аймгийн Т хэлтсийн 2017 оны хяналт шалгалт хийх ерөнхий удирдамж, 16170600118 тоот томилолтын дагуу Ховд аймагт үйл ажиллагаа эрхэлдэг 2086816 тоот регистрийн дугаартай “Дүүрэн итгэл” хязгаарлагдмал хариуцлагатай компаний 2012-2016 оны санхүү, татварын анхан шатны баримт татвар төлөлтийн байдалд Ховд аймгийн Т хэлтсийн хяналт шалгалтын тасгийн улсын байцаагч Ц.Б , Н.Н нар нь хяналт шалгалт хийж, 2017 оны 12 дугаар сарын 15-ны өдрийн 162201716 дугаартай шийтгэлийн хуудсаар 1,260,000.00 төгрөгийн зөрчилд 126,000.00 төгрөгийн нөхөн татвар, 37,800.00 төгрөгийн торгууль, 63,000.00 төгрөгийн алданги, нийт 228,600.00 төгрөгийн төлбөр ногдуулах шийтгэл оногдуулж шийдвэрлэсэн.

Дээрх зөрчилд шийтгэлийн хуудсаар шийтгэл оногдуулахдаа шийдвэрлэх нь хэсгийн 1 дэх хэсэгт Зөрчлийн тухай хуулийн 11.19 дүгээр зүйлийн 1,4 дэх хэсэгт зааснаар гэж хуулийн зүйл, заалтыг бичихдээ цэг, таслалын алдаа гаргасан байна.

Иймд Ховд аймгийн П газрын 2018 оны 02 дугаар сарын 21-ний өдрийн 06 дугаар дүгнэлтэд заасан Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 4 дэх хэсэгт гэж өөрчлүүлэхээр прокурорын дүгнэлтийг хүлээн зөвшөөрч байна гэжээ.

 

Ховд аймгийн П газрын  Т.Ж  шүүх хуралдаанд тайлбарлахдаа: Ховд аймгийн Т хэлтсийн т Ц.Б , Н.Н нар нь 2086816 регистрийн дугаартай “Дүүрэн итгэл” ХХК-нийн 2012-2016 оны санхүү, татварын анхан шатны баримт татвар төлөлтийн байдалд хийгдсэн хяналт шалгалтаар 2013 онд 1,260,000.00 төгрөгийг нэмэгдсэн өртгийн албан татварын ногдуулалт, төлөлтийн тайланд тусгаагүй, татвар ногдуулж төлөөгүй гэх зөрчил илэрсэн байна. Энэ нь Татварын Ерөнхий хуулийн 18 дугаар зүйлийн 18.1 дэх заалт, 18.1.1, 18.1.14 хэд хэсгийг, Нэмэгдсэн өртгийн албан татварын татварын тухай хуулийн 4.1.10 дахь хэсэг, Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 3 дахь хэсгийг зөрчсөн нь тухайн байгууллагын санхүү, татварын тайлан, санхүүгийн анхан шатны баримтуудаар нотлогдож байна гэх үндэслэлээр 2017 оны 12 дугаар сарын 15-ны өдрийн 162201716 дугаартай шийтгэлийн хуудсаар 1,260,000.00 төгрөгийн зөрчилд 126,000.00 төгрөгийн нөхөн татвар, 37,800.00 төгрөгийн торгууль, 63,000.00 төгрөгийн алданги, нийт 228,600.00 төгрөгийн төлбөр ногдуулах шийтгэл оногдуулж шийдвэрлэжээ.

Дээрх зөрчилд шийтгэлийн хуудсаар шийтгэл оногдуулахдаа шийдвэрлэх нь хэсгийн 1 дэх хэсэгт Зөрчлийн тухай хуулийн 11.19 дүгээр зүйлийн 3 дахь хэсэгт зааснаар гэж хуульд байхгүй зүйл, заалтаар шийтгэл оногдуулсан нь зөрчлийн бодит байдалтай нийцэхгүй Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 3 дахь хэсэгт зааснаар гэж өөрчлөх үндэслэлтэй байх тул Монгол Улсын Зөрчил шалган шийдвэрлэх тухай хуулийн 7.2 дугаар зүйлийн 8 дахь хэсгийг удирдлага болгон т улсын байцаагч Ц.Б , Н.Н нарын 2017 оны 12 дугаар сарын 15-ны өдрийн №162201716 дугаартай шийтгэлийн хуудасны 1 дэх заалтын “... Зөрчлийн тухай хуулийн 11.19 дүгээр зүйлийн 1,4 дэх хэсэгт...” гэснийг “...Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 4 дэх хэсэгт” гэж өөрчлүүлэн шийдвэрлэх саналыг гаргаж байна гэв.

ҮНДЭСЛЭХ нь:

   Ховд аймгийн П газрын  Т.Ж-ийн Ховд аймгийн Тхэлтсийн  нарт холбогдуулан ирүүлсэн Ховд аймгийн Т хэлтсийн  2017 оны 12 дугаар сарын 15-ны өдрийн №162201716 дугаартай шийтгэлийн хуудасны 1 дэх заалтын “... Зөрчлийн тухай хуулийн 11.19 дүгээр зүйлийн 1,4 дэх хэсэгт...” гэснийг “...Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 4 дэх хэсэгт” гэж өөрчлүүлэхийг хүссэн прокурорын дүгнэлт ирүүлснийг “... Зөрчлийн тухай хуулийн 11.19 дүгээр зүйлийн 3 дэх хэсэгт...” гэснийг “...Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 4 дэх хэсэгт” гэж өөрчилж шийдвэрлэх нь зүйтэй гэж дүгнэв.

 Учир нь, зөрчлийн материалд авагдсан Ховд аймгийн Т хэлтсийн 2017 оны 12 дугаар сарын 15-ны өдрийн №162201716 дугаартай шийтгэлийн хуудасны 1 дэх заалтад “... Зөрчлийн тухай хуулийн 11.19 дүгээр зүйлийн 3 дэх хэсэгт...” гэж хуульд байхгүй зүйл, заалтыг баримталж, нийт 228,600.00 төгрөгийн төлбөр ногдуулах шийтгэл оногдуулж шийдвэрлэжээ.

 Ховд аймгийн П газраас “... Зөрчлийн тухай хуулийн 11.19 дүгээр зүйлийн 1,4 дэх хэсэгт...” гэснийг “...Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 4 дэх хэсэгт” гэж өөрчлүүлэхээр дүгнэлт ирүүлснийг хэрэг хянан шийдвэрлэх ажиллагааны явцад Ховд аймгийн Татварын хэлтсийн татварын улсын байцаагч нар нь хүлээн зөвшөөрч, тайлбараа шүүхэд бичгээр гаргахдаа мөн “... Зөрчлийн тухай хуулийн 11.19 дүгээр зүйлийн 1,4 дэх хэсэгт...” гэснийг “...Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 4 дэх хэсэгт” гэж өөрчлүүлэх гэж гаргасан байна.

Иймд Ховд аймгийн Т хэлтсийн  2017 оны 12 дугаар сарын 15-ны өдрийн №162201716 дугаартай шийтгэлийн хуудасны 1 дэх заалтын “... Зөрчлийн тухай хуулийн 11.19 дүгээр зүйлийн 3 дэх хэсэгт...” гэснийг “...Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 4 дэх хэсэгт” гэж өөрчилж шийдвэрлэх нь зүйтэй байна.

Захиргааны хэрэг шүүхэд хянан шийдвэрлэх тухай хуулийн 106 дугаар зүйлийн 106.3, 106.3.1, 106.3.12, 107 дугаар зүйлийн 107.5-д заасныг тус тус удирдлага болгон

ТОГТООХ нь:

1.Зөрчил шалган шийдвэрлэх тухай хуулийн 2.1 дүгээр зүйлийн 2 дахь хэсэгт заасныг баримтлан Ховд аймгийн Т хэлтсийн  2017 оны 12 дугаар сарын 15-ны өдрийн №162201716 дугаартай шийтгэлийн хуудасны 1 дэх заалтын “... Зөрчлийн тухай хуулийн 11.19 дүгээр зүйлийн 3 дэх хэсэгт...” гэснийг “...Зөрчлийн тухай хуулийн 11.19 дүгээр зүйлийн 1 дэх хэсгийн 1.1, 1.2 дахь заалт, 4 дэх хэсэгт”  гэж өөрчилсүгэй.

2.Улсын тэмдэгтийн хураамжийн тухай хуулийн 41 дүгээр зүйлийн 41.1.4-т зааснаар нэхэмжлэгч нь улсын тэмдэгтийн хураамж төлөөгүй болохыг дурдсугай.

3.Захиргааны хэрэг шүүхэд хянан шийдвэрлэх тухай хуулийн 113 дугаар зүйлийн 113.1 дэх хэсэгт зааснаар шүүхийн шийдвэрийг гардан авснаас хойш 5 хоногийн дотор давж заалдах журмаар  гомдол гаргах эрхтэй.

 

 

ДАРГАЛАГЧ, ЕРӨНХИЙ ШҮҮГЧ                                    Г.СОНИНБОЛОР