МОНГОЛ УЛСЫН НЭРИЙН ӨМНӨӨС

 

Баянгол дүүргийн Иргэний хэргийн анхан шатны шүүхийн шүүгч Х.Энхзаяа даргалж, тус шүүхийн шүүх хуралдааны танхимд хийсэн шүүх хуралдаанаар:

 

Хүсэлт гаргагч: Б дүүрэг, дугаар хороо,  дугаар хороолол,  дүгээр байр,  тоотод оршин суух, Б овогт Ц Э /РД: /-ийн хүсэлттэй,

 

Ажиллаж байсан байдал тогтоолгох тухай хэргийг хянан хэлэлцэв.

 

Шүүх хуралдаанд: шүүх хуралдааны нарийн бичгийн дарга Б.Баяржаргал оролцов.

 

                                                                                                      ТОДОРХОЙЛОХ нь:

 

Нэхэмжлэгч Ц.Э  шүүхэд гаргасан нэхэмжлэлдээ:

Ц.Э  миний бие 1985 оны 9 дүгээр сарын 24-ний өдрөөс Нийтийн аж ахуйн үйлчилгээний яаманд бичээчийн албан тушаалд ажиллаж эхэлсэн. 1990 оны 4 дүгээр сард Нийтийн аж ахуйг үйлчилгээний яам татан буугдсан. Хөдөлмөрийн дэвтэрт ажилд томилсон , ажлаас чөлөөлсөн тушаал бичигдсэн боловч Улсын төв архивын газраас шүүлгэхэд ажлаас чөлөөлсөн тушаал олдоогүй. Тэтгэвэр тогтоолгоход халагдсан тушаал хэрэгтэй байна.

Иймд намайг 1985 оны 9 дүгээр сарын 24-ний өдрөөс 1990 оны 4 дүгээр сарын 16-ны өдрийг хүртэл Нийтийн аж ахуйн, үйлчилгээний яаманд бичээчээр ажиллаж байсан 4 жил сарын хугацааг тогтоож өгнө үү гэжээ.

 

Нэхэмжлэгч Ц.Э  шүүх хуралдаанд ирүүлсэн хүсэлтдээ:

2021 оны 9 дүгээр сарын 03-ны өдөр товлогдсон шүүх хуралдааныг Ц.Э миний эзгүйд шийдвэрлэж өгнө үү гэжээ.

 

Шүүх хуралдаанаар: хүсэлт гаргагчийн шүүхэд гаргасан хүсэлт болон шүүх хэлэлцэгдсэн бичгийн нотлох баримтуудыг шинжлэн судлаад:             

                                                                                                    

    ҮНДЭСЛЭХ нь:

 

            Хүсэлт гаргагч Ц.Э  нь 1993 оны 6 дугаар сарын 25-ны өдрөөс 2008 оны 12 дугаар сарын 30-ны өдрийг хүртэл хугацаанд Э  ХХК-д шатахууны жолоочоор ажиллаж байсныг тогтоолгохыг хүссэн хүсэлтийг шүүхэд гаргажээ.

            

Хүсэлт гаргагчийн ажиллаж байсан байдлаа тогтоолгох тухай хүсэлтийг шүүх онцгой ажиллагааны журмаар хянан шийдвэрлэх үндэслэлтэй байна.

           

Хүсэлт гаргагч Ц.Э  нь 1985 оны 9 дүгээр сарын 24-ний өдрөөс 1990 оны 4 дүгээр сарын 16-ны өдрийг хүртэл Нийтийн аж ахуйн, үйлчилгээний яаманд бичээчээр ажиллаж байсан болох нь гэрч Ш.С н тодорхойлолт, 1984 оны 9 дүгээр сарын 20-ны өдөр олгосон 06  дугаар хөдөлмөрийн дэвтэр, Нийтийн аж ахуй, үйлчилгээний яамны сайдын 1985 оны 9 дүгээр сарын 30-ны өдрийн Б-65 дугаар тушаал, Нийтийн аж ахуй, үйлчилгээний яамны сайдын 1986 оны 1 дүгээр сарын 13-ны өдрийн Б-1 дугаар тушаал, Нийтийн аж ахуй, үйлчилгээний яамны сайдын 1988 оны 8 дугаар сарын 16-ны өдрийн Б-80 тушаал, 1986 оны 7 дугаар сарын 10-ны өдрийн Нийтийн аж ахуй, үйлчилгээний яамны сайшаалын үнэмлэх, 1986 оны 12 дугаар сарын 27-ны өдрийн Нийтийн аж ахуй, үйлчилгээний яамны сайшаалын үнэмлэх, гэрэл зураг зэрэг хэрэгт авагдсан бичгийн баримтууд болон хүсэлт гаргагчийн тайлбараар тогтоогдож байна. 

 

Иймд хүсэлт гаргагч Ц.Э н 1985 оны 9 дүгээр сарын 24-ний өдрөөс 1990 оны 4 дүгээр сарын 16-ны өдрийг хүртэл Нийтийн аж ахуйн, үйлчилгээний яаманд бичээчээр ажиллаж байсан байдлыг тогтоолгохыг хүссэн хүсэлт-ийг хангах үндэслэлтэй гэж дүгнэлээ.

 

Иргэний хэрэг шүүхэд хянан шийдвэрлэх тухай хуулийн 100 дугаар зүйлийн 100.1-д зааснаар нэхэмжлэгчийн итгэмжлэгдсэн төлөөлөгчийн хүсэлтийг үндэслэн нэхэмжлэгчийн эзгүйд хэргийг хянан шийдвэрлэв.

 

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дүгээр зүйл, 133 дугаар зүйлийн 133.1.1 дэх хэсэгт заасныг удирдлага болгон    

 

ТОГТООХ нь:

 

1.Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6 дахь хэсэгт зааснаар хүсэлт гаргагч Бэсүд овогт Ц Э  /РД: /-г 1985 оны 9 дүгээр сарын 24-ний өдрөөс 1990 оны 4 дүгээр сарын 16-ны өдрийг хүртэл Нийтийн аж ахуйн, үйлчилгээний яаманд бичээчээр ажиллаж байсныг тогтоосугай.

 

2.Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1 дэх зааснаар хүсэлт гаргагчаас тэмдэгтийн хураамжид төлсөн 70,200 төгрөгийг улсын төсвийн орлогод хэвээр үлдээсүгэй.

 

3.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4, 119.7, 120 дугаар зүйлийн  120.2 дахь хэсэгт зааснаар нэхэмжлэгч нь  шийдвэрийг гардан аваагүй нь гомдол гарсан хугацааг хуулинд заасан журмын дагуу тоолоход саад болохгүй ба шүүхийн шийдвэрийг гардан авснаас хойш 14 хоногийн дотор Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

   

 

 

                         ДАРГАЛАГЧ, ШҮҮГЧ                               Х.ЭНХЗАЯА