МОНГОЛ УЛСЫН НЭРИЙН ӨМНӨӨС

 

Баянгол дүүргийн Иргэний хэргийн анхан шатны шүүхийн шүүгч Х.Энхзаяа даргалж, тус шүүхийн шүүх хуралдааны танхимд хийсэн шүүх хуралдаанаар:

 

Хүсэлт гаргагч: Б дүүрэг, дугаар хороо, 1  дугаар хороолол,   байр,   тоотод оршин суух, З овогт Г  У  /РД: /-ийн нэхэмжлэлтэй,

 

Ажиллаж байсан байдал тогтоолгох тухай хэргийг хянан хэлэлцэв.

 

Шүүх хуралдаанд: шүүх хуралдааны нарийн бичгийн дарга Б.Болд-Эрдэнэ оролцов.

 

                                                                                                          ТОДОРХОЙЛОХ нь:

 

Хүсэлт гаргагч Г.У  шүүхэд гаргасан нэхэмжлэлдээ:

Г.У  миний бие 1984 оны 12 дугаар сарын 25-ны өдрөөс 1990 оны 3 дугаар сарын 16-ны өдөр хүртэл Нийтийн аж ахуйн үйлчилгээний газрын харъяа Ахуйн үйлчилгээний комбинатад химийн индүүчнээр ажилласан. Хөдөлмөрийн дэвтэрт ажилд томилсон, чөлөөлсөн тушаал бичигдсэн, Нийтийн ахуйн үйлчилгээний комбинатад ажиллаж байсан баримт, ажилд орсон, ажлаас чөлөөлөгдсөн тушаалыг У  аймгийн архиваас шүүлгэхэд олдоогүй. Тэтгэвэр тогтоолгох гэхэд хөдөлмөрийн дэвтрээс өөр баримтгүй шалтгаанаар буцаагдсан.

Иймд намайг 1984 оны 12 дугаар сарын 25-ны өдрөөс 1990 оны 3 дугаар сарын 16-ны өдөр хүртэл Нийтийн ахуйн үйлчилгээний комбинатад химийн индүүчнээр ажиллаж байсан 5 жил 3 сарын хугацааг тогтоож өгнө үү гэжээ.

 

Шүүх хуралдаанаар: хүсэлт гаргагчийн шүүхэд гаргасан хүсэлт болон шүүх хэлэлцэгдсэн бичгийн нотлох баримтуудыг шинжлэн судлаад:             

                                                                                                    

    ҮНДЭСЛЭХ нь:

 

            Хүсэлт гаргагч Г.У  нь 1984 оны 12 дугаар сарын 25-ны өдрөөс 1990 оны 3 дугаар сарын 16-ны өдөр хүртэл хугацаанд Нийтийн аж ахуйн үйлчилгээний газрын харъяа Ахуйн үйлчилгээний комбинатад химийн индүүчнээр ажиллаж байсныг тогтоолгохыг хүссэн хүсэлтийг шүүхэд гаргажээ.

            

Хүсэлт гаргагчийн ажиллаж байсан байдлаа тогтоолгох тухай хүсэлтийг шүүх онцгой ажиллагааны журмаар хянан шийдвэрлэх үндэслэлтэй байна.

           

Хүсэлт гаргагч Г.У  нь 1984 оны 12 дугаар сарын 25-ны өдрөөс 1990 оны 3 дугаар сарын 16-ны өдөр хүртэл хугацаанд Нийтийн аж ахуйн үйлчилгээний газрын харъяа Ахуйн үйлчилгээний комбинатад химийн индүүчнээр ажиллаж байсан болох нь гэрч Ж.Я , Ч.Ү  нарын тодорхойлолт, Г.Уранчимэгийн 296904 дугаар хөдөлмөрийн дэвтэр зэрэг хэрэг авагдсан бичгийн баримтууд болон хүсэлт гаргагчийн тайлбараар тогтоогдож байна. 

 

Иймд хүсэлт гаргагч Г.У йн 1984 оны 12 дугаар сарын 25-ны өдрөөс 1990 оны 3 дугаар сарын 16-ны өдөр хүртэл хугацаанд Нийтийн аж ахуйн үйлчилгээний газрын харъяа Ахуйн үйлчилгээний комбинатад химийн индүүчнээр ажиллаж байсан байдлыг тогтоолгохыг хүссэн хүсэлт-ийг хангах үндэслэлтэй гэж дүгнэлээ.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дүгээр зүйл, 133 дугаар зүйлийн 133.1.1 дэх хэсэгт заасныг удирдлага болгон    

ТОГТООХ нь:

 

1.Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6 дахь хэсэгт зааснаар хүсэлт гаргагч Засгууд овогт Г У /РД: /-г 1984 оны 12 дугаар сарын 25-ны өдрөөс 1990 оны 3 дугаар сарын 16-ны өдөр хүртэл хугацаанд Нийтийн аж ахуйн үйлчилгээний газрын харъяа Ахуйн үйлчилгээний комбинатад химийн индүүчнээр ажиллаж байсныг тогтоосугай.

 

2.Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1 дэх зааснаар хүсэлт гаргагчаас тэмдэгтийн хураамжид төлсөн 70,200 төгрөгийг улсын төсвийн орлогод хэвээр үлдээсүгэй.

 

3.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4, 119.7, 120 дугаар зүйлийн  120.2 дахь хэсэгт зааснаар нэхэмжлэгч нь  шийдвэрийг гардан аваагүй нь гомдол гарсан хугацааг хуулинд заасан журмын дагуу тоолоход саад болохгүй ба шүүхийн шийдвэрийг гардан авснаас хойш 14 хоногийн дотор Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

   

 

 

                         ДАРГАЛАГЧ, ШҮҮГЧ                               Х.ЭНХЗАЯА