МОНГОЛ УЛСЫН НЭРИЙН ӨМНӨӨС

Дорноговь аймгийн Замын-Үүд сум дахь сум дундын шүүхийн эрүүгийн хэргийн шүүх хуралдааныг шүүгч Э.Болормаа даргалж,

Нарийн бичгийн дарга  М.Э                                                          

Улсын яллагч Д.З 

Насанд хүрээгүй хохирогчийн хууль ёсны төлөөлөгч Х.О 

Шүүгдэгч Б.И  нарыг оролцуулан тус шүүхийн хуралдааны 1 дүгээр танхимд нээлттэй хийсэн шүүх хуралдаанаар

Дорноговь аймгийн Замын-Үүд сум дахь сум дундын прокурорын газрын хяналтын прокуророос Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар яллах дүгнэлт үйлдэж ирүүлсэн С  овогт Б.И-д холбогдох эрүүгийн 242.0000.0000.88 дугаартай хэргийг 2024 оны 05 дугаар сарын 04-ний өдөр хүлээн авч хэлэлцэв.

 Шүүгдэгч: Монгол улсын иргэн,    оны 0  дугаар сарын   -ны өдөр Дорноговь аймгийн      суманд төрсөн, 30 настай, эрэгтэй, яс үндэс халх, дээд боловсролтой, холбооны инженер мэргэжилтэй, Улаанбаатар төмөр замын дохиолол холбооны      дугаар ангид холбооны инженер ажилтай, ам бүл 6, эхнэр, 4 хүүхдийн хамт Дорноговь аймгийн   сум  р баг            тоотод оршин суух, урьд ял шийтгэлгүй, С  овогт Б.И   /РД:  /

Холбогдсон хэргийн талаар:

Шүүгдэгч Б.И  нь 2024 оны 04 сарын 19-ний өдөр Дорноговь аймгийн ... сумын   баг Төмөр замын 24 айлын 24 тоотод насанд хүрээгүй Б.С-г “хулгай хийлээ” гэх шалтгааны улмаас түүний нүүр, толгойн тус газарт нь гараараа цохиж газарт унаган монгол гутлын сураар нууруу руу нь ороолгосны улмаас  баруун хөмсөгний гадна булангийн шарх гэмтэл бүхий эрүүл мэндэд нь хөнгөн хохирол санаатай учруулсан гэмт хэрэгт холбогджээ.                                               

                                       ТОДОРХОЙЛОХ нь:

Гэм буруугийн талаар:

Шүүгдэгч Б.И нь 2024 оны 04 сарын 19-ний өдөр Дорноговь аймгийн Эрдэнэ сумын 5-р баг Төмөр замын 24 айлын 24 тоотод насанд хүрээгүй Б.С-ыг “хулгай хийлээ” гэх шалтгааны улмаас түүний нүүр, толгойн тус газарт нь гараараа цохиж газарт унаган монгол гутлын сураар нууруу руу нь ороолгосны улмаас  баруун хөмсөгний гадна булангийн шарх гэмтэл бүхий эрүүл мэндэд нь хөнгөн хохирол санаатай учруулсан болох нь шүүхийн хэлэлцүүлэгт шүүгдэгчийн үйлдсэн хэргээ хүлээн мэдүүлсэн мэдүүлгээс гадна гэмт хэргийн талаарх гомдол, мэдээллийг хүлээж авсан тухай тэмдэглэл /хх-ийн 02/, насанд хүрээгүй хохирогч Б.Сүхбатын мэдүүлэг /хх-ийн 09-11/, гэрч Б.Уранцэцэгийн мэдүүлэг /хх-ийн 14-15/, Шинжээчийн 2024 оны 05 дугаар сарын 09-ний өдрийн 04/51 дугаартай дүгнэлт /хх-ийн 33-34/, шүүгдэгч Б.И-н яллагдагчаар өгсөн мэдүүлэг /хх-ийн 73-74/, иргэний нэхэмжлэгч байгуулагын төлөөлөгч Д.Дулмын мэдүүлэг /хх-ийн 88-89/, насанд хүрээгүй хохирогчийн хууль ёсны төлөөлөгч Х.О-н шүүх хуралдаан дээр өгсөн мэдүүлэг зэрэг нотлох баримтаар нотлогдон тогтоогдсон гэж дүгнэв.

Шүүхийн хэлэлцүүлэгт яллах дүгнэлтэд тусгасан бөгөөд талуудаас шинжлэн судалснаар тооцуулсан дээрх нотлох баримтуудыг Эрүүгийн хэрэг хянан шийдвэрлэх тухай хуульд заасан үндэслэл, журмын дагуу цуглуулж бэхжүүлсэн байх бөгөөд эдгээр нь энэ хэрэгт хамааралтай, хэргийг эцэслэн шийдвэрлэхэд хүрэлцээтэй байна.

Нотлох баримтаар тогтоогдсон хэргийн нөхцөл байдал нь Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол санаатай учруулсан гэмт хэргийн шинжийг бүрэн агуулжээ.

Шүүгдэгч нь өөрт холбогдох хэргийг хялбаршуулсан журмаар хянан шийдвэрлүүлэх хүсэлтийг сайн дураар гаргаснаа илэрхийлж байх ба түүнд эрүү шүүлт тулгах, хүнлэг бус хэрцгий харьцах, хуурч мэхлэх зэрэг хууль бусаар хэрэг хүлээлгэсэн нөхцөл байдал тогтоогдоогүй болно.

Хохирлын хувьд:

Насанд хүрээгүй хохирогч Б.С  нь гомдол саналгүй, иргэний нэхэмжлэгч байгууллагын төлөөлөгчийн  нэхэмжлэл 360,725 төгрөгийг шүүгдэгч нь 2024 оны 06 сарын 04-ны өдөр төлж барагдуулсан нь Төрийн банкны шилжүүлэг /хх-ийн 103/-ийн баримтаар тогтоогдож байх тул шүүгдэгчийг бусдад төлөх хохирол төлбөргүй гэж үзлээ.

Эрүүгийн хариуцлагын талаар:

Прокурорын санал болгож, шүүгдэгч хүлээн зөвшөөрсөн 1000 нэгжтэй тэнцэх хэмжээний төгрөгөөр буюу 1,000,000 төгрөгийн торгох ял оногдуулах санал нь Эрүүгийн хуульд нийцсэн бөгөөд шүүгдэгч нь тухайн эрүүгийн хариуцлагын хууль зүйн үр дагаврыг ухамсарлан ойлгосон байх тул Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 5 дахь хэсэгт зааснаар прокурорын саналыг баталж, шүүгдэгчид эрүүгийн хариуцлага хүлээлгэх хууль зүйн үндэслэлтэй байна.

Иймд Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар шүүгдэгч Б.И-д 1000 нэгжтэй тэнцэх хэмжээний төгрөгөөр буюу 1,000,000 төгрөгийн торгох ял оногдуулах нь зүйтэй байна.

Шүүгдэгчид оногдуулсан торгох ялыг хуульд зааснаар хэсэгчлэн төлүүлэх нөхцөл байдал тогтоогдоогүй болно.

Энэ хэрэгт шүүгдэгч нь цагдан хоригдсон хоноггүй, хураагдан ирсэн эд мөрийн баримт болон иргэний бичиг баримтгүй, битүүмжлэгдсэн эд хөрөнгөгүй, эрүүгийн хэрэг хянан шийдвэрлэх ажиллагааны зардалгүй, бусдад төлөх хохирол төлбөргүй болохыг дурдав.

Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 5, 7 дахь хэсэг, 36.2, 36.3, 36.6, 36.7, 36.8, 36.10 дугаар зүйлүүдэд заасныг тус тус удирдлага болгон ТОГТООХ нь:

1. Шүүгдэгч С  овогт Б.И-г Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол санаатай учруулсан гэмт хэргийг үйлдсэн гэм буруутайд тооцсугай.

2. Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар шүүгдэгч Б. И-г 1000 /нэг мянга/ нэгжтэй тэнцэх хэмжээ төгрөгөөр буюу 1,000,000 /нэг сая/ төгрөгийн торгох ялаар шийтгэсүгэй.

3. Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт зааснаар шүүгдэгч Б.И  нь оногдуулсан 1000 нэгжтэй тэнцэх хэмжээний буюу 1,000,000 төгрөгөөр торгох ялыг биелүүлээгүй бол биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солихыг мэдэгдсүгэй.

4. Шүүгдэгч нь цагдан хоригдсон хоноггүй, бусдад төлөх хохирол төлбөргүй, энэ хэрэгт хураагдан ирсэн эд мөрийн баримт болон иргэний бичиг баримтгүй, битүүмжлэгдсэн эд хөрөнгөгүй, эрүүгийн хэрэг хянан шийдвэрлэх ажиллагааны зардалгүй болохыг тус тус дурдсугай.

5. Шийтгэх тогтоолыг гардаж авсан, эсхүл хүргүүлснээс хойш 14 хоногийн дотор зөвхөн Эрүүгийн хэрэг хянан шийдвэрлэх тухай хуулийг ноцтой зөрчсөн үндэслэлээр оролцогч давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэйг дурдсугай.

6. Дээр дурдсан үндэслэлээр оролцогч давж заалдах гомдол гаргасан, улсын яллагч, дээд шатны прокурор эсэргүүцэл бичсэн тохиолдолд шийтгэх тогтоолын биелэлтийг түдгэлзүүлж, тогтоол хуулийн хүчин төгөлдөр болтол шүүгдэгч Б.И  урьд авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

 

 

        ДАРГАЛАГЧ, ШҮҮГЧ                                    Э.БОЛОРМАА