2024    02            23                                          2024/ШЦТ/78

 

 

                                       МОНГОЛ УЛСЫН НЭРИЙН ӨМНӨӨС

 

 

Орхон аймаг дахь сум дундын Эрүүгийн хэргийн анхан шатны шүүхийн шүүх хуралдааныг шүүгч Д.Орхонтамир даргалж,

Шүүх хуралдааны нарийн бичгийн дарга Б.Золжаргал, 

Улсын яллагч Ж.Б,

шүүгдэгч Ц.М, түүний өмгөөлөгч Р.Ц, Б.Т,

шүүгдэгч Б.Х, түүний өмгөөлөгч Ц.Э,

өсвөр насны шүүгдэгч Ж.Н, түүний өмгөөлөгч Ц.Ж,

өсвөр насны шүүгдэгч Ө.Э, түүний өмгөөлөгч О.С,

өсвөр насны шүүгдэгч Ө.Эн хууль ёсны төлөөлөгч Т.Г,

өсвөр насны шүүгдэгч Ж.Нийн хууль ёсны төлөөлөгч А.Ц нарыг оролцуулан хийсэн шүүх хуралдаанаар,                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                              

Орхон аймгийн Прокурорын газрын хяналтын прокуророос Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн Ц.М, Ж.Н, Б.Х, Ө.Э нарт холбогдох эрүүгийн 2325000000*** дугаартай хэргийг 2023 оны 11 дүгээр сарын 03-ны өдөр хүлээн авч, тус шүүхийн 104 тоот танхимд хаалттай хянан хэлэлцэв.

 

Шүүгдэгч нарын биеийн байцаалт:

Нэг. Монгол Улсын иргэн, Б.Х

Хоёр. Монгол Улсын иргэн, Ж.Н

Гурав. Монгол Улсын иргэн, Ө.Э

 

Холбогдсон хэргийн талаар:

Шүүгдэгч Б.Х нь 2022 оны 08 дугаар сарын 23-ны өдөр ******** дугаарын утаснаас Орхон аймгийн Баян-Өндөр сум Уурхайчин баг 3-16 дугаар байранд үйл ажиллагаа явуулдаг Май Чикен /Му сhicкен/ нэртэй хоолны газрын захиалгын үүрэн холбооны ******** дугаарт залгаж 60,000 төгрөгийн үнэтэй 5 хүний хоолны иж бүрдэл захиалж, Баян-Өндөр сумын Яргуйт багт хүргүүлэн авч төлбөрийг гэртээ ороод шилжүүлнэ гэж хуурч хохирол учруулсан,

-мөн үргэлжилсэн үйлдлээр Ц.М, Ж.Э нартай үйлдлээрээ санаатай нэгдэж бүлэглэн 2023 оны 03 дугаар сарын 28-ны өдөр Ж.Э-ийн эзэмшлийн үүрэн холбооны ******** дугаараас Орхон аймгийн Баян-Өндөр сумын Зэст багийн нутаг дэвсгэрт түргэн хоолны үйл ажиллагаа явуулдаг “Эдэн пицца” ХХК-ийн захиалгын үүрэн холбооны ******** дугаарт залгаж 129,500 төгрөгийн үнэ бүхий төрсөн өдрийн багц 1 ширхэг, тахианы сет 1 ширхгийг захиалж, Баян-Өндөр сумын Урт булаг багийн 5-14 дүгээр байрны гадна хүргүүлэн авч “төлбөрийг нь дансаар араас чинь шилжүүлнэ” гэж хуурч залилсан гэмт үйлдэлд гүйцэтгэгчээр оролцсон гэж Эрүүгийн хуулийн ерөнхий ангийн 2.2 дугаар зүйлийн 3, 3.1 дүгээр зүйлийн 1, 3.2 дугаар зүйлийн 1 дэх хэсэгт заасныг тус тус журамлан Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасаар,

-өсвөр насны шүүгдэгч Ж.Н нь Ц.М, Б.Х нартай үйлдлээрээ санаатай нэгдэж бүлэглэн 2023 оны 03 дугаар сарын 28-ны өдөр өөрийн эзэмшлийн үүрэн холбооны ******** дугаараас Б.Х-г Орхон аймгийн Баян-Өндөр сумын Зэст багийн нутаг дэвсгэрт түргэн хоолны үйл ажиллагаа явуулдаг ‘Эдэн пицца” ХХК-ийн захиалгын үүрэн холбооны ******** дугаарт залгуулж 29.500 төгрөгийн үнэ бүхий төрсөн өдрийн багц 1 ширхэг, тахианы сет 1 ширхгийг захиалга өгүүлж, Баян-Өндөр сумын Урт булаг багийн 5-14 дүгээр байрны гадна хүргүүлэн авч “төлбөрийг нь дансаар араас чинь шилжүүлнэ” гэж хуурч залилсан гэмт үйлдэлд хамжигчаар оролцсон,

-үргэлжилсэн үйлдлээр Ө.Э-тэй үйлдлээрээ болон санаагаар нэгдэж бүлэглэн 2023 оны 03 дугаар сарын 30-ны өдөр Ө.Энхжингийн үүрэн холбооны ******** дугаараас Орхон аймгийн Баян-Өндөр сумын Уурхайчин багийн 3-16 байранд түргэн хоолны үйл ажиллагаа явуулдаг “Хоёр мэргэд Үйлс” ХХК-ийн /Му сhicкен /-гийн захиалгын ******** дугаар луу залгаж 80,000 төгрөгийн үнэ бүхий 8 хүний холимог багц 1 ширхэгийг захиалж, улмаар Баян-Өндөр сумын Согоот багийн 6-12 дугаар байрны 4 дүгээр орцны гадна хүргүүлэн авч төлбөрийг нь дансаар эгч шилжүүлнэ” гэж хуурч залилж хохирол учруулсан гэж Эрүүгийн хуулийн ерөнхий ангийн 2.2 дугаар зүйлийн 3, 3.1 дүгээр зүйлийн 1, 3.5 дугаар зүйлийн 1 дэх хэсэгт заасныг тус тус журамлан Эрүүгийн хуулийн тусгай ангийн 17.3 дугаар зүйлийн 1 дэх хэсэгт зааснаар,

шүүгдэгч Ц.М нь Б.Х, Ж.Н нартай үйлдлээрээ санаатай нэгдэж бүлэглэн 2023 оны 03 дугаар сарын 28-ны өдөр Ж.Номин-Эрдэнийн эзэмшлийн үүрэн холбооны ******** дугаараас Б.Х-гаар Орхон аймгийн Баян-Өндөр сумын Зэст багийн нутаг дэвсгэрт түргэн хоолны үйл ажиллагаа явуулдаг “Эдэн пицца” ХХК-ийн захиалгын үүрэн холбооны ******** дугаарт залгуулж 129,500 төгрөгийн үнэ бүхий төрсөн өдрийн багц 1 ширхэг, тахианы сет 1 ширхэгийг захиалж, Баян-Өндөр сумын Урт булаг багийн 5-14 дүгээр байрны гадна хүргүүлэн авч “төлбөрийг нь дансаар араас чинь шилжүүлнэ” гэж хуурч залилсан гэмт үйлдэлд хамжигчаар оролцсон гэж Эрүүгийн хуулийн ерөнхий ангийн 3.1 дүгээр зүйлийн 1, 3.5 дугаар зүйлийн 1 дэх хэсэгт заасныг тус тус журамлан Эрүүгийн хуулийн тусгай ангийн 17.3 дугаар зүйлийн 1 дэх хэсэгт зааснаар,

-өсвөр насны шүүгдэгч Ө.Э нь Ж.Н-тэй үйлдлээрээ болон санаагаараа нэгдэж бүлэглэн 2023 оны 03 дугаар сарын 30-ны өдөр өөрийн эзэмшлийн үүрэн холбооны ******** дугаараас Ж.Н-ээр Орхон аймгийн Баян-Өндөр сумын Уурхайчин багийн 3-16 байранд түргэн хоолны хоолны үйл ажиллагаа явуулдаг “Хоёр мэргэд үйлс” ХХК-ийн /Му chicken/-гийн захиалгын ******** дугаар руу залгаж 80,000 төгрөгийн үнэ бүхий 8 хүний холимог багц 1 ширхгийг захиалж, улмаар Баян-Өндөр сумын Согоот багийн 6-12 дугаар байрны 4 дүгээр орцны гадна хүргүүлэн авч “төлбөрийг нь дансаар эгч шилжүүлнэ” гэж хуурч залилсан гэмт үйлдэлд гүйцэтгэгчээр оролцсон гэж Эрүүгийн хуулийн ерөнхий ангийн 3.1 дүгээр зүйлийн 1, 3.2 дугаар зүйлийн 1 дэх хэсэгт заасныг тус тус журамлан Эрүүгийн хуулийн тусгай ангийн 17.3 дугаар зүйлийн 1 дэх хэсэгт тус тус заасан гэмт хэрэгт холбогджээ.

 

Шүүхийн хэлэлцүүлэгт оролцогч нараас гаргасан мэдүүлэг, талуудаас шинжлэн судалсан эд мөрийн болон бичгийн нотлох баримтад үндэслэн Эрүүгийн хэрэг хянан шийдвэрлэх тухай хуулийн 36.7 дугаар зүйлд зааснаар

 

Эрүүгийн хэрэг хянан шийдвэрлэх тухай хуулийн 36.2 дугаар зүйлийн 1, 2, 4 дэх хэсэг, 36.6, 36.7, 36.8, 36.10, 36.12, 37.1 дүгээр зүйл, 38.1, 38.2 дугаар зүйлийн 1 дэх хэсэгт заасныг тус тус удирдлага болгон 

ТОГТООХ нь:

1. Эрүүгийн хуулийн ерөнхий ангийн 2.2 дугаар зүйлийн 3, 3.1 дүгээр зүйлийн 1, 3.7 дугаар зүйлийн 1 дэх хэсэгт заасныг журамлан Б.Х, Ц.М, Ө.Э,  Ж.Н нарыг Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасан “Залилах” гэмт хэргийг үргэлжилсэн үйлдлээр бүлэглэж үйлдсэн гэм буруутайд тус тус тооцсугай.

 

2. Эрүүгийн хуулийн ерөнхий ангийн 6.7 дугаар зүйлийн 1 дэх хэсэг, 8.1 дүгээр зүйлийн 1, 2 дахь хэсэгт заасныг журамлан Эрүүгийн хуулийн тусгай ангийн 17.3 дугаар зүйлийн 1 дэх хэсэгт зааснаар өсвөр насны шүүгдэгч Ж.Н, Ө.Э нарт оногдуулах эрүүгийн хариуцлагаас тус тус чөлөөлсүгэй.

 

3. Эрүүгийн хуулийн ерөнхий ангийн 3.2 дугаар зүйлийн 1 дэх хэсэг, 3.7 дугаар зүйлийн 1 дэх хэсэгт заасныг журамлан шүүгдэгч Б.Х-г Эрүүгийн хуулийн тусгай ангийн 17.3 дугаар зүйлийн 1 дэх хэсэгт зааснаар 6 /зургаа/ сарын хугацаагаар Улаанбаатар хот, Баянзүрх дүүргийн нутаг дэвсгэрээс гарахыг хориглож, эрх бүхий байгууллагын зөвшөөрөлтэйгөөр оршин суух газраа өөрчлөх, зорчих үүргийг хүлээлгэсэн зорчих эрх хязгаарлах ялаар шийтгэсүгэй.

 

4. Эрүүгийн хуулийн ерөнхий ангийн 5.5 дугаар зүйлийн 3 дахь хэсэгт зааснаар шүүгдэгч Б.Х шүүхээс оногдуулсан зорчих эрх хязгаарлах ялыг биелүүлээгүй бол ялтны эдлээгүй үлдсэн хугацааны 1 хоногийг хорих ялын нэг хоногоор тооцож хорих ялаар солихыг мэдэгдэж, шүүхийн шийдвэрийн биелэлтэд хяналт тавьж ажиллахыг Нийслэлийн шүүхийн шийдвэр гүйцэтгэх газарт даалгасугай.

 

5. Эрүүгийн хуулийн ерөнхий ангийн 3.5 дугаар зүйлийн 1, 3.7 дугаар зүйлийн 1 дэх хэсэгт заасныг тус тус журамлан шүүгдэгч Ц.М-д Эрүүгийн хуулийн тусгай ангийн 17.3 дугаар зүйлийн 1 дэх хэсэгт зааснаар 6 /зургаа/ сарын хугацаагаар зорчих эрх хязгаарлах ялаар шийтгэсүгэй.

 

6. Эрүүгийн хуулийн ерөнхий ангийн 6.9 дүгээр зүйлийн 2 дахь хэсэг, 7.3 дугаар зүйлийн 4 дэх хэсэгт зааснаар шүүгдэгч Ц.М-д Орхон аймаг дахь Сум дундын эрүүгийн хэргийн анхан шатны шүүхийн 2022 оны 09 дүгээр сарын 12-ны өдрийн 307 дугаартай шийтгэх тогтоолын 2 дахь заалтын “Эрүүгийн хуулийн ерөнхий ангийн 8.7 дугаар зүйлийн 1 дэх хэсэг, 3.5 дугаар зүйлийн 1 дэх хэсэг, 3.7 дугаар зүйлийн 1 дэх хэсэгт заасныг журамлан мөн хуулийн тусгай ангийн 17.1 дүгээр зүйлийн 2 дахь хэсгийн 2.1 дэх заалтад зааснаар ял оногдуулахыг тэнсэж, 1 жил 6 сарын хугацаагаар хүмүүжлийн чанартай албадлагын арга хэмжээ хэрэглэж, Эрүүгийн хуулийн ерөнхий ангийн 8.7 дугаар зүйлийн 2 дахь хэсэг, 7.3 дугаар зүйлийн 2 дахь хэсгийн 2.2 дахь заалтад зааснаар 1 жил 6 сарын хугацаагаар зан үйлээ засах, хөдөлмөрлөх дадал олгох сургалтад хамрагдах үүрэг хүлээлгэх албадлагын арга хэмжээг авсан” хэсгийг хүчингүй болгож, Эрүүгийн хуулийн тусгай ангийн 17.1 дүгээр зүйлийн 2 дахь хэсгийн 2.1 дэх заалтад зааснаар 2 /хоёр/ жилийн хугацаагаар хорих ял оногдуулж, Эрүүгийн хуулийн ерөнхий ангийн 6.8 дугаар зүйлийн 1 дэх хэсэг, 2 дахь хэсгийн 2.3-д зааснаар Эрүүгийн хуулийн тусгай ангийн 17.1 дүгээр зүйлийн 2 дахь хэсгийн 2.1 дэх заалтад зааснаар 2 /хоёр/ жилийн хугацаагаар хорих ял дээр энэ тогтоолоор оногдуулсан 6 /зургаа/ сарын хугацаагаар зорчих эрх хязгаарлах ялын нэг хоногийг хорих ялыг нэг хоногоор тооцож, нэмж нэгтгэн нийт эдлэх хорих ялыг 2 /хоёр/ жил 6 /зургаа/ сарын хугацаагаар тогтоосугай.

 

7. Эрүүгийн хуулийн ерөнхий ангийн 5.6 дугаар зүйлийн 4 дэх хэсэгт зааснаар шүүгдэгч Ц.М-д оногдуулсан 2 /хоёр/ жил 6 /зургаа/ сарын хугацаагаар хорих ялыг нээлттэй хорих байгууллагад эдлүүлсүгэй.

 

8. Эрүүгийн хуулийн ерөнхий ангийн 6.10 дугаар зүйлийн 1 дэх хэсэгт зааснаар шүүгдэгч Ц.М-ийн цагдан хоригдсон нийт 113 /нэг зуун арван гурав/ хоногийг түүний эдлэх ялд оруулан тооцсугай.

   9. Шүүгдэгч Б.Х, өсвөр насны шүүгдэгч Ж.Н, Ө.Э нарт урьд авсан хувийн баталгаа гаргах таслан сэргийлэх арга хэмжээг шийтгэх тогтоол хүчин төгөлдөр болтол хэвээр үргэлжлүүлж, шүүгдэгч Ц.М-д урьд авсан хувийн баталгаа гаргах таслан сэргийлэх арга хэмжээг өөрчилж цагдан хорих таслан сэргийлэх арга хэмжээ авсугай.

10. Энэ хэрэгт эд мөрийн баримтаар хураагдсан зүйлгүй, битүүмжилсэн хөрөнгөгүй, өсвөр насны шүүгдэгч Ж.Н, Ө.Э, шүүгдэгч Б.Х нар цагдан хоригдсон хоноггүй, шүүгдэгч нар бусдад төлөх төлбөргүй, шүүгдэгч нараас гаргуулах эрүүгийн хэрэг хянан шийдвэрлэх ажиллагааны зардалгүй болохыг тус тус дурьдсугай.

 

11. Шийтгэх тогтоол уншин сонсгосноор хүчинтэй болох бөгөөд шүүгдэгч, хохирогч, тэдгээрийн хууль ёсны төлөөлөгч,өмгөөлөгч нар эс зөвшөөрвөл шийтгэх тогтоолыг гардан авсан эсхүл хүргүүлснээс хойш 14 хоногийн дотор Орхон аймгийн Эрүүгийн хэргийн давж заалдах шатны шүүхэд давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэй.

 

 

 

 

 

ДАРГАЛАГЧ, ШҮҮГЧ                             Д.ОРХОНТАМИР