2021         01          18

101/ШШ2021/00197

 

 

 

                                        МОНГОЛ УЛСЫН НЭРИЙН ӨМНӨӨС

 

Баянзүрх дүүргийн Иргэний хэргийн анхан шатны шүүхийн иргэний хэргийн шүүх хуралдааныг шүүгч Т.Энхжаргал даргалж, тус шүүхийн танхимд хийсэн шүүх хуралдаанаар

 

Нэхэмжлэгч: Н.А нэхэмжлэлтэй,

 

Хариуцагч: Л.Д холбогдох,

 

Охин А.Ан биологийн эцэг мөн эсэхийг тогтоолгож, охин А.Аг өөрийн асрамжид үлдээх, хариуцагч Л.Дн сөрөг нэхэмжлэлтэй, хүүхдийн асрамж, тэтгэлэг тогтоолгох тухай иргэний хэргийг хянан хэлэлцэв.

 

            Шүүх хуралдаанд: Хариуцагч Л.Д, хариуцагчийн өмгөөлөгч С.Сансартуяа /№2065/, шүүх хуралдааны нарийн бичгийн дарга З.Амартүвшин нар оролцов.

            Монгол Улсын Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 115.2.2, 116, 118 дугаар зүйлүүдэд заасныг тус тус удирдлага болгон

 ТОГТООХ нь:

 

1. Гэр  бүлийн тухай хуулийн 23 дугаар зүйлийн 23.1-д заасныг баримтлан төрсөн охин А.А /регистрийн дугаар /-гийн биологийн эцэг нь Н.Амөн болохыг тогтоосугай.

 

2. Гэр бүлийн тухай хуулийн 14 дүгээр зүйлийн 14.6-д зааснаар төрсөн охин А.Аг төрсөн эх Л.Дн асрамжид үлдээж, нэхэмжлэгч Н.Ан үндсэн нэхэмжлэлээс хүүхдийн асрамж тогтоолгох шаардлагыг хэрэгсэхгүй болгосугай.

 

3. Гэр бүлийн тухай хуулийн 40 дүгээр зүйлийн 40.1.1, 40.1.2-т зааснаар 2017 оны 9 дүгээр сарын 12-ны өдөр төрсөн охин А.Аг 11 нас хүртэл тэтгэлэг авагч хүүхдийн оршин суугаа газрын бүс нутгийн амьжиргааны доод түвшингийн хэмжээний 50 хувиар, 11-16 нас /суралцаж байгаа бол 18 нас/ хүртэл болон насанд хүрсэн боловч хөдөлмөрийн чадваргүй хүүхдэдээ тэтгэлэг авагч хүүхдийн оршин суугаа газрын бүс нутгийн амьжиргааны доод түвшингийн хэмжээ /100 хувь/-гээр төрсөн эцэг Н.Ар сар бүр тэжээн тэтгүүлсүгэй.

 

            4. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-т тус тус зааснаар нэхэмжлэгчийн үндсэн нэхэмжлэлд төлсөн улсын тэмдэгтийн хураамж 140,400 төгрөг, хариуцагчийн сөрөг нэхэмжлэлд төлсөн улсын тэмдэгтийн хураамж 106,067 төгрөгийг тус тус улсын орлогод хэвээр үлдээж, нэхэмжлэгч Н.Ас улсын тэмдэгтийн хураамжид 37,030 /гучин долоон мянга гуч/ төгрөгийг гаргуулан хариуцагч Л.Дд олгосугай. 

 

5. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4, 119.7-д зааснаар шийдвэрийг танилцуулан сонсгож, 7 хоног өнгөрснөөс хойш 14 хоногийн дотор шүүх хуралдааны оролцогч талууд шүүхэд хүрэлцэн ирж шийдвэрийг өөрөө гардан авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүй бөгөөд шүүх хуралдаанд оролцоогүй талд шийдвэрийг гардуулснаар гомдол гаргах хугацааг тоолохыг дурдсугай.

 

 

 

 

                        ДАРГАЛАГЧ ШҮҮГЧ                                        Т.ЭНХЖАРГАЛ