Иргэний хэрэг шүүхэд хянан шийдвэрлэх тухай хуулийн 176 дугаар зүйлийн 176.2.2-т заасныг удирдлага болгон ТОГТООХ НЬ:

1.Нийслэлийн Иргэний хэргийн давж заалдах шатны шүүхийн 2025 оны 04 дүгээр сарын 02-ны өдрийн 210/МА2025/00544 дүгээр магадлалын тогтоох хэсгийн 1 дэх заалт, Баянзүрх, Сүхбаатар, Чингэлтэй дүүргийн Иргэний хэргийн анхан шатны тойргийн шүүхийн 2025 оны 02 дугаар сарын 12-ны өдрийн 191/ШШ2025/01347 дугаар шийдвэрийн тогтоох хэсгийн 5 дахь заалтыг “Иргэний хуулийн 126 дугаар зүйлийн 126.2.4, 129 дүгээр зүйлийн 129.3, 130 дугаар зүйлийн 130.3 дахь хэсэгт заасныг тус тус баримтлан хариуцагч А.Г-гээс 41,666,666 төгрөг гаргуулж нэхэмжлэгч Э.Э-д олгож, нэхэмжлэлийн шаардлагаас үлдэх 78,333,334 төгрөгт холбогдох хэсгийг хэрэгсэхгүй болгосугай.” гэж, шийдвэрийн тогтоох хэсгийн 6 дахь заалтыг “...Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.2, 60 дугаар зүйлийн 60.1 дэх хэсэгт зааснаар нэхэмжлэгчээс улсын тэмдэгтийн хураамжид урьдчилан төлсөн 70,200 төгрөгийг улсын төсөвт хэвээр үлдээж, хариуцагч А.Г-гээс 436,483 төгрөг гаргуулж үүнээс 70,200 төгрөгийг нэхэмжлэгч Э.Э-д, 366,283 төгрөгийг улсын төсвийн орлогод оруулсугай.” гэж тус тус өөрчлөн шийдвэр, магадлалын бусад заалтыг хэвээр үлдээж хариуцагч А.Г-гийн гомдлын зарим хэсгийг хангасугай.

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.4 заасныг баримтлан хяналтын журмаар гомдол гаргахдаа улсын тэмдэгтийн хураамжид нэхэмжлэгч Э.Э 2025.04.30-ны өдөр 644,200 төгрөг, хариуцагч А.Г 2025.05.09-ний өдөр 530,910 төгрөг тус тус төлснийг улсын орлогод хэвээр үлдээсүгэй.

 

 

 

 ТАНХИМЫН ТЭРГҮҮН                                       Г.АЛТАНЧИМЭГ            

                                                ШҮҮГЧИД                                    Н.БАТЗОРИГ

                                                                                                             Н.БАТЧИМЭГ

                                                                                                             Н.БАЯРМАА

                                                                                                             Х.ЭРДЭНЭСУВД