МОНГОЛ УЛСЫН НЭРИЙН ӨМНӨӨС

 

                   Орхон аймаг дахь сум дундын Эрүүгийн хэргийн анхан шатны шүүхийн шүүх хуралдааныг шүүгч Ц.Алтангадас даргалж

 

                 Улсын яллагч Т.Ганзориг

                 Шүүгдэгч Б.Өлзийбаяр

                 Шүүх хуралдааны нарийн бичгийн дарга Н.Хулан нарыг оролцуулан Орхон аймгийн Прокурорын газраас Эрүүгийн хуулийн тусгай ангийн 254 дүгээр зүйлийн 254.1-д зааснаар яллах дүгнэлт үйлдэж ирүүлсэн Хужирийхан овогт Батсайханы Өлзийбаярт холбогдох 201514000546 тоот эрүүгийн хэргийг тус шүүхийн танхимд нээлттэй хянан хэлэлцэв.

 

                      1. Шүүгдэгчийн биеийн байцаалт

 

        Хужирийхан овгийн Батсайханы Өлзийбаяр, Монгол Улсын иргэн, 1986 оны 01 дүгээр сарын 14-ний өдөр Улаанбаатар хотод төрсөн, 31 настай, эмэгтэй, бүрэн дунд боловсролтой, мэргэжилгүй, “Эрдэнэт кашмер” ХХК-д ороогч ажилтай, ам бүл 3, нөхөр хүүхдийн хамт Орхон аймгийн Баян-Өндөр сум, Баянцагаан баг шинэ тосгоны 7-06 тоотод оршин суух, урьд ял шийтгэлгүй, хэрэг хариуцах чадвартай гэх /регистрийн дугаар ЧА86011407/

 

                     2. Шүүгдэгчийн холбогдсон хэргийн талаар

 

              Шүүгдэгч Б.Өлзийбаяр нь 2015 оны 10 дугаар сарын 10-наас 11-нд шилжих шөнө Орхон аймгийн Баян-Өндөр сум Их залуу багийн нутагт үл таних 3 залуу хүчиндсэн гэх 201514000546 дугаартай хэрэгт 2015 оны 11 дүгээр сарын 15-ны өдөр мөрдөн байцаалтын шатанд хохирогчоор тогтоогдон байцаах үед худал мэдүүлэг өгсөн гэмт хэрэг үйлдсэн гэж гэмт хэрэгт холбогджээ.

 

ТОДОРХОЙЛОХ нь:

 

               Шүүхийн хэлэлцүүлэгт дараах нотлох баримтуудыг шинжлэн судлав. Үүнд: 1. Шүүгдэгч Б.Өлзийбаярын хэрэг бүртгэлтийн шатанд хохирогчоор өгсөн “Би 2015 оны 10 сарын 10-ны өдөр 11 цагийн үед Даваабаяр, Ариунзаяа, Бямбаа гурав хороололд Чка бааранд архи уугаад сууж байна гэхээр нь явж очсон. Тэнд буудлын өрөөнд юм яриад архи уугаад сууж байхад Даваабаяр, Бямбаа хоёр түрүүлээд тасраад буудлын орон дээр унтаад өгсөн. Би Ариунзаяатай хамт юм ярьж сууж байгаад хуурай дүү Баттуяаг гар утсаар дуудсан. Шөнө сэрээд цаг харсан чинь шөний 4 цаг болж байсан. Надтай Баттуяа хамт унтаж байсан. Найз Даранбазар, Ариунзаяа, Бямбаа гурав байхгүй байсан. Би харих гээд гарахад Чка буудлын үүдэнд эрэгтэй хүн унтаж байхаар нь онгойлгоод өг гэж гарч замын хойд талд гараад такси барих гээд зогсож байхад нэг бараан өнгийн такси ирээд шууд суусан чинь дотор нь 3 эрэгтэй хүнтэй такси байсан. гэр хорооллоос зайдуу гарч зогсоод архи задлаад өөрсдөө хийж уугаад надад хийж өгөхөөр нь уухгүй гэсэн чинь даарч байгаа байлгүй нэг татчих гээд татуулаад би нойр байсан болохоор буцаад согтоод эхэлсэн. Тэгсэн нэг залуу намайг тэвэрч аваад үнсээд байхаар нь цааш нь түлхээд болиоч гэхэд зүгээрээ гээд намайг тэврээд үнсээд эхэлсэн. Би ганцаараа байсан болохоор эсэргүүцэл үзүүлээгүй, бэлгийн ажил хийсэн. Дараа нь нэг залуу нь бас бэлгийн ажил хийгээд байх шиг байсан. Би тухайн үед архинаас 3 хундага уусан байсан болохоор буцаад согтоод эхэлсэн. Тэгээд нөгөө залуучууд намайг уртын гол багийн нэг гудамжинд буулгаад яваад өгсөн. Би нөгөө машины номер, дугаар, маркийг нь харж амжаагүй, ямар ч байсан япон машин, буруу талдаа үрүүлтэй машин байсан” гэсэн мэдүүлэг. /хх-ийн 06-р хуудас/

 

            2. Шүүгдэгч Б.Өлзийбаярын “Гэртээ харихгүй бол нөхөр загнах байх гэж бодоод шөнө гарч явсан. Намайг сэрэхэд Баттуяа ганцаараа унтаж байсан. Даваабаяр, Ариунзаяа хоёр харихаар явсан. Харин Баттуяа, Бямбаа бид 3 буудалд байсан. Бямбаагийн найз гэх залуу орж ирээд нэг шил архи уусан. Чка буудлаас Баттуяа, Бямбаа сүүлд ирсэн 3 залуутай нь хамт гараад хорооллын эцэс дээр дэлгүүрээс нэг шил архи хувааж уугаад Бямбаа бид хоёр нөгөө залуучуудаас салаад Чка буудалд өрөөндөө орж хамт хоносон. Өглөө сэрээд 6-7 цагийн үед сэрээд гэр рүүгээ ирэхэд нөхөр Анхбаяр уурлаад хэнтэй янхандаж яваад, хаана хоноод ирж байгаа юм бэ, гээд бөөн уур болоод хэнтэй явсан гээд байхаар нь би Даваабаяр, Ариунзаяа, Баттуяа, Бямбаа нартай архи уугаад хоносон гэхэд итгэхгүй байсан. Өглөө архи гараагүй орсон болохоор намайг алгадаад авсан. Чи эрэгтэй хүнтэй хоносон тэр хүнийг чинь ална гээд байхаар нь өглөө гарч яваад 3 танихгүй хүн машиндаа суулгаж авч яваад хүчиндсэн гэж худлаа хэлсэн нь үнэн” гэсэн мэдүүлэг. /хх-ийн 24-р худас/

 

             3. Гэрч П.Баттуяагийн “Би 2015 оны 10 сарын 10-ны өдөр хуурай эгч Өлзийбаяр 11-12 цагийн үед утсаар яриад хороололд Чка буудалд найзуудтайгаа байна хүрээд ирээч гэхээр нь би гэртээ амарч байсан болохоор Өлзийбаяр эгч дээр очиход зүс таних Заяа, Даваа Бямбаа нартай байсан. Би очоод архины мөнгө өгөөд нэг шил архи авахуулсан. Тэгээд бид нар архи уугаад тэндээ орой болтол байсан.  Өлзийбаяр эгч оройхон согтоод нэг хэсэг унтаад өгсөн. Даваа, Заяа, Бямбаа гурав нь явлаа гээд гарсан. Би Өлзийбаяр эгчийг сэрээх гэсэн чинь жаахан унтаж байгаад явъя гээд байсан. Бид хоёрыг байж байхад Бямбаа нь буцаж орж ирээд хамт сууж байхад Өлзийбаяр эгчийг сэрээх гэсэн чинь жаахан унтаж байгаад явъя гээд байсан. Бид хоёрыг байж байхад Бямбаа буцаж орж ирээд хамт сууж байхад Өлзийбаяр эгч сэрээд үлдсэн. Архиа ууж байхад гаднаас Бямбаагийн найз гээд танихгүй залуу орж ирээд нэг шил архи авч уусан. Тэр архийг ууж дуусгаад бид нар бөөнөөрөө гараад хорооллын эцсийн дэлгүүр ороод нэг шил архи аваад манай гэрийн гадаа зогсож байгаад уугаад би гэр рүүгээ орсон. Өлзийбаяр эгч Бямбаатай хамт харина гээд явсан. Маргааш өглөө нь 7 цаг өнгөрч байхад Өлзийбаяр эгчийн нөхөр Анхбаяр ах дуудахаар нь яваад очиход та нар өчигдөр хаана архи уусан, хэнтэй байсан, Өлзийбаяр эгчийг өглөө гэртээ орж ирсэн гэж хэлсэн. Би орой салаад гэртээ орсон гэдгээ хэлсэн чинь Анхбаяр ах уурлаад бөөн юм болоод гал түлж байгаа түлээний мод аваад Өлзийбаяр эгч рүү шидсэн чинь хөлөнд нь оносон. Өлзийбаяр эгч нөхөртөө хэлэхдээ шөнө гарч яваад танихгүй 3 залуу машинд суулгаж авч яваад архи өгөөд хүчиндсэн гэж хэлсэн гэсэн. Анхбаяр ах цагдаад өргөдөл өгч шалгуулна гээд байсан. Би тухайн үед Дорнод аймаг руу ажил гарсан учраас явсан” гэсэн мэдүүлэг. /хх-ийн 27-р хуудас/

 

            4. Гэрч Ц.Даваабаярын “Манай найз болох Өлзийбаяр нь 2015 оны 10 сарын 10-наас 11-ний хооронд Бямбаатай хамт Чка буудалд хоносон талаар надад мэдэх зүйл байхгүй. Эхлээд Ариунзаяа, Бямбаа бид гурав гарч явсан. Тэрнээс хойш юу болсныг хэлж мэдэхгүй байна. Би Ариунзаяатай гэрт нь очиж хоносон. Надад Бямбаатай хоносон гэж ерөөсөө хэлээгүй. Намайг дуудахад Ариунзаяагаас юу болсон талаар асуухад Өлзийбаяр Бямбаатай хамт буудалд хоноод маргааш нь нөхөр нь хардаад сүүд болсон. Тэгсэн хүнд хүчиндүүлсэн гэж худлаа хэлээд одоо цагдаа дээр дуудагдаад байна гэж хэлсэн гэсэн” гэсэн мэдүүлэг. /хх-ийн 25-р хуудас/

 

            5. Гэрч Н.Ариунзаяагийн “Манай найз болох Өлзийбаяр нь 2015 ны 10 дугаар сарын 10-наас 11-ний хооронд Бямбаатай хамт Чка буудалд хоносон талаар тухайн үедээ ерөөсөө хэлээгүй. Харин маргааш нь нөхөр Анхбаяр дуудаад та нар өчигдөр архи уусан уу гэхэд нь тэгсэн гэсэн чинь эхнэрийгээ гэртээ ирж хоноогүй гээд бөөн ууртай хүн байсан. Тухайн үед Өлзийбаяр согтуу буудалд унтаад үлдсэн болохоор тэрийг нь хэлсэн чинь та нар нуугаад хэлэхгүй байна гээд уурлаад байсан. Өлзийбаяр үүрээр гарч яваад машинтай үл таних 3 залуу авч яваад хүчиндсэн гэж хэлсэн байсан. Нөхөр Анхбаяр нь уурлаад түлээний мод авч шидээд хөлөн дээр нь оносон. Мөн гараас нь татаж угзраад маш их уурлаад байсан. Тэгээд хүчиндүүлсэн бол цагдаад өргөдөл өгч шалгуул гээд байсан. Бямбаатай хоносон талаар сая ирж уулзаад хэлэхэд мэдсэн” гэсэн мэдүүлэг /хх-ийн 26-р хуудас/  болон Орхон аймгийн Шүүхийн шинжилгээний албаны 2015 оны 10 сарын 30-ны өдрийн 971 дугаартай дүгнэлт болон шүүгдэгчийн ял шийтгэгдсэн эсэхийг шалгасан лавлагаа зэрэг нотлох баримтуудыг шинжлэн судлаад Эрүүгийн байцаан шийтгэх хуульд заасан үндэслэл журмын цуглуулж бэхжүүлсэн, үнэлэх боломжтой гэж үзэв.

 

            Шинжлэн судалсан нотлох баримтуудаар шүүгдэгч Б.Өлзийбаяр нь эрүүгийн 201514000546 дугаартай хэрэгт хохирогчоор мэдүүлэг өгөхдөө 2015 оны 10 дугаар сарын 10-наас 11-нд шилжих шөнө Орхон аймгийн Баян-Өндөр сум Их залуу багийн нутагт үл таних 3 залууд хүчиндүүлсэн гэж худал мэдүүлсэн болох нь нотлогдож байна.

 

           Шүүгдэгч Б.Өлзийбаярт ял сонсгож, яллах дүгнэлт үйлдэж ирүүлсэн хуулийн зүйл, хэсэг тохирсон, түүнд ял шийтгэл оногдуулах үндэстэй байна.

 

           Б.Өлзийбаярт ял шийтгэл оногдуулахдаа анх удаа хүндэвтэр гэмт хэрэг үйлдсэн, үйлдсэн гэмт хэрэгтээ чин санаасаа гэмшиж байгаа, гэмт хэрэг үйлдэж учруулсан хохирлоо сайн дураар нөхөн төлсөн зэргийг хөнгөрүүлэх нөхцөл байдалд харгалзан үзлээ.

 

           Энэ хэрэгт эд мөрийн баримтаар хураагдан ирсэн эд зүйлгүй, битүүмжлэгдсэн хөрөнгөгүй, шүүгдэгч нь бусдад төлөх төлбөргүй, түүний бичиг баримт шүүхэд ирээгүй, болохыг тус тус дурдах нь зүйтэй.

 

           Эрүүгийн байцаан шийтгэх хуулийн 283, 284, 285, 286, 290, 292, 294, 295, 296, 297, 298, 299 дүгээр зүйлүүдэд заасныг удирдлага болгон

 

ТОГТООХ нь:

            1.Шүүгдэгч Хужиртийхан овгийн Батсайханы Өлзийбаярыг худал мэдүүлэг өгөх гэмт хэргийг үйлдсэн гэм буруутайд тооцсугай.

  2.Эрүүгийн хуулийн тусгай ангийн 254 дүгээр зүйлийн 254.1.-д зааснаар шүүгдэгч Б.Өлзийбаярыг 1 /нэг/ жилийн хугацаагаар хорих ялаар шийтгэсүгэй.

 

  3.Эрүүгийн хуулийн ерөнхий ангийн 52 дугаар зүйлийн 52.5.-д зааснаар шүүгдэгч Б.Өлзийбаярт оногдуулсан 1 жилийн хорих ялыг жирийн дэглэмтэй хорих ангид эдлүүлсүгэй.

 

  4.Энэ хэрэгт эд мөрийн баримтаар хураагдан ирсэн эд зүйлгүй, битүүмжлэгдсэн хөрөнгөгүй, шүүгдэгч нь бусдад төлөх төлбөргүй, түүний бичиг баримт шүүхэд ирээгүй, болохыг тус тус дурд сугай.

 

  5.Эрүүгийн хуулийн ерөнхий ангийн 61 дүгээр зүйлийн 61.1., 61.4.-д зааснаар шүүгдэгч Д.Өлзийбаярт оногдуулсан 1 жилийн хорих ялыг тэнсэж 1 жилийн хугацаагаар хянан харгалзахаар тогтоож, түүнд хяналт тавихыг Орхон аймгийн Цагдаагийн газарт даалгасугай.

 

  6.Шийтгэх тогтоол хүчин төгөлдөр болтол шүүгдэгч Б.Өлзийбаярт авсан батлан даалтанд өгөх  таслан сэргийлэх арга хэмжээг хэвээр үргэлжлүүлсүгэй.

 

            7.Шийтгэх тогтоол танилцуулан сонсгосноор хүчинтэй болох ба ялтан, хохирогч, тэдгээрийн өмгөөлөгч, хууль ёсны төлөөлөгч нар эс зөвшөөрвөл гардан авснаас хойш 14 хоногийн дотор Орхон аймгийн Эрүүгийн хэргийн давж заалдах шатны шүүхэд давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэй.

 

 

 

 

ДАРГАЛАГЧ, ШҮҮГЧ                    Ц.АЛТАНГАДАС