МОНГОЛ УЛСЫН НЭРИЙН ӨМНӨӨС

 

Хөвсгөл аймаг дахь Сум дунд эрүүгийн хэргийн анхан шатны шүүхийн шүүх хуралдааныг шүүгч Н.Ариунжаргал даргалж тус шүүхийн шүүх хуралдааны танхимд нээлттэй хийсэн шүүх хуралдаанаар:

Нарийн бичгийн даргаар П.Ундрах

Улсын яллагч Ц.Мөнхжаргал

Шүүгдэгч Д.Догсом нарыг оролцуулан Аймгийн Прокурорын газраас Эрүүгийн хуулийн тусгай ангийн 145 дугаар зүйлийн 145.1-т зааснаар яллагдагчаар татах тогтоол баталж ирүүлсэн Д.Догсомд холбогдох эрүүгийн 201722000184 тоот хэргийг 2017 оны 5 дугаар сарын 05-ны өдөр хүлээн авч  хянан хэлэлцэв.

Шүүгдэгч нарын биеийн байцаалт:

Монгол улсын иргэн, Боржигон овогт Дашнямын Догсом, 1992 оны 12 дугаар сарын 10-нд Хөвсгөл аймгийн Цэцэрлэг суманд төрсөн, 25 настай, эрэгтэй, яс үндэс халх, бага боловсролтой, мэргэжилгүй, малчин, ам бүл 3, эхнэр, хүүхдийн хамт, Хөвсгөл аймгийн Мөрөн сумын 14 дүгээр багийн 28-08 тоотод оршин суух, гавъяа шагналгүй, урьд ял шийтгэлгүй, бие эрүүл, Регистрийн РС92121036 дугаартай

Шүүгдэгч Д.Догсом нь Хөвсгөл аймгийн Мөрөн сумын 6 дугаар багт байрлах Саранхээ дэлгүүрийн гудамжнаас 2017 оны 3 дугаар сарын 26-ны өдөр иргэн Д.Цэрэннадмидын эзэмшлийн Мустанг-5 маркийн мотоциклийг хулгайлж 1.750.000 төгрөгийн хохирол учруулсан гэмт хэргийг үйлдсэнд холбогджээ.

ТОДОРХОЙЛОХ НЬ

Шүүгдэгч Д.Догсом нь Хөвсгөл аймгийн Мөрөн сумын 6 дугаар багт байрлах Саранхээ дэлгүүрийн гудамжнаас 2017 оны 3 дугаар сарын 26-ны өдөр иргэн Д.Цэрэннадмидын эзэмшлийн Мустанг-5 маркийн мотоциклийг хулгайлж 1.750.000 төгрөгийн хохирол учруулсан гэмт хэргийг үйлдсэн гэм буруутай болох нь

Хохирогч Д.Цэрэннадмидын хэрэг бүртгэлтийн шатанд өгсөн: 2017 оны 3 дугаар сарын 26-ны өдөр 18 цагийн үед 6-р хорооны Саранхээ дэлгүүрийн арын гудамжны зүүн талаасаа 6 дахь хааланд буюу 6-38-04 тоотод Сайнтогтох гэж хүргэнийдээ бензиний мөнгө авах гээд очсон. Тэгээд цай уугаад гараад ирсэн чинь миний Мустанг-5 маркийн мотоцикль алга болсон байсан. Гудамжны зүүн баруун талруу явж мөр харахад үүднээс түрээд шороон зам руу орсон байсан. Тэгээд цагдаагийн газарт тэмдэглүүлсэн гэх мэдүүлэг /хх-ийн 12-р тал/,

Гэрч П.Гомбосүрэнгийн хэрэг бүртгэлтийн шатанд өгсөн: Надад 2017 оны 4 дүгээр сарын 03-04-ний өдөр байх би гэрт нь очсон чинь цоо шинэ ногоон өнгийн Мустанг-5 маркийн мотоцикльтой болчихсон байсан. Тэгээд би мотоцикль худалдаж авсан юм уу гэж асуусан чинь би авсан эгж хариулсан. Тэгнээс намайг улаан банкаа ногоон болгох уу гэхээр нь би тэгий гэж хэлээд бид 2 гэрийнх нь гадаа мотоциклийн банк хоёр багажны таг, суудлын сүүл, 4 ширхэг зэрэг эд зүйлийг сольсон юм гэх мэдүүлэг /хх-ийн 14-р тал/

Хэргийн газарт үзлэг хийсэн тэмдэглэл /хх-ийн 5-р тал/,

Эд зүйл хураан авч хүлээлгэн өгсөн тухай тэмдэглэл /хх-ийнэ 29-р тал/,

Хөрөнгө үнэлсэн тайлан /хх-ийн 32-р тал/,

Шүүгдэгч Д.Догсомын хэрэг бүртгэлтийн шатанд өгсөн: Би 2017 оны 3 дугаар сарын 26-ны өдөр 15 цагийн үед би хөдөө Сүхийн аманд байдаг гэрээсээ явган замын унаагаар орж ирсэн юм. Тэгээд аавын гэрт халт ороод 10-р хорооруу мотоцикль хулгай хийхээр мотоцикль хайж яваад 10-р хорооны Хөх толгой руу гарсан чинь улаан өнгийн шинэ мотоцикль байсан юм. Тэгэхээр нь би хүн харж байгаад яваад очсон чинь толгойн дээр нь түлхүүр нь зоолттой байсан. Тэгэхээр нь шууд үүдэн дээр нь асааж аваад шууд хойшоо тал руу гараад Олны өтгийн урдуур гараад гэртээ харьсан. Тэгээд эхнэртээ хүнээс худалдаж авлаа гэж хэлсэн. Тэгээд хөдөө гэртээ унаж байгаад 2017 оны 4 дүгээр сарын 07-ны өдөр 13 цагийн үед аймгийн төв рүү малын хэвэг авах гэж орж ирээд 9 дүгээр хороонд цагдаатай таарсан гэх мэдүүлэг /хх-ийн 19-20-р тал/ зэрэг шүүх хуралдаанаар хэлэлцэгдсэн дээрх нотлох баримтуудыг Эрүүгийн байцаан шийтгэх хуульд заасан арга хэрэгслийн дагуу цуглуулж бэхжүүлсэн, хэргийг шийдвэрлэхэд хангалттай байх тул шүүгдэгч Д.Догсомыг Эрүүгийн хуулийн тусгай ангийн 145 дугаар зүйлийн 145.1-т зааснаар бусдын эд хөрөнгийг хулгайлах гэмт  гэмт хэргийг үйлдсэнд гэм буруутайд тооцож, эрүүгийн хариуцлага хүлээлгэх үндэслэлтэй байна. Хэргийн зүйлчлэл зөв байна.

Шүүгдэгч Д.Догсом нь урьд ял шийтгэл эдэлж байгаагүй болох нь ял шийтгэгдсэн эсэхийг шалгах хуудас, /хх-ийн 39-р тал/аар тогтоогдож байна.

Шүүгдэгч нь анх удаа хөнгөн гэмт хэрэг үйлдснийг, хохирол төлбөрөө барагдуулсныг ял хөнгөрүүлэх нөхцөл байдалд тооцлоо. Харин ял хүндрүүлэх нөхцөл байдал тогтоогдсонгүй.

Эрүүгийн 201722000184 дугаартай хэрэгт битүүмжилсэн эд хөрөнгөгүй, эд мөрийн баримтаар хураагдсан эд зүйлгүй, хохирогч нь нэхэмжлэх зүйлгүй, шүүгдэгч нь цагдан хоригдоогүй болохыг дурьдах нь зүйтэй байна.

Эрүүгийн байцаан шийтгэх хуулийн 248 дугаар зүйлийн 248.1.2, 283, 284, 286, 290, 294-298 дугаар зүйлүүдэд заасныг удирдлага болгон

ТОГТООХ НЬ: