МОНГОЛ УЛСЫН НЭРИЙН ӨМНӨӨС

 

 Өвөрхангай аймаг дахь сум дундын эрүүгийн хэргийн анхан шатны шүүхийн шүүх хуралдааныг Ерөнхий шүүгч, шүүгч Х.Отгонжаргал даргалж,

Улсын яллагч Б.Мандалмаа,

Шүүх хуралдааны нарийн бичгийн дарга Х.Билгүүн,

Шүүгдэгч *********** нарыг оролцуулан тус шүүхийн шүүх хуралдааны танхимд нээлттэй хийсэн шүүх хуралдаанаар Өвөрхангай аймгийн Прокуророос Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар яллагдагчаар татаж, яллах дүгнэлт үйлдэж ирүүлсэн *********** овогт **********н ********** д холбогдох *********** дугаартай эрүүгийн хэргийг хянан хэлэлцэв.

 

 Шүүгдэгчийн биеийн байцаалт:

 

Монгол Улсын иргэн, **** оны ** дугаар сарын **-ний өдөр, Өвөрхангай аймгийн ********** суманд төрсөн, *** настай, эрэгтэй, бага боловсролтой, мэргэжилгүй, хувиараа барилгын ажил эрхэлдэг, ам бүл **, ********* хамт Өвөрхангай аймгийн ************ сумын ** дугаар багийн ***** тоотод оршин суух хаягтай, урьд Өвөрхангай аймгийн Сум дундын 1 дүгээр шүүхийн 2001 оны 05 дугаар сарын 10-ны өдрийн 1/112 дугаартай таслан шийдвэрлэх тогтоолоор Эрүүгийн хуулийн тусгай ангийн 123 дугаар зүйлийн 3 дахь хэсэгт зааснаар 250000 төгрөгөөр торгох ялаар шийтгэгдэж байсан, хэрэг хариуцах чадвартай, *********** овогт **********н ************ /РД: ************ /.

 

 Холбогдсон хэргийн талаар:

 

           Шүүгдэгч *********** нь **** оны *** дугаар сарын **-ний өдөр Өвөрхангай аймгийн ************ сумын ** дугаар багийн нутагт ************ дэлгүүрийн арын шилэн барилгын 7 давхарт барилгын дотор заслын ажил гүйцэтгэж байхдаа хохирогч ************г зодож биед нь баруун, зүүн өгзөг, баруун, зүүн гуя хэсэгт цус хуралт гэмтэл бүхий хөнгөн хохирол санаатай учруулсан гэмт хэрэгт холбогджээ.

 

                                                       ТОДОРХОЙЛОХ нь:

 

Шүүхийн хэлэлцүүлэгт дараах нотлох баримтуудыг шинжлэн судлав.

 

Шүүгдэгч *********** шүүх хуралдааны хэлэлцүүлэгт өгсөн мэдүүлэгтээ:... 07 дугаар сарын 09-ний өдөр барилгын 6 давхарт ажлаа хийж байхад ********** орж ирсэн. Тэгээд хов зөөлөө гэхээр нь би эхлээд юм дуугараагүй гараад явсан. Орой ажил тарах үед би хог цэвэрлээд шүүр барьсан явж байсан. Шүүрний ишийг ногоон хоолойгоор ишилсэн байсан. Тэгээд намайг хүүхэн шиг хов зөөлөө гээд байхаар нь юу яриад байгаа юм бэ? Би чамайг ажил дээр 2 удаа согтуу ирэхэд чинь 2 удаа гэрт чинь хүргэж өгсөн биз дээ. Би тэрийг л хэлсэн гэж хэлэхэд хүүхэн шиг хов зөөлөө гээд байхаар нь барьж явсан шүүрний ишээр цохисон. Тэгээд ажлаасаа буугаад явсан. Миний буруу. Би ядраад ууртай байсан учраас цохисон. Би эхлээд нэлээд их тэвчсэн. Тэгээд уур хүрээд тийм зүйл болсон. ************ миний утсыг авахгүй байгаа. Би уучлалт гуйсан. Гэм буруугаа хүлээн зөвшөөрч байна гэв.

 

            Хохирогч ************н  мөрдөн шалгах ажиллагаанд өгсөн болон дахин өгсөн:... Би 2024 оны 07 дугаар сарын 09-ний өдөр Өвөрхангай аймгийн ************ сумын ** дугаар багийн нутагт байрлах ************ дэлгүүрийн арын шинээр баригдаж байгаа 7 давхар барилга дээр ажиллаж байсан чинь хамт ажилладаг ************ гэх хүн дээд давхраас бууж ирээд өнөөдөр чи ажлаа дуусгах нь ээ гэхээр нь чи эр хүн байж хүүхэн шиг яах гэж хов ярьдаг юм гэж хэлсэн чинь юу яриад байгаа юм пизда минь гээд сангийн ногоон өнгийн хоолойгоор миний баруун гуя руу 2 удаа цохисон. Би дуугарахгүй байгаад байсан чинь дахиад нэг удаа цохисон. Тэгсэн чинь хамт ажиллаж байсан *********** гэх залуу та яаж байгаа юм боль гээд барьж аваад хойд талын өрөө рүү дагуулаад орсон. Намайг ажилдаа ирэхгүй байна гээд манай эгчид хов зөөлөө гэж хэлсэн чинь уурлаад цохисон. Бид хоёр маргаан хийсэн асуудал байхгүй. Намайг ална шүү пизда минь гээд дайраад байсан. Миний баруун талын зузаан гуя, хонгон дээр 3 удаа сангийн нарийн ногоон хоолойгоор цохисон. Миний баруун талын гуя хэсэгт 3 хэсэг газар хөхрөөд хавдсан байсан. Нэхэмжлэх зүйл байхгүй. Би сэтгэцэд учирсан хор уршгийн зэрэглэл тогтоолгохгүй гэсэн мэдүүлэг /хх-ийн 24-р хуудас/,

 

            Гэрч ***********н  мөрдөн шалгах ажиллагаанд өгсөн:... Би **** оны ** дугаар сарын **-ний өдөр Өвөрхангай аймгийн ************ сумын ** дугаар багт байрлах ************ дэлгүүрийн ард шинээр баригдаж байгаа 7 давхар барилга дээр ажиллаж байсан чинь хамт ажилладаг ********** гэх эмэгтэй 14 цаг өнгөрч байх үед орж ирээд ажлаа хийж байсан. 7 давхарт плита нааж байсан чинь үүдний коридор хэсэгт эрэгтэй, эмэгтэй хоёр хүн маргалдаад байхаар нь гараад очсон чинь ********** , ********** нар хоорондоо маргалдаад зогсож байсан. ********** надад хэлэхдээ ************ намайг барилгын сангийн нарийн ногоон хоолойгоор цохисон гээд байсан. Дахиад цохих гээд байхаар нь би болиулаад ********** ыг доош нь буулгасан. Тэгээд буцаад ороод ирэх үед ********** зүгээр ажлаа хийж байсан. Би нарийн ширийн зүйлийг нь мэдэхгүй байна. Намайг ажлаа хийгээд сууж байх үед гэнэт хэрүүл хийгээд байсан. Би тухайн өдөр нойлын өрөөний хананд плита наагаад байж байсан болохоор зодож цохисон талаар хараагүй. Намайг яваад очих үед ************ гартаа сангийн нарийн ногоон хоолой барьчихсан байсан. ********** энэ намайг зодчихлоо гэж байсан гэсэн мэдүүлэг /хх-ийн 26-р хуудас/,

 

            Өвөрхангай аймаг дахь бүсийн шүүх шинжилгээний төвийн шинжээч эмч **********н  2024 оны 07 дугаар сарын 23-ны өдрийн 552 дугаартай:... Үзүүлэгч ************н  биед баруун, зүүн өгзөг, баруун зүүн гуя хэсэгт цус хуралт гэмтлүүд тогтоогдлоо. Дээрх гэмтлүүд нь мохоо зүйлийн олон удаагийн үйлчлэлээр үүсгэгдсэн байх боломжтой. Дээрх гэмтлүүд нь хэргийн цаг хугацаанд үүссэн байх боломжтой. Эрүүл мэндийг түр хугацаагаар сарниулах тул хүний эрүүл мэндэд учирсан хохирлын зэрэг тогтоох журмын 3.1.1-т зааснаар хохирлын Хөнгөн зэрэг тогтоогдлоо гэсэн шинжээчийн дүгнэлт /хх-ийн 13-14-р хуудас/,

 

            2024 оны 08 дугаар сарын 09-ний өдрийн гэмт хэргийн талаарх гомдол, мэдээлэл хүлээн авсан тэмдэглэл /хх-ийн 2-р хуудас/,

 

             Шүүгдэгч ********** ы хувийн байдалтай холбоотой баримт буюу иргэний үнэмлэхийн лавлагаа /хх-ийн 46-р хуудас/, төрөл садангийн лавлагаа /хх-ийн 45-р хуудас/, эд хөрөнгө бүртгэлтэй эсэх лавлагаа /хх-ийн 47-р хуудас/, иргэний оршин суугаа газрын хаягийн бүртгэлийн лавлагаа /хх-ийн 48-р хуудас/, эрүүгийн хариуцлага хүлээж байсан эсэхийг шалгах хуудас /хх-ийн 49-р хуудас/,

 

            Хохирогч ************н  шүүхэд ирүүлсэн:... Надад гомдол санал, нэхэмжлэх хохирол, хор уршиг байхгүй гэсэн хүсэлт,

 

2023 оны 08 дугаар сарын 06-ны өдрийн эрүүгийн хэрэг үүсгэж яллагдагчаар татах тухай мөрдөгчийн санал /хх-ийн 30-р хуудас/,

 

2024 оны 08 дугаар сарын 09-ний өдрийн *********** дугаартай эрүүгийн хэрэг үүсгэж яллагдагчаар татах тухай прокурорын тогтоол /хх-ийн 31-32-р хуудас/ зэрэг болно.

 

              1. Шүүгдэгчийн гэмт хэрэг үйлдсэн гэм буруугийн талаар:

 

Улсын яллагч Б.Мандалмаа шүүгдэгчийн гэм буруугийн талаар:... Шүүгдэгч *********** нь 2024 оны 07 дугаар сарын 09-ний өдөр Өвөрхангай аймгийн ************ сумын 5 дугаар багийн нутаг дэвсгэрт байрлах шинээр баригдаж буй 7 давхар барилгын дотор ажлыг хийж гүйцэтгэж байхдаа хохирогч **********тэй хэрүүл маргаан үүсгэж, улмаар барилгын сангийн хоолойгоор түүний гуя, өгзөг рүү 3 удаа цохиж биед нь баруун зүүн өгзөг, баруун зүүн гуя хэсэгт цус хуралт бүхий хөнгөн хохирол санаатай учруулсан болох нь хавтаст хэрэгт хуульд заасан үндэслэл журмын дагуу цуглуулж бэхжүүлсэн нотлох баримтуудаар нотлогдон тогтоогдож байна. Шүүгдэгчийн дээрх үйлдэл нь Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэргийн шинжийг хангаж байх тул түүнийг дээрх гэмт хэргийг үйлдсэн гэм буруутайд тооцуулах саналтай байна. Энэ гэмт хэргийн улмаас хохирогч ************ нь гомдол саналгүй, нэхэмжлэх зүйлгүй, сэтгэцэд учирсан хор уршигтай холбоотой нөхөн төлбөр нэхэмжлэхгүй гэсэн тул түүнийг бусдад төлөх төлбөргүй байна гэж үзэж байна. Иймд шүүгдэгч **********ыг Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэргийг үйлдсэн гэм буруутайд тооцуулах дүгнэлтийг гаргаж байна гэсэн дүгнэлтийг гаргасан.

 

Шүүгдэгч *********** гэм буруугийнхаа талаар:... Гэм буруугаа хүлээн зөвшөөрч байна гэсэн.

 

Эрүүгийн хэрэг хянан шийдвэрлэх тухай хуулийн 34.14 дүгээр зүйлийн 1 дэх хэсэгт “Анхан шатны журмаар хэрэг хянан шийдвэрлэх ажиллагаа нь тухайн шүүгдэгчийн хувьд прокуророос шүүхэд шилжүүлсэн эрүүгийн хэргийн хүрээнд явагдана” гэж заасан байх тул шүүгдэгч **********д холбогдох хэргийг прокуророос шүүхэд шилжүүлсэн эрүүгийн хэргийн хүрээнд шийдвэрлэсэн болно.

 

Шүүхийн хэлэлцүүлэгт шинжлэн судалсан болон хэрэгт цугларсан дээрх нотлох баримтууд нь энэ хэрэгт хамааралтай, хуульд заасан үндэслэл, журмын дагуу цугларч бэхжүүлэгдсэн, шүүгдэгчээс яллагдагчаар болон хохирогч, гэрч нараас мэдүүлэг авахдаа Эрүүгийн хэрэг хянан шийдвэрлэх ажиллагааны журам, шаардлага зөрчөөгүй, мөрдөн шалгах ажиллагааны явцад хэрэг хянан шийдвэрлэх ажиллагааны оролцогчийн хуулиар хамгаалагдсан эрхийг хассан буюу хязгаарласан зөрчил тогтоогдоогүй, мөн тухайн хэрэгт хувийн сонирхолгүй, ажил, мэргэжлийн мэдлэг, туршлага бүхий шинжээч нар тусгай мэдлэгийн хүрээндээ дүгнэлт гаргасан тул хэргийн бодит байдлыг тогтоож хэргийг эцэслэн шийдвэрлэхэд хангалттай, үнэн зөв гэж шүүх үзсэн болно.

 

 Шүүх хуралдаанаар шинжлэн судалсан нотлох баримтуудаар шүүгдэгч *********** нь 2024 оны 07 дугаар сарын 09-ний өдөр Өвөрхангай аймгийн ************ сумын 5 дугаар багийн нутагт ************ дэлгүүрийн арын шилэн барилгын 7 давхарт барилгын дотор заслын ажил гүйцэтгэж байхдаа хохирогч ************г зодож биед нь баруун, зүүн өгзөг, баруун, зүүн гуя хэсэгт цус хуралт гэмтэл бүхий хөнгөн хохирол санаатай учруулсан үйл баримт тогтоогдсон бөгөөд энэ нь Эрүүгийн хуульд заасан хэрэг мөн байна.

 

              Шүүгдэгч *********** нь 2024 оны 07 дугаар сарын 09-ний өдөр Өвөрхангай аймгийн ************ сумын 5 дугаар багийн нутагт ************ дэлгүүрийн арын шилэн барилгын 7 давхарт барилгын дотор заслын ажил гүйцэтгэж байхдаа хохирогч ************г зодож биед нь баруун, зүүн өгзөг, баруун, зүүн гуя хэсэгт цус хуралт гэмтэл бүхий хөнгөн хохирол санаатай учруулсан гэмт хэргийг үйлдсэн болох нь хавтаст хэрэгт авагдаж, шүүх хуралдааны хэлэлцүүлэгт шинжлэн судалсан 2024 оны 07 дугаар сарын 09-ний өдрийн гэмт хэргийн талаарх гомдол, мэдээлэл хүлээн авсан тэмдэглэл /хх-ийн 2-р хуудас/, хохирогч ************н  2024 оны 07 дугаар сарын 09-ний өдөр Өвөрхангай аймгийн ************ сумын 5 дугаар багийн нутагт байрлах ************ дэлгүүрийн арын шинээр баригдаж байгаа 7 давхар барилга дээр ажиллаж байсан чинь хамт ажилладаг ************ гэх хүн дээд давхраас бууж ирээд өнөөдөр чи ажлаа дуусгах нь ээ гэхээр нь чи эр хүн байж хүүхэн шиг яах гэж хов ярьдаг юм гэж хэлсэн чинь юу яриад байгаа юм пизда минь гээд сангийн ногоон өнгийн хоолойгоор миний баруун гуя руу 2 удаа цохисон.  Бас дахиад нэг удаа цохисон чинь хамт ажиллаж байсан *********** гэдэг залуу та яаж байгаа юм боль гээд барьж аваад хойд талын өрөө рүү дагуулаад орсон. Миний баруун талын зузаан гуя, хонгон дээр 3 удаа сангийн нарийн ногоон хоолойгоор цохисон. Миний баруун талын гуя хэсэгт 3 хэсэг газар хөхрөөд хавдсан байсан. Нэхэмжлэх зүйл байхгүй. Би сэтгэцэд учирсан хор уршгийн зэрэглэл тогтоолгохгүй гэсэн мэдүүлэг /хх-ийн 24-р хуудас/, Өвөрхангай аймаг дахь бүсийн шүүх шинжилгээний төвийн шинжээч эмч **********н  2024 оны 07 дугаар сарын 23-ны өдрийн 552 дугаартай шинжээчийн дүгнэлт /хх-ийн 13-14-р хуудас/, шүүгдэгч ********** ы мөрдөн шалгах ажиллагаанд яллагдагчаар өгсөн мэдүүлэг, хохирогч ************н  шүүхэд ирүүлсэн надад гомдол санал, нэхэмжлэх хохирол, хор уршиг байхгүй гэсэн хүсэлт, эрүүгийн хэрэг үүсгэж яллагдагчаар татах тухай прокурорын тогтоол болон бусад бичгийн нотлох баримтуудаар нотлогдон тогтоогдсон, мөрдөн шалгах ажиллагааны үед гүйцэтгэвэл зохих ажиллагаа бүрэн хийгдсэн байна.

 

    Шүүгдэгч *********** нь гэмт хэрэг үйлдсэн гэм буруугаа хүлээн зөвшөөрч мэдүүлэг өгсөн бөгөөд түүний мэдүүлэг нь шүүхийн хэлэлцүүлэгт шинжлэн судалсан хохирогчийн мэдүүлэг, Өвөрхангай аймгийн Шүүх шинжилгээний хэлтсийн шинжээч эмч **********н  2024 оны 07 дугаар сарын 23-ны өдрийн 552 дугаартай шинжээчийн дүгнэлт, шүүгдэгч *********ы мөрдөн шалгах ажиллагаанд яллагдагчаар өгсөн мэдүүлэг, эрүүгийн хэрэг үүсгэж яллагдагчаар татах тухай прокурорын тогтоол, хохирогч ************н  надад гомдол саналгүй, нэхэмжлэх хохирол хор уршиг байхгүй гэсэн тайлбар зэргээр давхар нотлогдсон, шүүгдэгч нь гэм буруу болон хохирол, хор уршиг, хэргийн зүйчлэлийн хувьд маргаагүй болно.

 

Шүүгдэгч ********** ы 2024 оны 07 дугаар сарын 09-ний өдөр Өвөрхангай аймгийн ************ сумын 5 дугаар багийн нутагт ************ дэлгүүрийн арын шилэн барилгын 7 давхарт барилгын дотор заслын ажил гүйцэтгэж байхдаа хохирогч ************г зодож биед нь баруун, зүүн өгзөг, баруун, зүүн гуя хэсэгт цус хуралт гэмтэл бүхий хөнгөн хохирол санаатай учруулсан үйлдэл нь Эрүүгийн хуулийн тусгай ангийн 11.6 дугаар зүйлийн 1 дэх  хэсэгт заасан гэмт хэргийн шинжийг бүрэн хангасан, прокуророос яллах дүгнэлт үйлдэж ирүүлсэн хэргийн зүйлчлэлийг зөв гэж үзэж шүүгдэгч *********** овогт **********н **********ыг хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцох хууль зүйн үндэслэлтэй байна.  

 

            2. Гэмт хэргийн улмаас учирсан хохирол, хор уршгийн талаар:

 

Шүүгдэгч ********** ы дээрх үйлдлийн улмаас нь хохирогч ************н  биед баруун, зүүн өгзөг, баруун, зүүн гуяд цус хуралт гэмтлүүд учирсан.

 

            Хохирогч ************ нь гомдол саналгүй, нэхэмжлэх хохирол, хор уршиг байхгүй гэсэн тул шүүгдэгч ********** ыг бусдад төлөх төлбөргүй гэж шүүх дүгнэв.

           

             3. Шүүгдэгчид хүлээлгэх эрүүгийн хариуцлагын талаар:

 

 Улсын яллагч Б.Мандалмаа шүүгдэгчид хүлээлгэх эрүүгийн хариуцлагын талаар:... Шүүгдэгч ********** ыг Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэг үйлдсэн гэм буруутайд тооцсон тул түүнд эрүүгийн хариуцлага хүлээлгэх үндэслэлтэй байна. Шүүгдэгч нь гэмт хэрэг үйлдсэн гэм буруугаа хүлээн зөвшөөрсөн, хохирогч нь гомдол саналгүй, нэхэмжлэх зүйлгүй, сэтгэцэд учирсан хор уршиг нэхэмжлэхгүй гэсэн учир түүнийг бусдад төлөх төлбөргүй байна гэж үзлээ. Шүүгдэгч нь Өвөрхангай аймгийн ************ суманд барилга дээр ажилладаг ажилтай учраас Эрүүгийн хуулийн ерөнхий ангийн 5.3 дугаар зүйлийн 4 дэх хэсэгт заасан торгох ял оногдуулах боломжтой гэж үзээд шүүгдэгчийн хувийн байдал, гэмт хэргийн шинж, нийгмийн аюулын хэр хэмжээ зэргийг харгалзан түүнд Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 700 нэгжтэй тэнцэх хэмжээний төгрөгөөр буюу 700,000 төгрөгөөр торгох ял оногдуулах саналтай байна. Хэрэгт эд мөрийн баримтаар хураан авсан эд зүйлгүй, бичиг баримтгүй, хэрэг хянан шийдвэрлэх ажиллагааны зардалтай холбоотой баримт авагдаагүй болохыг дурдаж байна  гэсэн дүгнэлтийг гаргасан.

 

           Шүүгдэгч *********** нь шүүх хуралдаанд хэлэх эцсийн үг байхгүй гэсэн.

 

            Шүүгдэгч **********д Эрүүгийн хуулийн ерөнхий ангийн 6.6 дугаар зүйлд заасан эрүүгийн хариуцлагыг хүндрүүлэх нөхцөл байдал тогтоогдоогүй болно.

 

Эрүүгийн хуулийн ерөнхий ангийн 6.1 дүгээр зүйлийн 2 дахь хэсэгт “эрүүгийн хариуцлага хүлээлгэхэд гэмт хэрэг үйлдсэн нөхцөл байдал, учирсан хохирол, хор уршгийн шинж чанар, гэмт хэрэг үйлдсэн хүний хувийн байдал, эрүүгийн хариуцлагыг хөнгөрүүлэх, хүндрүүлэх нөхцөл байдлыг тал бүрээс нь харгалзан үзнэ”,

 

Шүүгдэгч *********** гэм буруугаа хүлээн зөвшөөрсөн, үйлдсэн гэмт хэрэгтээ чин санаанаас гэмшсэн эрүүгийн хариуцлагыг хөнгөрүүлэх онцгой нөхцөл байдлыг болон гэмт хэрэг үйлдсэн нөхцөл байдлыг буюу өөрийн гэсэн эд хөрөнгө, орлого олох боломж, гэмт хэргийн улмаас учирсан хохирол, хор уршгийн шинж чанар, шүүгдэгчийн хувийн байдал зэргийг харгалзан үзэж Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар шүүгдэгч *********** овогт **********н ********** ыг долоон зуун нэгжтэй тэнцэх хэмжээний буюу долоон зуун мянган төгрөгөөр торгох ял оногдуулах нь зүйтэй гэж шүүх дүгнэлээ.

 

Шүүгдэгч ********** ы өөрийн гэсэн эд хөрөнгө, орлого олох боломж зэргийг харгалзан Эрүүгийн хуулийн ерөнхий ангийн 5.3 дугаар зүйлийн 4 дэх хэсэгт зааснаар торгох ялыг хэсэгчлэн төлүүлэх шаардлагагүй гэж үзлээ.

 

Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт зааснаар шүүгдэгч *********** нь шүүхээс оногдуулсан торгох ялыг Шүүхийн шийдвэр гүйцэтгэх тухай хуулийн 160 дугаар зүйлийн 160.1, 160.2-т заасан хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солих болохыг шүүгдэгч ********** д мэдэгдэж,

 

Шүүгдэгч *********** нь цагдан хоригдсон хоноггүй, хохирогч ************ нь гомдол саналгүй, нэхэмжлэх хохирол хор уршиг байхгүй гэсэн, шүүгдэгч нь бусдад төлөх төлбөргүй, хэрэгт эд мөрийн баримтаар хураагдаж ирсэн эд зүйл, бичиг баримтгүй, битүүмжлэгдсэн эд хөрөнгөгүй, хэрэг хянан шийдвэрлэх ажиллагааны зардлын баримт авагдаагүй болохыг дурдаж,

 

Эрүүгийн хэрэг хянан шийдвэрлэх тухай хуулийн 36.8 дугаар зүйлийн 1 дэх хэсгийн 1.5, 36.10 дугаар зүйлийн 4 дэх хэсэгт зааснаар шийтгэх тогтоол хуулийн хүчин төгөлдөр болтол шүүгдэгч ********** д авсан хувийн баталгаа гаргах таслан сэргийлэх арга хэмжээг хэвээр үргэлжлүүлж,

 

Эрүүгийн хэрэг хянан шийдвэрлэх тухай хуулийн 38.2 дугаар зүйлийн 1 дэх хэсэгт зааснаар шийтгэх тогтоол нь уншиж сонсгосноор хүчинтэй болох бөгөөд шийтгэх тогтоолыг гардан авснаас хойш, эсхүл энэ хуулийн 11.9 дүгээр зүйлд заасны дагуу хүргүүлснээс хойш 14 хоногийн дотор Өвөрхангай аймгийн Эрүү, Иргэний хэргийн давж заалдах шатны шүүхэд шүүгдэгч, хохирогч, тэдгээрийн өмгөөлөгч нар давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэйг дурдаж,

 

Эрүүгийн хэрэг хянан шийдвэрлэх тухай хуулийн 37.1 дүгээр зүйлийн 2 дахь хэсэгт зааснаар давж заалдах гомдол гаргасан буюу эсэргүүцэл бичигдсэн тохиолдолд шийтгэх тогтоолын биелэлтийг түдгэлзүүлж, шийтгэх тогтоол биелүүлэх хүртэл шүүгдэгч ********** д авсан хувийн баталгаа гаргах таслан сэргийлэх арга хэмжээг хэвээр үргэлжлүүлж шийдвэрлэх нь зүйтэй байна.

 

Эрүүгийн хэрэг хянан шийдвэрлэх тухай хуулийн 36.2 дугаар зүйлийн 1, 2, 3, 4, 36.6, 36.7 дугаар зүйлийн 2 дахь хэсгийн 2.1, 2.3, 2.4, 36.7 дугаар зүйлийн 3 дахь хэсгийн 3.1, 36.8 дугаар зүйлийн 1 дэх хэсгийн 1.1, 1.2, 1.5, , 36.8 дугаар зүйлийн 4, 5, 36.10 дугаар зүйлийн 1, 36.13, 38.1 дүгээр зүйлийн 1 дэх хэсэгт заасныг удирдлага болгон

 

ТОГТООХ нь:

 

1. Шүүгдэгч *********** овогт **********н ********** ыг хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцсугай.

 

2. Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар шүүгдэгч *********** овогт **********н ********** ыг долоон зуун нэгжтэй тэнцэх хэмжээний буюу долоон зуун мянган төгрөгөөр торгох ялаар шийтгэсүгэй.

 

3. Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт зааснаар шүүгдэгч ********** д нь шүүхээс оногдуулсан торгох ялыг Шүүхийн шийдвэр гүйцэтгэх тухай хуулийн 160 дугаар зүйлийн 160.1, 160.2-т заасан хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солих болохыг шүүгдэгч ********** д мэдэгдсүгэй.

 

4. Шүүгдэгч *********** нь цагдан хоригдсон хоноггүй, хохирогч ************ нь гомдол саналгүй,  нэхэмжлэх хохирол, хор уршиг байхгүй гэсэн, шүүгдэгч нь бусдад төлөх төлбөргүй, хэрэгт эд мөрийн баримтаар хураагдаж ирсэн эд зүйл, бичиг баримтгүй, битүүмжлэгдсэн эд хөрөнгөгүй, хэрэг хянан шийдвэрлэх ажиллагааны зардлын баримт авагдаагүй болохыг дурдсугай.

 

5. Эрүүгийн хэрэг хянан шийдвэрлэх тухай хуулийн 36.8 дугаар зүйлийн 1 дэх хэсгийн 1.5, 36.10 дугаар зүйлийн 4 дэх хэсэгт зааснаар шийтгэх тогтоол хуулийн хүчин төгөлдөр болтол шүүгдэгч ********** д авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

 

6. Эрүүгийн хэрэг хянан шийдвэрлэх тухай хуулийн 38.2 дугаар зүйлийн 1 дэх хэсэгт зааснаар шийтгэх тогтоол нь уншиж сонсгосноор хүчинтэй болох бөгөөд шийтгэх тогтоолыг гардан авснаас хойш, эсхүл энэ хуулийн 11.9 дүгээр зүйлд заасны дагуу хүргүүлснээс хойш 14 хоногийн дотор Өвөрхангай аймгийн Эрүү, Иргэний хэргийн давж заалдах шатны шүүхэд шүүгдэгч, хохирогч, тэдгээрийн өмгөөлөгч нар давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэйг дурдсугай.

 

7. Эрүүгийн хэрэг хянан шийдвэрлэх тухай хуулийн 37.1 дүгээр зүйлийн 2 дахь хэсэгт зааснаар давж заалдах гомдол гаргасан буюу эсэргүүцэл бичигдсэн тохиолдолд шийтгэх тогтоолын биелэлтийг түдгэлзүүлж, шийтгэх тогтоол биелүүлэх хүртэл шүүгдэгч **********д авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

 

 

 

 

 

ДАРГАЛАГЧ, ЕРӨНХИЙ ШҮҮГЧ, ШҮҮГЧ                   Х.ОТГОНЖАРГАЛ