Нэхэмжлэгч Ч.Г******* нь хариуцагч “Зэдра Мичид” ХХК-ийн захирал Ч.Энхтүвшинд холбогдуулан ажил гүйцэтгэх гэрээний дагуу төлсөн 2520 000 төгрөг, гаргуулахаар шүүхэд нэхэмжлэлийн шаардлага гаргажээ.

Хариуцагч “Зэдра Мичид" ХХК-ийн захирал Ч.Энхтүвшинд нэхэмжлэлийн хувийг гардуулсан боловч тэрээр Иргэний хэрэг шүүхэд хянан шийдвэрлэх тухай хуулийн 72 дугаар зүйлийн 72.2-т заасан “ Хариуцагч нэхэмжлэлийг хүлээн авсан өдрөөс хойш 14 хоногийн дотор, эсхүл шүүгчээс тогтоосон хугацаанд нэхэмжлэлийн шаардлагыг хүлээн зөвшөөрсөн, эсхүл татгалзсан үндэслэл, түүнийг нотлох баримтаа шүүхэд ирүүлэх” үүргээ биеүүлээгүй байна.

Иргэн Ч.Г******* нь “Зэдра Мичид” ХХК-ийн захирал Ч.Э******* 2014 оны 04 дүгээр сарын 25-ны өдөр “Ажил гүйцэтгэх гэрээ” байгуулсан байх ба ажил гүйцэтгэгч нь Булган аймгийн Булган сумын 1 дүгээр багийн нутагт баригдах нийт 84 нэгжталбар бүхий нэг өрхийн 0,07 га газарт25м*28 м хэмжээтэй блоктөмрийн холимог хийцтэй, хашаа бүрт 2 тасалгаат 1 ширхэг 1,4м*1м*0,8м хогийн сав, 2м*1,5м*2м хэмжээтэй бохирын нүх, 3,5м*1,6м хэмжээтэй гүйдэг дааман хаалга /төмөр хийц/, 1м*1,6м явган хүний хаалга /төмөр хийц/ зэрэг ажлыг бүрэн гүйцэтгэж 2014 оны 9 дүгээр сарын 01-ний өдөр хүлээлгэж өгөх, харин захиалагч ажлын хөлсөнд тус бүр 2520000 төгрөг төлөхөөр тохирч, талууд гэрээний нөхцлийг харилцан зөвшөөрч гарын үсэг зурснаар гэрээ хүчин төгөлдөр болсон, талуудын хооронд Иргэний хуулийн 343 дугаар зүйлд заасан гэрээ байгуулагдсан байна./хх-ийн 2-3/

Нэхэмжлэгч Ч.Г******* нь гэрээний дагуу 2014 оны 4 дүгээр сарын 25-ны өдөр 1260 000 төгрөг, 2015 оны 8 дугаар сарын 28-ны өдөр 1260 000 төгрөгийг Ч.Энхтүвшинд өгсөн болох нь бэлэн мөнгөний орлогын баримт, Хаан банкны орлогын мэдүүлэг зэрэг баримтуудаар тогтоогдож байна./хх-ийн 4/

Ажил гүйцэтгэх гэрээний хугацаа нь гэрээний гол нөхцөл болдог бөгөөд хариуцагч нь гэрээний дагуу 2014 оны 09 дүгээр сарын 01-ний өдөр хашааг барьж дуусган, хүлээлгэж өгөх үүргээ биелүүлээгүй, өнөөдрийг хүртэл ажлыг бүрэн гүйцэтгэж өгөөгүй, тус гэрээний хугацааг 2 жил гаруй хэтрүүлж байгаа нь нэхэмжлэгчийн тайлбараар тогтоогдожээ.

Иргэний хуулийн 208 дугаар зүйлийн 208.1-д зааснаар үүрэг гүйцэтгэгч үүргийг хууль буюу гэрээнд заасанд хугацаанд гүйцэтгэх учиртай бөгөөд дээрх үндэслэлээр захиалагч гэрээнээс татгалзаж байгаа нь Иргэний хуулийн 225 дугаар зүйлийн 225.1- д заасан зохицуулалттай нийцсэн байна. Ийнхүү зохигчдын хооронд байгуулагдсан “ажил гүйцэтгэх гэрээ”-нээс захиалагч татгалзаж байгаа тул тэрээр гэрээний дагуу өгсөн 2520 000 төгрөгийг Иргэний хуулийн 225, 226 дугаар зүйлд заасны дагуу ажил гүйцэтгэгчээс шаардах эрхтэй.

Иймд 2014 оны 04 дүгээр сарын 25-ны өдөр, 2015 оны 8 дугаар сарын 28-ны өдөр “Ажил гүйцэтгэх гэрээ”-ний дагуу “Зэдра Мичид” ХХК-ийн захирал Ч.Энхтүвшинд шилжүүлсэн 2520 000 төгрөгийг гаргуулж нэхэмжлэгч Ч.Г*******т олгох нь зүйтэй байна.

Нэхэмжлэгч нь хүндэтгэн үзэх шалтааны улмаас шүүх хуралдаанд ирэх боломжгүй өөрийн эзгүйд хэргийг шийдвэрлүүлэх тухай хүсэлт гаргасан, хариуцагч нь Иргэний хэрэг шүүхэд хянан шийдвэрлэх тухай хуулийн 72 дугаар зүйлийн 72.2-т

 

 

 

 

заасан үүргээ биелүүлээгүй, шүүх хурадааны тов мэдэгдсэн боловч хүндэтгэн үзэх шалтгаангүйгээр ирээгүй тул мөн хуулийн 72 дугаар зүйлийн 72.3, 100 дугаар зүйлийн

1. 100.3-т зааснаар хэргийг шийдвэрлэсэн болно.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн

1. 115.2.1, 116, 118дугаар зүйлүүдэд заасныгтус тус удирдлага болгон ТОГТООХ нь:

1. Иргэний хуулийн 343 дугаар зүйлийн 343.1, 225 дугаар зүйлийн 225.1-д зааснаар “Зэдра Мичид” ХХК-ийн захирал Ч.Энхтүвшингээс 2520 000 /хоёр сая таван зуун хорин мянган/ төгрөгийг гаргуулж нэхэмжпэгч Ч.Г*******т олгосугай.
2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн

1. Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжинд төлсөн 55270 /тавин таван мянга хоёр зуун дал/ төгрөгийг Төрийн санд хэвээр үлдээж, хариуцагчаас 55270 / тавин таван мянга хоёр зуун дал/ төгрөгийг гаргуулан нэхэмжпэгчид олгосугай.

3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4, 119.7-д зааснаар шийдвэрийг танилцуулан сонсгож, 7 хоног өнгөрснөөс хойш 14 хоногийн дотор зохигчид, тэдгээрийн төлөөлөгч, өмгөөлөгч шүүхэд хүрэлцэн ирж шийдвэрийг өөрөө гардан авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүй бөгөөд шүүх хуралдаанд оролцоогүй талд шийдвэрийг гардуулснаар гомдол гаргах хугацааг тоолохыг тайлбарласугай.
4. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигчид, тэдгээрийн төлөөлөгч, өмгөөлөгч шүүхийн шийдвэрийг гардан авснаас хойш 14 хоногийн дотор Булган аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.