МОНГОЛ УЛСЫН НЭРИЙН ӨМНӨӨС

 

 

 

 

Монгол Улсын Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 132 дугаар зүйлийн 132.6-д заасныг удирдлага болгон

ТОГТООХ нь:

 

1. Гэр бүлийн тухай хуулийн 14 дүгээр зүйлийн 14.1-д зааснаар Н.О, Б.Э нарын гэрлэлтийг цуцласугай.

 

2. Гэр бүлийн тухай хуулийн 14 дүгээр зүйлийн 14.6-д зааснаар 2010 оны 12 дугаар сарын 14-ний өдөр төрсөн хүү Э.И-г эх Н.О асрамжинд үлдээсүгэй.

 

3. Гэр бүлийн тухай хуулийн 40 дүгээр зүйлийн 40.1.1, 40.1.2-д зааснаар Б.Эаас сар бүр 11 хүртэлх насны хүүхдэд тухайн бүс нутагт тогтоогдсон амьжиргааны доод түвшингийн 50 хувиар, 11-16 нас /суралцаж байгаа бол 18 нас/-тай болтол нь амьжиргааны доод түвшингийн хэмжээгээр 2010 оны 12 дугаар сарын 14-ний өдөр төрсөн хүү И-д хүүхдийн тэтгэлэг гаргуулан тэжээн тэтгүүлсүгэй.

 

4. Иргэний хэрэг шүүхэд хянан шийдвэрлэх тухай хуулийн 63 дугаар зүйлийн 63.1.5-д зааснаар хариуцагч Б.Эын нэг жилийн хугацаанд төлбөл зохих тэтгэлгийн нийлбэр дүнгээс улсын тэмдэгтийн хураамж тооцож 31.002 төгрөгийг хариуцагч Б.Эаас гаргуулан улсын орлогод оруулсугай.

 

5. Иргэний хуулийн 130 дугаар зүйлийн 130.3-т зааснаар хххххххххххххххххххххххххх тоотод байршилтай, эрхийн улсын бүртгэлийн Ү-00000000000000 дугаарт бүртгэлтэй, 55 м.кв талбайтай, 2 өрөө орон сууцыг Н.О, хүү Э.И нарын өмчлөлд үлдээн, Төрийн банктай байгуулсан 2013 оны 3 дугаар сарын 7-ны өдрийн орон сууцны зээлийн гэрээний үүргийн биелэлтийг нэхэмжлэгч Н.О цаашид хариуцах болохыг дурьдаж, нэхэмжлэгч Н.Оээс 15.666.667 төгрөг гаргуулан хариуцагч Б.Эад, хариуцагч Б.Эаас 28.238.031 төгрөг гаргуулан нэхэмжлэгч Н.От тус тус олгосугай.

 

6. Гэр бүлийн тухай хуулийн 26 дугаар зүйлийн 26.4, 26.6-д зааснаар хүүхдийн эрх ашиг, сонирхолд харшлахааргүй бол гэрлэлтээ цуцлуулсан эцэг, эхийн хэн нэг нь нөгөөдөө хүлээсэн үүргээ хэрэгжүүлэхэд саад учруулах, хэн нэгнийхээ хүүхдээ хүмүүжүүлэхэд эдлэх тэгш эрхийг хязгаарлаж болохгүй бөгөөд нэхэмжлэгч Н.О нь хариуцагч Б.Эыг дээрх эрхээ эдэлж, үүргээ хүлээхэд саад учруулахгүй байхыг дурьдсугай.

 

7. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 58 дугаар зүйлийн 58.1, Улсын тэмдэгтийн хураамжийн тухай хуулийн 7 дугаар зүйлийн 7.1.1, 7.1.2-т зааснаар нэхэмжлэгч Н.Оийн улсын тэмдэгтийн хураамжид урьдчилан төлсөн 483.000 төгрөгийг улсын орлогод хэвээр үлдээж, нэхэмжлэгч Н.Оээс 171.000 төгрөг нөхөн гаргуулж улсын орлогод оруулж, хариуцагч Б.Эаас 654.100 гаргуулж нэхэмжлэгч Н.От олгосугай.

 

8. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч, гуравдагч этгээд, тэдгээрийн төлөөлөгч буюу өмгөөлөгч анхан шатны шүүхийн шийдвэрийг гардан авсан өдрөөс хойш 14 хоногийн дотор Нийслэлийн иргэний хэргийн давж заалдах шатны шүүхэд давж заалдах гомдол гаргах эрхтэй бөгөөд Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4, 119.7-д зааснаар шийдвэрийг танилцуулан сонсгож, 7 хоног өнгөрснөөс хойш 14 хоногийн дотор шүүх хуралдааны оролцогч талууд шүүхэд хүрэлцэн ирж шийдвэрийг өөрөө гардан авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүй бөгөөд шүүх хуралдаанд оролцоогүй талд шийдвэрийг гардуулснаар гомдол гаргах хугацааг тоолохыг дурьдсугай.

                                         

                                     ДАРГАЛАГЧ                                   Н.САРАНГҮН