Эрүүгийн байцаан шийтгэх хуулийн 283, 286, 294, 297, 298  дугаар зүйлүүдийг удирдлага болгон                                                                                                                                                             

                                                                                                            ТОГТООХ нь:

1. Шүүгдэгч Боржигон овогт Батмөнхийн Нарангаравыг давтан үйлдлээр   бусдын эд хөрөнгийг хулгайлсан гэмт хэрэг үйлдсэн гэм буруутайд тооцсугай.

     2. Эрүүгийн хуулийн тусгай ангийн 145 дугаар зүйлийн 145.2 дахь хэсэгт зааснаар шүүгдэгч Б.Нарангаравыг 50.000 / тавин мянга/ төгрөгийн эд хөрөнгө хурааж, 2 /хоёр/ жил, 1 /нэг/ сарын хугацаагаар  хорих ялаар шийтгэсүгэй.

     3. Эрүүгийн хуулийн ерөнхий ангийн 52 дугаар зүйлийн 52.5 дахь хэсэгт зааснаар Б.Нарангаравт  оногдуулсан 2 /хоёр/ жил 1 /нэг/ сарын хугацаагаар хорих ялыг жирийн дэглэмтэй эмэгтэйчүүдийн  хорих ангид эдлүүлсүгэй.

     4. Эрүүгийн хуулийн ерөнхий ангийн 61 дүгээр зүйлийн 61.1, 61.4 дэх хэсэгт зааснаар Б.Нарангаравт оногдуулсан 50.000 / тавин мянга/ төгрөгийн эд хөрөнгө хурааж, 2 /хоёр/ жил 1 /нэг / сарын хугацаагаар хорих ялыг биечлэн эдлүүлэхгүй тэнсэж, 1 /нэг/ жилийн хугацаагаар хянан харгалзаж түүнд хяналт тавихыг  Төв аймгийн  Цагдаагийн хэлтэст даалгасугай.

     5. Эрүүгийн  байцаан шийтгэх хуулийн  88 дугаар зүйлийн  88.1.7 дахь хэсэгт зааснаар хэрэгт эд  мөрийн  баримтаар хураагдан ирсэн 1  ширхэг цэнхэр өнгийн     CD-ийг  уг  хэргийг  хадгалах  хугацаа дуустал үлдээсүгэй.

     6. Шүүгдэгч Б.Нарангарав нь цагдан хоригдсон хоноггүй, бусдад төлөх төлбөргүй, энэ хэрэгт битүүмжлэгдэн ирсэн зүйлгүй болохыг тус тус  дурдсугай.

      7. Шийтгэх тогтоолыг шүүгдэгч, түүний өмгөөлөгч, хохирогч эс зөвшөөрвөл тогтоолыг гардуулснаас хойш 14 хоногийн дотор Нийслэлийн Эрүүгийн хэргийн давж заалдах шатны шүүхэд давж заалдах гомдол гаргах, улсын яллагч эсэргүүцэл бичих эрхтэйг дурдсугай.

8. Шийтгэх тогтоол танилцуулан сонсгосноор хүчинтэй болох бөгөөд шийтгэх тогтоолд эрх бүхий этгээд давж заалдах гомдол, эсэргүүцэл бичвэл тогтоолын биелэлтийг түдгэлзүүлж, тогтоол биелүүлэх хүртэл шүүгдэгч Б.Нарангарав урьд авсан бусдын батлан даалтанд өгөх таслан сэргийлэх арга хэмжээг хэвээр үргэлжлүүлсүгэй.

                                                           

 

 

                          ДАРГАЛАГЧ  ШҮҮГЧ                                С.БАТЖАРГАЛ