Нэхэмжлэгч нэхэмжлэлээсээ татгалзсаныг

баталж, хэргийг хэрэгсэхгүй болгох тухай

 

 

Нийслэл дэх Захиргааны хэргийн анхан шатны шүүхийн шүүгч Г.Мөнхтулга би, Ч.У***ийн нэхэмжлэлтэй, Гаалийн ерөнхий газрын дарга, Сэлэнгэ аймаг дахь Гаалийн газрын даргад тус тус холбогдох ...Сэлэнгэ аймаг дахь Гаалийн газрын даргын 2020 оны 3 дугаар сарын 05-ны өдрийн Б/10 тоот тушаал болон, Гаалийн ерөнхий газрын даргын 2020 оны 4 дүгээр сарын 02-ны өдрийн Б/161 тоот тушаалуудыг тус тус хүчингүй болгож, Гаалийн улсын ахлах байцаагчийн албан тушаалд эргүүлэн тогтоолгох, цалин хангамжийн зөрүүг нөхөн олгуулах шаардлага бүхий захиргааны хэргийг хянаад,

ТОДОРХОЙЛОХ нь:

Нэхэмжлэгч Ч.У*** нь тус шүүхэд ирүүлсэн хүсэлтдээ: ...Миний бие Ч.У*** нь 2020 оны 5 дугаар сарын 01-ний өдөр Сэлэнгэ аймгийн Гаалийн газрын даргын 2020 оны 3 дугаар сарын 05-ны өдрийн Б/10 тоот тушаал болон, Гаалийн ерөнхий газрын даргын 2020 оны 4 дүгээр сарын 02-ны өдрийн Б/161 тоот тушаалуудыг тус тус хүчингүй болгож, Гаалийн улсын ахлах байцаагчийн албан тушаалд эргүүлэн тогтоолгох, цалин хөлсний дутууг нөхөн олгуулах шаардлага бүхий нэхэмжлэлээсээ татгалзаж байгаа тул асуудлыг шийдвэрлэж өгнө үү гэжээ.

ҮНДЭСЛЭХ нь:

Нэхэмжлэгч Ч.У*** 2020 оны 5 дугаар сарын 01-ний өдөр тус шүүхэд хандан ...Сэлэнгэ аймаг дахь Гаалийн газрын даргын 2020 оны 3 дугаар сарын 05-ны өдрийн Б/10 тоот тушаал болон, Гаалийн ерөнхий газрын даргын 2020 оны 4 дүгээр сарын 02-ны өдрийн Б/161 тоот тушаалуудыг тус тус хүчингүй болгож, Гаалийн улсын ахлах байцаагчийн ажил албан тушаалд эргүүлэн тогтоолгох, цалин хангамжийн зөрүүг нөхөн олгуулах шаардлага бүхий нэхэмжлэлийг гаргажээ.

Улмаар нэхэмжлэгч Ч.У*** 2020 оны 5 дугаар сарын 27-ны өдөр нэхэмжлэлээс татгалзах тухай хүсэлтдээ: ...Миний бие Ч.У*** нь 2020 оны 5 дугаар сарын 01-ний өдөр Сэлэнгэ аймаг дахь Гаалийн газрын даргын 2020 оны 3 дугаар сарын 05-ны өдрийн Б/10 тоот тушаал болон, Гаалийн ерөнхий газрын даргын 2020 оны 4 дүгээр сарын 02-ны өдрийн Б/161 тоот тушаалуудыг тус тус хүчингүй болгож, Гаалийн улсын ахлах байцаагчийн албан тушаалд эргүүлэн тогтоолгох, цалин хөлсний дутууг нөхөн олгуулах шаардлага бүхий нэхэмжлэлээсээ татгалзаж байгаа тул асуудлыг шийдвэрлэж өгнө үү гэжээ.

Нэхэмжлэгч Ч.У***ийн нэхэмжлэлийн шаардлагаасаа татгалзах тухай хүсэлт нь Захиргааны хэрэг шүүхэд хянан шийдвэрлэх тухай хуулийн 20 дугаар зүйлийн 20.1-д Нэхэмжлэгч хэрэг хянан шийдвэрлэх ажиллагаанд оролцохдоо дараахь эрх эдэлнэ, 20.1.1-д нэхэмжлэлээ өөрчлөх, түүний шаардлагын хэмжээг ихэсгэх, эсхүл багасгах, нэхэмжлэлээсээ бүхэлд нь, эсхүл хэсэгчлэн татгалзах, хариуцагчтай эвлэрэх, 66 дугаар зүйлийн 66.1-д Нэхэмжлэгч хэрэг хянан шийдвэрлэх ажиллагааны аль ч үе шатанд нэхэмжлэлээсээ бүхэлд нь, эсхүл хэсэгчлэн татгалзаж болно., 66.2-д Нэхэмжлэгч нэхэмжлэлээсээ татгалзсанаа бичгээр илэрхийлэх... гэж заасан хуулийн шаардлагыг хангасан ба гуравдагч этгээдийн эрх, хууль ёсны ашиг сонирхлыг хөндөөгүй тул нэхэмжлэгчийн нэхэмжлэлээсээ татгалзсаныг баталж, нэхэмжлэгч Ч.У***ийн нэхэмжлэлтэй, Гаалийн ерөнхий газрын дарга, Сэлэнгэ аймаг дахь Гаалийн газрын даргад тус тус холбогдох захиргааны хэргийг хэрэгсэхгүй болгох нь зүйтэй байна.

Үүнтэй холбогдуулан шүүхээс нэхэмжлэгчид Захиргааны хэрэг шүүхэд хянан шийдвэрлэх тухай хуулийн 66 дугаар зүйлийн 66.4-д Нэхэмжлэлийн шаардлагаасаа татгалзсан этгээд уг асуудлаар дахин нэхэмжлэл гаргах эрхээ алдах, 122 дугаар зүйлийн 122.2-д Хэргийн оролцогч, тэдгээрийн төлөөлөгч, өмгөөлөгч энэ хуулийн 122.1-д зааснаас бусад шүүгчийн захирамж, шүүхийн тогтоолд гомдол гаргах эрхгүй болохыг тайлбарласан болохыг дурьдах нь зүйтэй байна.

Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.1-д заасныг удирдлага болгон ЗАХИРАМЖЛАХ нь:

1. Захиргааны хэрэг шүүхэд хянан шийдвэрлэх тухай хуулийн 66 дугаар зүйлийн 66.1-т заасныг үндэслэн нэхэмжлэгч Ч.У***ээс Гаалийн ерөнхий газрын дарга, Сэлэнгэ аймгийн Гаалийн газрын даргад тус тус холбогдуулан гаргасан ...Сэлэнгэ аймгийн Гаалийн газрын даргын 2020 оны 3 дугаар сарын 05-ны өдрийн Б/10 тоот тушаал болон, Гаалийн ерөнхий газрын даргын 2020 оны 4 дүгээр сарын 02-ны өдрийн Б/161 тоот тушаалуудыг тус тус хүчингүй болгож, Гаалийн улсын ахлах байцаагчийн албан тушаалд эргүүлэн тогтоолгох, цалин хангамжийн зөрүүг нөхөн олгуулах тухай шаардлага бүхий нэхэмжлэлээсээ нэхэмжлэгч татгалзсаныг баталж, хэргийг хэрэгсэхгүй болгосугай.

2. Захиргааны хэрэг шүүхэд хянан шийдвэрлэх тухай хуулийн 50 дугаар зүйлийн 50.5-д заасны дагуу нэхэмжлэгч Ч.У***ийн улсын тэмдэгтийн хураамжид урьдчилан төлсөн 70.200 төгрөгийг улсын орлогод хэвээр үлдээсүгэй.

3. Захиргааны хэрэг шүүхэд хянан шийдвэрлэх тухай хуулийн 69 дүгээр зүйлийн 69.2-т зааснаар хэргийн оролцогч, тэдгээрийн төлөөлөгч, өмгөөлөгч хэргийг хэрэгсэхгүй болгосон шүүгчийн захирамжид давж заалдах журмаар гомдол гаргах эрхгүй бөгөөд энэхүү шүүгчийн захирамжийг шүүхийн шийдвэрийн нэгэн адил биелүүлэхийг дурдсугай.

 

 

 

ШҮҮГЧ Г.МӨНХТУЛГА