МОНГОЛ УЛСЫН НЭРИЙН ӨМНӨӨС

 

Хөвсгөл аймаг дахь Сум дунд эрүүгийн хэргийн анхан шатны шүүхийн шүүх хуралдааныг шүүгч Н.Ариунжаргал даргалж тус шүүхийн шүүх хуралдааны танхимд нээлттэй хийсэн шүүх хуралдаанаар:

Нарийн бичгийн даргаар Э.Мөнхгэрэл

Улсын яллагч Л.Отгончимэг

Шүүгдэгчийн өмгөөлөгч В.Энхболд

Шүүгдэгч Э.Батцэцэг нарыг оролцуулан Аймгийн Прокурорын газраас Эрүүгийн хуулийн тусгай ангийн 98 дугаар зүйлийн 98.1-д зааснаар яллах дүгнэлт үйлдэж ирүүлсэн Эрдэнэдаваагийн Батцэцэгт холбогдох эрүүгийн 201722000204 тоот хэргийг 2017 оны 6 дугаар сарын 21-ний өдөр хүлээн авч  хянан хэлэлцэв.

Шүүгдэгчийн биеийн байцаалт: Монгол улсын иргэн, Онход овогт Эрдэнэдаваагийн Батцэцэг, 1983 оны 7 дугаар сарын 24-ний өдөр Хөвсгөл аймгийн Рашаант суманд төрсөн, халх, 34 настай, эмэгтэй, бүрэн дунд боловсролтой, мэргэжилгүй, малчин, ам бүл 5,  нөхөр, 3 хүүхдийн  хамт Хөвсгөл аймгийн Рашаант сумын 1 дүгээр багт оршин суух,  урьд ял шийтгэлгүй, гавьяа шагналгүй, регистрийн РЗ83072402 дугаартай

Шүүгдэгч Э.Батцэцэг нь 2016 оны 12 дугаар сарын 07-ны өдөр Хөвсгөл аймгийн Рашаант сумын 1 дүгээр багт хадамж эгч болох Б.Өнөржаргалыг хувийн таарамжгүй харьцааны улмаас согтуугаар маргалдан зүүн гарын чигчий хурууг хазаж түүнд тайрагдал бүхий хүндэвтэр зэргийн гэмтэл учруулсан гэмт хэргийг үйлдсэнд холбогджээ.

Шүүхийн хэлэлцүүлгээр яллах болон цагаатгах нотлох баримтыг шинжлэн судлаад

ТОДОРХОЙЛОХ НЬ

Шүүгдэгч Э.Батцэцэг нь 2016 оны 12 дугаар сарын 07-ны өдөр Хөвсгөл аймгийн Рашаант сумын 1 дүгээр багт хадамж эгч болох Б.Өнөржаргалыг хувийн таарамжгүй харьцааны улмаас согтуугаар маргалдан зүүн гарын чигчий хурууг хазаж түүнд тайрагдал бүхий хүндэвтэр зэргийн гэмтэл санаатай учруулсан гэмт хэргийг үйлдсэн гэм буруутай болох нь:

Хохирогч Б.Өнөржаргалын мөрдөн байцаалтын шатанд өгсөн: Тэгээд юм яриад Батцэцэгтэй зэрэгцээд нам, улс төр яриад сууж байхад тэгсэн Батцэцэг намайг хэл амаар доромжлоод тэрэнтэй ч явалддаг, хулгай хийдэг гээд байсан. Тэгснээ над руу дайраад нүүрлүү маажаад ирэхээр нь зүүн гараараа хаагаад түлхсэн чинь миний зүүн гарын чигчий хурууны үе хэсгээс хазаад авсан. Тэгээд хуруугаа авах гээд хазаад тавихгүй болохоор нь Мөнхбаяр салгасан, хуруугаа харсан чинь хуруунаас цус гарсан байсан. Тэгээд бараг өглөө болж байсан болохоор гэртээ харьсан. Тэгж явсаар байгаад нэг сар болсон. Мөрөнд нэгдсэн эмнэлэгт үзүүлсэн чинь ясны хальсандаа гэмтэлтэй байна гээд тайруулах шаардлагатай гэсэн. 7 хоног эмчилгээ хийлгээд сайжраагүй учир хуруугаа тайруулсан. Надад 2.000.000 төгрөг өгсөн, гомдол санал, нэхэмжлэх зүйлгүй гэх мэдүүлэг /хх-ийн 14-15-р тал/,

Гэрч Б.Мөнхбаярын мөрдөн байцаалтын шатанд өгсөн: Тэгээд би гадаа байж байтал гэрт орилоод байхаар нь яваад ортол Батцэцэг Өнөрөө эгчийн гарыг хазсан байж байхад би гэрээс чирж гаргаад Батцэцэгийг нэг цохисон. Тэгээд тэнд байсан хүмүүс тарсан гэх мэдүүлэг /хх-ийн 20-21-р тал/,

Хөвсгөл аймгийн шүүхийн шинжилгээний албаны 2017 оны 4 дүгээр сарын 14-ний 251 дугаартай

- Базаррагчаагийн Өнөржаргалын биед гэмтэл тогтоогдлоо.

- Базаррагчаагийн Өнөржаргалын биед чигчий хурууны тайрагдал бүхий гэмтэл учирсан байна.

- Ямар хүчин зүйлийн үйлчлэлээр үүсгэгдсэнийг тогтоох боломжгүй ба мэс заслын аргаар тайрагдсан байна.

- Шүүх эмнэлгийн гэмтлийн зэрэг тогтоох журмын 4.15.89-д зааснаар ерөнхий хөдөлмөрийн чадварыг тогтонги байдлаар үлэмж хэмжээгээр алдагдуулах тул гэмтлийн хүндэвтэр зэрэгт хамаарна.

- Тухайн цаг хугацаанд үүсгэгдсэн байх боломжтой.

- Цаашид энгийн хөдөлмөрийн чадварт 15 хувь нөлөөлнө гэх дүгнэлт /хх-ийн 26-р тал/,

Шүүгдэгч Э.Батцэцэгийн мөрдөн байцаалтын шатанд өгсөн: Тэгээд пиво уугаад дуусч байхын алдад Өнөржаргал эгч орж ирж байх шиг байсан. Би тэгээл тасарсан байна лээ. Өглөө босоод ирсэн чинь миний нүүр ам тэгширсэн хөхөрч хавдсан байсан. Би юу болсон талаар Нямжав эгчээс асуусан чинь Өнөржаргал эгч бид 2-ыг зодолдсон гэж хэлсэн. Тэгсэн би нөхрөөсөө тэр өдрөөс хойш 6 хоногийн дараа Өнөржаргал эгчийн хурууг хазсан гэдгээ мэдсэн. Тэгээд би Сараа эгчтэй ярьсан чинь Өнөржаргал хуруугаа тайруулж байгаа гэсэн гэх мэдүүлэг /хх-ийн 35-36-р тал/ зэрэг шүүх хуралдаанаар хэлэлцсэн бусад нотлох баримтуудаар нотлогдон тогтоогдож байх тул шүүгдэгч Э.Батцэцэгийг Эрүүгийн хуулийн тусгай ангийн 98 дугаар  зүйлийн 98.1-д зааснаар бусдын бие махбодид хүндэвтэр гэмтэл санаатай учруулсан гэм буруутайд тооцож, эрүүгийн хариуцлага хүлээлгэх үндэслэлтэй байна.

Эрүүгийн 201722000204 дугаар хэрэгт авагдсан дээрх нотлох баримтыг цуглуулах буюу бэхжүүлэхдээ Эрүүгийн байцаан шийтгэх хуульд заасан журмын дагуу авсан байх тул хэргийг хянан шийдвэрлэхэд хамааралтай, ач холбогдолтой байна гэж шүүх үнэллээ.

Шүүгдэгч Э.Батцэцэг нь урьд ял шийтгэл эдэлж байгаагүй болох нь ял шийтгэгдсэн эсэхийг шалгах хуудас /хх-ийн 43-р тал/-аар тогтоогдож байна.

Шүүгдэгч нь анх удаа хүндэвтэр гэмт хэрэг үйлдсэн, үйлдсэн гэмт хэрэгтээ чин санаанаасаа гэмшиж байгаа, гэмт хэргийн улмаас учирсан хохиролоо сайн дураар нөхөн төлснийг ял хөнгөрүүлэх, согтуурсан үедээ гэмт хэрэг үйлдснийг ял хүндрүүлэх нөхцөл байдалд тооцлоо.

Эрүүгийн 201722000204 дугаартай хэрэгт хураагдсан эд мөрийн баримтаар хураагдсан зүйлгүй, битүүмжилсэн эд хөрөнгөгүй, шүүгдэгч нь цагдан хоригдоогүй, хохирогч нь хохирол, гомдолгүй болсон талаар эвлэрлийн гэрээ хийсэн болохыг дурьдах нь зүйтэй байна.

Шүүгдэгчийн хувийн байдал, ар гэрийн нөхцөл байдал зэргийг харгалзан түүнд оногдуулсан хорих ялыг биечлэн эдлүүлэх шаардлагагүй гэж үзэв.

Эрүүгийн байцаан шийтгэх хуулийн 283, 284, 286, 290, 294-298 дугаар зүйлүүдэд заасныг удирдлага болгон

ТОГТООХ НЬ: