Хариуцагчийн зөвшөөрлийг баталж,

хэргийг хэрэгсэхгүй болгох тухай 

 

 Дорноговь аймаг дахь Захиргааны хэргийн анхан шатны шүүхийн Ерөнхий шүүгч Б.Цэнд би тус аймгийн Прокурорын газрын хяналтын прокурор /Т.Ц/-оос ирүүлсэн, 2022 оны 09 дүгээр сарын 06-ны өдрийн 0046534 дугаартай шийтгэлийн хуудсанд өөрчлөлт оруулах тухай шаардлага бүхий гомдол /Прокурорын дүгнэлт/-оор Дорноговь аймгийн Мэргэжлийн хяналтын газрын Автотээврийн хяналтын улсын байцаагч /Б.У-д холбогдуулан үүсгэсэн захиргааны хэргийг хянаад

ТОДОРХОЙЛОХ нь:

Хяналтын прокурор Т.Ц шүүхэд ирүүлсэн дүгнэлтдээ: Дорноговь аймгийн Прокурорын газрын хяналтын прокурор Т.Ц би, тус аймаг дахь Мэргэжлийн хяналтын газрын Автотээврийн хяналтын улсын байцаагч Б.У Өмнөговь аймгаас Ханги боомт хүртэл 19 тээврийн хэрэгслээр 1517 тонн нүүрс тээвэрлэхдээ ачаа тээвэрлэх маршрут батлуулаагүй тээвэрлэсэн гэх зөрчлийн 18 дугаартай мэдээллийг шалгаж холбогдогч Ч ХХК-д Зөрчлийн тухай хуулийн 14.5 дугаар зүйлийн 17-д зааснаар нэг мянга таван зуун нэгжтэй тэнцэх хэмжээний буюу 1500000 төгрөгөөр торгох шийтгэл оногдуулан шийдвэрлэсэн материалыг 2022 оны 11 дүгээр сарын 22-ны өдөр шалгалтын хүрээнд хянахад:

Материалд авагдсан холбогдогчийн мэдүүлэг, эрх бүхий албан тушаалтан хуулиар хүлээсэн чиг үүргээ хэрэгжүүлэх явцад зөрчлийн шинжтэй үйлдэл, эс үйлдэхүйг илрүүлсэн тухай тэмдэглэл, хялбаршуулсан журмаар зөрчил шалган шийдвэрлэх ажиллагаа явуулсан тухай эрх бүхий албан тушаалтны тэмдэглэл, хуулийн этгээдийн улсын бүртгэлийн гэрчилгээ зэргээр Ч ХХК нь Өмнөговь аймгийн Цогтцэций сумаас Ханги боомт хүртэл 19 тээврийн хэрэгслээр 1517 тонн нүүрс тээвэрлэхдээ ачаа тээвэрлэх маршрут батлуулаагүй тээвэрлэсэн болох нь тогтоогдсон байна.

Мэргэжлийн хяналтын газрын Автотээврийн хяналтын улсын байцаагч Б.У нь Хялбаршуулсан журмаар шийдвэрлэх зөрчилд шийтгэл оногдуулах тухай 0046534 дугаартай шийтгэлийн хуудсаар /маягт-2/ Г.Уд Зөрчлийн тухай хуулийн 14.5 дугаар зүйлийн 17-д зааснаар нэг мянган таван зуун нэгжтэй тэнцэх хэмжээний төгрөгөөр торгох шийтгэл оногдуулсан байна.

Ч ХХК-д шийтгэл оногдуулсан боловч шийтгэлийн хуудсанд иргэн Г.Уд шийтгэл оногдуулсан гэж буруу бичсэн байх тул шийтгэлийн хуудасны Шийдвэрлэх нь хэсгийн 1, 2, 6-д Угэж бичсэнийг ЧХХК гэж өөрчлөлт оруулах үндэслэлтэй байна.

Иймд Монгол Улсын Зөрчил шалган шийдвэрлэх тухай хуулийн 7.2 дугаар зүйлийн 8 дахь хэсгийг удирдлага болгон тус аймгийн Мэргэжлийн хяналтын газрын Автотээврийн хяналтын улсын байцаагч Б.Уын 2022 оны 09 дүгээр сарын 06-ны өдөр Г.Уд Зөрчлийн тухай хуулийн тусгай ангийн 14.5 дугаар зүйлийн 17-д зааснаар нэг мянга таван зуун нэгжтэй тэнцэх хэмжээний төгрөгөөр торгож шийдвэрлэсэн шийдвэрт өөрчлөлт оруулахаар прокурорын дүгнэлт бичив гэжээ.

ҮНДЭСЛЭХ нь: 

Шүүх Дорноговь аймгийн Прокурорын газрын хяналтын прокурор /Т.Ц /-ын гаргасан дээрх дүгнэлт буюу тус аймгийн Мэргэжлийн хяналтын газрын Автотээврийн хяналтын улсын байцаагч Б.Уын 2022 оны 09 дүгээр сарын 06-ны өдөр зөрчлийн холбогдогч Ч ХХК-д шийтгэл оногдуулсан 0046534 дугаартай шийтгэлийн хуудас бүхий шийдвэрийн Шийдвэрлэх нь хэсгийн 1, 2, 6 дугаар заалтад Угэж бичсэнийг Ч ХХК гэж өөрчлөлт оруулахаар ирүүлсэн прокурорын дээрхи гомдол /дүгнэлт/-оор хариуцагч тухайн эрх бүхий албан тушаалтан болох тус аймгийн Мэргэжлийн хяналтын газрын Автотээврийн хяналтын улсын байцаагч /Б.У/-д холбогдуулан захиргааны хэрэг үүсгэн хянан шийдвэрлэх ажиллагаа явуулж байсан бөгөөд,

Хариуцагч дээрх эрх бүхий албан тушаалтнаас тус гомдол /Прокурорын дүгнэлт/-д 2022 оны 12 дугаар сарын 16-ны өдөр шүүхэд бичгээр ирүүлсэн хариу тайлбартаа Дорноговь аймгийн Автотээврийн төвийн автотээврийн хяналтын улсын байцаагч Б.Уминий бие 2022 оны 09 дүгээр сарын 06-ны өдрийн Ч ХХК-д 0046534 дугаартай шийтгэлийн хуудсаар Зөрчлийн тухай хуулийн 14.5 дугаар зүйлийн 17-д зааснаар 1500000 төгрөгөөр торгох шийтгэл оногдуулсан. Энэхүү шийтгэлийн хуудсанд хуулийн этгээдийн нэрийн бичихийг захирал У гэж буруу бичсэн байна. Дорноговь аймгийн Прокурорын газрын хяналтын прокурорын 2022 оны 11 дүгээр сарын 25-ны өдрийн 83 дугаартай хяналтын прокурорын дүгнэлтийг хүлээн зөвшөөрч байна, хэргийг хялбаршуулсан журмаар шийдвэрлэж өгнө үү гэжээ.

Энэ нь Захиргааны хэрэг шүүхэд хянан шийдвэрлэх тухай хууль дахь Хариуцагч нэхэмжлэлийн шаардлагыг хүлээн зөвшөөрөх тухай асуудлыг зохицуулсан 67 дугаар зүйлийн 67.1-д заасан Хариуцагч нэхэмжлэлийн шаардлагыг бүхэлд нь хүлээн зөвшөөрсөн ... гэх үндэслэлд хамаарч байхын хамт, уг зөвшөөрөл нь бусад этгээдийн буюу зөрчилд холбогдогч хуулийн этгээд ЧХХК-ийн эрх, эрх чөлөө, хууль ёсны ашиг сонирхлыг хөндөхөөргүй, хуульд харшлаагүй байх тул Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1-д Хариуцагч нэхэмжлэлийн шаардлагыг бүхэлд нь хүлээн зөвшөөрсөн нь бусад этгээдийн эрх, эрх чөлөө, хууль ёсны ашиг сонирхлыг хөндөхөөргүй, хуульд харшлаагүй байвал шүүх хариуцагчийн зөвшөөрлийг баталж, хэргийг хэрэгсэхгүй болгоно гэж заасныг үндэслэн,

Дорноговь аймгийн Прокурорын газрын хяналтын прокурор /Т.Ц /-ын гомдол /дүгнэлт/ дахь хариуцагч тус аймгийн Мэргэжлийн хяналтын газрын Автотээврийн хяналтын улсын байцаагч Б.Уын зөрчлийн холбогдогч хуулийн этгээд Ч ХХК-д шийтгэл оногдуулсан 2022 оны 09 дүгээр сарын 06-ны өдрийн 0046534 дугаартай шийтгэлийн хуудсанд өөрчлөлт оруулах шаардлагыг хариуцагчаас бүхэлд нь хүлээн зөвшөөрснийг баталж, хэргийг хэрэгсэхгүй болгож шийдвэрлэх үндэслэлтэй байна.

Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.1 дэх хэсэгт заасныг удирдлага болгон

ЗАХИРАМЖЛАХ нь:

1. Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1 дэх зүйлд заасныг баримтлан Дорноговь аймгийн Прокурорын газрын хяналтын прокурор /Т.Ц /-ын гомдол /дүгнэлт/ дахь зөрчлийн холбогдогч хуулийн этгээд Ч ХХК-д шийтгэл оногдуулсан 2022 оны 09 дүгээр сарын 06-ны өдрийн 0046534 дугаартай шийтгэлийн хуудсанд өөрчлөлт оруулах тухай шаардлагыг хариуцагч Дорноговь аймгийн Мэргэжлийн хяналтын газрын Автотээврийн хяналтын улсын байцаагч /Б.У/-аас бүхэлд нь хүлээн зөвшөөрснийг баталж, хэргийг хэрэгсэхгүй болгосугай.

2. Захиргааны хэрэг шүүхэд хянан шийдвэрлэх тухай хуулийн 48 дугаар зүйлийн 48.2, Улсын тэмдэгтийн хураамжийн тухай хуулийн 41 дүгээр зүйлийн 41.1.5 дахь зүйлд зааснаар гомдол /Прокурорын дүгнэлт/ гаргагчийг улсын тэмдэгтийн хураамж төлөхөөс чөлөөлсүгэй.

3. Захиргааны хэрэг шүүхэд хянан шийдвэрлэх тухай хуулийн 69 дүгээр зүйлийн 69.2 дахь зүйлд зааснаар шүүгчийн захирамжид гомдол гаргах эрхгүй бөгөөд шүүхийн шийдвэрийн нэгэн адил биелүүлэхийг дурдсугай.

 

 

 

  ЕРӨНХИЙ ШҮҮГЧ Б.ЦЭНД