АРХАНГАЙ АЙМАГ ДАХЬ СУМ ДУНДЫН

ИРГЭНИЙ ХЭРГИЙН АНХАН ШАТНЫ ШҮҮХ

ШИЙДВЭР

оны

11

сарын өдөр

лз

Дугаар 129/ШШ2020/00001

Эрдэнэбулган сум

Г

МОНГОЛ УЛСЫН НЭРИЙН өмнөөс

и

Архангай аймаг дахь сум дундын Иргэний хэргийн анхан шатны шуүхийн шүүх хуралдааныг ерөнхий шүүгч Д.Байгалмаа даргалж, тус шүүхийн танхимд хийсэн шүүх хуралдаанаар

Нэхэмжлэгч: 1986 онд төрсөн, Архангай аймаг, Эрдэнэбулган сум, 3 дугаар баг, Цогт-Уулын 21-09 тоотод оршин суух, Х овгийн Э.О-ийн нэхэмжлэлтэй,

Хариуцагч: 1982 онд төрсөн, Архангай аймаг, Эрдэнэбулган сум, 2 дугаар баг, 5 дугаар 36 байрны 34 тоотод оршин суух, Б овгийн С.С-т холбогдох

Гэрлэлт цуцлуулах, хүүхдийн асрамж тогтоолгож хүүхдийн тэтгэлэг гаргуулах. хамтын амьдралтай байснаа тогтоолгох, гэр бүлийн гишүүдийн хамтран амьдрах дундын эд хөрөнгөнөөс 37.000.000 төгрөг гаргуулах тухай иргэний хэргийг хэлэлцэв.

Шүүх хуралдаанд: Нэхэмжлэгч Э.О, нэхэмжлэгчийн өмгөөлөгч Б.А, хариуцагч С.С, гэрч Ч.Д, шүүх хуралдааны нарийн бичгийн дарга Д.Түвшинжаргал нар оролцов.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.2 116, 118 дугаар зүйлүүдийг удирдлага болгон

ТОГТООХ нь:

1. Иргэний хэрэг шүүхэд хянан шийдвэрлэх тухай хуулийн 135.2.14-т зааснаар 2009 оноос 2017 оны 02 сарын 20-ны едөр хүртэл С.С-тай хамтын амьдралтай байснаа тогтоолгох Э.О-ийн нэхэмжлэлийг хэрэгсэхгүй болгосугай
2. Гэр бүлийн тухай хуулийн 14 дүгээр зүйлийн 14.4-т зааснаар хариуцагч С.С, нэхэмжлэгч Э.О нарын гэрлэлтийг цуцалсугай.
3. Гэр бүлийн тухай хуулийн 14 дүгээр зүйлийн 14.5-д зааснаар 2010 оны 12 сарын 08-нд төрсөн С.Б-г эх Э.О-н асрамжинд үлдээсүгэй,
4. Гэр бүлийн тухай хуулийн 40 дүгээр зүйлийн 40.1.1, 40.1.2-т зааснаар С.Б-г 11 нас хүртэл тухайн бүс нутагт тогтоогдсон амьжиргааны доод түвшингийн 50 хувиар, 11-16 нас /суралцаж байгаа бол 18 нас/ болон насанд хүрсэн боловч хөдөлмөрийн чадваргүй бол тухайн бүс нутагт тогтоогдсон амьжиргааны доод түвшингийн хэмжээгээр сар бүр эцэг С.С-р тэжээн тэтгүүлсүгэй.
5. Иргэний хуулийн 126 дугаар зүйлийн 126,3-т зааснаар Архангай аймгийн Эрдэнэбулган сумын 2-р баг, 17-р байрны 3-34 тоот, улсын буртгэлийн ... дугаарт бүртгэлтэй 35 мкв талбайтай 2 өрөө орон сууцыг С.С, Э.О, С.Б нарын хамтран өмчлөх дундын эд хөрөнгөөр тогтоосугай.
6. Иргэний хуулийн 126 дугаар зүйлийн 126.2.4, 129 дүгээр зүйлийн 129.2, 130 дугаар зүйлийн 130.3-т зааснаар Архангай аймгийн Эрдэнэбулган сумын 2-р баг, 17-р байрны 3-34 тоот 2 өрөө орон сууц, буйдан, хөргөгч, 49 инчийн зурагт, ком компьютер, ханын стенк, гал тогооны тавилга, 4 хаалгатай хувцасны шкаф, халуун тогоо, печь, аяга тавагны сервиз, газан плитка тус бүр нэгийг хариуцагч С.С-т үлдээж, хариуцагч

6

С.С-с 36.783.000 /гучин зургаан сая долоон зуун наян гурван мянга/ төгрөг гаргуулж нэхэмжлэгч Э.О, насанд хүрээгүй хүүхэд С.Б нарт олгосугай.

7. Гэрлэгчид гэрлэлтээ цуцлуулсан ч хүүхдээ асран хамгаалах, тэжээн тэтгэх, үндэсний ёс заншил, уламжлалаа дээдлэх үзлээр хүмүүжүүлэх, түүнд суурь боловсрол эзэмшүүлэх, хөдөлмөрийн анхны дадлага олгох, хүүхдийн эрхийг хамгаалж үүргээ биелүүлэхэд нь туслах үүрэгтэйг дурдсугай.
8. Гэр бүлийн тухай хуулийн 14 дүгээр зүйлийн 14.9-д зааснаар гэрлэлт цуцалсан шийдвэрийг хүчин төгөлдөр болсноос хойш ажлын 3 өдрийн дотор гэрлэлтийг бүртгэсэн Иргэний гэр бүлийн бүртгэлийн байгууллагад хүргүүлэхийг шүүгчийн туслахад даалгасугай.
9. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.2, 60 дугаар зүйлийн 60.1, Улсын тэмдэгтийн хураамжийн тухай хуулийн 7 дугаар зүйлийн

1. 7.1.2-т зааснаар нэхэмжлэгчийн улсын тэмдэгтийн хураамжинд төлсөн 553.550 төгрөгийг орон нутгийн орлогод үлдээж, хариуцагч С.С-с 482.265 төгрөг гаргуулж нэхэмжлэгч Э.О-д олгосугай.

10. Архангай аймаг дахь сум дундын Иргэний хэргийн анхан шатны шүүхийн шүүгчийн 2019 оны 11 сарын 05-ны өдрийн 129/Ш32019/02901 тоот захирамжаар авсан Архангай аймгийн Эрдэнэбулган сумын 2-р баг, 17-р байрны 3-34 тоот 2 өрөө орон сууц, буйдан, хөргөгч, 49 инчийн зурагт, ком компьютер, ханын стенк, гал тогооны тавилга, 4 хаалгатай хувцасны шкаф, халуун тогоо, печь, аяга тавагны сервиз, газан плитка, мөнгөн аяга, ус буцалгагч, будаа агшаагч, плитка зэрэг хөрөнгийг бусдад шилжүүлэх, худалдах, бэлэглэх, захиран зарцуулахыг хориглосон арга хэмжээ нь давж заалдах болон хяналтын журмаар гомдол гаргасан бол түүнийг шийдвэрлэх хүртэл хугацаанд хэвээр байхыг тайлбарласугай.
11. Зохигч, өмгөөлөгч шийдвэрийг эс зөвшөөрвөл гардан авсанаас хойш 14 хоногийн дотор шийдвэр гаргасан шүүхээр дамжуулан Архангай аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай