Эрүүгийн хэрэг хянан шийдвэрлэх тухай хуулийн 36.2 дугаар зүйлийн 1, 2, 3, 4 дэх хэсэг, 36.6, 36.7, 36.8, 36.10 дугаар зүйлүүдэд заасныг тус тус удирдлага болгон   

ТОГТООХ нь:    

1. Шүүгдэгч Я овогт Б-ын О-ыг Эрүүгийн хуулийн ерөнхий ангийн 2.2 дугаар зүйлийн 3 дахь хэсгийг журамлан Эрүүгийн хуулийн тусгай ангийн 12.1 дүгээр зүйлийн 4 дэх хэсэгт заасан үргэлжилсэн үйлдлээр хүчиндэх гэмт хэргийг бага насны хүүхдийн эсрэг үйлдсэн гэмт хэрэг үйлдсэн гэм буруутайд тооцсугай.     

2. Эрүүгийн хуулийн ерөнхий ангийн 2.2 дугаар зүйлийн 3 дахь хэсгийг журамлан Эрүүгийн хуулийн тусгай ангийн 12.1 дүгээр зүйлийн 4 дэх хэсэгт зааснаар шүүгдэгч Б.О-ыг 13 (арван гурав) жилийн хугацаагаар хорих ял шийтгэсүгэй.          

3. Эрүүгийн хуулийн ерөнхий ангийн 5.6 дугаар зүйлийн 4 дэх хэсэгт зааснаар шүүгдэгч Б.О-т оногдуулсан 13 (арван гурав) жилийн хорих ялыг нээлттэй хорих байгууллагад эдлүүлсүгэй.       

4. Эрүүгийн хуулийн ерөнхий ангийн 6.10 дугаар зүйлийн 1, 2 дахь хэсэгт зааснаар шүүгдэгч Б.О-ын 2024 оны 10 дугаар сарын 10-ны өдрөөс шүүх хуралдаан болох хүртэл цагдан хоригдсон 193 (нэг зуун ерэн гурав) хоногийг эдлэх ялд оруулан хасаж тооцсугай.          

5. Эрүүгийн хэрэг хянан шийдвэрлэх тухай хуулийн 36.3 дугаар зүйлийн 1 дэх хэсэг, 36.5 дугаар зүйлийн 2 дахь хэсэгт тус тус зааснаар бага насны хохирогч М.Э, түүнийг хууль ёсны төлөөлөгч Ж.Б нарын гаргасан иргэний нэхэмжлэлээс 26,700,000 (хорин зургаан сая долоон зуун мянга) төгрөгийн нэхэмжлэлийг хэрэгсэхгүй болгож, бага насны хохирогч М.Э нь цаашид сэтгэл заслын эмчилгээ хийлгэх тохиолдолд нотлох баримтаа бүрдүүлэн иргэний хэрэг шүүхэд хянан шийдвэрлэх журмаар нэхэмжлэх эрхтэй болохыг тайлбарласугай.      

6. Хэрэгт эд мөрийн баримтаар хураагдсан зүйлгүй, бага насны хохирогч М.Э, түүний хууль ёсны төлөөлөгч Ж.Б нарт сэтгэцэд учирсан хор уршгийн нөхөн төлбөрт 3,300,000 (гурван сая гурван зуун мянга) төгрөгийн хохирол төлбөр төлсөн, бусдад төлөх төлбөргүй, хэрэгт битүүмжилсэн хөрөнгө, орлогогүй болохыг тус тус дурдсугай.         

7. Шийтгэх тогтоол хуулийн хүчин төгөлдөр болтол шүүгдэгч Б.О-т урьд авсан цагдан хорих таслан сэргийлэх арга хэмжээг хэвээр үргэлжлүүлсүгэй.      

8. Эрүүгийн хэрэг хянан шийдвэрлэх тухай хуулийн  36.8 дугаар зүйлийн 4, 38.1 дүгээр зүйлийн 1 дэх хэсэг, 38.2 дугаар зүйлд зааснаар шүүхийн шийтгэх тогтоолыг шүүгдэгч, хохирогч, тэдгээрийн хууль ёсны төлөөлөгч, өмгөөлөгч өөрөө гардан авснаас хойш 14 хоногийн дотор давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэй болохыг дурдсугай.    

9. Эрүүгийн хэрэг хянан шийдвэрлэх тухай хуулийн 37.1 дүгээр зүйлийн 2 дахь хэсэгт зааснаар шийтгэх тогтоолд эрх бүхий этгээд давж заалдах гомдол, эсэргүүцэл гаргавал тогтоолын биелэлтийг түдгэлзүүлж, шийтгэх тогтоол хүчин төгөлдөр болох хүртэл шүүгдэгч Б.О-т авсан цагдан хорих таслан сэргийлэх арга хэмжээг хэвээр үргэлжлүүлсүгэй.          

            

                        ДАРГАЛАГЧ ШҮҮГЧ                                 Б.ВОЛОДЯ

                                        ШҮҮГЧИД                                 Э.ОЮУН-ЭРДЭНЭ

                                                                                          Б.ОТГОНСҮРЭН