Нэхэмжлэгч, хариуцагчийн эвлэрлийг

баталж, хэргийг хэрэгсэхгүй болгох тухай

 

Нийслэл дэх Захиргааны хэргийн анхан шатны шүүхийн шүүгч М.Б******* би, нэхэмжлэгч Б.М***-****ын Монгол Улсын ерөнхий аудиторт холбогдуулан гаргасан Монгол Улсын ерөнхий аудиторын 2021 оны 01 дүгээр сарын 29-ний өдрийн А/07 тоот тушаалаар Аудитын ерөнхий менежер-Тэргүүлэх аудитор-ыг хассаныг хүчингүй болгох, 2. Монгол Улсын Ерөнхий аудиторын 2021 оны 02 дугаар сарын 01-ний өдрийн Б/32 тоот Албан хаагчдыг албан тушаалаас чөлөөлөх тухай тушаалын хавсралтын Б.М***-****т холбогдох хэсгийг хүчингүй болгуулах, 3. Монгол Улсын Ерөнхий аудиторын Б.М***-****ыг итгэмжит түшээ ангилалын албан тушаалд томилохгүй байгаа эс үйлдэхүйг хууль бус болохыг тогтоож, Б.М***-****ыг Төрийн аудитын байгууллагад итгэмжит түшээ ангилалын албан тушаалд томилохыг даалгах, 4. Б.М***-****т ажилгүй байсан хугацааны цалинтай тэнцэх хэмжээний олговрыг гаргуулах, нийгмийн болон эрүүл мэндийн даатгалыг нөхөн төлүүлэх-ийг хүссэн шаардлага бүхий захиргааны хэрэгт нэхэмжлэгч, хариуцагч, тэдгээрийн итгэмжлэгдсэн төлөөлөгч нараас ирүүлсэн эвлэрлийн гэрээ-г хянаад,

ТОДОРХОЙЛОХ нь:

Хэргийн оролцогчдын эвлэрлийн гэрээнд: ...Б.М***-****ын нэхэмжлэлтэй, Үндэсний аудитын газарт холбогдох захиргааны хэргийн оролцогч нар дараах зүйлийг харилцан тохиролцож Захиргааны хэрэг шүүхэд хянан шийдвэрлэх тухай хуулийн 68 дугаар зүйлийн 68.1-т заасны дагуу дараах эвлэрлийн гэрээг байгуулж байна.

1. Нэхэмжлэгч дараах үүргийг хүлээнэ:
   1. Монгол Улсын Ерөнхий аудиторт холбогдуулан 2022 оны 03 дугаар сарын 01-ний өдөр Нийслэл дэх захиргааны хэргийн анхан шатны шүүхэд гаргасан Нэхэмжлэлийн шаардлагаа тодруулах тухай нэхэмжлэлийн тодруулсан нэхэмжлэлийн шаардлагад заасан доорх 4 нэхэмжлэлийн шаардлагаасаа татгалзаж байна.

• Монгол Улсын ерөнхий аудиторын 2021 оны 01 дүгээр сарын 29-ний өдрийн А/07 тоот тушаалаар Аудитын ерөнхий менежер-Тэргүүлэх аудитор-ыг хассаныг хүчингүй болгох,
• Монгол Улсын Ерөнхий аудиторын 2021 оны 02 дугаар сарын 01-ний өдрийн Б/32 тоот Албан хаагчдыг албан тушаалаас чөлөөлөх тухай тушаалын хавсралтын Б.М***-****т холбогдох хэсгийг хүчингүй болгуулах,
• Монгол Улсын Ерөнхий аудиторын Б.М***-****ыг итгэмжит түшээ ангилалын албан тушаалд томилохгүй байгаа эс үйлдэхүйг хууль бус болохыг тогтоож, Б.М***-****ыг Төрийн аудитын байгууллагад итгэмжит түшээ ангилалын албан тушаалд томилохыг даалгах,
• Б.М***-****т ажилгүй байсан хугацааны цалинтай тэнцэх хэмжээний олговрыг гаргуулах, нийгмийн болон эрүүл мэндийн даатгалыг нөхөн төлүүлэх,
  2. Уг маргааны зүйлтэй холбогдуулан дахин гомдол, маргаан гаргахгүй.

2. Хариуцагч дараах үүргийг хүлээнэ:

2.1. 6 сарын цалин, хөлстэй тэнцэх хэмжээний олговор олгох, /Сүүлд гар дээр авч байсан цалингийн хэмжээний 6 сар/

2.2. 6 сарын нийгмийн даатгал болон эрүүл мэндийн даатгалын шимтгэлийг нөхөн төлөх /2021 оны 3, 4, 5, 6, 7, 8 сарууд/

Талууд дээрх нөхцөлөөр харилцан тохиролцож эвлэрлийн гэрээг байгуулсан болно. гэжээ.

ҮНДЭСЛЭХ нь:

Нэхэмжлэгч Б.М***-**** нь Монгол Улсын ерөнхий аудиторын 2021 оны 01 дүгээр сарын 29-ний өдрийн А/07 тоот тушаалаар Аудитын ерөнхий менежер-Тэргүүлэх аудитор-ыг хассаныг хүчингүй болгох, 2. Монгол Улсын Ерөнхий аудиторын 2021 оны 02 дугаар сарын 01-ний өдрийн Б/32 тоот Албан хаагчдыг албан тушаалаас чөлөөлөх тухай тушаалын хавсралтын Б.М***-****т холбогдох хэсгийг хүчингүй болгуулах, 3. Монгол Улсын Ерөнхий аудиторын Б.М***-****ыг итгэмжит түшээ ангилалын албан тушаалд томилохгүй байгаа эс үйлдэхүйг хууль бус болохыг тогтоож, Б.М***-****ыг Төрийн аудитын байгууллагад итгэмжит түшээ ангилалын албан тушаалд томилохыг даалгах, 4. Б.М***-****т ажилгүй байсан хугацааны цалинтай тэнцэх хэмжээний олговрыг гаргуулах, нийгмийн болон эрүүл мэндийн даатгалыг нөхөн төлүүлэх-ийг хүссэн шаардлага бүхий нэхэмжлэлийг тус шүүхэд гаргажээ.

Хэргийн оролцогчид харилцан тохиролцож 2022 оны 05 дугаар сарын 03-ны өдөр Эвлэрлийн гэрээ байгуулж шүүхэд ирүүлжээ.

Хариуцагч Монгол Улсын Ерөнхий аудитор нь 2022 оны 05 дугаар сарын 02-ны өдрийн №1036 дугаар албан бичгээр Үндэсний аудитын газрын Захиргаа, удирдлагын газрын хууль, эрх зүйн менежер Б.Б********од эвлэрэх эрхтэй итгэмжлэл олгосон байна.

Захиргааны хэрэг шүүхэд хянан шийдвэрлэх тухай хуулийн 68 дугаар зүйлийн 68.1-д Нэхэмжлэгч, хариуцагч харилцан буулт хийж, нэхэмжлэлийн шаардлагыг өөрчлөх, шаардлагыг биелүүлэх арга замаа тодорхойлох зэргээр хоорондоо тохиролцож эвлэрлийн гэрээ байгуулж, маргаанаа дуусгавар болгож болно, 68.2-т Нэхэмжлэгч, хариуцагч нар эвлэрлийн гэрээг бичгээр хийж, гарын үсгээ зурсан байна, 68.4-д Нэхэмжлэгч, хариуцагчийн эвлэрсэн нь хуульд харшлаагүй бөгөөд бусад этгээдийн эрх, эрх чөлөө, хууль ёсны ашиг сонирхлыг хөндөөгүй нь тогтоогдвол шүүх эвлэрлийг баталж, хэргийг хэрэгсэхгүй болгоно гэж тус тус заасан байна.

Нэхэмжлэгч Б.М***-**** болон хариуцагч Монгол Улсын Ерөнхий аудиторын итгэмжлэгдсэн төлөөлөгч Б.Б******** нар эвлэрлийн гэрээнд гарын үсэг зурсан байх бөгөөд ийнхүү нэхэмжлэгч, хариуцагч нарын эвлэрсэн нь хуульд харшлаагүй, бусад этгээдийн эрх, эрх чөлөө, хууль ёсны ашиг сонирхлыг хөндөөгүй байна.

Нэхэмжлэгч, хариуцагчийн итгэмжлэгдсэн төлөөлөгчид Захиргааны хэрэг шүүхэд хянан шийдвэрлэх тухай хуулийн 69 дүгээр зүйлийн 69.2-т ...шүүгчийн захирамж, шүүхийн тогтоолд гомдол гаргах эрхгүй бөгөөд шүүхийн шийдвэрийн нэгэн адил биелүүлнэ гэж заасан талаар тайлбарласан бөгөөд түүнийг ойлгож, зөвшөөрч байгаагаа илэрхийлсэн болно.

Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.1-д заасныг удирдлага болгон ЗАХИРАМЖЛАХ нь:

1. Захиргааны хэрэг шүүхэд хянан шийдвэрлэх тухай хуулийн 68 дугаар зүйлийн 68.1, 68.2, 68.4-т заасныг тус тус баримтлан Б.М***-****ын нэхэмжлэлтэй, Монгол Улсын ерөнхий аудиторт холбогдох захиргааны хэргийн оролцогчдын 2022 оны 05 дугаар сарын 03-ны өдрийн Эвлэрлийн гэрээг баталж, тус захиргааны хэргийг хэрэгсэхгүй болгосугай.

2. Захиргааны хэрэг шүүхэд хянан шийдвэрлэх тухай хуулийн 50 дугаар зүйлийн 50.5, 69 дүгээр зүйлийн 69.1-д заасны дагуу нэхэмжлэгчээс улсын тэмдэгтийн хураамжид төлсөн 70200 төгрөгийг улсын орлогод хэвээр үлдээсүгэй.

3. Захиргааны хэрэг шүүхэд хянан шийдвэрлэх тухай хуулийн 69 дүгээр зүйлийн 69.2-т зааснаар хэргийн оролцогч, тэдгээрийн төлөөлөгч буюу өмгөөлөгч энэ шүүгчийн захирамжид давж заалдах журмаар гомдол гаргах эрхгүй бөгөөд Захиргааны хэрэг шүүхэд хянан шийдвэрлэх тухай хуулийн 69 дүгээр зүйлийн 69.2-т зааснаар энэхүү шүүгчийн захирамжийг шүүхийн шийдвэрийн нэгэн адил биелүүлэхийг дурдсугай.

 

 

 

ШҮҮГЧ М.Б*******