МОНГОЛ УЛСЫН НЭРИЙН ӨМНӨӨС

 

Багахангай, Налайх дүүргийн Эрүүгийн хэргийн анхан шатны тойргийн шүүхийн шүүгч Э.Энхжаргал даргалж,

шүүх хуралдааны нарийн бичгийн дарга М.Буянзаяа,

улсын яллагч М.Сэлэнгэ,

хохирогч Н.*******,  

шүүгдэгч Б.******* нарыг оролцуулан тус шүүхийн хуралдааны танхимд нээлттэй хийсэн шүүх хуралдаанаар

 

Налайх, Багахангай дүүргийн прокурорын газрын хяналтын прокурор М.Сэлэнгийн Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн ******* овогт *******гийн *******д холбогдох эрүүгийн 2407004920003 дугаартай хэргийг 2025 оны 04 дүгээр сарын 14-ний өдөр хүлээн авч хянан хэлэлцэв.

 

Шүүгдэгчийн биеийн байцаалт:

   Монгол Улсын иргэн, *******-ны өдөр ******* аймаг, ******* суманд төрсөн, эрэгтэй, *******тай, ******* боловсролтой, мэргэжилтэй, , , , , хамт , , , 40 тоотод оршин суух,

урьд Налайх дүүргийн Эрүүгийн хэргийн анхан шатны шүүхийн 2020 оны 08 дугаар сарын 14-ний өдрийн 144 дугаар шийтгэх тогтоолоор Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 600 нэгжтэй тэнцэх хэмжээний буюу 600,000 төгрөгөөр торгох ял шийтгүүлсэн,

******* овогт *******гийн ******* /РД: /.

 

            Холбогдсон хэргийн талаар:

Шүүгдэгч Б.******* нь согтууруулах ундааны зүйл хэрэглэсэн үедээ 2024 оны 11 дүгээр сарын 07-ны өдөр Налайх дүүргийн ны нутаг дэвсгэр ын гэх газрын орчим өөрийн гэр бүлийн хамаарал бүхий харилцаатай хүн болох Н.******* нь Б.*******г түлхэх үед түүнийг гараар цохиж, хөлөөр өшиглөж зодож эрүүл мэндэд нь зүүн шилбэнд цус хуралт, шарх, зөөлөн эдийн няцрал, зүүн бугалга, зүүн өгзөгт цус хуралт, баруун өгзөг, ууцанд зулгаралт гэмтэл бүхий хөнгөн хохирол санаатай учруулсан буюу Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт холбогджээ.

 

ТОДОРХОЙЛОХ нь:

 

Шүүх прокуророос шүүхэд шилжүүлсэн эрүүгийн хэргийн хүрээнд, шүүгдэгч Б.*******н холбогдсон хэрэгт гэм буруу, эрүүгийн хариуцлага хүлээлгэхдээ Эрүүгийн хуулийн хууль ёсны, шударга ёсны, гэм буруугийн зарчмыг тус тус баримтлан шүүхийн хэлэлцүүлэгт тогтоогдсон үйл баримт, шинжлэн судалсан болон хэрэгт цугларсан нотлох баримтуудыг үндэслэн дараах дүгнэлтийг хийв.

 

Нэг. Гэм буруугийн талаар:

 

1.1. Шүүхийн хэлэлцүүлэгт талуудаас гаргасан тайлбар, мэдүүлэг:

 

Шүүгдэгч Б.******* нь шүүхийн хэлэлцүүлэгт мэдүүлэхдээ: “Эхнэр Н.******* бид хоёр ханилаад 30 жил болж байна. Тухайн үед архинаас болж ийм асуудал үүсгэсэнд ханиасаа уучлал гуйж байна. Өдий насанд ийм хэрэг хийсэндээ үнэхээр их харамсаж байна. 80 нас гарсан маань манайд амьдардаг, би өглөө цайг нь чанаж өгдөг. Өдөр 13-14 цагт хоолыг нь хийж өгдөг. Ганцаараа мал маллаж байгаа, өглөө очоод орой гэртээ ирж хоноод өглөө үүрээр очдог болохоор миний хувийн байдлыг харгалзан үзэж хамгийн бага хэмжээгээр ял оногдуулж өгөхийг хүсэж байна” гэв.

 

Хохирогч Н.******* шүүхийн хэлэлцүүлэгт мэдүүлэхдээ: “Шүүхэд хандаж мэдүүлэг өгөхгүй, гомдолгүй.” гэв.

 

            1.2. Шүүх хуралдаанаар тогтоогдсон хэргийн үйл баримтын талаар:

 

Шүүгдэгч Б.******* нь согтууруулах ундааны зүйл хэрэглэсэн үедээ 2024 оны 11 дүгээр сарын 07-ны өдөр Налайх дүүргийн ны нутаг дэвсгэр ын гэх газрын орчим өөрийн гэр бүлийн хамаарал бүхий харилцаатай хүн болох Н.******* нь Б.*******г түлхэх үед түүнийг гараар цохиж, хөлөөр өшиглөж зодож эрүүл мэндэд нь зүүн шилбэнд цус хуралт, шарх, зөөлөн эдийн няцрал, зүүн бугалга, зүүн өгзөгт цус хуралт, баруун өгзөг, ууцанд зулгаралт гэмтэл бүхий хөнгөн хохирол санаатай учруулсан үйл баримт буюу хэргийн нөхцөл байдал хэрэгт авагдсан дараах нотлох баримтуудаар тогтоогдож байна. Үүнд:

 

• Зөрчлийн талаар амаар болон харилцаа холбооны хэрэгслээр ирүүлсэн гомдол, мэдээллийг хүлээн авсан тэмдэглэл (хавтаст хэргийн 11 дэх тал),

 

• Хохирогч Н.*******ийн мөрдөн шалгах ажиллагаанд өгсөн: “Би  нөхөр ******* болон хамт Налайх дүүргийн , од оршин суудаг. Манай нөхөр ******* бид хоёр хамт амьдраад 28 жил болж байна. Гэрлэлтийн баталгаатай дундаасаа 5 хүүхэдтэй. ...Би ны хэсгийн ахлагч хийдэг юм. 2024 оны яг хэдэн сарын хэдний өдрийг бол санахгүй байна. Манай ажлын газрын гээд хэсгийн ахлагч дүүгийн төрсөн өдөр болоод Налайх дүүргийн 1 дүгээр хорооны караокед ороод Сэнгүр нэртэй лаазтай пивоноос хоёрыг уучхаад бид хэд караокеноос гарсан. Тэгээд хэсгийн ахлагчийн нөхөр нь намайг гэрийн гадаа буулгасан. Тэгэхэд манай нөхөр ******* хөдөөгөөс ирж таараад намайг хаачаад ирж байгаа юм бэ гэхээр нь ажлын газрын хүний төрсөн өдөрт ороо ирлээ гэж хэлсэн чинь ны ямар нэртэй дэлгүүр байсныг хараагүй Сэнгүр нэртэй 2 лаазтай пиво, жимс манай нөхөр аваад Налайх дүүргийн ын цаана байдаг газар бид хоёр очоод би ганцаараа хоёр пиво уусан. Тэгээд би харьж амаръя гэсэн чинь манай нөхөр жоохон байж бай гэж хэлэхээр нь би түлхсэн чинь манай  нөхөр намайг цохисон бас хөл рүү өшиглөсөн. ...Манай нөхөр эрүүл байсан. ...Манай нөхөр архи уухаараа агсам тавьдаг. ...2023 оны 06 дугаар сарын 04-ний өдөр миний төрсөн өдрийг найзууд тэмдэглэж чадаагүй гээд 7 дугаар сард тэмдэглээд тэр өдөр намайг гараараа цохиж нүдийг хөхрүүлж байсан. ...Ажлын газрын хүмүүстэй ууж, идэхээр намайг хардаад байдаг...” гэх мэдүүлэг (хавтаст хэргийн 58-59 дэх тал),

 

• Гэрч Ч.ын мөрдөн шалгах ажиллагаанд өгсөн: “...Би яг хэдэн сарын хэдний өдрийг бол санахгүй байна. Орой 22 цагийн үед намайг гэртээ байж байх үед гаднаас найз *******, *******тайгаа цуг орж ирсэн, манай найз *******н авчирсан Хараа нэртэй 0,5 литрийн архийг бид хоёр хувааж уусан. ******* манайд ирэхдээ нэлээн согтуу манай гэрт орж ирсэн. ******* Хараа архинаас уугаагүй орон дээр сууж байснаа үглээд байхаар нь тоогоогүй юм. *******г бид нар гэж дууддаг юм. Тэгсэн ******* намайг “гийн барлаг, бөөс” гэх мэтээр хэл амаар доромжлоод байхаар нь ******* “боль” гэж хэлээд, “наад хүн чинь бид нарын малыг малладаг яваад өгвөл бид нарын малыг хэн харах юм” гэж хэлээд ******* ээ барьж аваад сэгсрээд байсан. Тэгээд ******* бид хоёр Хараа нэртэй архийг тал болтол нь уугаад байж байсан чинь ******* бие засъя гээд гэрээс гараад яваад өгсөн. Тэгээд орж ирэхгүй болохоор нь ******* ийнхээ гар утас руу залгасан чинь утсаа авахгүй болохоор нь миний гар утсаар ярьсан чинь би сүү авдаг газрын нүхэнд уначихлаа гэхээр нь бид хоёр гэрээс гараад алхаад сүү авдаг газрын ойр хавиар хайгаад *******аа гэж дуудаад утас руу нь залгасан чинь утсаа авахгүй болохоор нь бид хоёр замаар алхаад Налайх дүүргийн , хүртэл алхаад миний гар утсаар лүүгээ залгасан чинь нь би охиныдоо байна лалар минь гэж хэлээд утсаа салгасан. Тэгээд бид хоёр Налайх дүүргийн Соёл урлагийн ордны тэндээс такси бариад ын гэр лүү очсон...” гэх мэдүүлэг (хавтаст хэргийн 64-65 дахь тал),

 

• Нийслэлийн шүүх шинжилгээний газрын Налайх дүүргийн шүүх шинжилгээний хэлтсийн шинжээчийн 2024 оны 11 дүгээр сарын 27-ны өдрийн 571 дугаартай “Н.*******ийн биед зүүн шилбэнд цус хуралт, шарх, зөөлөн эдийн няцрал, зүүн бугалга, зүүн өгзөгт цус хуралт, баруун өгзөг, ууцанд зулгаралт гэмтэл тогтоогдлоо. Тухайн хэрэг болсон гэх цаг хугацаанд үүссэн байх боломжтой.  Хатуу мохоо зүйлийн олон удаагийн цохих, нидрэх, үрэх үйлдлээр үүснэ. Эрүүл мэндийг түр хугацаагаар сарниулах тул хүний эрүүл мэндэд учирсан хохирлын зэрэг тогтоох журмын 3.1.1-т зааснаар хохирлын хөнгөн зэрэг тогтоогдлоо. Цаашид ерөнхий хөдөлмөрийн чадварыг тогтонги алдагдуулахгүй” гэх дүгнэлт (хавтаст хэргийн 22-23 дахь тал),

 

• Улсын бүртгэлийн ерөнхий газрын гэрлэсний бүртгэлийн “2006-09-11” гэсэн лавлагаа (хавтаст хэргийн 42 дэх тал),

 

• Шүүгдэгч Б.*******н мөрдөн шалгах ажиллагаанд яллагдагчаар өгсөн: “Би *******, , гурван хүүхдийн хамт Налайх дүүргийн , тоотод оршин суудаг. Би *******тай амьдраад 30 жил болж байна. Гэрлэлтийн баталгаатай, дундаасаа таван хүүхэдтэй. Би Налайх дүүргийн ны нутаг дэвсгэрт байрлах ын хажууд эрлийз үхэр малладаг юм. Би яг хэдэн сарын хэдний өдрийг бол санахгүй байна. Би ын эрлийз үхрээ маллаж байгаад гэр лүү явсан. Тэгээд гэрийн гадаа *******тай таарахад манай нэлээн согтуу халамцуу байхаар  нь хаана хэнтэй архи уугаад ирж байгаа юм бэ гэсэн чинь ажлын газрын хүний төрсөн өдөрт очоод архи уучихлаа гэхээр нь ийг гэр лүү аваад ортол настай минь уурлаад даралт нь ихсэх байх гэж бодоод ээ машиндаа суулгаад үхэр малладаг газар буюу луу явсан. Замдаа дэлгүүр орж Сэнгүр нэртэй лаазтай пиво дөрвийг аваад үхрийг минь харалцдаг ын хашаанд машин дотор тэйгээ пиво хувааж ууж дуусгаад ын гэрт орж дэлгүүрээс авсан Хараа архийг өгсөн. Тэгээд манай уусан архиндаа согтоод, намайг гэж дуудаг юм, ыг “гийн барлаг, бөөс, хуурс биз дээ” гээд хэл амаар доромжлоод агсам тавиад байхаар нь би “боль л доо, наад хүн чинь яваад өгвөл надад туслах хүн байхгүй” гэж хэлээд ийг айлгах гээд зүүн хөл рүү нь өшиглөсөн чинь манай бие заслаа гэж гэрээс гараад явсан. Тэгээд манай орж ирэхгүй болохоор нь гар утас руу нь залгасан чинь миний гар утсыг авахгүй болохоор  нь ын гар утсаар залгасан чинь та нарын сүү аваад байдаг газар байх шиг байна би нүхэнд уначихлаа гэхээр нь бид хоёр гэрээс гараад явган алхаад сүү авдаг газар очиж ийн нэрийг дуудсан чинь хариу өгөхгүй болохоор нь ийн гар утас руу залгасан чинь гар утсаа авахгүй байхаар нь тэр хавиар 30 минут хайгаад олдохгүй болохоор нь бид хоёр замаар алхаад  ын гар утсаар залгасан чинь охин Халиунаагийн гэрт ирчихлээ гэхээр нь бид  хоёр алхсаар байгаад Налайх дүүргийн Соёл урлагийн ордны тэнд очоод охиныд очсон юм чинь хоёулаа явъя гэж хэлээд таксигаар орсон. Тэгээд манай цагдаад өргөдөл өгсөн юм шиг байна лээ. Цагдаагаас дуудаж мэдүүлэг авсан...” гэх мэдүүлэг (хавтаст хэргийн 71-72 дахь тал) болон шүүгдэгчийн шүүх хуралдаанд гэм буруугаа хүлээн зөвшөөрсөн мэдүүлэг зэрэг болно.

 

Дээрх нотлох баримтууд нь тухайн хэрэгт хамааралтай, агуулгын хувьд зөрүүгүй, үйл баримтыг хангалттай тогтоож чадсан, мөрдөн шалгах ажиллагааны явцад Эрүүгийн хэрэг хянан шийдвэрлэх тухай хуулиар тогтоосон нотлох баримт цуглуулах, бэхжүүлэх талаарх журам, шаардлагыг зөрчсөн болон хэргийн оролцогчийн эрх, хууль ёсны ашиг сонирхлыг зөрчсөн, хязгаарласан зөрчил тогтоогдоогүй тул шүүх тэдгээр баримтыг хууль ёсны, үнэн зөв баримтууд гэж үнэлсэн болно.

 

Шүүгдэгч Б.******* нь ******* боловсролтой, монгол хэл, бичиг мэддэг бөгөөд Эрүүгийн хэрэг хянан шийдвэрлэх тухай хуулийн 34.10 дугаар зүйлийн 4 дэх хэсэгт зааснаар өөрийгөө өмгөөлөх хүсэлтийг шүүхэд бичгээр гаргасан тул шүүх хуралдааныг өмгөөлөгчгүйгээр явуулж, шүүгдэгчийн өөрийгөө өмгөөлөх эрхийг хангасан болохыг тэмдэглэв.

 

1.3. Эрх зүйн дүгнэлт:

 

            Эрүүгийн хуулийн тусгай ангийн 11.6 дугаар зүйлд заасан “Хүний эрүүл мэндэд хөнгөн хохирол санаатай учруулах” гэмт хэрэг нь хүний эрүүл мэндийн халдашгүй байдлын эсрэг гэмт хэрэг бөгөөд гэмт этгээд хүний эрүүл мэндийн халдашгүй байдалд гэм буруугийн санаатай хэлбэрээр халдаж, энэхүү үйлдлийн улмаас хүний эрүүл мэндэд хөнгөн хохирол учирсан байх субьектив болон обьектив шинжийг хангахыг шаарддаг.

 

            Хууль зүйн хувьд шүүгдэгч Б.*******н үйлдэл нь идэвхтэй, ухамсартай үйлдэл бөгөөд хохирогч Н.*******ийн эрх чөлөөнд халдаж, хөнгөн зэргийн гэмтэл учруулж, хор уршигт зориуд хүргэсэн байх тул түүнийг гэм буруугийн санаатай хэлбэрээр хүний эрүүл мэндэд хохирол учруулсанд тооцно.

 

            Шүүгдэгч Б.*******н үйлдлийн улмаас хохирогчийн биед эрүүл мэндийг түр хугацаагаар сарниулах хөнгөн гэмтэл учирсан нь шинжээчийн дүгнэлтээр тогтоогдсон байх тул хүний эрүүл мэндэд хөнгөн хохирол учирсан гэж үзнэ.

 

            Өөрөөр хэлбэл шүүгдэгч Б.*******, хохирогч Н.******* нар нь 2006 онд гэрлэлтээ батлуулж, дундаасаа 5 хүүхэдтэй, гэр бүлийн хамаарал бүхий харилцаатай байх боловч 2024 оны 11 дүгээр сарын 07-ны өдөр Б.*******, Н.******* нар нь ахуйн хүрээнд архидан согтуурч, хохирогч Н.******* нь бусдыг хэл амаар доромжлон, хэрүүл маргаан үүсгэсний улмаас шүүгдэгч Б.******* нь Н.*******ийн биед халдаж, зүүн шилбэнд цус хуралт, шарх, зөөлөн эдийн няцрал, зүүн бугалга, зүүн өгзөгт цус хуралт, баруун өгзөг, ууцанд зулгаралт гэмтэл бүхий хөнгөн хохирол учруулсан үйлдэл нь Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол санаатай учруулах гэмт хэргийн шинжийг хангаж байна.

 

Иймд улсын яллагчийн дүгнэлтийг хүлээн авч, шүүгдэгч Б.*******г Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол санаатай учруулах гэмт хэрэг үйлдсэн гэм буруутайд тооцох хууль зүйн үндэслэлтэй байна гэж үзэв.

 

            1.4. Гэмт хэргийн улмаас учирсан хохирол, хор уршгийн талаар:

 

Гэмт хэргийн улмаас хохирогч Н.*******ийн биед хөнгөн хохирол учирсан бөгөөд хохирогч нь баримтаар нэхэмжилсэн зүйлгүй, “гомдол санал, нэхэмжлэх зүйл байхгүй” гэсэн тул шүүгдэгчийг бусдад төлөх төлбөргүйд тооцов.

 

 Улсын яллагч яллах дүгнэлтдээ Эрүүл мэндийн даатгалын санд 52,662 төгрөгийн хохирол учирсан талаар тусгасан байх боловч уг зардал нь хохирогчийн биед учирсан хөнгөн гэмтэлтэй холбоотой бус, харин өөр өвчний улмаас 2024 оны 11 дүгээр сарын 21-ний өдөр, 2024 оны 12 дугаар сарын 03-ны өдөр эмнэлгийн тусламж үйлчилгээ авсан талаар хохирогч шүүхийн хэлэлцүүлэгт мэдүүлсэн тул шүүх шийдвэрлээгүй болохыг тэмдэглэв.

 

            Хоёр. Эрүүгийн хариуцлагын талаар:

 

Шүүх хуралдаанд улсын яллагч “шүүгдэгч Б.*******д Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 650 нэгжтэй тэнцэх хэмжээний буюу 650,000 төгрөгөөр торгох ял оногдуулж, уг торгох ялыг 3 сарын хугацаанд хэсэгчлэн төлүүлэх” гэсэн дүгнэлт гаргасан ба уг ялын дүгнэлттэй холбогдуулан шүүгдэгч, хохирогч санал, тайлбар гаргаагүй болно.

 

            Шүүгдэгч Б.******* нь урьд эрүүгийн хариуцлага хүл байсан эсэхийг шалгах хуудсаар Цагдаагийн ерөнхий газрын бүртгэлийн санд 1 удаа ял шийтгэгдэж, уг ялыг биелүүлж, дуусгавар болсон байх тул түүнд нэмж нэгтгэх ялгүй байх бөгөөд эрүүгийн хариуцлага хүлээлгэхэд Эрүүгийн хуулийн ерөнхий ангийн 6.5 дугаар зүйлд заасан хөнгөрүүлэх, мөн хуулийн 6.6 дугаар зүйлд заасан хүндрүүлэх нөхцөл байдал тогтоогдоогүй.

 

Шүүх шүүгдэгч Б.*******д эрүүгийн хариуцлага хүлээлгэхэд гэмт хэрэг үйлдсэн нөхцөл байдал (ахуйн хүрээнд архидан согтуурсны улмаас ийнхээ биед халдсан байдал) учирсан хохирол, хор уршгийн шинж чанар (хохирогчийн эрүүл мэндэд хөнгөн хохирол учирсан, гомдол саналгүй гэх), хувийн байдал (гэм буруугаа хүлээн зөвшөөрч, гэмшиж байгаа байдал) зэргийг харгалзан улсын яллагчийн саналын хүрээнд Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар түүнд 650 нэгжтэй тэнцэх хэмжээний буюу 650,000 төгрөгөөр торгох ял оногдуулж, уг торгох ялыг 3 сарын хугацаанд хэсэгчлэн төлүүлэхээр тогтоож шийдвэрлэв.

 

Шүүгдэгч нь торгох ялыг шүүхээс тогтоосон хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солихыг анхааруулж, урьд авсан хувийн баталгаа гаргах таслан сэргийлэх арга хэмжээг хэвээр үргэлжлүүлж шийдвэрлэв.

 

            Шүүгдэгч Б.******* нь цагдан хоригдсон хоноггүй, энэ хэрэгт эд мөрийн баримтаар хураагдсан, битүүмжлэгдсэн зүйлгүй, хэрэг хянан шийдвэрлэх ажиллагааны зардалгүй болохыг тус тус дурдах нь зүйтэй гэж үзэв.

 

Эрүүгийн хэрэг хянан шийдвэрлэх тухай хуулийн 36.2 дугаар зүйлийн 1, 4, 36.6, 36.7, 36.8, 37.1 дүгээр зүйлд заасныг тус тус удирдлага болгон

 

ТОГТООХ нь:

 

1. ******* овогт *******гийн *******г Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол санаатай учруулах гэмт хэрэг үйлдсэн гэм буруутайд тооцсугай.

 

2. Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар шүүгдэгч Б.*******г 650 (зургаан зуун тавь) нэгжтэй тэнцэх хэмжээний буюу 650,000 (зургаан зуун тавин мянга) төгрөгөөр торгох ял шийтгэсүгэй.

 

3. Эрүүгийн хуулийн ерөнхий ангийн 5.3 дугаар зүйлийн 4, 5 дахь хэсэгт зааснаар шүүгдэгч Б.*******д оногдуулсан 650 (зургаан зуун тавь) нэгжтэй тэнцэх хэмжээний буюу 650,000 (зургаан зуун тавин мянга) төгрөгөөр торгох ялыг 3 (гурав) сарын хугацаанд хэсэгчлэн төлүүлэхээр тогтоож, уг хугацаанд биелүүлээгүй бол шүүх биелэгдээгүй торгох ялын 15 (арван тав) нэгжтэй тэнцэх хэмжээний төгрөгийг 1 (нэг) хоногоор тооцож хорих ялаар солихыг мэдэгдсүгэй.

 

4. Шүүгдэгч Б.******* нь цагдан хоригдсон хоноггүй, бусдад төлөх төлбөргүй, энэ хэрэгт эд мөрийн баримтаар хураагдсан, битүүмжлэгдсэн зүйлгүй, хэрэг хянан шийдвэрлэх ажиллагааны зардалгүй болохыг тус тус дурдсугай.

 

5. Эрүүгийн хэрэг хянан шийдвэрлэх тухай хуулийн 36.8 дугаар зүйлийн 1 дэх хэсгийн 1.5-д зааснаар шийтгэх тогтоол хүчин төгөлдөр болтол шүүгдэгч Б.*******д урьд авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

 

6. Эрүүгийн хэрэг хянан шийдвэрлэх тухай хуулийн 36.10 дугаар зүйлийн 4 дэх хэсэгт зааснаар шүүхийн шийтгэх тогтоол уншин сонсгосноор хүчинтэй болохыг дурдсугай.

 

7. Эрүүгийн хэрэг хянан шийдвэрлэх тухай хуулийн 38.2 дугаар зүйлийн 1 дэх хэсэгт зааснаар шийтгэх тогтоолыг эс зөвшөөрвөл прокурор, дээд шатны прокурор, оролцогч шийтгэх тогтоол гардан авсан буюу хүргүүлснээс хойш 14 хоногийн дотор Нийслэлийн Эрүүгийн хэргийн давж заалдах шатны шүүхэд давж заалдах гомдол гаргах, эсэргүүцэл бичих эрхтэй болохыг дурдсугай.

 

 

 

 

ДАРГАЛАГЧ, ШҮҮГЧ                                         Э.ЭНХЖАРГАЛ