МОНГОЛ УЛСЫН НЭРИЙН ӨМНӨӨС

Дорноговь аймгийн Замын-Үүд сум дахь сум дундын шүүхийн эрүүгийн шүүх хуралдааныг ерөнхий шүүгч Д.Цэдэнпэлжээ даргалж,

 

Нарийн бичгийн дарга Б.Мөнх-Эгшиглэн

Улсын яллагч Э.Намуун

Шүүгдэгчийн өмгөөлөгч С.Э

Шүүгдэгч Б.Э нарыг оролцуулан тус шүүхийн хуралдааны 1-р  танхимд нээлттэй хийсэн шүүх хуралдаанаар

Д аймгийн З сум дахь сум дундын прокурорын газрын хяналтын прокуророос Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хэргийг хялбаршуулсан журмаар хянан шийдвэрлүүлэхээр яллах дүгнэлт үйлдэж ирүүлсэн И овогт Б-ийн Э-т холбогдох эрүүгийн 252.000.000.0000 тоот хэргийг 2000 оны 00 дүгээр сарын 00-ны өдөр  хүлээн авч хянан хэлэлцэв.

Шүүгдэгч: Монгол Улсын иргэн, 1900 оны 00 дугаар сарын 00-ний өдөр С аймгийн С суманд төрсөн, 00 настай, эрэгтэй, яс үндэс халх, дээд боловсролтой, компьютер удирдлагын систем мэргэжилтэй, ам бүл 0, эхнэр, 0 хүүхдийн хамт амьдардаг, хувиараа хил хооронд ачаа тээвэр эрхэлдэг, Д аймгийн З сумын 0-р баг, 000а байрны 00 тоотод оршин суух, улсаас авсан гавъяа шагналгүй, урьд Д аймаг дахь сум дундын эрүүгийн хэргийн анхан шатны шүүхийн 2000 оны 00 сарын 00-ны өдрийн 2000/ШЦТ/000 дугаартай шийтгэх тогтоолоор Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 600 нэгжтэй тэнцэх хэмжээний буюу 600,000 төгрөгийн торгох ялаар шийтгүүлсэн, хэрэг хариуцах чадвартай, И овогт Б-ий Э  /РД: ХХ00000000/

 

Холбогдсон хэргийн талаар:

Шүүгдэгч Б.Э нь Д аймгийн З сумын 0-р багийн нутаг дэвсгэр хөдөө хээр газарт 2000 оны 00 сарын 00-ны өдөр 00 цагийн орчимд хохирогч М.Х-тай маргалдаж, ноцолдон улмаар зүүн гарын шуу хэсэгт зүсэж, биед нь баруун нүдний салстын цус харвалт, зүүн бугалгын шарх, баруун шууны шарх, зүүн шууны шарх, баруун нүдний дээд, доод зовхины цус хуралт, баруун шуу, баруун тохойн цус хуралт, дух, баруун шанаа, хамрын үзүүр, цээж, баруун тохой, зүүн чихний дэлбэнгийн зулгаралт, зөөлөн эдийн няцрал гэмтэл бүхий хүний эрүүл мэндэд хөнгөн хохирол санаатай учруулсан гэмт хэрэгт холбогджээ.

ТОДОРХОЙЛОХ нь:

Гэм буруугийн талаар:

 

 Шүүгдэгч Б.Э нь Д аймгийн З сумын 0-р багийн нутаг дэвсгэр хөдөө хээр газарт 2000 оны 00 сарын 00-ны өдөр 00 цагийн орчимд хохирогч М.Х-тэй маргалдаж, ноцолдон улмаар зүүн гарын шуу хэсэгт зүсэж, биед нь баруун нүдний салстын цус харвалт, зүүн бугалгын шарх, баруун шууны шарх, зүүн шууны шарх, баруун нүдний дээд, доод зовхины цус хуралт, баруун шуу, баруун тохойн цус хуралт, дух, баруун шанаа, хамрын үзүүр, цээж, баруун тохой, зүүн чихний дэлбэнгийн зулгаралт, зөөлөн эдийн няцрал гэмтэл бүхий хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутай болох нь шүүхийн хэлэлцүүлэгт шүүгдэгчийн үйлдсэн хэргээ хүлээн мэдүүлсэн мэдүүлгээс гадна хохирогч М.Х-ийн мэдүүлэг /хх-ийн 08-09, 12-13/, иргэний нэхэмжлэгч Д.Д-ын мэдүүлэг /хх-ийн 19-20/, Д аймгийн Шүүх шинжилгээний хэлтсийн 2000 оны 00 дугаар сарын 00-ны өдрийн 000 дугаартай дүгнэлт /хх-ийн 27-28/, Д аймгийн З сумын нэгдсэн эмнэлгийн 2000 оны 00 дугаар сарын 00-ны өдөр М.Х-д үзүүлсэн яаралтай тусламжийн хуудас /хх-ийн 29/, Ц эмнэлгийн 2000 оны 00 дугаар сарын 00-ний өдрийн 000 дугаартай албан бичгээр ирүүлсэн М.Х-ийн тус эмнэлгээс эмнэлгийн тусламж үйлчилгээ авсан баримтууд /хх-ийн 33-50/, эд зүйл, машинд үзлэг хийсэн тэмдэглэл, гэрэл зургийн үзүүлэлтүүд /хх-ийн 51-54/,  шүүгдэгч       Д.Э-ын яллагдагчаар өгсөн мэдүүлэг /хх-ийн 90-91/ зэрэг нотлох баримтаар нотлогдон тогтоогдсон гэж дүгнэв.

 

Шүүхийн хэлэлцүүлэгт яллах дүгнэлтэд тусгасан бөгөөд талуудаас шинжлэн  судалснаар тооцуулсан дээрх нотлох баримтуудыг Эрүүгийн хэрэг хянан шийдвэрлэх тухай хуульд заасан үндэслэл, журмын дагуу цуглуулж бэхжүүлсэн байх бөгөөд эдгээр нь энэ хэрэгт хамааралтай, хэргийг эцэслэн шийдвэрлэхэд хүрэлцээтэй байна.

Нотлох баримтаар тогтоогдсон хэргийн нөхцөл байдал нь Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэг үйлдсэн гэм буруутайд тооцсон гэмт хэргийн шинжийг бүрэн агуулжээ.

Шүүгдэгч нь өөрт холбогдох хэргийг хялбаршуулсан журмаар хянан шийдвэрлүүлэх хүсэлтийг сайн дураар гаргаснаа илэрхийлж байх ба түүнд эрүү шүүлт тулгах, хүнлэг бус хэрцгий харьцах, хуурч мэхлэх зэрэг хууль бусаар хэрэг хүлээлгэсэн нөхцөл байдал тогтоогдоогүй болно.

Шүүгдэгч Б.Э нь гэмт хэрэг үйлдэж бусдад учруулсан хохирлыг бүрэн төлж барагдуулсан бөгөөд хохирогч нь гомдол санал, нэхэмжлэх зүйлгүй гэсэн байх тул түүнийг бусдад төлөх төлбөргүй гэж үзэв.

Эрүүгийн хариуцлагын талаар:

Прокурорын санал болгож, шүүгдэгч хүлээн зөвшөөрсөн 500 /таван зуун/ нэгжтэй тэнцэх хэмжээний буюу 500,000 /зургаан  зуун мянга/ төгрөгийн торгох ял оногдуулах санал нь Эрүүгийн хуульд нийцсэн бөгөөд шүүгдэгч нь тухайн эрүүгийн хариуцлагын хууль зүйн үр дагаврыг ухамсарлан ойлгосон байх тул Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 5 дахь хэсэгт зааснаар прокурорын саналыг баталж, шүүгдэгчид эрүүгийн хариуцлага хүлээлгэх хууль зүйн үндэслэлтэй байна.

Иймд шүүгдэгч Б.Э-ыг Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэг үйлдсэн гэм буруутайд тооцож, шүүгдэгчид  500 /таван зуун/ нэгжтэй тэнцэх хэмжээний буюу 500,000 /таван зуун мянга/ төгрөгийн  торгох ял оногдуулах нь зүйтэй гэж шүүх үзлээ.

Шүүгдэгч Б.Э нь энэ хэрэгт цагдан хоригдсон хоноггүй, бусдад төлөх төлбөргүй, энэ хэрэгт хураагдан ирсэн эд мөрийн баримт болон иргэний бичиг баримтгүй, битүүмжлэгдсэн эд хөрөнгөгүй, эрүүгийн хэрэг хянан шийдвэрлэх ажиллагааны зардалгүй болохыг тус тус дурдах нь зүйтэй байна.

 Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 1, 5, 7 дахь хэсэг, 36.2, 36.3, 36.6, 36.7, 36.8, 36.10 дугаар зүйлүүдэд заасныг тус тус удирдлага болгон ТОГТООХ нь:

 

1.Шүүгдэгч И овогт Б-ийн Э /РД:......../-ыг Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний биед хөнгөн хохирол санаатай учруулсан гэмт хэрэг үйлдсэн гэм буруутайд тооцсугай.

2. Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар шүүгдэгч Б-ийн Э-ыг 500 /таван зуун/ нэгжтэй тэнцэх хэмжээний буюу 500,000 /таван  зуун мянга/төгрөгийн торгох  ялаар шийтгэсүгэй.

3. Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт зааснаар шүүгдэгч Б.Э нь оногдуулсан торгох ялыг шүүхээс тогтоосон хугацаанд биелүүлээгүй бол шүүх биелэгдээгүй торгох ялын 15 /арван таван/ нэгжтэй тэнцэх хэмжээний төгрөгийг 1 /нэг/ хоногоор тооцож хорих ялаар солихыг мэдэгдсүгэй.

4. Шүүгдэгч Б.Э нь энэ хэрэгт цагдан хоригдсон хоноггүй, бусдад төлөх төлбөргүй, энэ хэрэгт хураагдан ирсэн эд мөрийн баримт болон иргэний бичиг баримтгүй, битүүмжлэгдсэн эд хөрөнгөгүй, эрүүгийн хэрэг хянан шийдвэрлэх ажиллагааны зардалгүй болохыг тус тус дурдсугай.

5.Шийтгэх тогтоолыг гардаж авсан, эсхүл хүргүүлснээс хойш 14 хоногийн дотор зөвхөн Эрүүгийн хэрэг хянан шийдвэрлэх тухай хуулийг ноцтой зөрчсөн үндэслэлээр оролцогч нар давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэйг дурдсугай.

6. Дээр дурдсан үндэслэлээр оролцогч нар давж заалдах гомдол гаргасан, улсын яллагч, дээд шатны прокурор эсэргүүцэл бичсэн тохиолдолд шийтгэх тогтоолын биелэлтийг түдгэлзүүлж, тогтоол хуулийн хүчин төгөлдөр болтол шүүгдэгчид урьд авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

 

 

 

 

 

        ДАРГАЛАГЧ, ШҮҮГЧ                                 Д.ЦЭДЭНПЭЛЖЭЭ