МОНГОЛ УЛСЫН НЭРИЙН ӨМНӨӨС

Налайх дүүргийн Иргэний хэргийн анхан шатны шүүхийн ерөнхий шүүгч Л.Энхбилэг даргалж тус шүүхийн хуралдааны танхимд хийсэн иргэний шүүх хуралдаанаар

Нэхэмжлэгч: Налайх дүүрэг 7 дугаар хороо Өвөршандын 4 дүгээр гудамж 12 тоотод оршин суух ******* *******ын *******/РД:*******/

Хариуцагч: Налайх дүүрэг 2 дугаар хороо 33 дугаар байр 30 тоотод оршин суух ******* /РД:*******/

Гэрлэлт цуцлуулах, хүүхдийн асрамж тогтоолгох үндэс нэхэмжлэлтэй, хүү Э.*******ын эцгийг шүүхийн журмаар тогтоолгох, хүүхдүүдийг эхийн асрамжид үлдээх, хүүхдийн тэтгэлэг гаргуулах, гэр бүлийн гишүүдийн хамтран өмчлөх дундын эд хөрөнгө болох Налайх дүүрэг 2 дугаар хороо 30 дугаар байр 33 тоотод орон сууцнаас гишүүдэд ногдох хэсгийг тодорхойлуулж Э.*******д ногдох хэсгийг олгох сөрөг нэхэмжлэлийн шаардлагатай иргэний хэргийг 2020 оны 02 дугаар сарын 13-ны өдөр хүлээн авч, 2020 оны 02 дугаар сарын 20-ны өдөр иргэний хэрэг үүсгэснээр хянан хэлэлцэв.

Шүүх хуралдаанд нэхэмжлэгч Э.*******, хариуцагч Д.*******, түүний өмгөөлөгч М., шүүх хуралдааны нарийн бичгийн дарга Т.Золбаяр нар оролцов.

ТОДОРХОЙЛОХ НЬ:

Нэхэмжлэгч Э.******* шүүхэд гаргасан нэхэмжлэлдээ: Миний бие 2000 онд Д.*******тай танилцаж, 2006 оны 8 дугаар сарын 11-ний өдөр гэрлэлтийн 336 тоот баталгаагаар бүртгүүлж гэр бүл болсон. Бидний хамтран амьдрах хугацаанд 2004 оны 8 дугаар сарын 20-нд Э.*******, 2008 оны 8 дугаар сарын 27-нд

Э., 2012 оны 4 дүгээр сарын 17-нд Э. нар төрсөн. Бид хоорондын зан харилцаа таарамжгүй, олон удаагийн салалт, санхүүгийн байдлаас болж байнгын хэрүүл маргаантай байдаг байсан. Д.******* хоорондын таарамжгүй байдлаас болж олон удаа салах оролдлого хийх, амиа хорлоно гэж олон удаа өөрийгөө гэмтээж гараа зүсэх, эм уух гэх зэрэг зан байдлын хувьд тогтворгүй үйлдэл их гаргадаг байсан. 2015 оны 2 дугаар сарын 14-ний өдөр ******* миний бие ажлын байран дээрээ байхад Д.******* 3 хүүхдээ чи ав гээд гэр лүүгээ дагуулан орсон. Тэгээд гэрийнхээ хаалгыг дотроосоо түгжиж намайг эцэг болох тай нийлэн хүйтэн мэсээр 4 удаа буюу гар хуруу хавирга зэрэг газар луу гэмтээсэн. Үүний дараа өдөр эгч болох Шура нь бидний бүх барааг дур мэдэн өрөндөө хурааж авсан. Мөн Д.*******тай амьдарч байх явцад их хэмжээний өр үүссэн байсан. Миний бие өөрийн үүрэг хариуцлагаа үүрэн тухайн өрнүүдийг 2014 оноос хойш 2019 он хүртэл төлж барагдуулсан. Үүнд жишээ нь: 1. 2014 оноос хойш 2018 оны 11 сар хүртэл 8 хувийн байрны зээл буюу сар бүрийн 2-нд төлдөг 392.500 төгрөгийг нийт 60 сар 23.550.000 төгрөг, 2.Д.*******ын нэр дээрх сар бүрийн 20-нд 1.310.000 төгрөг төлдөг зээлийг 2013 оны 10 дугаар сараас 2015 оны 10 дугаар сар хүртэл нийт 31.440.000 төгрөг, 3.2019 онд шүүхийн шийдвэрээр *******ын авга ахаас авсан 13.500.00 төгрөгийг тохиролцон 4.500.000 төгрөгөөр дуусгавар болгосон. Үүнээс гадна их олон өр барагдуулсан.

Мөн 2015 оны 1 дүгээр сард намайг ажлаа хийж байхад UB Place-ийн үзэсгэлэн худалдаанаас гараад ир гээд 3 залуутай хүчээр машинд авч явж байраа өөрийнхөө нэр дээр шилжүүл надад мөнгө өг гэж сүрдүүлж хүчирхийлсэн. Бас 2018 оны 11 дүгээр сард ах болох Мөнхжаргал нь Мишээл экспод болох үзэсгэлэн худалдаан дээр ирж сүрдүүлэн 810.000 төгрөгийг нэхэж 5.600.000 төгрөгийн үнэ бүхий хүүхдийн өвлийн гутал хурааж авсан. Энэ барааг цагдаагийн байгууллагаар 2019 оны 4 дүгээр сард шилжүүлж буцааж авсан. Энэ хугацаанд би 3 хүүхдэдээ хувцас болон хүнсний хэрэглээг сар бүр 1-2 удаа өгч байсан. Хувцас хоолны материалыг би өөрийн ээжээрээ дамжуулан өгч байсан. Одоо санхүүгийн байдал жигдэрч дунд хүү болох ийг өөрийн асрамжид авахыг хүсэж байна. Том хүү хүмүүжлийн доголдолтой сурлага муудаж 10 дугаар ангидаа улаан шугамнаас доогуур жагсаж орж чадаагүй. Иймэрхүү шалтгааны улмаас асран хамгаалах эрхийн хүсэлт гаргаж байна. Мөн гэрлэлтийн баталгааг салгаж өгнө үү гэжээ.

Нэхэмжлэгч Э.******* шүүх хуралдаанд үндсэн нэхэмжлэлийн шаардлагаа тайлбарлахдаа: Д.*******тай 2000 оны 06 дугаар сарын 01-ний өдөр танилцсан. 2001 оноос хамт амьдарч эхэлсэн. 3 хүүхдийн эцэг, эх болсон. Бидний амьдрал эрээнтэй, бараантай байсан. Бид хоёр 13 жил амьдрахдаа 10-20 удаа салсан. Бид 2 үслэг эдлэл зарж, би урагшаа бараандаа явдаг байсан. 12 дугаар сарын 20-ны үед урагшаа явахаа болингуут дандаа маргалдаж, би айлаар явж байгаад цагаан сарын үеэр нийлдэг байсан. Ирээд орлогоо асуухаар янз бүрийн шалтгаан хэлдэг. Би салаад явахаараа хэзээ ч мөнгө авч явдаггүй. Найз нөхдийнхөөрөө хоног төөрүүлдэг. 2013 оноос авсан зээлүүдээ өөрөө чадан ядан төлсөн. Сүүлийн үед хүүхдүүддээ хувцас өгөхөө больсон. Учир нь миний авч өгсөн хувцаснуудыг хүүхдүүдэд өмсүүлдэггүй. Яагаад миний өгсөн юмыг хэрэглүүлэхгүй байгаа юм бэ гэхээр хувцас бол мөнгө биш гэж хэлж байсан. Би өөрийнхөө чадлаар хүүхдүүдээ тэжээн тэтгэнэ гэж боддог. Хүүхдүүд маань намайг үнэхээр их үзэн ядсан байсан. Миний хүүхдүүд ийм байгаагүй. Би өөрөө ч гэр оронгүй, коронагаас болж ажлаа ч хийгээгүй, санхүүгийн хувьд асуудалтай байгаа. Шүүхээр тэтгэмж тогтоолговол би одоогийн байдлаар сар бүр өгөх боломжгүй гэдгээ мэдээд байрны мөнгөнөөс тэтгэмжээ суутгуулах саналтай байсан. Тэрнээс биш хүүхдүүдээ тэжээн тэтгэхгүй гээгүй. Д.******* байрны зээлээ төлж байгаа гэдэг дээр би маргаагүй. Би уул нь зээлээ асуудалгүй төлдөг байсан. Гэтэл Д.*******ын ахаас болж би төлөхөө больсон. Ээжээрээ дамжуулж хүртэл хоол, хүнсийг нь бэлддэг байсан. Намайг жоохон ч гэсэн ойлгож болдоггүй юм уу. Хэдий салсан ч гэсэн хүүхдүүдэд эцгийг нь үзэн ядуулах хэрэг байгаа юм уу. Өдий олон жил би эргэж хараад л явсан. 2 талын хүүхдүүдээ холбоотой байлгая гэж бодоод 1 хүүхдээ авъя гэж хэлсэн. Хүүхэд маань над дээр 2 сар байхдаа Налайх руу явахгүй гэдэг байсан. Энд ирээд хүүгээ явъя гэхэд хүү маань салгалаад, чичрээд байхаар нь аав нь чамд амлая. Чамайг авч явахгүй гэж хэлсэн. Гэтэл хүүхэд маань би тань дээр оччихвол ээж үхчихвэл яахын бэ гэж хэлсэн. Надтай анх суухдаа гар, хуруугаа зүсэж байсан. Тэр нь шигээ хүүхэд айлгасан байх. Тэгээд би хүүхдээсээ татгалзсан. Би хүүхдэдээ дургүй биш. Өөр хэлэх зүйлгүй гэв.

 

Хариуцагч Д.******* үндсэн нэхэмжлэлд өгсөн хариу тайлбартаа: Миний бие Э.*******тэй 2000 онд танилцсан. 2004 оны 8 дугаар сарын 20-ны өдөр хүү *******, 2008 оны 8 дугаар сарын 27-ны өдөр хүү , 2012 оны 4 дүгээр сарын 17-ны өдөр охин нар төрсөн. Төрсөн цагаас хойш миний 3 хүүхдийг аав, ээж хоёр маань хамт өсгөлцөж байгаа. *******тэй танилцахаас өмнө би Нарантуул зах дээр өмдний 2 лангуутай, эргэлтийн хөрөнгөтэй байсан. Тэр хөрөнгөн дээр ******* бид 2 хөрөнгөжиж тус зах дээр бэлэн хувцасны 4 лангуу, өмдний 2 лангуу Бөмбөгөр Худалдааны төвд нэг лангуу худалдан авч улмаар унах унаатай, 3 худалдагч цалинжуулан ажиллаж байсан. Том хүү маань тархины даралттай төрсөн. Намайг хүүхдээ асарч байх хооронд ******* өөр хүүхэнтэй уулздаг байсан. Би *******ийн 3 хүүхдийг авхуулсан. Мөнгөтэй болсноос хойш *******ийн ааш зан эвдэрч намайг Нарантуулын ажлын байран дээр зоддог байсан. Тухайн үед би энэ үйлдлийг нь нуудаг байсан, гэвч энэ нь давраад аав ээжийн нүдэн дээр гар хүрсэн, би энэ бүх үйлдлийг 3 хүүхдээ бодоод тэвчдэг байсан. Тухайн үед аав, ээж, хоёр байр авах гээд мөнгөтэй байсан. ******* аав, ээжийн мөнгийг авчих гээд өдөр шөнөгүй намайг шаналгадаг байсан. Би чам шиг мөнгөтэй ах дүүтэй байсан бол мөнгийг нь эргүүлчхээд л өгнө ш дээ гэж залилаад намайг хуурч арай хурдан хугацаанд мөнгөтэй болох боломж байна гэж шахаж аав ээжийн дансаар 12.000.000 төгрөг, бэлнээр 3.000.000 төгрөгийг авхуулсан. Хово машиныг 413.000.000 төгрөгөөр худалдаж авсан. Дараа нь уг машиныг Сайн ломбардад 15.000.000 төгрөгөөр тавьсан. Улмаар ломбардаас зараад зугтсан. Нэг ч төгрөг өгөөгүй. Ломбардаас зээлсэн мөнгөөрөө бэлэн хувцас 4 лангуун дээр шуба татсан. /Үүнд: туулайн шуба, духан булга, үнэг, хулхи шуба/ гэх мэт 20.000.000 төгрөгийн хөрөнгө оруулалт хийсэн. 10.000.000 төгрөгийг нэхэмжилсэн. Аав ээжийн маань хашаа, байшинг хүртэл тавиулж Хаан Банк-аас 25.000.000 төгрөгийг зээлд хамруулсан. Салахдаа намайг өрөнд оруулаад зугтсан. Энэ хүн чанартай хүний үйлдэл үү? Налайхын 2 дугаар хороо 33 дугаар байрны 3 өрөө байрыг 10 жилийн хугацаатай зээлээр авсан. *******ийн нэр дээр байр байдаг. Миний нэр батлан даалтаар явдаг. Би байраа авах хүсэлтэй байна. Налайхад байранд орсноосоо хойш ааш, зан нь эвдрээд үе үе гадуур хонож эхэлсэн, асуухаар өглөө ажил гараад гэх мэтээр аргацаадаг байсан. Би хол ажилдаа явдаг болохоор өглөө эрт гараад орой ирдэг. Сүүлдээ янз янзын хүүхнүүд утасдаж, мессеж бичдэг байсан. Сүүлдээ сар гаруй гэрээсээ алга болсон. Ирэхдээ 100 төгрөг ч үгүй гэртээ ирсэн. Тэгээд үр хүүхдээ өөрөө харъя, чи ажлаа хий гэж намайг Бөмбөгөр лүү ажилдаа явахаар 3 хүүхдээ хоол, ундгүй хаяад өөрийнхөө хар амийг бодоод бүтэн 7 сар гаруй хүүхэнтэй уулздаг байсан. Үр хүүхдээ хаяад өөрийнхөө жаргалыг бодоод явдаг хүнд хүүхдээ өгмөөргүй байна. Гэр бүлээс гадуурх харилцаанд дуртай, ийм л хүн. Би 6 сард жирэмсэн болсон. Гэтэл ахиж ийм явдал гаргахгүй авхуулчих гэсээр байгаад авхуулсан. Бие сэтгэлийн гомдолтой байна. Энэ хүнд итгэж амьдарсан ******* намайг Бөмбөгөрийн лангууг зар гээд заруулсан. Нагац ах мөнгөө нэхээд, мөнгийг нь өгтөл, эргэлдүүлсэн мөнгө байсан гэж уурлаад, надад гар хүрээд, зодоод далимдуулан гэрээсээ явсан. Энэ бол зугтах санаа нь Төрөөг гэрээсээ явсныг хүмүүс мэдээд, надаас мөнгө нэхэж эхэлсэн, надад сэтгэл зүйн хувьд хүнд байсан. Бага охин маань 2 нас гарантай байсан. Би аав, ээж хоёрын 17.000.000 төгрөгийг нэхэмжилж байна. Хаан банкнаас зээлсэн 25.000.000 төгрөгийн 7 сарыг *******, 7 сар нь болох 9.170.000 төгрөг, 17 сар болох 22.270.000 төгрөгийг би төлсөн. Байрны зээлийн талаар Дундын хамтарч амьдрах хугацаанд 15.738.000 төгрөг төлсөн. 2015 оны 04 сараас 2017 оны 11 сар хүртэлх хугацааны байрны зээлийг ******* төлсөн. Энэ нь 12.576.000 төгрөг. Аав, ээж бид 3 нийлээд 2017 оны 12 сар, 2018 оноос өнөөдрийг хүртэлх зээлийг төлж байгаа 10.083.800 төгрөг болно. Хүүхдүүд хичээлдээ муудаж, гурвуулаа дараалан салхин цэцэг тусаж, би өрөө төлөх, ажлаа хийх, хүүхдүүдээ харах, өөрийн минь сэтгэл санаа үнэхээр хэцүү дарамттай бие хаа өвдөөд хэцүү үе зөндөө байсан. Бүх хүмүүс надаас өрөө нэхээд, яагаад гэвэл би дандаа өөрийн төрлүүдээс мөнгө зээлсэн байсан учраас эдийн засгийн хувьд дарамтад орсон. Хова машин 43.000.000 төгрөг жижиг тэрэг, байр бүгд *******ийн нэр дээр байдаг. ******* надад өр зээл, сэтгэл зүйн дарамтад оруулаад, үр хүүхдээ хаяад, өөр хүүхэн дагаад зугтсан. Явахдаа өөрийн нэр дээр байсан бүх хөрөнгөө аваад явсан. Би 3 хүүхдээ өөрөө өсгөж байгаа, энэ хооронд миний бие эрүүл саруул 3 хүүхдийнхээ төлөө ажлаа хийж байгаа. Гэр бүлээ цуцлуулна, хүүхдүүдээ өөрийн асрамжид авна, тэтгэлэг гаргуулна, эд хөрөнгийн маргаантай гэжээ.

 

Хариуцагч Д.******* үндсэн нэхэмжлэлийн талаар шүүх хуралдаанд тайлбарлахдаа: Манай ах дүү нараас зээл аваад энэ амьдралаа босгож байсан. Манай ах дүү нар арай боломжтой. Нарантуул зах дээр жилийн 4 улирал би зогсдог байсан. Бид 2 Нарантуул дээр 6 лангуу, бөмбөгөр дээр бас 1 лангуутай боломжийн амьдарч байсан. 7 дугаар сард 4 дэх хүүхдээ авхуулж байсан. Тухайн үед хүүхдээ авхуулбал хамт амьдарна гэхээр нь би хүүхдээ авхуулсан. Энэ хүн хүүхдүүдээ хайрладаггүй. 8 сард хүүхэд авч явахдаа хүүхдийг маань зодсон байсан. Намайг хүртэл зодож байсан. Хүүхдүүд маань 6 жил миний хажууд өссөн. Тиймээс хүүхдүүдэд чиний орон зай байхгүй. Хүү ийг цэцэрлэгт нь 1 ч удаа хүргэж өгч байгаагүй. Би бөмбөгөрт ажилладаг байхад хүүхдүүддээ хоол ч хийж өгдөггүй гадуур явдаг байсан гэж хүүхдүүд хэлдэг байсан. Энэ хүн 1 хүүхнээс болж хүүхдүүдээ орхисон. Хүүхдүүдээ хаяж болно. Тэгэхдээ төлөвлөгөө гаргасан гэсэн байсан. Манай ах дүү нараас мөнгө зээлсэн. Тэр мөнгийг нь би одоо төлдөг. Бас байрны зээлээ төлдөг. Муу ч сайн ч би хүүхдүүдийн төрсөн эх. Би өөрийгөө бодоод хүнтэй суувал сууна. Гэхдээ би хүүхдүүдээ насанд хүртэл хүнтэй суухгүй. Би хүүхдүүддээ хойд эхийн гар харуулахгүй. Хүү ******* одоо оюутан. 2 бага хүүхдүүддээ тэтгэлэг тогтоолгоё. Надад өөр амьдрах газар байхгүй. Байрандаа 3 хүүхэдтэйгээ амьдрах хүсэлтэй байна. Иймд байраа гэр бүлийн гишүүдийн тоогоор хувааж, Э.*******д оногдох хувийг өөрт өгч, үлдэгдэл зээлээ хувааж төлөх саналтай байна гэв.

 

Хариуцагч Д.******* сөрөг нэхэмжлэлийн шаардлагадаа: 2000 онд нөхөр болох *******тэй танилцан улмаар 2006 онд гэр бүл болсон. Бидний дундаас 2004 оны 8 дугаар сарын 20-ны өдөр том хүү Э.*******, 2008 оны 8 дугаар сарын 27-ны өдөр хүү Э., 2012 оны 4 дүгээр сарын 17-ны өдөр нар төрсөн. Том хүү одоо 16 настай, бага хүү 12 настай, бага охин 8 настай бөгөөд хүүхдүүд маань ээжийнхээ асрамжид байна. Би нөхөр *******тэй танилцахаас өмнө өөрийн гэсэн бизнестэй, Нарантуул худалдааны төвд лангуу ажиллуулдаг, эргэлтийн хөрөнгөтэй боломжийн амьдралтай байсан. Тэр ч бас брюк өмдний лангуутай байсан. Бид гэр бүл болж улмаар бизнесээ өргөжүүлж Нарантуулд өмдний 2 лангуутай, бэлэн хувцасны 4 лангуу, Бөмбөгөр худалдааны төвд 1 лангуутай болж боломжийн амьдралтай болсон. Үүний зэрэгцээгээр миний аав, ээж хоёр маань бидэнд боломжоороо тусалсан. Тухайлбал 2012 оны 4 дүгээр сард 12.000.000 төгрөг, бэлнээр 7.000.000 төгрөг аваад ХОВА машиныг 40.000.000 төгрөгөөр авсан.Тэрээр гэр бүл салах болсон шалтгаанаа бичихдээ: Бидний хоорондын таарамжгүй харьцаанаас гэж мөн намайг амиа хорлохоор биеэ гэмтээсэн, сэтгэл санаа нь тогтворгүй, 3 хүүхдээ чи ав гэсэн гэж худал бичсэн байсан. Би *******тэй гэр бүл болж амьдрал зохиохдоо амьдралаа ийм байдлаар төгсөнө гэж огт бодоогүй. Хайрлаж итгэж явсан хүнээрээ бие, сэтгэл, эд хөрөнгөөрөө тоглуулна гэж бодож байсангүй. Гэвч тэрээр надтай суугаад хөрөнгө мөнгөтэй болсны дараа зан ааш нь гэнэт өөрчлөгдөж, үе үе гэрээс гадуур хоноглож эхэлсэн. Би эхнэр хүнийхээ хувьд хаагуур явсан талаар асуухад янз бүрийн шалтаг хэлдэг байсан. Энэ хугацаанд янз бүрийн хүүхнүүд утсаар ярьж, мессеж бичиж ирүүлдэг ч байсан. 2014 онд 2 сар гаруй гэрээсээ яваад 100 төгрөг ч үгүй гэртээ ирсэн. Энэ талаар төрсөн ээж нь мэдэж байсан. Би өөрийн төрсөн аав, ээждээ хэлж чаддаггүй байсан. Нөхөр ******* нь хамт амьдрах явцад гэр бүлээс гадуур өөр эмэгтэйтэй уулздаг байсан болохоороо тэр надаас яаж салах шалтаг хайж ямар ч шалтгаангүйгээр хэрүүл өдөж, маргаан үүсгэдэг болсон. Мөн хэд хэдэн удаа зодож гэмтэл учруулж үүдэн шүд хугалж шүдгүй болгосон. Мөн ажлын байран дээр удаа дараа зодож байсныг хамт ажилладаг худалдагч Отгонсувд мэднэ. Мөн өөрийнхөө ээжийн дэргэд 1 удаа зодож байсан. Удалгүй миний төрсөн аав, ээжийн дэргэд намайг зоддог болсон. Мөн намайг 4 дэх хүүхдээ тээж байхад тэрээр хүүхэд төрүүлж яахын гэж аашилж дарамт үзүүлж байгаад 2015 оны 7 дугаар сард аборт хийлгэсэн. Түүний дараагаар нөхөр маань ойр ойрхон алга болдог болж, 2015 оны 9 дүгээр сард мөнгөнөөс болж маргаан гаргаж гэрээсээ яваад өгсөн. 2014 оны намар *******ийн машин гудамжинд харагдахаар нь 3 настай охиныгоо тэврээд уулзахаар очиход сүүлд суусан Болорчимэгтэйгээ хамт байсан. Гэнэт намайг хараад зугтахдаа миний охиныг машинаараа шүргээд зугтсан. Тэгэхэд бид хоёр газар унаж үлдэхдээ охины тархи доргиж, хэл ам нь ээдэрсэн. Би хэдэн удаа хүнээр толгойг нь бариулж байж зүгээр болгосон. Би энэ талаар Налайх дүүргийн цагдаагийн газарт өргөдөл бичиж өгч, байцаалт хүртэл өгч байсан. ******* гэрээсээ явахдаа өөрийн нэр дээр байсан ХОВА маркийн машин, лангуун дээр байсан 10.000.000 төгрөгийн үнэ бүхий туулайн шуба, бэлэн мөнгө зэргийг аваад явсан. Энэ бүх хөрөнгө нь бидний хамтын хөдөлмөрийн үр дүнд бий болсон гэр бүлийн гишүүдийн хамтран өмчлөх дундын эд хөрөнгөд хамаарна. Би 2015 оны 9 дүгээр сараас хойш Ипотекийн зээлтэй орон сууцандаа өндөр настай аав , ээж Цэцгээ болон 3 хүүхдийн хамт амьдарч ирсэн. Миний 3 хүүхэд ээжийн асрамжид эрүүл, саруул өсөж, амжилттай сурч байгаа. Би өнөөдрийг хүртэл *******ийг гэртээ буцаад хүрээд ирэх байх гэж их харсан. Гэрлэлтээ цуцлуулах талаар огт бодож байгаагүй байхад нөхөр маань шүүхэд нэхэмжлэл гаргасан. ******* одоо Болорчимэг гэх эмэгтэйтэй суугаад дундаасаа нэг хүүхэдтэй тул гэрлэлт цуцлуулах нэхэмжлэлийн шаардлагыг хүлээн зөвшөөрч байна. Харин 3 хүүхдээ ийм амиа бодсон, адгууснаас дор хүний асрамжид өгөхгүй. Би 3 хүүхдийнхээ төлөө ажиллаж, амьдарч байна. Намайг галзуу солиотой, сэтгэл мэдрэлийн өвчтэй гэж доромжилсонд үнэхээр гомдож байна. *******өөс болж гэр бүлийн тогтворгүй байдал үүссэнээс болж миний бие өвдөж 2015 оны 9 дүгээр сард эмнэлэгт хэвтэж эмчлүүлсэн. Нөхөр ******* миний хүү *******, нарыг 2019 оны 8 дугаар сарын 01-ээс 9 дүгээр сарын 01-ний өдөр хүртэл хугацаанд авч явахдаа тэднийг зодож, сүүлд суусан Болорчимэгийг ээж гэж дуудахыг хүчээр шаардсан, аашилж дарамталсан, хүүхдүүдийг буудлын шалан дээр тухгүй хонуулсан байсан. Энэ талаар хүүхдүүд маань надад хэлсэн. Хэрэв хүүхдүүд маань эцгийн асрамжид байх юм бол хүүхдийн хүмүүжилд сөргөөр нөлөө үзүүлж, хүчирхийлэл, сэтгэлзүйн дарамтад орох магадлалтай гэж үзэж байна. Бид гэр бүл болсон цагаас хойш боломжийн хөрөнгөтэй байсан боловч ******* ихэнхийг зарж, үрэн таран хийсэн. Одоо бидний амьдарч байгаа Налайх дүүргийн 2 дугаар хороо 33-38 тоот, 38 м.кв талбай бүхий орон сууцыг 2012 оноос 10 жилийн хугацаатай 0,8 хувийн хүүтэйгээр Ипотекийн зээлээр авсан. ******* бид хоёр орон сууцны зээлийг 2012 оны 8 дугаар сараас 2017 оны 11 сар дуустал гэр бүлийн дундын хөрөнгөнөөс төлж байсан. Харин ******* 2017 оны 12 дугаар сараас хойш өнөөдрийг хүртэл уг орон сууцны зээлээс нэг ч төгрөг төлөөгүй ба лангуун дээр ажилласан орлого болон өндөр настай аав, ээж нарынхаа тэтгэврийн мөнгийг оролцуулан байрны зээлийг тасралтгүй төлж ирсэн. Одоо байрны зээлийн үлдэгдэл 9.986.173 төгрөг байна. Иймд сөрөг нэхэмжлэлийн шаардлагад хүү Э.*******, Э., Э. нарыг өөрийн асрамжид үлдээх, хуульд зааснаар гурван хүүхдүүддээ хүүхдийн тэтгэлэг гаргуулах, гэр бүлийн гишүүдийн хамтран өмчлөх дундын эд хөрөнгө болох Налайх дүүргийн 2 дугаар хороо 33-38 тоот, 38 м.кв талбай бүхий, нийт 43.494.943 төгрөгийн үнэлгээтэй, ипотекийн зээлтэй орон сууцны төлөгдсөн хэсэг болох 33.508.770 төгрөгийг гэр бүлийн гишүүдэд ногдох хэсгээр хуваалгах зэргээр сөрөг нэхэмжлэлийн шаардлага гаргаж байна гэжээ.

 

Хариуцагч Д.******* шүүх хуралдаанд сөрөг нэхэмжлэлийн шаардлагаа тайлбарлахдаа: Аль болох муудахгүйгээр асуудлыг шийдье. Хүүхдийн асрамж дээр гэвэл 3 хүүхдийг тэжээн тэтгүүлж, дундын эд хөрөнгөөс гэр бүлийн гишүүн бүрд хувааж, Э.*******д ногдох хувиас зээлийн үлдэгдэл төлбөрийг гаргуулах хүсэлтэй байна. Эцсийн эцэст би хохирч өрх толгойлсон эх гэдэг нэртэй болж байна. Өнөөдөр чи эхнэр, хүүхэдтэй элэг бүтэн амьдарч байна. Би чиний амьдралыг бодоод 1 хүүхдэдээ тэтгэлэг авахаа болъё гэж шийдсэн. 2 хүүхдүүдийнхээ тэтгэмжийн мөнгөөр өөрсдөд нь гутал, хувцсыг нь аваад өгчихнө. Орон сууцны хувьд хоёулаа хөдөлмөрлөсөн гэв.

 

Нэхэмжлэгч Э.******* сөрөг нэхэмжлэлийн шаардлагад өгсөн хариу тайлбартаа: Э.******* миний төрсөн хүү мөн учир эцэг тогтооход татгалзах зүйлгүй. Дундын эд хөрөнгө болон хүүхдүүдийн асрамжийн асуудлыг *******ын хүсэж байгаагаар шийдвэрлэхийг зөвшөөрөхгүй. Д.******* ямар ч үндэслэлгүй худлаа ярьж байна. Би хүүхдүүдээ хөдөө авч явахад миний хүүхдүүд өлсөөгүй. Би хүүхдүүдээ ямар ч шалтгаангүйгээр зодоод хүчирхийлээд байдаг хүн биш. Том хүү шаардлага тавихад хүлээж авахгүй болохоор зандарсан асуудал байгаа. Хажууд нь явсан юм шиг хүүхдүүдийн үгээр үг хийж намайг буруутгаж байгааг би хүлээн зөвшөөрөхгүй. Өөрөө хүүхдүүдэд анхаарал тавьж зөв хүмүүжүүлж чадаагүй, зөнд нь орхиж явчхаад одоо надад бурууг өгч болохгүй. Намайг хамаг юмыг нь аваад явсан мэтээр ярьж байна. Харин ч бараануудыг нь үлдээгээд явсан. Мөн шинжээчийн дүгнэлт нэг талыг барьсан, бодит байдлыг үнэнээр нь дүгнээгүй. *******ыг хүүхдүүдтэйгээ хамт амьдарсан, хүүхдүүд эхдээ ээнэгшсэнийг гол болгож дүгнэсэнд гомдолтой байна. Миний байдлыг ч бодитой дүгнээгүй. Дүгнэлт гаргахдаа 36 цаг зарцуулсан гэдгийг ч зөвшөөрөхгүй. Би өөр хүнтэй амьдрал зохиогоод дундаасаа үр хүүхэдтэй болсон болохоор *******тай эргэж эвлэрч амьдрах ямар ч боломжгүй. Би ч гэсэн эцэг хүн нэг ч гэсэн хүүхдээ өөр дээрээ авч өсгөж хүмүүжүүлмээр байна. Уг нь би байрны асуудлаар маргаан гаргаагүй. ******* л хүүхдүүдэд буруу ойлголт төрүүлж ийг аав дээрээ очихгүй бол аав чинь байраа авах гээд байна гэж ойлгуулсан байна лээ. Надад байрнаас ногдох хувийг ч авах сонирхол байхгүй. ******* хүүхдийн асуудлыг зөвөөр шийдвэрлэвэл надад маргах зүйл байхгүй байсан гэв. ХЬЙЛТУЭХТЪЪЗ7

Нэхэмжлэгч Э.******* сөрөг нэхэмжлэлийн талаар шүүх хуралдаанд тайлбарлахдаа: Хэрвээ тэтгэмж тогтоолговол би сар бүр өгөх боломжгүй байна. Ганц байгаа хөрөнгөө хүүхдүүддээ үлдээе гэсэн шүү дээ. Ах дүү нараас чинь зээлсэн мөнгийг би төлсөн шүү дээ. Энэ байрны зээл 2022 онд дуусна. 10 жилийн хугацаатай зээл авсан. Би Үүдэн шүд унагаасан. Намайг мөнгөтэй байхад Э.******* надтай суусан гэх анхны мэдүүлэг нь худлаа. Энэ хүн хүүхдийнхээ эцэг, эхийн хурал дээр нэг ч удаа сууж байгаагүй.Энэ байрны урьдчилгаа 13.500.000 төгрөгийг манай ээж төлсөн. Би 2018 оны 12 дугаар сар хүртэл байрны зээлээ төлсөн. Энэ байр Д.******* бид хоёрын өмч болохоор 2 хувааж болдоггүй юм уу. Хэрвээ орон сууцаа 5 хувааж байвал зээлээ ч гэсэн 5 хуваая. Байраа 3 хүүхдэдээ үлдээнэ гэв.

ҮНДЭСЛЭХ НЬ:

Шүүх зохигчдын тайлбар, хэрэгт цугларсан бичгийн баримтыг хуульд заасан журмын дагуу үнэлж үндсэн нэхэмжлэлийн шаардлагыг хангаж, сөрөг нэхэмжлэлийн шаардлагыг бүхэлд нь хангаж шийдвэрлэв.

Нэхэмжлэгч Э.******* хариуцагч Д.*******д холбогдуулан гэрлэлт цуцлуулах, хүүхдүүдийг эцэг, эхийн асрамжид үлдээх шаардлага гаргасан боловч хэрэг хянан шийдвэрлэх ажиллагааны явцад гэрлэлт цуцлуулах шаардлагаа дэмжиж мэтгэлцсэн.

Хариуцагч Д.******* гэрлэлт цуцлуулах шаардлагад маргаагүй. Харин хүү Э.ийг эцгийн асрамжид үлдээхийг зөвшөөрөхгүй маргаж, хүү Э.*******ын эцгийг шүүхийн журмаар тогтоолгох, хүүхдүүдийг эхийн асрамжид үлдээх, хүүхдийн тэтгэлэг гаргуулах, гэр бүлийн гишүүдийн хамтран өмчлөх дундын эд хөрөнгө болох Налайх дүүрэг 2 дугаар хороо 30 дугаар байр 33 тоотод орон сууцнаас гишүүдэд ногдох хэсгийг тодорхойлуулж Э.*******д ногдох хэсгийг олгох, ипотекийн зээлийн үлдэгдлийг хувааж төлөх сөрөг нэхэмжлэлийн шаардлага гаргасан.

Нэхэмжлэгч Э.******* хүүхдийн эцэг тогтоолгох, хүүхдүүдийг эхийн асрамжид үлдээх шаардлагыг зөвшөөрсөн. Харин хүүхдийн тэтгэлэг төлөх, гэр бүлийн гишүүдийн хамтран өмчлөх дундын эд хөрөнгө болох орон сууцыг эхнэр хүүхдэдээ үлдээж, оногдох хувийг хүүхдийн тэтгэлэгт тооцож дуусгавар болгох, ипотекийн зээлийн үлдэгдлийг хувааж төлөхийг эс зөвшөөрч маргасан.

Э.*******, Д.******* нар нь 2000 онд танилцан хамтран амьдарч 2006 оны 08 дугаар сарын 11-ний өдөр гэрлэлтээ бүртгүүлжээ. Тэдний дундаас 2004 оны 9 дүгээр сарын 10-ны өдөр хүү *******, 2008 оны 08 дугаар сарын 27-ны өдөр хүү , 2012 оны 04 дүгээр сарын 17-ны өдөр охин нар төржээ.

Гэрлэгчид ханилан суух хугацаандаа хувийн таарамжгүй байдал, нөхөр Э.******* Гэр бүлийн тухай хуулийн 10 дугаар зүйлийн 10.3-т заасан үнэнч байх үүргээ биелүүлээгүйгээс 2015 оноос тусдаа амьдарч байгаа бөгөөд энэ хугацаанаас хойш гэрлэгчид эвлэрч амьдрах талаар санаачилга гаргаагүй, нэхэмжлэгч Э.******* өөр бусадтай хамтран амьдарч үр хүүхэд төрүүлсэн байна.

Дээрх нөхцөл байдлаас гадна гэрлэгчид цаашид эвлэрч амьдрах хүсэлгүй, шүүхээс эвлэрүүлэх хугацаа өгсөн ч үр дүнд хүрэхгүй болох нь зохигчдын тайлбар, хүүхдийн асрамжийн асуудлаар шүүхээс томилогдсон шинжээчийн дүгнэлт зэргээр тогтоогдсон учраас шүүх гэрлэгчдийн гэрлэлтийг цуцлах нь зүйтэй гэж үзсэн.

Нэхэмжлэгч Э.******* гэрлэлт цуцлуулах шаардлагатай холбогдуулан дунд хүү Э.ийг өөрийн асрамжид үлдээх, том хүү Э.*******, бага охин Э. нарыг эхийн асрамжид үлдээхийг шаардаж байсан боловч хэрэг хянан шийдвэрлэх ажиллагааны явцад хүүхдүүдийг эхийн асрамжид үлдээхээр шийдвэрлэж уг шаардлагаасаа татгалзсан.

Гэрлэгчид иргэний хэрэг үүсгэсний дараа хүүхдийн асрамжийн асуудалд маргаантай байсан учраас шүүх 2020 оны 4 дүгээр сарын 15-ны өдөр 104/ШЗ2020/00509 дугаар шүүгчийн захирамжаар Налайх дүүргийн Гэр бүл, хүүхэд, залуучуудын хөгжлийн хэлтсийг шинжээчээр томилж дүгнэлт гаргуулсан. Уг дүгнэлтэд хүүхдүүдийг одоогийн амьдарч байгаа гэр бүл, орчин нөхцөлдөө ээнэгшин дассан. Эх Д.*******ыг цаашид хүүхдүүдийн хөгжил төлөвшилд анхаарч, өсгөн хүмүүжүүлэх бүрэн боломжтой гэж үзсэн.

Хүүхдүүд эцэг, эхийг тусдаа амьдрах хугацаанд эх Д.*******ын асрамжид байсан бөгөөд цаашид ч эхийн асрамжид байх саналтайгаа шүүхэд илэрхийлсэн зэргийг үндэслэн хүүхдүүдийг эхийн асрамжид үлдээх нь зүйтэй гэж үзсэн.

Гэр бүлийн тухай хуулийн 26 дугаар зүйлийн 26-2.2.-д зааснаар эцэг, эх нь хүүхдүүдээ асран хамгаалах, тэжээн тэтгэх үүрэгтэй. Энэ үүрэг эцэг, эх гэрлэлтээ цуцлуулсан ч хэвээр үлддэг.

Гэрлэгчдийн дундаас төрсөн хүү Э.*******т захиргааны журмаар эцэг тогтоолгоогүй болох нь зохигчдын тайлбар, хүүхдийн төрсний гэрчилгээний хуулбараар тогтоогдсон.

Нэхэмжлэгч Э.******* хүү Э.*******т шүүхийн журмаар эцэг тогтоолгох шаардлагад маргаагүй учраас түүнийг 2004 оны 9 дүгээр сарын 10-ны өдөр төрсөн хүү Э.*******ын эцгээр тогтоов.

Хариуцагч Д.******* нэхэмжлэгч Э.*******өөс хүүхдийн тэтгэлэг шаардахдаа том хүү Э.*******т тэтгэлэг тогтоолгохгүй, дунд хүү Э., бага охин Э нарыг тэжээн тэтгүүлэхийг хүссэн. Гэвч шүүх хүүхдүүдийг ялгаварлан гадуурхах тэд эцгээс тусдаа амьдарч байгаа нөхцөлд эцэг хүүхдүүдээ тэжээн тэтгэх үүрэг хэвээр үлдэх хуулиар хүлээсэн үүрэг учраас эхийн хүсэлтээр том хүүг тэжээн тэтгэх үүргээс чөлөөлөх үндэслэлгүй юм.

Иймд эцэг Э.*******өөс Гэр бүлийн тухай хуульд заасан хэмжээгээр сар бүр тэтгэлэг гаргуулж 2004 оны 9 дүгээр сарын 10-ны өдөр төрсөн хүү Э.*******, 2008 оны 08 дугаар сарын 27-ны өдөр төрсөн хүү Э., 2012 оны 04 дүгээр сарын 17-ны өдөр төрсөн охин Э. нарыг тэжээн тэтгүүлэх нь зүйтэй.

Хариуцагч Д.******* гэр бүлийн гишүүдийн хамтран өмчлөх дундын эд хөрөнгийг хуваах шаардлага гаргасан. Тэрээр Налайх дүүргийн 2 дугаар хороо 33 дугаар байрны 30 тоотод байршилтай орон сууцны зориулалттай 38 м,кв талбайтай үл хөдлөх хөрөнгийг гэр бүлийн гишүүдийн хамтран өмчлөх дундын эд хөрөнгө гэж үзсэн.

Нэхэмжлэгч Э.******* уг хөрөнгийг гэр бүлийн гишүүдийн хамтран өмчлөх дундын эд хөрөнгө гэдэгт маргаагүй.

Гэрлэгчид уг хөрөнгийн үнийг 45.000.000 төгрөг гэж тодорхойлсон. Хэрэгт ХААН банктай байгуулсан зээлийн гэрээ, үл хөдлөх эд хөрөнгийн гэрчилгээ зэрэг баримтууд байгаа бөгөөд гэрлэгчид тухайн хөрөнгийг хамтран өмчлөх дундын эд хөрөнгө гэдэгт маргаагүй учраас шүүх хариуцагчийн сөрөг нэхэмжлэлтэй холбогдуулан гаргаж өгсөн баримтын талаар дүгнэлт хийх шаардлагагүй гэж үзсэн.

Иргэний хуулийн 129 дүгээр зүйлийн 129.6-д зааснаар гэрлэгчид хамтран өмчлөх дунд эд хөрөнгөөс гишүүнд ногдох хэсгийг тодорхойлох талаар маргасан учраас шүүх маргааныг шийдвэрлэнэ. Өөрөөр хэлбэл хариуцагч гэр бүлийн бүх гишүүд буюу эхнэр нөхөр, насанд хүрээгүй 3 хүүхдэд хуваагдах ёстой гэж үзэж байхад нэхэмжлэгч зөвхөн эхнэр нөхөрт хуваагдах ёстой гэж маргасан.

Иргэний хуулийн 129 дүгээр зүйлийн 129.2-т гэр бүлийн нэг гишүүнд ногдох эд хөрөнгийн хэмжээ нь насанд хүрээгүй бүх гишүүнийг оролцуулан нийт гишүүдэд адил байна гэж заасан учраас маргаж буй хөрөнгө гэр бүлийн 5 гишүүнд адил хэмжээгээр ногдоно. Өөрөөр хэлбэл 45.000.000 төгрөгийн үнэтэй үл хөдлөх хөрөнгө нь эхнэр, нөхөр, 3 хүүхдэд адил хэмжээгээр буюу нэг хүнд ногдох хэмжээ нь 9.000.000 төгрөг байна.

Нэхэмжлэгч Э.******* хүүхдүүдийг эхийн асрамжид үлдээж байгаатай холбогдуулан орон сууцыг эхнэр хүүхдүүдийн өмчлөлд үлдээхийг зөвшөөрсөн хэдий ч шүүх Иргэний хуулийн 130 дугаар зүйлийн 130.3-т зааснаар хүүхдүүдийг асрамжлах үүрэг хүлээсэн эх Д.*******д орон сууцыг үлдээж, нэхэмжлэгч Э.*******д ногдох хэсэг болох 9.000.000 төгрөгийг хариуцагч Д.*******аас гаргуулах нь зүйтэй гэж үзсэн.

Гэрлэгчид энэхүү үл хөдлөх хөрөнгийг 2012 оны 7 дугаар сарын 31-ний өдөр ХААН банкны орон сууцны зээлээр худалдан авсан бөгөөд уг зээлийн үлдэгдэл 8.385.454.11 төгрөгийг хөрөнгө хувааж байгаатай холбогдуулан зээлийн үлдэгдлийг мөн хувааж хариуцах шаардлагыг хариуцагч Д.******* гаргасан.

Энэ шаардлагыг нэхэмжлэгч Э.******* зөвшөөрөөгүй. Тэрээр урьдчилгаа төлбөр 13.500.000 төгрөгийг өөрийн хуваарьт хөрөнгөөр төлсөн учраас үлдэгдэл зээлийг хувааж төлөхгүй, хуваасан нөхцөлд гэр бүлийн бүх гишүүдэд тэнцүү хэмжээгээр хариуцах ёстой гэсэн тайлбарыг гаргаж маргасан.

Нэхэмжлэгч Э.*******ийн үзэж байгаагаар насанд хүрээгүй хүүхдүүд зээлийн гэрээний үүргийг хамтран хүлээх хууль зүйн үндэслэлгүй.

Харин гэрлэгчид гэр бүлийн дундын эд хөрөнгийн гэр бүлийн гишүүдэд тэнцүү хэмжээгээр хуваасан учраас бусад үүргийг мөн тэнцүү хэмжээгээр хариуцна. Өөрөөр хэлбэл зээлийн үлдэгдэл төлбөр 8.385.454.11 төгрөгийг тэнцүү хэмжээгээр хувааж хариуцна.

Нэхэмжлэгч Э.*******д гэр бүлийн гишүүдийн хамтран өмчлөх дундын эд хөрөнгөнөөс 9.000.000 төгрөг ногдсон бөгөөд үүнээс Иргэний хуулийн 238 дугаар зүйлийн 238.1-д зааснаар хоорондоо ижил харилцан шаардлагыг хооронд нь тооцож үүргийг дуусгавар болгож болохоор байна. Өөрөөр хэлбэл хариуцагч Д.******* нэхэмжлэгч Э.*******д үл хөдлөх хөрөнгийн үнээс ногдох 9.000.000 төгрөгийг төлөх үүрэгтэй. Гэтэл нэхэмжлэгч Э.******* уг хөрөнгөтэй холбоотой үүрэг гүйцэтгүүлэгчид төлөх зээлийн үлдэгдлийн тал хувь болох 4.192.727 төгрөгийг түүнд ногдох 9.000.000 төгрөгөөс хасаж тооцон үлдэх 4.807.273 төгрөгийг хариуцагч Д.*******аас гаргуулж нэхэмжлэгч Э.*******д олгох нь зүйтэй.

Гэр бүлийн гишүүдийн хамтран өмчлөх дундын эд хөрөнгө түүнтэй холбоотой ипотекийн зээлийн үлдэгдэл үүргийг гэрлэгчдэд тэнцүү хэмжээгээр хариуцуулж Иргэний хуулийн 238 дугаар зүйлийн 238.1-д зааснаар харилцан шаардлагыг хооронд нь тооцож нэхэмжлэгч Э.*******ийн ипотекийн зээлийн үүрэг дуусгавар болсон учраас хариуцагч Д.******* үлдэгдэл төлбөрөө дангаараа хариуцан гэрээний үүрэг дуусгавар болоход уг орон сууцыг өөрийн болон хүүхдүүдийн өмчлөлд шилжүүлэх асуудлыг зохих байгууллагаар шийдвэрлүүлвэл зохино.

Нэхэмжлэлийн шаардлагыг бүхэлд нь хангаж шийдвэрлэсэнтэй холбогдуулан улсын тэмдэгтийн хураамжийг хуульд заасан журмын дагуу хянан шийдвэрлэсэн болно.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1., 116., 118, 132 дугаар зүйлийн 132.6, 73 дугаар зүйлийн 73.2-д заасныг тус тус удирдлага болгон ТОГТООХ НЬ:

 

1.Гэр бүлийн тухай хуулийн 14 дүгээр зүйлийн 14.1-д зааснаар ******* *******ын *******, ******* нарын гэрлэлтийг цуцалсугай.

2.Гэр бүлийн тухай хуулийн 23 дугаар зүйлийн 23.1-д зааснаар 2004 оны 8 дугаар сарын 20-ны өдөр төрсөн хүү Э.*******ын төрсөн эцэг нэхэмжлэгч Э.******* болохыг тогтоосугай.

 

3.Гэр бүлийн тухай хуулийн 14 дүгээр зүйлийн 14.5-д зааснаар 2004 оны 9 дүгээр сарын 10-ны өдөр төрсөн хүү Э.*******, 2008 оны 08 дугаар сарын 27-ны өдөр төрсөн хүү Э., 2012 оны 04 дүгээр сарын 17-ны өдөр төрсөн охин Э. нарыг эх Д.*******ын асрамжид үлдээсүгэй.

 

4.Гэр бүлийн тухай хуулийн 40 дүгээр зүйлийн 40.1.1.-д зааснаар 2012 оны 04 дүгээр сарын 17-ны өдөр төрсөн охин Э.г 11 нас хүртэл амьжиргааны доод түвшингийн 50 хувиар, энэ зүйлийн 40.1.2.-т зааснаар 2004 оны 9 дүгээр сарын 10-ны өдөр төрсөн хүү Э.*******, 2008 оны 08 дугаар сарын 27-ны өдөр төрсөн хүү Э., 2012 оны 04 дүгээр сарын 17-ны өдөр төрсөн охин Э.Ануужин нарыг 11-16 нас /суралцаж байгаа бол 18 нас/ хүртэл амьжиргааны доод түвшингийн хэмжээгээр эцэг Э.*******өөс сар бүр тэтгэлэг гаргуулж тэжээн тэтгүүлсүгэй.

 

5.Иргэний хуулийн 130 дугаар зүйлийн 130.3-т зааснаар Налайх дүүргийн 2 дугаар хороо 33 дугаар байрны 30 тоотод байрлах 38 м.кв талбайтай, Ү-2207001671 дугаарт бүртгэлтэй 000214919 дугаар улсын бүртгэлийн гэрчилгээтэй орон сууцыг хариуцагч Д.*******д шилжүүлж, 9.000.000 /есөн сая/ төгрөгийг хариуцагч Д.*******аас гаргуулж нэхэмжлэгч Э.*******д олгосугай.

 

6.Иргэний хуулийн 108 дугаар зүйлийн 108.5-д зааснаар 2012 оны 7 дугаар сарын 31-ний өдрийн ХААН банктай байгуулсан Ипотекийн зээлийн гэрээний үлдэгдэл үүрэг 8.385.454.11 /найман сая гурван зуун наян таван мянга дөрвөн зуун тавин дөрөв төгрөг арван нэгэн мянга/ төгрөгийг нэхэмжлэгч Э.*******, хариуцагч Д.******* нарт тэнцүү хэмжээгээр хувааж хариуцуулсугай.

7.Иргэний хуулийн 238 дугаар зүйлийн 238.1-д зааснаар энэхүү шийдвэрийн 5.6-д заасан харилцан шаардлага бүхий үүргийг тооцож хариуцагч Д.*******аас 4.807.272.95 /дөрвөн сая найман зуун долоо мянга хоёр зуун далан хоёр төгрөг, ерэн таван мөнгө/ төгрөгийг гаргуулж нэхэмжлэгч Э.*******д олгосугай.

8.Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1., 60 дугаар зүйлийн 60.1., Улсын тэмдэгтийн хураамжийн тухай хуулийн 7 дугаар зүйлийн 7.1.1.,7.1.2-т зааснаар нэхэмжлэгчийн улсын тэмдэгтийн хураамжид урьдчилан төлсөн 140.400 /нэг зуун дөчин мянга дөрвөн зуу/ төгрөг, хариуцагч Д.*******ын улсын тэмдэгтийн хураамжид урьдчилан төлсөн 528.784 /таван зуун хорин найман мянга долоон зуун наян дөрөв/ төгрөгийг улсын орлогод хэвээр үлдээж, нэхэмжлэгч Э.*******өөс 388.384 /гурван зуун наян найман мянга гурван зуун наян дөрөв/ төгрөгийг гаргуулж хариуцагч Д.*******д олгосугай.

9.Гэр бүлийн тухай хуулийн 14 дүгээр зүйлийн 14.9.-д заасныг баримтлан шүүхийн шийдвэрийг хуулийн хүчин төгөлдөр болсноос хойш ажлын гурван өдрийн дотор гэрлэлт бүртгэсэн Иргэний улсын бүртгэлийн байгууллагад хүргүүлэхийг шүүгчийн туслах М.Энхчимэгт даалгасугай.

10.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2.-т зааснаар зохигч шүүхийн шийдвэрийг гардан авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд давж заалдах гомдол гаргаж болохыг заасугай.

11.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2., 119.4., 119.7.-д зааснаар шийдвэрийг танилцуулан сонсгомогц хүчинтэй болох бөгөөд зохигч энэ өдрөөс хойш 21 хоногийн дотор шүүхэд хүрэлцэн ирж шийдвэрээ өөрөө гардан авах үүрэгтэй бөгөөд дээрх хугацааны дотор шүүхийн шийдвэрийг гардан аваагүй нь гомдол гаргах хугацааг хуульд заасан журмын дагуу тоолоход саад болохгүйг мэдэгдсүгэй.

 

 

ДАРГАЛАГЧ Л.ЭНХБИЛЭГ