МОНГОЛ УЛСЫН НЭРИЙН ӨМНӨӨС

 

Налайх дүүргийн иргэний хэргийн анхан шатны шүүхийн Ерөнхий шүүгч Л.Энхбилэг даргалж тус шүүхийн хуралдааны танхимд хийсэн иргэний шүүх хуралдаанаар

Нэхэмжлэгч:,,,од оршин суух ******* *******аагийн *******а /РД:*******/-гийн

Хариуцагч: ,,од оршин суух ******* *******ийн ******* /РД:*******4/-аас

Хүүхдийн тэтгэлэг гаргуулахыг хүссэн нэхэмжлэлийг 2019 оны 06 дугаар сарын 07-ны өдөр хүлээн авч, 2019 оны 06 дугаар сарын 13-ны өдөр иргэний хэрэг үүсгэснээр хянан хэлэлцэв.

 

Шүүх хуралдаанд нэхэмжлэгч *******а, хариуцагч *******, шүүх хуралдааны нарийн бичгийн дарга М.Гантөмөр нар оролцов.

 

ТОДОРХОЙЛОХ НЬ:

 

Нэхэмжлэгч Н.*******а шүүхэд болон шүүх хуралдаанд гаргасан тайлбартаа: 2013 оны *******тай танилцаж нэг гэрт орж ханилан амьдарсан. Бидний дундаас 2015 оны 10 дугаар сарын 03-ны өдөр охин төрсөн. ******* охиныг төрснөөс хойш хаяж яваад 3 жил 9 сар болж байна. Бид цаашид хамт амьдарч ханилан суух боломжгүй тул хүүхдийн эцгээс тэтгэлэг гаргуулж тэжээн тэтгүүлж өгнө үү гэв

 

Хариуцагч Н.******* шүүхэд болон шүүх хуралдаанд гаргасан тайлбартаа: Хамт амьдрах хугацаанд ээж нь амьдралд оролцсоноос бид тусдаа амьдарсан. Цаашид хамт амьдрах боломжгүй тул хүүхдийн тэтгэлэг төлнө гэв.

ҮНДЭСЛЭХ НЬ:

 

Нэхэмжлэгч Н.*******а нь хариуцагч Н.*******аас хүүхдээ тэжээн тэтгэх үүрэгтэй холбоотой нэхэмжлэлийн шаардлага гаргажээ.

 

Хариуцагч Н.******* нэхэмжлэлд дурдсан үйл баримт, шаардлагад маргаагүй, хүүхдийн тэтгэлэг төлөхийг зөвшөөрсөн.

 

Нэхэмжлэгч Н.*******а нь тус дүүрэгт оршин суудаг учраас өөрийн оршин суугаа газрын шүүхэд тэжээн тэтгэхтэй холбоотой нэхэмжлэл гаргасан нь Иргэний хэрэг шүүхэд хянан шийдвэрлэх тухай хуулийн 16 дугаар зүйлийн 16.4.-т нийцсэн байна.

 

Зохигчдын тайлбар, хэрэгт авагдсан хүүхдийн төрсний гэрчилгээний хуулбараар төрсөн охин Б. нь Н.*******а, Н.******* нарын дундаас төрсөн, эцэг Н.******* хүүхдээсээ тусдаа амьдарч байгаа болох нь тогтоогдсон тул хариуцагч Н.*******аас сар бүр тэтгэлэг гаргуулж хүүхдийг тэжээн тэтгүүлэх нь зүйтэй.

 

Нэхэмжлэлийн шаардлагыг хангасантай холбогдуулан нэхэмжлэгчийн улсын тэмдэгтийн хураамжид урьдчилан төлсөн 35.870 төгрөгийг улсын орлого болгож, хариуцагчаас 35.870 төгрөгийг гаргуулж нэхэмжлэгчид олгов.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1., 116., 118., 135 дугаар зүйлийн 135.2.8.-д заасныг удирдлага болгон ТОГТООХ нь:

 

1.Гэр бүлийн тухай хуулийн 40 дүгээр зүйлийн 40.1.1., 40.1.2.-т заасныг баримтлан төрсөн охин *******ы ыг 11 нас хүртэл амьжиргааны доод түвшингийн 50 /тавь/ хувиар, 11-16 нас /суралцаж байгаа бол 18 нас/ хүртэл амьжиргааны доод түвшингийн хэмжээгээр эцэг Н.*******аас сар бүр тэтгэлэг гаргуулж тэжээн тэтгүүлсүгэй.

 

2.Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1., 60 дугаар зүйлийн 60.1., Улсын тэмдэгтийн хураамжийн тухай хуулийн 7 дугаар зүйлийн 7.1.1.-д зааснаар нэхэмжлэгч Н.*******агийн улсын тэмдэгтийн хураамжид урьдчилан төлсөн 35.870 /гучин таван мянга найман зуун дал/ төгрөгийг улсын орлого болгож, хариуцагч Н.*******аас улсын тэмдэгтийн хураамжид 35.870 /гучин таван мянга найман зуун дал/ төгрөгийг гаргуулж нэхэмжлэгч Н.*******ад олгосугай.

 

3.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч шүүхийн шийдвэрийг гардан авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд давж заалдах гомдол гаргаж болохыг заасугай.

 

4.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4, 119.7-д зааснаар зохигч шүүхийн шийдвэрийг танилцуулан сонсгож 7 хоног өнгөрснөөс хойш 14 хоногийн дотор шүүхэд хүрэлцэн ирж шийдвэрийг өөрөө гардан авах үүрэгтэй бөгөөд энэ үүргээ биелүүлээгүй нь давж заалдах гомдол гаргах хугацааг тоолоход саад болохгүйг мэдэгдсүгэй.

 

 

 

 

ДАРГАЛАГЧ Л.ЭНХБИЛЭГ