2017         11           03                                                     138/ШШ2017/01006

 

                                                Хариуцагчийн зөвшөөрлийг баталж,

                                                  хэргийг хэрэгсэхгүй болгох тухай

 

Дорнод аймаг дахь Сум дундын иргэний хэргийн анхан шатны шүүхийн Ерөнхий шүүгч С.Ганчимэг би,

Дорнод аймаг дахь ******* газрын нэхэмжлэлтэй, 

 ЖЭ72072913 тоот регистрийн дугаартай, ******* овогт *******ийн *******т холбогдох,

Саатуулах байрны төлбөр 59.050 төгрөг гаргуулах тухай иргэний хэргийг 2017 оны 10 сарын 27-ны өдөр хүлээн авч хянаад ТОДОРХОЙЛОХ нь:

Нэхэмжлэгч байгууллага шүүхэд ирүүлсэн нэхэмжлэлдээ: П.******* нь Дорнод аймаг дахь Сум дундын Эрүүгийн хэргийн анхан шатны шүүхийн 2017 оны 10 сарын 18-ны өдрийн 408 дугаар шийтгэврээр Монгол Улсын Зөрчлийн тухай хуулийн 5.4 дүгээр зүйлийн 4.2-т зааснаар 9 хоногийн баривчлах шийтгэл ногдуулсныг тус цагдаагийн ******* саатуулах байранд эдэлж гараад төлөгдвөл зохих 54.900 төгрөг, 2017 оны 10 сарын 16-ны өдрийн эрүүлжүүлэхийн төлбөр 4.150 төгрөг, нийт 59.050 төгрөгийг төлөөгүй байх тул уг төлбөрийг гаргуулж өгнө үү гэжээ.

Хариуцагч П.******* шүүхэд ирүүлсэн хариу тайлбартаа: Миний бие Дорнод аймаг дахь Сум дундын Эрүүгийн хэргийн анхан шатны шүүхийн 2017 оны 10 сарын 18-ны өдрийн 408 дугаар шийтгэврээр 9 хоногийн баривчлах шийтгэлийг цагдаагийн ******* саатуулах байранд эдэлсэн. Иймд саатуулах байрны төлбөр 59.050 төгрөгийг 2017 оны 12 сарын 10-ны өдрийн дотор төлнө гэжээ.

Хэргийн материалыг шүүх хянаад ҮНДЭСЛЭХ нь:

Нэхэмжлэгч Дорнод аймаг дахь ******* ******* нь хариуцагч П.*******т холбогдуулан саатуулах байрны төлбөр 59.050 төгрөг гаргуулах тухай нэхэмжлэлийн шаардлагыг тус шүүхэд гаргажээ.

Хариуцагч П.******* нь Монгол Улсын Зөрчлийн тухай хуулийн 5.4 дүгээр зүйлийн 4.2-т зааснаар 2017 оны 10 сарын 18-ны өдрөөс 2017 оны 10 сарын 26-ны өдрийг хүртэл 9 хоногийн хугацаагаар баривчлагдсан байх бөгөөд төлөгдвөл зохих 59.050 төгрөгийг төлөөгүй болох нь Дорнод аймаг дахь Сум дундын Эрүүгийн хэргийн анхан шатны шүүхийн 408 дугаар шийтгэвэр, 400 тоот баривчлагдсан хүний хувийн хэрэг, нэхэмжлэгч байгууллагын нэхэмжлэл, хариуцагчийн хариу тайлбар зэрэг хэрэгт цугларсан бичгийн баримтуудаар батлагдаж байна.   

Хариуцагч П.******* нь саатуулах байрны төлбөр 59.050 төгрөгийг төлөхийг хүлээн зөвшөөрч шүүхэд бичгээр баталгаа гаргаж өгсөн байх тул хэргийг хялбаршуулсан журмаар шийдвэрлэх үндэслэлтэй гэж шүүх үзлээ.

Монгол Улсын Иргэний хэрэг шүүхэд хянан шийдвэрлэх тухай хуулийн 74, 75 дугаар зүйлүүдэд заасныг удирдлага болгон ЗАХИРАМЖЛАХ нь:

 

1. Хариуцагч П.******* нь саатуулах байрны төлбөр 59.050 /тавин есөн мянга тавь/ төгрөгийг нэхэмжлэгч байгууллага Дорнод аймаг дахь ******* *******т төлөхийг хүлээн зөвшөөрснийг баталж, хэргийг хэрэгсэхгүй болгосугай. 

2. Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч байгууллага улсын тэмдэгтийн хураамж 4550 төгрөг төлөхөөс чөлөөлөгдсөн болохыг дурдсугай. 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар хариуцагч П.*******аас улсын тэмдэгтийн хураамжид 2275 төгрөг гаргуулж төсвийн орлого болгосугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, уг асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

5. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

 

 

ЕРӨНХИЙ ШҮҮГЧ                         С.ГАНЧИМЭГ