ТОГТООХ нь:

1. Алаг адуут овгийн Батхүүгийн Үүрийнцолмонг орон байранд нэвтэрч, бусдын эд хөрөнгийг хулгайлсны улмаас бага бус хэмжээний хохирол учруулсан гэмт хэрэг давтан үйлдсэн гэм буруутайд, бусдын эд хөрөнгийг авах зорилгоор амь биед нь аюултайгаар хүч хэрэглэж довтолсон гэмт хэрэг үйлдсэн гэм буруутайд тус тус тооцсугай.
2. Эрүүгийн хуулийн тусгай ангийн 145 дугаар зүйлийн 145.2 дахь хэсэгт зааснаар Алаг адуут овгийн Батхүүгийн Үүрийнцолмонг эд хөрөнгө хураахгүйгээр хоёр /2/ жил зургаан /6/ сарын хугацаагаар хорих ял, мөн хуулийн 147 дугаар зүйлийн 147.1 дэх хэсэгт зааснаар гурван /3/ жил зургаан /6/ сарын хугацаагаар хорих ял тус тус шийтгэсүгэй
3. Эрүүгийн хуулийн ерөнхий ангийн 57 дугаар зүйлийн 57.1 дэх хэсэгт заасныг журамлан Б.Үүрийнцолмонд Эрүүгийн хуулийн тусгай ангийн 147 дугаар зүйлийн 147.1 дэх хэсэгт зааснаар оногдуулсан гурван /3/ жил зургаан /6/ сарын хорих ял дээр Эрүүгийн хуулийн тусгай ангийн 145 дугаар зүйлийн 145.2 дахь хэсэгт зааснаар оногдуулсан хоёр /2/ жил зургаан /6/ сарын хорих ялын зарим болох нэг /1/ жилийн хорих ялыг нэмж нэгтгэн биечлэн эдлэх ялыг дөрвөн /4/ жил зургаан /6/ сарын хугацаагаар тогтоосугай.
4. Эрүүгийн хуулийн ерөнхий ангийн 52 дугаар зүйлийн 52.6 дахь хэсэгт зааснаар Б.Үүрийнцолмонд оногдуулсан хорих ялыг чанга дэглэмтэй эрэгтэйчүүдийн хорих ангид эдлүүлсүгэй.
5. Эрүүгийн хуулийн ерөнхий ангийн 59 дүгээр зүйлийн 59.1, 59.2 дахь хэсэгт зааснаар Б.Үүрийнцолмонгийн 14 хоног цагдан хоригдсоныг ял эдэлсэн хугацаанд оруулж тооцсугай.
6. Иргэний хуулийн 497 дугаар зүйлийн 497.1, 505 дугаар зүйлийн 505.1, 510 дугаар зүйлийн 510.1 дэх хэсэгт тус тус заасныг баримтлан Б.Үүрийнцолмонгоос хохирогч Л.Батцэнгэлд 301.940 төгрөг, хохирогч Ц.Гантүшигт 95.400 төгрөг, иргэний нэхэмжлэгч Д.Лхагвасайханд 150.000 төгрөгийг тус тус гаргуулж  олгосугай.
7. Шүүгдэгч нь хохирогч А.Өнөрбуян, А.Мөнхжаргал нарт төлөх төлбөргүй болохыг дурдаж, хохирогч Л.Батцэнгэл нь учирсан хохиролоо нотлох баримтаа бүрдүүлэн Иргэний хэрэг шүүхэд хянан шийдвэрлэх тухай хуульд зааснаар жич нэхэмжлэх эрхтэй болохыг мэдэгдсүгэй.
8. Тогтоол хүчин төгөлдөр болтол Б.Үүрийнцолмонд урьд авсан батлан даалтанд өгсөн таслан сэргийлэх арга хэмжээг өөрчилж цагдан хорих таслан сэргийлэх арга хэмжээ авсугай.
9. Б.Үүрийнцолмонд холбогдох иргэний бичиг баримт шүүхэд шилжиж ирээгүй, эд хөрөнгө битүүмжлээгүй, эд мөрийн баримтаар хураагдсан зүйлгүй, энэ хэрэгт гарсан байцаан шийтгэх ажиллагааны зардал тодорхойлж ирүүлээгүй болохыг тус тус дурдсугай.
10. Эрүүгийн байцаан шийтгэх хуулийн 303 дугаар зүйлийн 303.1, 304 дүгээр зүйлийн 304.1 дэх хэсэгт тус тус зааснаар тогтоолыг ялтан, хохирогч, тэдгээрийн хууль ёсны төлөөлөгч, өмгөөлөгч нар эс зөвшөөрвөл гардуулснаас хойш 14 хоногийн дотор Нийслэлийн Эрүүгийн хэргийн давж заалдах шатны  шүүхэд давж заалдах, улсын яллагч, дээд шатны прокурор эсэргүүцэл бичих эрхтэй болохыг мэдэгдсүгэй.
11. Давж заалдах гомдол гаргасан, эсэргүүцэл бичигдсэн тохиолдолд тогтоолын биелэлтийг түдгэлзүүлж, Б.Үүрийнцолмонд авсан таслан сэргийлэх арга хэмжээг хэвээр үргэлжлүүлсүгэй.  

ДАРГАЛАГЧ, ШҮҮГЧ                                    А.БЯМБАЖАВ