Шүүх | Хөвсгөл аймаг дахь сум дундын эрүүгийн хэргийн анхан шатны шүүх |
---|---|
Шүүгч | Нацагдоржийн Ариунжаргал |
Хэргийн индекс | 179/2017/0263/Э |
Дугаар | 00244 |
Огноо | 2017-09-08 |
Зүйл хэсэг | 098.1., |
Улсын яллагч | Г.Сэндэнсүрэн |
Хөвсгөл аймаг дахь сум дундын эрүүгийн хэргийн анхан шатны шүүхийн Шийтгэх тогтоол
2017 оны 09 сарын 08 өдөр
Дугаар 00244
МОНГОЛ УЛСЫН НЭРИЙН ӨМНӨӨС
Хөвсгөл аймаг дахь Сум дунд эрүүгийн хэргийн анхан шатны шүүхийн шүүх хуралдааныг шүүгч Н.Ариунжаргал даргалж тус шүүхийн шүүх хуралдааны танхимд нээлттэй хийсэн шүүх хуралдаанаар:
Нарийн бичгийн даргаар П.Ундрах
Улсын яллагч Г.Сэндэнсүрэн
Шүүгдэгч Ц.Батбаатарыг оролцуулан Аймгийн Прокурорын газраас Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар яллах дүгнэлт үйлдэж хялбаршуулсан журмаар хянан шийдвэрлүүлэхээр ирүүлсэн Ц.Батбаатарт холбогдох эрүүгийн 1738000000039 тоот хэргийг 2017 оны 9 дүгээр сарын 07-ны өдөр хүлээн авч хянан хэлэлцэв.
Шүүгдэгчийн биеийн байцаалт:
Монгол улсын иргэн, Баатарчууд овогт Цэнд-Аюушийн Батбаатар, 1991 оны 11 дүгээр сарын 01-ний өдөр Хөвсгөл аймгийн Бүрэнтогтох суманд төрсөн, 28 настай, эрэгтэй, яс үндэс халх, бүрэн бус дунд боловсролтой, мэргэжилгүй, малчин, ам бүл 3, эхнэр, хүүхдийн хамт, Хөвсгөл аймгийн Бүрэнтогтох сумын Сангийн далай багт оршин суух, гавъяа шагналгүй, урьд ял шийтгэлгүй, Регистрийн РГ91110112 дугаартай,
Шүүгдэгч Ц.Батбаатар нь 2017 оны 8 дугаар сарын 21-22-нд шилжих шөнө Хөвсгөл аймгийн Бүрэнтогтох сумын Сангийн далай багт иргэн Б.Мөнхтуяатай маргалдаж түүний биед хамрын нуруунд цус хуралт, зөөлөн эдийн няцрал, тархинд зулгаралт бүхий хөнгөн хохирол учруулсан гэмт хэрэг үйлдсэнд холбогджээ.
Шүүхийн хэлэлцүүлгээр яллах болон цагаатгах нотлох баримтыг шинжлэн судлаад
ТОДОРХОЙЛОХ НЬ
Шүүгдэгч Ц.Батбаатар нь 2017 оны 8 дугаар сарын 21-22-нд шилжих шөнө Хөвсгөл аймгийн Бүрэнтогтох сумын Сангийн далай багт иргэн Б.Мөнхтуяатай маргалдаж түүний биед хамрын нуруунд цус хуралт, зөөлөн эдийн няцрал, тархинд зулгаралт бүхий хөнгөн хохирол учруулсан гэмт хэргийг үйлдсэн гэм буруутай болох нь
Хохирогч Б.Мөнхтуяагийн: “...Батбаатар нь гэрийн зүүн талд миний хэвтэж байсан орны хажууд ирж суугаад миний хөнжлөөс татаад гараа миний биед хүргэх гээд байсан. Би цаашаа зайлаач гэж хэд хэдэн удаа хэлсэн боловч тоохгүй намайг оролдоод байхаар нь би босоод Батбаатарыг нэг удаа хацар дээр нь алгадсан. Тэгтэл чи муу лаларын авгай би чам шиг авгайг үнсээд тавьдаг хүн, муу пизда гэж хэл амаар доромжлоод байсан. Тэгэхээр би зайлаач гэж хэлтэл босож ирээд зүүн талын шанаа руу гараа атгаж байгаад цохьсон. Миний цээж рүү шахаж байгаад хөлөөрөө дэгээдэж унагаасан. Унагаасны дараа толгойн ар дагз руу 2 удаа цохиод гараараа хамар луу цохиод миний хамраас цус гарсан. Би өндийгөөд босох гэхэд Баттэгш гуай ирээд Батбаатарыг холдуулсан...” гэх мэдүүлэг /хх-ийн 11-13-р тал/,
Гэрч Я.Баттэгшийн: Мөнхтуяа босож ирээд гэрт архи уухгүй шүү гээд Батбаатарыг цохиж байгаа харагдсан. Мөнхтуяа, Батбаатар 2 барилцаж Батбаатар Мөнхтуяагийн нүүр лүү нэг удаа гараа цохьсон. Тэгсэн Мөнхтуяагийн хамраас цус гараад би тэр 2-ыг салгасан гэх мэдүүлэг /хх-ийн 16-р тал/,
Гэрч Э.Батжаргалын: Мөнхтуяа Батбаатар бид 2-ыг хэл амаар доромжлоод Батбаатарыг цохиж аваад байсан. Батбаатар Мөнхтуяагийн нүүр лүү нь санамсаргүй байдлаар цохичихлоо гэж ойлгосон гэх мэдүүлэг /хх-ийн 17-р тал/,
Хөвсгөл аймгийн Шүүхийн шинжилгээний албаны 2017 оны 8 дугаар сарын 25-ны өдрийн 525 дугаартай:
Шүүгдэгч Ц.Батбаатар нь урьд ял шийтгэл эдэлж байгаагүй болох нь урьд ял шийтгэгдсэн эсэхийг шалгах хуудас, шийтгэх тогтоолын хуулбар /хх-ийн 43-р тал/-аар тогтоогдож байна.
Шүүгдэгч нь гэмт хэргийн улмаас учирсан хохирлоо сайн дураараа нөхөн төлсөн, үйлдсэн гэмт хэрэгтээ чин санаанаас гэмшиж байгааг ял хөнгөрүүлэх нөхцөл байдалд тооцлоо. Харин ял хүндрүүлэх нөхцөл байдал тогтоогдсонгүй.
Хохирогч шүүгдэгч нар нь эвлэрсэн болох нь 2017 оны 9 дүгээр сарын 04-ний өдрийн эвлэрлийн гэрээгээр нотлогдож байна.
Эрүүгийн 1738000000039 дугаартай хэрэгт битүүмжилсэн эд мөрийн баримтаар хураагдсан эд зүйлгүй, эд хөрөнгөгүй, хохирогч нь нэхэмжлэх зүйлгүй, шүүгдэгч нь бусдад төлөх төлбөргүй, цагдан хоригдоогүй болохыг дурьдах нь зүйтэй байна.
Эрүүгийн хэрэг хянан шийдвэрлэх тухай хуулийн 17.1 дүгээр зүйлийн 1, 36.2, 36.6, 36.7, 36.8, 36.13, 37.1, 37.2-т заасныг тус тус удирдлага болгон
ТОГТООХ НЬ: