2023 оны 05 сарын 04 өдөр                     Дугаар 121/ШШ2023/0017                           Өвөрхангай аймаг

 

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Өвөрхангай аймаг дахь Захиргааны хэргийн анхан шатны шүүхийн Ерөнхий шүүгч Ц.Нэргүй би, Өвөрхангай аймгийн Хархорин сум дахь сум дундын прокурорын газрын хяналтын прокурор *******гийн дүгнэлттэй, Өвөрхангай аймгийн Бат-Өлзий сумын Засаг даргын тамгын газрын байгаль орчны хяналтын улсын байцаагч *******д холбогдох “холбогдогч *******гийн *******ид Зөрчлийн тухай хуулийн 7.9 дүгээр зүйлийн 4 дэх хэсэгт зааснаар 300.000 төгрөгөөр торгох шийтгэл оногдуулж шийдвэрлэсэн 2023 оны 02 дугаар сарын 01-ний өдрийн 0046053 дугаартай шийтгэлийн хуудсыг хүчингүй болгуулах”  шаардлага бүхий прокурорын дүгнэлттэй захиргааны хэргийг хянаад

ТОДОРХОЙЛОХ нь:

Хариуцагч Өвөрхангай аймгийн Бат-Өлзий сумын Засаг даргын тамгын газрын байгаль орчны хяналтын улсын байцаагч *******аас шүүхэд бичгээр ирүүлсэн хүсэлтдээ: “...Өвөрхангай аймгийн Бат-Өлзий сумын 2 дугаар багийн нутаг Зүүн-Сөдтий гэх газарт 2023 оны 02 дугаар сарын 01-ний өдөр мод бэлтгэх, эсхүл ойн дагалт нөөц ашиглахдаа технологийн горим зөрчсөн гэх иргэн *******гийн ******* /АИ********/-д холбогдох зөрчилд Зөрчлийн тухай хуулийн 7 дугаар зүйлийн 7.9.4- д заасны дагуу 300 нэгжээр торгох шийтгэл оногдуулж, зөрчлийн хэрэг бүртгэлээр шалган шийдвэрлэсэн.

Иргэн Д.*******ид 0046053 дугаартай шийтгэлийн хуудсаар оногдуулсан 300.000 төгрөгийн торгуулийг хүчингүй болгуулж, Эрүүгийн хууулийн 24.2 дугаар зүйлд заасны дагуу шалгуулах гэмт хэргийн шинжтэй үйлдэл тогтоогдсон байна.

Иймд Өвөрхангай аймгийн Хархорин сум дахь сум дундын прокурорын газрын хяналтын прокурор, хууль цаазын дэд зөвлөх *******гийн 2023 оны 03 дугаар сарын 28-ны өдрийн 04 дүгээртэй “Эрх бүхий албан тушаалтны шийтгэл оногдуулсан шийдвэрийг хүчингүй болгуулах тухай” дүгнэлтийг хүлээн зөвшөөрч байна.

Захиргааны хэрэг шүүхэд хянан шийдвэрлэх тухай хуулийн 67 дугаар зүйлд заасны дагуу прокурорын дүгнэлтийг бүхэлд нь хүлээн зөвшөөрч байгаа тул хялбаршуулсан журмаар шийдвэрлэж өгнө үү” гэжээ.

                                                ҮНДЭСЛЭХ НЬ:

Өвөрхангай аймгийн Хархорин сум дахь сум дундын прокурорын газрын хяналтын прокурор *******гаас “холбогдогч *******гийн *******ид Зөрчлийн тухай хуулийн 7.9 дүгээр зүйлийн 4 дэх хэсэгт зааснаар 300.000 төгрөгөөр торгох шийтгэл оногдуулж шийдвэрлэсэн 2023 оны 02 дугаар сарын 01-ний өдрийн 0046053 дугаартай шийтгэлийн хуудсыг хүчингүй болгуулах” тухай шаардлага бүхий прокурорын дүгнэлтийг тус шүүхэд гаргажээ.

Хариуцагч Өвөрхангай аймгийн Бат-Өлзий сумын Засаг даргын тамгын газрын байгаль орчны хяналтын улсын байцаагч ******* нь прокурорын дүгнэлтийг бүхэлд нь хүлээн зөвшөөрч, хэргийг хялбаршуулсан журмаар шийдвэрлүүлэх тухай хүсэлтээ тус шүүхэд бичгээр ирүүлсэн байх бөгөөд хариуцагчийн энэхүү зөвшөөрөл нь бусад этгээдийн эрх, хууль ёсны ашиг сонирхлыг хөндөөгүй, хуульд харшлаагүй байх тул шүүх Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1-д зааснаар хариуцагчийн зөвшөөрлийг баталж, холбогдох хэргийг хэрэгсэхгүй болгож, хэргийг хялбаршуулсан журмаар шийдвэрлэх нь зүйтэй байна.

Хариуцагч нь “холбогдогч *******гийн *******ид Зөрчлийн тухай хуулийн 7.9 дүгээр зүйлийн 4 дэх хэсэгт зааснаар 300.000 төгрөгөөр торгох шийтгэл оногдуулж шийдвэрлэсэн 2023 оны 02 дугаар сарын 01-ний өдрийн 0046053 дугаартай шийтгэлийн хуудсыг хүчингүй болгуулах” тухай шаардлага бүхий прокурорын дүгнэлтийг хүлээн зөвшөөрснөөр энэ хуулийн 66-68 дугаар зүйлд заасны дагуу шийдвэрлэсэн шүүгчийн захирамж, шүүхийн тогтоолд гомдол гаргах эрхгүй бөгөөд шүүхийн шийдвэрийн нэгэн адил биелүүлэх болохыг дурдах нь зүйтэй.

Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.1, 111.2-д тус тус заасныг удирдлага болгон

ЗАХИРАМЖЛАХ нь:

         1. Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1-д заасныг баримтлан Өвөрхангай аймгийн Хархорин сум дахь сум дундын прокурорын газрын хяналтын прокурор *******гийн “холбогдогч *******гийн *******ид Зөрчлийн тухай хуулийн 7.9 дүгээр зүйлийн 4 дэх хэсэгт зааснаар 300.000 төгрөгөөр торгох шийтгэл оногдуулж шийдвэрлэсэн 2023 оны 02 дугаар сарын 01-ний өдрийн 0046053 дугаартай шийтгэлийн хуудсыг хүчингүй болгуулах” тухай шаардлага бүхий прокурорын дүгнэлтийг хариуцагч Өвөрхангай аймгийн Бат-Өлзий сумын Засаг даргын тамгын газрын байгаль орчны хяналтын улсын байцаагч ******* нь бүхэлд нь хүлээн зөвшөөрснийг баталж, холбогдох захиргааны хэргийг хэрэгсэхгүй болгосугай.

   2. Улсын тэмдэгтийн хураамжийн тухай хуулийн 41 дүгээр зүйлийн 41.1.3-д зааснаар Өвөрхангай аймгийн Хархорин сум дахь сум дундын прокурорын газрын хяналтын прокурор ******* нь улсын тэмдэгтийн хураамжаас чөлөөлөгдсөн болохыг дурдсугай. 

            3. Захиргааны хэрэг шүүхэд хянан шийдвэрлэх тухай хуулийн 69 дүгээр зүйлийн 69.2-т зааснаар энэхүү шүүгчийн захирамжид гомдол гаргах эрхгүй бөгөөд шүүхийн шийдвэрийн нэгэн адил биелүүлэх болохыг дурдсугай.

 

 

 

              ЕРӨНХИЙ ШҮҮГЧ                                 Ц.НЭРГҮЙ