Эрүүгийн хэрэг хянан шийдвэрлэх тухай хуулийн 36.1 дүгээр зүйлийн 1 дэх хэсэг, 36.2 дугаар зүйлийн 1, 2, 3, 4 дэх хэсэг, 36.6, 36.7, 36.8 дугаар зүйл, 36.10 дугаар зүйлийн  2, 3, 4, 6 дахь хэсэг, 36.13 дугаар зүйлийн 1 дэх хэсэг, 38.1 дүгээр зүйлийн 1 дэх хэсэгт заасныг тус тус удирдлага болгон

 

ТОГТООХ нь:

1. Шүүгдэгч Б******* овогт Г*******ын Э*******ыг Эрүүгийн хуулийн тусгай ангийн 12.1 дүгээр зүйлийн 2 дахь хэсгийн 2.1 дэх заалтад зааснаар бэлгийн харьцааны шинжтэй хүч хэрэглэсэн үйлдэл хийж “хүчиндэх” гэмт хэргийг арван дөрвөөс дээш, арван найман насанд хүрээгүй хүнийг хүчиндэж үйлдсэн гэм буруутайд тооцсугай.

2. Эрүүгийн хуулийн тусгай ангийн 12.1 дүгээр зүйлийн 2 дахь хэсгийн 2.1 дэх заалтад зааснаар шүүгдэгч Г.Э*******ыг 4 /дөрөв/ жилийн хугацаагаар хорих ялаар шийтгэсүгэй.

3. Эрүүгийн хуулийн ерөнхий ангийн 5.6 дугаар зүйлийн 4 дэх хэсэгт зааснаар шүүгдэгч Г.Энхбаат******* оногдуулсан 4 /дөрөв/ жилийн хорих ялыг нээлттэй хорих байгууллагад эдлүүлэхээр тогтоосугай.

4. Эрүүгийн хуулийн ерөнхий ангийн 6.10 дугаар зүйлийн 1 дэх хэсэгт заасныг баримтлан шүүгдэгч Г.Э*******ын цагдан хоригдсон 9 /ес/ хоногийг эдлэх ялд нь оруулан тооцсугай.

5. Шийтгэх тогтоол уншин сонсгосноор хүчинтэй болох бөгөөд тогтоол хүчин төгөлдөр болтол шүүгдэгч Г.Энхбаат******* урьд авсан цагдан хорих таслан сэргийлэх арга хэмжээг хэвээр үлдээж, 2025 оны 08 дугаар сарын 08-ны өдрөөс Монгол улсын хилээр гарахыг хязгаарлах, хохирогч талуудтай уулзахыг хориглох таслан сэргийлэх арга хэмжээг тус тус хүчингүй болгож, Булган аймаг дахь Шүүхийн шийдвэр гүйцэтгэх газрын цагдан хорих байранд үргэлжлүүлэн цагдан хорьсугай.

6. Монгол улсын хилээр гарахыг хязгаарлах хязгаарлалт тогтоох таслан сэргийлэх арга хэмжээг хүчингүй болгосон тухай холбогдох баримтыг Хил хамгаалах Ерөнхий газ******* хүргүүлэхийг шүүгчийн туслах Т.Батсайханд даалгасугай.

7. Насанд хүрээгүй хохирогч, түүний хууль ёсны төлөөлөгч нь нотлох баримтаа бүрдүүлэн Иргэний  хэрэг шүүхэд хянан шийдвэрлэх тухай хуульд заасан журмаар  нэхэмжлэх эрхийг нээлттэй үлдээсүгэй.

8. Шүүгдэгч Г.Э******* нь энэ тогтоолоор бусдад төлөх төлбөргүй, эрүүгийн хэрэг хянан шийдвэрлэх ажиллагааны зардалгүй, хураагдаж ирсэн иргэний бичиг баримтгүй болохыг, хэрэгт эд мөрийн баримтаар хураагдсан цагаан шаргал өнгийн зах хэсгээрээ цэнхэр өнгийн эмжээртэй урд доод салтаа хэсгээрээ улаан хүрэн өнгийн зүйлээр бохирлогдсон эмэгтэй хүний дотоож 1 ширхгийг шийтгэх тогтоол хүчин төгөлдөр болмогц устгаж, баримтыг хэрэгт хавсаргахыг шүүхийн эд мөрийн баримт шийдвэрлэх комисст даалгасугай.

9. Шийтгэх тогтоолыг гардан авснаас хойш 14 хоногийн дотор Булган аймгийн Эрүү, Иргэний хэргийн давж заалдах шатны шүүхэд шүүгдэгч, насанд хүрээгүй  хохирогч, түүний хууль ёсны төлөөлөгч, тэдгээрийн өмгөөлөгч давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэйг дурдсугай.

 

 

ДАРГАЛАГЧ, ШҮҮГЧ                                 Б.СУВД-ЭРДЭНЭ

 

                                            ШҮҮГЧ                                 С.ЁНДОНСАМБУУ

                       

                                            ШҮҮГЧ                                 П.ХИШИГДАВАА