Шүүх хуралдаанаар хэрэгг авагдсан, шүүх хуралдаанаар хэлэлцэгдсэн бичгийн нэтлох баримтуудыг шинжлэн судлаад

ҮНДЭСЛЭХ нь:

Нэхэмжлэгч Н.О нь хариуцагч Ж.Б, М.У нартай 16,000,000 төгрөгний үнэ бүхий комбайн, силк зээлээр худалдах, худалдан авах гэрээ байгуулсан, зохигчдын хооронд Иргэний хуулийн 262-р зүйлд заасан зээлээр худалдах, худалдан авах гэрээний харилцаа үүссэн болох нь хавтаст хэрэгт авагдсан зээлийн гэх гэрээнд /хх-ийн 6-р тал/ гараар ...төлбөрийг 2014 оны 6-р сарын 20-нд 12 сая төгрөг төлнө. Үлдэгдэл төлбөрөө 2014 оны 9-р сарын 15-нд төлнө. Төмсний комбайн 13,000,000 төмсний силк 3,000.000 (эдгээр тоног төхөөрөмж нь улсын бүртгэлийн гэрчилгээгүй болно) гэсэн бичвэр, нэхэмжлэгч, хариуцагч нарын тайлбараар тогтоогдож байна. Энэхүү гэрээг зохигчид бичгээр үйлдэж, талууд гарын үсэг зурж баталгаажуулан нотариатаар гэрчлүүлсэн ба талуудын хүсэл зоригийн илэрхийлэл бүрэн дүүрэн тусгагдсан гэж үзэх үндэстэй байна.

Нэхэмжлэгч Н.О хариуцагч Ж.Б, М.У нарын хооронд байгуулагдсан гэрээгээр 16 сая төгрөгний үнэ бүхий тоног төхөөрөмжийн үнийг төлөхөөс өмнө хариуцагч нарт шилжүүлж, худалдан авагч тал болох Ж.Б, М.У нар тоног төхөөрөмжийн үнийг тодорхой хугацааны дараа буюу 2014 оны 6-р сарын 20-нд 12 сая төгрөг, үлдэгдэл төлбөрийг 2014 оны 9-р сарын 15-нд төлөхөөр тохиролцсон байна.

Хариуцагч Ж.Б. М.У нарын ... Бид 2 силкийг нь ашигласан учир худалдаж авахад татгалзах зүйлгүй. Санхүүгийн хүндрэлтэй байгаа тул комбайныг нь буцаах хүсэлт гаргаж байна ...гэх хүсэлтийг нэхэмжлэгч хүлээн зөвшөөрөөгүй, хариуцагч Ж.Б, М.У нар төлбөрийг төлөхөөр гэрээгээр хугацаа тогтоосон, нэхэмжлэл гаргах хүртэл хугацаанд техникүүдийг буцаах талаар ямар нэгэн шаардлага гаргаж байсан талаархи баримт гаргаж өгөөгүй, хэрэгт авагдсан гэрээний арын нүүрэнд 2014 оны 5-р сарын 14-нд төмсний техник зээлээр зарсан тул буцааж техникийг авахгүй, бэлэн 16,000,000 төгрөг авна гэсэн бичвэрийн доор Ж.Б, М.У нар гарын үсэг зурсан, энэ талаар маргаагүй байх тул хүлээн авах боломжгүй гэж үзэв.

Нэхэмжлэгч Н.О төмсний силкийг 5.000,000 төгрөгөөр, комбайныг 11,000,000 төгрөгөөр худалдсан. хариуцагч Ж.Б, М.У нар төмсний комбайн 13,000,000 төгрөг, силк 3.000,000 төгрөг гэж тайлбар гаргасан боловч комбайн сллкний үнэ нийт 16,000,000 төгрөг гэдэгт нэхэмжлэгч хариуцагч хэн аль нь маргаагүй байна.

Хариуцагч М.У ... тоног төхөөрөмжийн иж бүрдэл дутуу байсан гүйцээж өгнө гээд өгөөгүй,... комбайныг очиж аваагүй, хэрэглээгүй... гэсэн тайлбар гаргасан боловч гэрч Б.Б-гийн ... О, Б, Унарыг эртний таньдаг байсан, 2014 оны хавар буюу 4 юмуу 5 сард намайг очоод үзээд өгөөч гэхээр нь очиж үзсэн, комбайн, силк, трактор байсан, бүрэн бүтэн байсан. ганцхан тракторын том дугуйны хий гарсан байсан ... гэх мэдүүлэг, гэрч Б.Хайдавын ...Ууганбаяр нь наймаа хийсэн өдрөө техник тавьсан айлын охинд ... энэ техник өнөөдрөөс эхэлж миний техник болсон, ямар ч хүн ирсэн гар хүргэж болохгүй, би худалдаж авсан, 3 хоногийн дараа ирж комбайнаа авна ..: гэсэн мэдүүлэг, гэрч Г.У-ийн ... Н.О бол манай нутгийн эгч, харин Ж.Б, М.У нар нь Н.О-аас төмс хурааж авдаг 2 техникийг нь авсан хүмүүс, тэр техникийг яг юу гэж нэрлэдгийг мэдэхгүй байна, тэд нар ирээд бид 2 энэ 2-ыг авч байгаа юмаа гэж хэлээд нэгийг нь аваад явсан, явахдаа 2-3 хоногийн дараа ирээд үлдсэн нэгийг авна шүү гэж хэлчээд одоо болтол аваагүй байгаа ... гэсэн мэдүүлгүүдээр үйсгэгдэж байна.                                                                                              Иргэний хуулийн 262-р зүйлийн 262.1-т Зээлээр худалдах-худалдан авах гэрээгээр худалдагч нь худалдан авагч үнийг төлөхөөс өмнө эд хөрөнгийг шилжүүлэх, худалдан авагч нь үнийг гэрээнд заасны дагуу тодорхой цаг хугацааны дараа хэсэгчлэн буюу бүрэн, эсхүл төдорхой цаг хугацааны туршид хэсэгчлэн төлөх үүргийг тус тус хүлээнэ гэж заасан байх тул хариуцагч Ж.Б. М.У нараас комбайн, силкний үнэ нийт 16,000,000 гаргуулах үндэслэлтэй байна.

Нэхэмжлэгч Н.О нь ... Одоо нэхэмжилж байгаа мөнгөн дээрээ алданги тсоцоод 18,400,000 төгрөг болж байна. Эхний 12 сая төгрөгийг 0.5 хувиар хоног тутам алданги тооцохоор гэрээнд заасан байгаа гэх ба ... гэрээнд заасан хугацаанд зээлийг хүүгийн хамт төлөөгүй тохиолдолд хугацаа хэтэрсэн хоног тутамд төлөгдөөгүй мөнгөн дүнгийн 0,5 хувиар бодож алдангийг зээлдэгдчид төлүүлэх үүрэгтэй гэх зээлийн гэрээг хэрэгт нотлох баримтаар гаргаж өгсөн боловч /хх-ийн 6-р тал/, хариуцагч Ж.Б, М.У нараас гаргасан уг гэрээний хувь болох гэрээнд /хх-ийн 21-р тал/ алданги тооцох талаар заагаагүй байна. Үүнийг нэхэмжлэгч Н.О болон түүний ө.лгөөлөгчийн хүсэлтээр гэрчээр асуугдсан нотариатч Ш.А нар ... эхлээд тохиролцохдоо алдангитай байхаар тохиролцсон, гэхдээ гэрээгээ уншихдаа алданги бичигдээгүй байгааг анзаараагүй сүүлд нь алданги бичсэн ... гэж тайлбарласан ба Ж.Б, М.У гэрээнд гарын үсэг зурах үед гэрээний бүх хувьд алдангийн талаар заагаагүй байсан, талууд гарын үсэг зурсны дараа нэмж бичсэн байдал тогтоогдож байх тул алданги нэхэмжилсэн нь үндэслэлгүй байна гэж үзэв.

Иймд “18,400,000 төгрөг гаргуулах" нэхэмжлэлийн шаардлагаас зарим хэсэг болох 16,000,000 төгрөгийн нэхэмжлэлийн шаардлагыг хангаж 2,400,000 төгрөгийн шаардлагыг хирэгсэхгүй болгож шийдвэрлэв.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.2, 116, 118-р зүйлүүдэд заасныг удирдлага болгон

ТОГГООХ нь:

1. Иргэний хуулийн 262-р зүйлийн 262.1-д зааснаар хариуцагч Ж.Б, М.У нараас комбайн силкний үнэ нийт 16,000,000 гаргуулан нэхэмжлэгч Н.О-д олгож Иргэний хуулийн 232-р зүйлийн 232.7-д зааснаар 2,400,000 тогрегийн шаардлагыг хэрэгсэхгүй болгосугай.
2. Иргэний хэрэг шүүхэд хянан шийдвэрлэх тухай хуулийн 57 дүгээр зүйлийн 57.1-т зласнаар нэхэмжлэгчээс улсын тэмдэгтийн хураамжинд төлсөн 308,900 төгрөгийг улсын орлогод үлдээж, хариуцагчаас 237,950 төгрөг гаргуулж нэхэмжлэгчид олгосугай.
3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 120 дугаар зүйлийн 120.2-т зааснаар шийдвэр танилцуулан сонсгомогц хүчинтэй болох бөгөөд зохигчид шийдвэрийг гардан авснаас хойш 14 хоногийн дотор Иргэний хэргийн давж заалдах шатны 9 дүгээр шүүхэд гомдол гаргах эрхтэй болохыг дурдсугай.

 

                                                    ÄÀÐÃÀËÀÃ× Ø¯¯Ã×                                       Г.ГЭРЭЛТ-ОД