2024         05           03                                      103/ШШ2024/00287

 

 

МОНГОЛ УЛСЫН НЭРИЙН ӨМНӨӨС

 

Багануур дүүргийн Иргэний хэргийн анхан шатны шүүхийн шүүх хуралдааныг шүүгч П.Туяа  даргалж  шүүх хуралдааны танхимд нээлттэй явуулсан хуралдаанаар:

 Хүсэлт гаргагч: Багануур дүүргийн ............дүгээр хороо, Нацагдоржийн гудамж, ..................... байр зүүн корпуст байрлах,  ТБ.Багануур салбар  иргэний эрх зүйн харилцаанд оролцвол зохих этгээд Б.Б, Э.П нарыг эрэн сурвалжлуулах тухай хүсэлтийг 2024 оны  04 дүгээр сарын 02-ны өдөр хүлээн авч хянан хэлэлцэв. 

Шүүх хуралдаанд:

Хүсэлт гаргагчийн итгэмжлэгдсэн төлөөлөгч Э.Г,

Нарийн бичгийн дарга  Т.Гантуяа нар оролцов.  

 

  ТОДОРХОЙЛОХ нь:

ТБ нь Б.Б, Э.П нарыг эрэн сурвалжлуулах хүсэлтийг шүүхэд гаргажээ.      

Хүсэлт гаргагч нь нэхэмжлэлийн шаардлагын үндэслэлээ дараах байдлаар тодорхойлж  шүүхэд гаргасан хүсэлтдээ: Зээлдэгч Э.П, хамтран зээлдэгч Б.Б нар нь ТБ........ 2021 оны 9 дүгээр сарын 02-ны өдөр .................тоот зээлийн гэрээгээр нэмэлт 2,400,000 төгрөг авч нийт зээл 13,974,369.10 төгрөгийн гэрээт цалингийн зээлийг 30 сарын хугацаатай, жилийн 14.4%-ийн хүүтэй авсан.

 Зээлдэгч Э.П нь зээл авах үедээ Багануур дүүрэг, ... дугаар хороо ...а-р байрны ....... тоот хаягт оршин сууж, "..........." ТӨХК-д зуухны машинчаар ажиллаж байсан. Хамтран зээлдэгч Б.Б нь мөн Багануур дүүрэг, ..... дугаар хороо .....а-р байр 25 тоот хаягт оршин сууж, Багануур дүүргийн .........-р цэцэрлэгт туслах багшаар ажиллаж байсан. Э.П нь 2023 оны 4 дүгээр сараас ажлаасаа гарч 2023 оны 5 дугаар сараас хойш зээл хугацаа хэтэрч зээлийн гэрээний үүрэг зөрчигдөх болсон. 2024 оны 4 дүгээр сарын 01-ний өдрийн байдлаар нийт зээлийн үлдэгдэл 5,786,509.15 төгрөг байна. Э.П, Б.Б нар нь зээлээ төлөхгүй, хаана байгаа нь мэдэгдэхгүй, холбоо тасарсан тул эрэн сурвалжилж өгнө үү гэжээ.

Хүсэлт гаргагчийн итгэмжлэгдсэн төлөөлөгч шүүх хуралдаанд өгсөн тайлбартаа: Э.П Б.Б нар гэр бүлийн хүмүүс.  Нөхөр Э.П нь ................ажилладаг байсан боловч 2023 оны 4 дүгээр сард ажлаасаа гарсан. Түүнээс хойш цалин орохгүй, зээлээ  төлөхгүй сураг тасарсан. 2023 оны 6 дугаар сард Э.П тай Facebook чатаар холбогдсон. Тухайн үед өөрийгөө ..........улсад эхнэртэйгээ байна, ажилд орсон, зээлээ төлнө гэж хэлсэн. Тэгээд 2023 оны 6 сард өөрөө дахин ............ утаснаас залгаж энд цалин нэг сар ажиллаж байж буудаг юм байна, тэгээд зээлээ төлнө гэж ярьсан. 2023 оны  9 сард 1 удаа 500,000 төгрөг дансандаа хийж зээл төлсөн байсан. Түүнээс хойш холбоогүй байгаа. Эдгээр хүмүүс  нь 2 хүүхэдтэй, том хүү Тэлмэн 2005 онд төрсөн, 19 настай, дүүтэйгээ хамт Багануур дүүргийн ............ дугаар хороо ............А-.......... тоот байрандаа амьдардаг юм шиг байна лээ. Б.Бийн аав, ээж нь харж хандаж эргэж тойрдог юм гэж сонссон. Мөн ах Ур ......... эгч Ур 9........., дүү .............дүү .......... гэж холбоо барих утаснууд өгсөн боловч аль ч утас нь холбогддоггүй Э.П ын хамгийн сүүлд Польшоос залгасан дугаар ............ гэв.

          Хүсэлт гаргагчаас: Улсын тэмдэгтийн хураамж төлсөн баримт, 01/125, 26/150 дугаартай итгэмжлэлүүд, Багануур дүүргийн .........дугаар хорооны Засаг даргын тодорхойлолт, хуулийн этгээдийн улсын бүртгэлийн гэрчилгээний хуулбар, барьцаат зээлийн гэрээ, зээлийн дансны харилцагчийн хуулга, дэлгэрэнгүй хуулга зэргийг нотлох баримтаар ирүүлсэн болно.

Шүүхээс хэрэгт авагдсан шүүх хуралдаанаар хэлэлцэгдсэн бичгийн баримтуудыг шинжлэн судлаад:

         

                                                               ҮНДЭСЛЭХ нь:

            Шүүх хүсэлтийг хангах үндэслэлтэй байна гэж үзлээ.

       1.Э.П, Б.Б нар нь Иргэний эрх зүйн маргаанд хариуцагчаар оролцвол зохих этгээд мөн болох нь ТБ ХК, Э.П, Б.Б нарын хооронд байгуулагдсан 2021 оны 9 дүгээр сарын 02-ны өдрийн MN 6............. дугаартай барьцаат зээлийн гэрээ, зээлийн эргэн төлөлтийн хуваарь, зээлийн дансны харилцагчийн хуулга, Т Б Багануур салбарын шүүхэд гаргасан хүсэлт, итгэмжлэгдсэн төлөөлөгчийн шүүх хуралдаанд өгсөн тайлбар зэргээр тогтоогдож байна.

2. Иргэний эрх зүйн маргаанд хариуцагчаар оролцвол зохих этгээд болох Э.П, Б.Б нар нь зээл авах үедээ амьдарч байсан албан ёсны хаяг  болох Багануур дүүрэг, ..... дугаар хороо ....а-р байрны ...... тоот хаягтаа амьдрахгүй байгаа талаар .........-р хорооны засаг дарга 2024.05.01-ний өдрийн ......... тоот тодорхойлолтыг ирүүлсэн байна.

3.Иймд иргэний эрх зүйн харилцаанд үүрэг хүлээсэн этгээд болох Э.П, Б.Б нарын оршин суух хаяг мэдэгдэхгүйгээс болоод ТБ Багануур салбар зээлийн гэрээний үүргийн биелэлтийг шаардах боломжгүй нөхцөл байдал үүссэн байх тул хуульд заасан харьяаллын дагуу тэдгээрийг  эрэн сурвалжлуулах хүсэлт гаргасныг хүлээн авч, оршин суугаа албан ёсны хаягийг тогтоох ажиллагааг Цагдаагийн байгууллагаар гүйцэтгүүлэх нь зүйтэй гэж үзэв.

 

           4.Боржигон овогт Э.П нь .........гэсэн регистрийн дугаартай, зээл авах үедээ Багануур дүүрэг, ...... дугаар хороо, .....а байрны ...... тоотод оршин сууж, ..............ТӨХК-д зуухны машинчаар ажиллаж байсан,  хамтран зээлдэгч Харчин овогт Б.Б нь ............гэсэн регистрийн дугаартай, зээл авах үедээ Багануур дүүрэг, ......дугаар хороо, .......а байрны ........ тоотод оршин сууж, ............цэцэрлэгт туслах багшаар ажиллаж байсан, Э.П, Б.Б нь одоо Польш улсад амьдарч байж болзошгүй гэх мэдээллийг Багануур дүүрэг дэх Цагдаагийн хэлтэст хүргүүлэх нь зүйтэй байна.

5.Улсын тэмдэгтийн хураамжийн тухай хуулийн 7 дугаар зүйлийн 7.1.2,  Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1-д зааснаар хүсэлт гаргагчийн урьдчилан төлсөн улсын тэмдэгтийн хураамж 70,200 төгрөгийг улсын орлогод  хэвээр үлдээхээр шийдвэрлэв.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн 133.1.9-д заасныг тус тус удирдлага болгон  ТОГТООХ нь:

1.Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3-д зааснаар Боржигин овогт Э.П,  .........Харчин овогт Б.Б  ...........нарыг эрэн сурвалжилж, оршин суугаа албан ёсны хаягийг тогтоосугай.

2.Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4-д зааснаар хариуцагчийг эрэн сурвалжлах, түүний хаана оршин суугаа газрыг тогтоох ажиллагааг шүүхийн шийдвэрийн дагуу гүйцэтгэхийг Багануур дүүрэг дэх Цагдаагийн хэлтэст даалгасугай.

3.Иргэний эрх зүйн харилцаанд оролцвол зохих этгээд болох Э.П, Б.Б нарын хаана байж болох бүхий л хаяг мэдээллийг Цагдаагийн байгууллагад хүргүүлэх, тухай бүр мэдэгдэж байхыг хүсэлт гаргагчийн итгэмжлэгдсэн төлөөлөгч Э.Г-т анхааруулсугай.

            4.Боржигон овогт Э.П нь зээл авах үедээ Багануур дүүрэг, ......дугаар хороо, ......байрны ........ тоотод оршин сууж, .............ТӨХК-д зуухны машинчаар ажиллаж байсан, хамтран зээлдэгч Харчин овогт Б.Б нь зээл авах үедээ Багануур дүүрэг, ...... дугаар хороо, ........байрны ........ тоотод оршин сууж, ........ дугаар цэцэрлэгт туслах багшаар ажиллаж байсан, Э.П, Б.Б нь Монгол улсын хилээр гарч Польш улсад амьдарч байж болзошгүй гэх зэрэг хүсэлт гаргагчаас ирүүлсэн мэдээллийг Цагдаагийн байгууллагад хүргүүлсүгэй.  

5.Шүүхийн шийдвэр хүчин төгөлдөр болмогц хувийг Цагдаагийн байгууллагад хүргүүлэхийг шүүгчийн туслах Т.Гантуяад даалгасугай.

6.Улсын тэмдэгтийн хураамжийн тухай хуулийн 7 дугаар зүйлийн 7.1.2,  Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1-д зааснаар хүсэлт гаргагчийн урьдчилан төлсөн улсын тэмдэгтийн хураамж 70,200 төгрөгийг улсын орлогод  хэвээр үлдээсүгэй.

7.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-д зааснаар шийдвэрийг хүсэлт гаргагч эс зөвшөөрвөл гардаж авснаас хойш 14 хоногийн  дотор Нийслэлийн Иргэний хэргийн Давж заалдах шатны шүүхэд давж заалдах гомдол гаргах эрхтэй болохыг дурдсугай.

8.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 119.4-т зааснаар шийдвэр нь танилцуулан сонсгомогц хүчинтэй болох бөгөөд зохигч 14 хоног өнгөрснөөс хойш 14 хоногийн дотор шүүхэд хүрэлцэн ирж шийдвэрийг өөрөө гардан авах үүрэгтэй ба 119 дүгээр зүйлийн 119.7-д зааснаар дээрх хугацаанд шүүхийн шийдвэрийг гардан аваагүй нь гомдол гаргах хугацааг хуульд заасан журмын дагуу тоолоход саад болохгүйг дурдсугай.

 

 

 

                 ДАРГАЛАГЧ, ШҮҮГЧ                              П.ТУЯА