Хариуцагч нэхэмжлэлийн шаардлагыг

хүлээн зөвшөөрснийг баталж, хэргийг

хэрэгсэхгүй болгох тухай

 

Орхон аймаг дахь Сум дундын иргэний хэргийн анхан шатны шүүхийн шүүгч Б.Дэлгэрцэцэг даргалж, тус шүүхийн танхимд нээлттэй хийсэн шүүх хуралдаанаар,

 

Нэхэмжлэгч: төв аймаг Сэргэлэн сум 1-р баг ....... талд байрлах Тавантолгой түлш ХХК /РД:.........../-ийн нэхэмжлэлтэй,

 

Хариуцагч:Орхон аймаг Баян-Өндөр сум .........тоотод оршин суух хаягтай, Б..........-т холбогдох

 

1,422,532 төгрөг гаргуулах тухай нэхэмжлэлийг 2024 оны 02 дугаар сарын 28-ны өдөр хүлээн авч, 2024 оны 02 дугаар сарын 29-ний өдөр иргэний хэрэг үүсгэн хянан хэлэлцэв.

 

Шүүх хуралдааны оролцогчид:

Шүүх хуралдааны нарийн бичгийн дарга Н.Бямбахишиг нар оролцов.

 

Нэхэмжлэгчийн итгэмжлэгдсэн төлөөлөгч Т.Батчимэг, хариуцагч Э.Хурцбаатар нар хэргийг өөрсдийн эзгүйд шийдвэрлүүлэх хүсэлт гаргасан байх тул Иргэний хэрэг шүүхэд хянан шийдвэрлэх тухай хуулийн 100 дугаар зүйлийн 100.1, 100.3-т заасныг баримтлан нэхэмжлэгчийн итгэмжлэгдсэн төлөөлөгч, хариуцагчийн эзгүйд хэргийг хянан хэлэлцэв.

ТОДОРХОЙЛОХ нь:

Нэхэмжлэгч Таван толгой түлш ХХК-ийн итгэмжлэгдсэн төлөөлөгч Т.Батчимэг шүүхэд гаргасан нэхэмжлэлдээ: Таван толгой түлш ХХК Э.Хурцбаатартай 2019 оны 05 дугаар сарын 27-нд байгуулсан ТТТ/2019/3-2 дугаартай Хамтран ажиллах гэрээ-ний дагуу Улаанбаатар-Өмнөговь аймаг Ухаа худаг-Улаанбаатар чиглэлд мидлинг тээвэрлэх ажил гүйцэтгэсэн. Гэрээний 3 дугаар зүйлд заасны дагуу холбогдох зардлыг Б талд шилжүүлэх нь А талын үүрэг. Гэтэл жолооч нар тээвэрлэлт хийх явцдаа шатахууныг 108 ойл ХХК-с нэр тээврийн хэрэгслийн бүртгэлээ хийлгэн зээл авч яваад дараа нь тооцоо нийлэхдээ уг зээлсэн шатахууны зардлаа хасуулахгүйгээр давхар зардал авснаас болж 108 ойл ХХК нь шүүхэд нэхэмжлэл гаргаж, Таван толгой түлш жолооч нарын бичүүлж авсан шатахууны зардлыг гаргуулж авсан. Тиймээс тус зардлыг нэр бүхий жолооч нараас нэхэмжилж, компанийг хохиролгүй болгуулахаар шүүхэд хандаж байна. Э.Хурцбаатар нь 2019 оны 07 сарын 30-ны өдөр 683,91 л дизель түлш авсан нь шатахуун тослох материалын зарлагын падаанаар нотлогдож байх тул 1,422,532 төгрөгийг гаргуулж компанийг хохиролгүй болгож өгнө үү гэжээ.

 

Хариуцагч Э.Хурцбаатар шүүхэд ирүүлсэн тайлбартаа: Тавантолгой түлш ХХК-ийн нэхэмжилж байгаа 1,422,532 төгрөгийг бүхэлд нь хүлээн зөвшөөрч байна гэжээ.

 

Шүүх зохигчийн тайлбар болон хэрэгт цугларсан бичмэл нотлох баримтуудыг шинжлэн судлаад

ҮНДЭСЛЭХ нь:

 

Нэхэмжлэгч Тавантолгой түлш ХХК нь хариуцагч Э.Хурцбаатарт холбогдуулан 1,422,532 төгрөг гаргуулах тухай нэхэмжлэл гаргасныг хариуцагч Э.Хурцбаатар төлөхийг хүлээн зөвшөөрсөн тайлбарыг шүүх хуралдаанд гаргасан.

 

Хариуцагч нэхэмжлэлийн шаардлагыг бүхэлд нь хүлээн зөвшөөрсөн нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

 

Нэхэмжлэгч Тавантолгой түлш ХХК-ийн улсын тэмдэгтийн хураамжид төлсөн 37,710 төгрөгийг төрийн санд хэвээр үлдээж, хариуцагч Э.Хурцбаатараас улсын тэмдэгтийн хураамж 37,710 төгрөгийг гаргуулан нэхэмжлэгч Тавантолгой түлш ХХК-д олгох нь зүйтэй.

 

Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

 

1. Нэхэмжлэгч Тавантолгой түлш ХХК 1,422,532 төгрөг гаргуулах тухай нэхэмжлэлийн шаардлагыг хариуцагч Э.Хурцбаатар хүлээн зөвшөөрснийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.6-д зааснаар нэхэмжлэгч Тавантолгой түлш ХХК-ийн улсын тэмдэгтийн хураамжид төлсөн 37,710 төгрөгийг төрийн санд хэвээр үлдээж, хариуцагч Э.Хурцбаатараас улсын тэмдэгтийн хураамж 37,710 төгрөгийг гаргуулан нэхэмжлэгч Тавантолгой түлш ХХК-д олгосугай.

 

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайны дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар энэ захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

 

ШҮҮГЧ Б.ДЭЛГЭРЦЭЦЭГ