МОНГОЛ УЛСЫН НЭРИЙН ӨМНӨӨС

          Өвөрхангай аймаг дахь сум дундын иргэний хэргийн анхан шатны шүүхийн шүүгч А.Үүрийнтуяа даргалж, тус шүүхийн танхимд нээлттэй хийсэн шүүх хуралдаанаар,

 

       Хүсэлт гаргагч: Өвөрхангай аймгийн .... тоотод оршин суух, Тайж овгийн Ө.Д хүсэлттэй,

   “Ц.Б эрэн сурвалжлуулах”  тухай хүсэлтийг хянан хэлэлцэв.

         Шүүх хуралдаанд: Шүүх хуралдааны нарийн бичгийн дарга Н.Анужин нар оролцов.

ТОДОРХОЙЛОХ нь:

           Хүсэлт гаргагч Ө.Дшүүхэд гаргасан хүсэлтдээ:  нь нийт 65,000,000 төгрөгийг зээлж үүнээс 28,455,000 төгрөг үлдсэн. Гэтэл өнөөдрийг хүртэл өгөөгүй. Ц.Б нь оршин суугаа хаяг нь тодорхойгүй, холбоо барих боломжгүй байх тул эрэн сурвалжилж өгнө үү. Ц.Б оршин сууж байсан хаяг нь Өвөрхангай аймгийн Баянгол сумын .....амьдарч байсан ба хамгийн сүүлд ............. гэсэн утастай болно гэжээ.

          Хүсэлт гаргагчийн хүсэлт, шүүх хуралдаанаар хэрэгт авагдсан бичгийн нотлох баримтуудыг шинжлэн судлаад

ҮНДЭСЛЭХ нь:

1.Хүсэлт гаргагч Ө.Д нь “Ц.Б эрэн сурвалжлуулах” тухай хүсэлт тус шүүхэд гаргажээ.

 

2. Хүсэлт гаргагчийн хүсэлтийг хангаж шийдвэрлэх нь зүйтэй гэж үзлээ.

 

3. Иргэний эрх зүйн маргаанд хариуцагчаар оролцвол зохих этгээд болох нь Ц.Б оршин суугаа газар тодорхойгүй байгаа нь хэрэгт авагдсан баримт болон нэхэмжлэгчийн хүсэлт зэргээр тус тус нотлогдож байна.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйл, 133 дугаар зүйлийн 133.1.9-д заалтыг удирдлага болгон

ТОГТООХ нь:

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3 дахь хэсэгт зааснаар Ц.Б эрэн сурвалжилсугай.

2. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4 дэх хэсэгт зааснаар Ц.Б эрэн сурвалжлан, түүний оршин байгаа газрыг тогтоох ажиллагааг хийж, энэ тухай хүсэлт гаргагч  Ө.Д мэдэгдэхийг Өвөрхангай аймаг дахь  Цагдаагийн газарт даалгасугай.

            3. Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1 дэх хэсэгт зааснаар хүсэлт гаргагчаас улсын тэмдэгтийн хураамжид төлсөн 70200 төгрөгийг орон нутгийн орлогод хэвээр үлдээсүгэй.

4. Шийдвэр танилцуулан сонсгосноор хүчинтэй бөгөөд хүсэлт гаргагч шийдвэрийг эс зөвшөөрвөл гардан авсан өдрөөс хойш 14 хоногийн дотор Өвөрхангай аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

 

 

 

 

 

 ДАРГАЛАГЧ ШҮҮГЧ                                 А.ҮҮРИЙНТУЯА