МОНГОЛ УЛСЫН НЭРИЙН ӨМНӨӨС

Дорноговь аймгийн Замын-Үүд сум дахь сум дундын шүүхийн эрүүгийн шүүх хуралдааныг шүүгч Э.Болормаа даргалж,

 

Нарийн бичгийн дарга Б.М

Улсын яллагч А.Х

Хохирогч Б.Д

Шүүгдэгч Ч.А нарыг оролцуулан тус шүүхийн хуралдааны 1-р  танхимд нээлттэй хийсэн шүүх хуралдаанаар

 

Дорноговь аймгийн Замын-Үүд сум дахь сум дундын прокурорын газрын хяналтын прокуророос Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хэргийг хялбаршуулсан журмаар хянан шийдвэрлүүлэхээр яллах дүгнэлт үйлдэж ирүүлсэн Б овогт Ч А холбогдох эрүүгийн 252..... тоот хэргийг 2025 оны 12 дүгээр сарын 18-ны өдөр  хүлээн авч  хянан хэлэлцэв.

 

Шүүгдэгч: Монгол Улсын иргэн, ... оны ... дугаар сарын ..-ны өдөр Ущ хотод төрсөн, эрэгтэй, ... настай, дээд боловсролтой, эрх зүйч мэргэжилтэй, Х ... дугаар .. ажилтай, ам бүл 3, эхнэр, хүүхдийн хамтаар Д аймгийн З сумын . дугаар баг, .... айл, ... тоотод оршин суух, урьд ял шийтгэлгүй, Б овогт Ч А /РД: ..../

 

Холбогдсон хэргийн талаар:

 

Шүүгдэгч Ч.А нь Д аймгийн З сумын . дугаар баг, Ш ... айлын ... тоотод 2025 оны 10 дугаар сарын 12-оос 13-нд шилжих шөнө 03 цагийн орчимд гэр бүлийн хамаарал бүхий хамтран амьдрагч Б.Д гэр бүлийн хувийн таарамжгүй харилцааны улмаас түүний хамар, нүд, зовхи хэсэгт гараараа цохиж, эрүүл мэндэд нь хамрын хугарал, баруун нүдний дээд, доод зовхи, зүүн нүдний доод зовхинд цус хуралт зөөлөн эдийн гэмтэл бүхий хөнгөн хохирол санаатай учруулсан гэмт хэрэгт холбогджээ.

ТОДОРХОЙЛОХ нь:

Гэм буруугийн талаар:

Шүүгдэгч Ч.А нь Д аймгийн З сумын . дугаар баг, Ш ... айлын .. тоотод 2025 оны 10 дугаар сарын 12-оос 13-нд шилжих шөнө 03 цагийн орчимд гэр бүлийн хамаарал бүхий хамтран амьдрагч Б.Д гэр бүлийн хувийн таарамжгүй харилцааны улмаас түүний хамар, нүд, зовхи хэсэгт гараараа цохиж, эрүүл мэндэд нь хамрын хугарал, баруун нүдний дээд, доод зовхи, зүүн нүдний доод зовхинд цус хуралт зөөлөн эдийн гэмтэл бүхий хөнгөн хохирол санаатай учруулсан гэмт хэрэг үйлдсэн гэм буруутай болох нь шүүхийн хэлэлцүүлэгт шүүгдэгчийн үйлдсэн хэргээ хүлээн мэдүүлсэн мэдүүлгээс гадна хохирогч Б.Д Цагдаагийн байгууллагад гаргасан өргөдөл /хх-ийн 01/, хохирогчийн мэдүүлэг /хх-ийн 06-07, 12/, аюулын зэргийн үнэлгээ /хх-ийн 08/,  гэрч Д.Д мэдүүлэг /хх-ийн 14-15/, гэрч А.Б мэдүүлэг /хх-ийн 17-18/, шинжээчийн 2025 оны 10 сарын 27-ны өдрийн ДОГ0725/... дугаартай дүгнэлт/хх-ийн 23-24/, яллагдагчаар татах тогтоол /хх-ийн 31-34/, шүүгдэгч Ч.А яллагдагчаар өгсөн мэдүүлэг /хх-ийн 37-38/, иргэний нэхэмжлэгч байгууллагын төлөөлөгч Д.Д мэдүүлэг /хх-ийн 45-46/, Д аймаг дахь Эрүүл мэндийн даатгалын хэлтсийн нэхэмжлэл, Б.Д Эрүүл мэндийн байгууллагаас тусламж, Үйлчилгээнд эрүүл мэндийн даатгалын сангаас зарцуулсан зардлын лавлагаа /хх-ийн 47-49/, нэхэмжлэгч байгууллагад хохирол 51,250 төгрөг төлсөн Г банкны төлбөрийн баримт /хх-ийн 49 ар тал/, хохирогчид 1,100,000 төгрөг төлбөр гүйлгээний баримт /хх-ийн 62/ зэрэг нотлох баримтаар нотлогдон тогтоогдсон гэж дүгнэв.

 

Шүүхийн хэлэлцүүлэгт яллах дүгнэлтэд тусгасан бөгөөд талуудаас шинжлэн  судалснаар тооцуулсан дээрх нотлох баримтуудыг Эрүүгийн хэрэг хянан шийдвэрлэх тухай хуульд заасан үндэслэл, журмын дагуу цуглуулж бэхжүүлсэн байх бөгөөд эдгээр нь энэ хэрэгт хамааралтай, хэргийг эцэслэн шийдвэрлэхэд хүрэлцээтэй байна.

Нотлох баримтаар тогтоогдсон хэргийн нөхцөл байдал нь Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэг үйлдсэн гэм буруутайд тооцсон гэмт хэргийн шинжийг бүрэн агуулжээ.

Шүүгдэгч нь өөрт холбогдох хэргийг хялбаршуулсан журмаар хянан шийдвэрлүүлэх хүсэлтийг сайн дураар гаргаснаа илэрхийлж байх ба түүнд эрүү шүүлт тулгах, хүнлэг бус хэрцгий харьцах, хуурч мэхлэх зэрэг хууль бусаар хэрэг хүлээлгэсэн нөхцөл байдал тогтоогдоогүй болно.

Хохирлын хувьд:

Шүүгдэгч Ч.А нь гэмт хэрэг үйлдэж бусдад учруулсан хохирлыг нөхөн төлөх үүрэгтэй бөгөөд хохирогчид 1,100,000 төгрөгийг 2025 оны 11 сарын 09-нд, 51,250 төгрөгийг Эрүүл мэндийн даатгалын санд 2025 оны 11 сарын 27-ны өдөр төлж барагдуулсан нь Г банкны төлбөрийн баримт /хх-ийн 49 ар тал/, төлбөр гүйлгээний баримт /хх-ийн 62/ зэргээр тогтоогдож байна. Иймд шүүгдэгчийг бусдад төлөх төлбөргүй гэж үзэв.

Эрүүгийн хариуцлагын талаар:

Прокурорын санал болгож, шүүгдэгч хүлээн зөвшөөрсөн 600 нэгжтэй тэнцэх хэмжээний буюу 600,000 төгрөгийн торгох ял оногдуулах санал нь Эрүүгийн хуульд нийцсэн бөгөөд шүүгдэгч нь тухайн эрүүгийн хариуцлагын хууль зүйн үр дагаврыг ухамсарлан ойлгосон байх тул Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 5 дахь хэсэгт зааснаар прокурорын саналыг баталж, шүүгдэгчид эрүүгийн хариуцлага хүлээлгэх хууль зүйн үндэслэлтэй байна.

Иймд Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар заасан гэмт хэрэг үйлдсэн гэм буруутайд тооцож, шүүгдэгчид 600 нэгжтэй тэнцэх хэмжээний буюу 600,000 төгрөгийн торгох ял оногдуулах нь зүйтэй гэж шүүх үзлээ.

Шүүгдэгч  Ч.А нь энэ хэрэгт цагдан хоригдсон хоноггүй, бусдад төлөх төлбөргүй, энэ хэрэгт хураагдан ирсэн эд мөрийн баримт болон иргэний бичиг баримтгүй, битүүмжлэгдсэн эд хөрөнгөгүй, эрүүгийн хэрэг хянан шийдвэрлэх ажиллагааны зардалгүй болохыг тус тус дурдах нь зүйтэй байна.

Шүүгдэгчийн хувьд мөрдөн шалгах ажиллагааны болон шүүхийн шатанд Эрүүгийн хуулийн ерөнхий ангийн 5.3 дугаар зүйлийн 4 дэх хэсэгт зааснаар торгох ялыг хэсэгчлэн төлүүлэх нөхцөл байдал тогтоогдоогүй болно.

Эрүүгийн хэрэг хянан шийдвэрлэх тухай хуулийн 17.4 дүгээр зүйлийн  5, 7 дахь хэсэг, 36.2, 36.3, 36.6, 36.7, 36.8, 36.10 дугаар зүйлүүдэд заасныг тус тус удирдлага болгон ТОГТООХ нь:

1.Шүүгдэгч Б овогт Ч А Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний биед хөнгөн хохирол санаатай учруулсан гэмт хэрэг үйлдсэн гэм буруутайд тооцсугай.

2. Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар шүүгдэгч Ч А 600 /зургаан зуун/ нэгжтэй тэнцэх хэмжээний буюу 600,000 /зургаан зуун мянган/ төгрөгийн торгох ялаар шийтгэсүгэй.

3. Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт зааснаар шүүгдэгч Ч.А нь шүүхээс оногдуулсан торгох ялыг биелүүлээгүй бол биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солихыг мэдэгдсүгэй.

4. Шүүгдэгч Ч.А нь энэ хэрэгт цагдан хоригдсон хоноггүй, бусдад төлөх төлбөргүй, энэ хэрэгт хураагдан ирсэн эд мөрийн баримт болон иргэний бичиг баримтгүй, битүүмжлэгдсэн эд хөрөнгөгүй, эрүүгийн хэрэг хянан шийдвэрлэх ажиллагааны зардалгүй болохыг тус тус дурдсугай.

5. Шийтгэх тогтоолыг гардаж авсан, эсхүл хүргүүлснээс хойш 14 хоногийн дотор зөвхөн Эрүүгийн хэрэг хянан шийдвэрлэх тухай хуулийг ноцтой зөрчсөн үндэслэлээр оролцогч нар давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэйг дурдсугай.

6. Дээр дурдсан үндэслэлээр оролцогч нар давж заалдах гомдол гаргасан, улсын яллагч, дээд шатны прокурор эсэргүүцэл бичсэн тохиолдолд шийтгэх тогтоолын биелэлтийг түдгэлзүүлж, тогтоол хуулийн хүчин төгөлдөр болтол шүүгдэгчид урьд авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

 

 

 

 

 

        ДАРГАЛАГЧ, ШҮҮГЧ                                 Э.БОЛОРМАА