2024                 6              4

184/ШШ2024/03110

 

 

 

                                       МОНГОЛ УЛСЫН НЭРИЙН ӨМНӨӨС

 

Сонгинохайрхан дүүргийн иргэний хэргийн анхан шатны шүүхийн шүүх хуралдааныг Т.Батсүх даргалж, тус шүүхийн танхимд хийсэн шүүх хуралдаанаар

 

            Хүсэлт гаргагч: О******л /РД: Ф*****2/. Хаяг: ******

 

           Хариуцагчаар оролцвол зохих этгээд болох Д.Батзаяаг эрэн сурвалжлуулахыг хүссэн иргэний хэргийг хянан хэлэлцэв.

 

           Шүүх хуралдаанд: Нарийн бичгийн дарга  П.Хонгорзул оролцов.

 

Хүсэлт гаргагч шүүх хуралдаанд ирүүлсэн хүсэлтийн дагуу түүний эзгүйд хэргийг хянан хэлэлцэв.  

                                                                                                           

ТОДОРХОЙЛОХ нь:

 

Хүсэлт гаргагч ****** нь шүүхэд гаргасан нэхэмжлэлдээ: ****** 2006 онд танилцаж хамт амьдарч байгаад 2008 оны 6 дугаар сарын 25-нд ****а охин маань төрсөн. Бид тухайн үед гэрлэлтээ батлуулж байсан боловч ***** архи их ууж, гар хүрч, гадуур их тэнэдэг байсан. Ар гэртээ халамжгүйн улмаас бид Төв аймаг дахь сум дундын Иргэний хэргийн анхан шатны шүүхээр гэрлэлтээ цуцлуулж байсан. Тухайн үед ***** шоронд байсан учраас хүүхдийн тэтгэлэг тогтоолгож чадаагүй. Одоо ***** эхнэр, хүүхэдтэй болсон. *****охиндоо огт санаа тавьдаггүй, хаана амьдарч байгаа нь тодорхойгүй байгаа тул эрэн сурвалжилж өгнө үү.

 

 Хүсэлт гаргагчийн тайлбар, хэрэгт авагдсан нотлох баримтуудыг шинжлэн судлаад

 

ҮНДЭСЛЭХ нь:

 

***** нь хариуцагчаар оролцвол зохих этгээд болох **** эрэн сурвалжлуулах тухай хүсэлтээ Иргэний хэрэг шүүхэд хянан шийдвэрлэх тухай хуулийн 155 дугаар 155.1, 155.2 дахь хэсэгт заасны дагуу тус шүүхэд гаргасан байна.

Хүсэлт гаргагч С*****г иргэний эрх зүйн маргаанд хариуцагчаар оролцвол зохих этгээд болохыг нотолсон баримтыг хүсэлтдээ хавсарган ирүүлжээ.

Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3, 155.4 дэх хэсэгт заасны дагуу хариуцагчаар оролцвол зохих этгээд боло**** эрэн сурвалжилж, түүний оршин суугаа газрыг тогтоох ажиллагааг шүүхийн шийдвэрийн дагуу гүйцэтгэхийг Сонгинохайрхан дүүрэг дэх Цагдаагийн газрын нэгдүгээр хэлтэст даалгах нь зүйтэй гэж үзлээ.

 

Хариуцагчаар оролцвол зохих этгээд болох ******* нь хамгийн сүүлд Баянзүрх дүүрэг, 24 дүгээр хороо, *****тоотод бүртгэлтэй болохыг, хүсэлт гаргагчийн шүүх хуралдаанд ирүүлсэн хүсэлтийн дагуу түүний эзгүйд хэргийг хянан шийдвэрлэсэн болохыг тус тус дурдах нь зүйтэй.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн 133.1 дэх хэсэгт заасныг удирдлага болгон ТОГТООХ нь:

 

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3 дахь хэсэгт заасныг баримтлан иргэний эрх зүйн маргаанд хариуцагчаар оролцвол зохих этгээд болох Ням-*****г эрэн сурвалжилсугай.

 

2. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4 дэх хэсэгт заасныг баримтлан ***** эрэн сурвалжлах, түүний оршин суугаа газар, хаягийг тогтоох ажиллагааг гүйцэтгэхийг Сонгинохайрхан дүүрэг дэх Цагдаагийн газрын нэгдүгээр хэлтэст даалгасугай.

 

3. Хариуцагчаар оролцвол зохих этгээд болох ******/ нь Баянзүрх дүүрэг, *****оотод бүртгэлтэй болохыг мэдэгдсүгэй.

 

4. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, Улсын тэмдэгтийн хураамжийн тухай хуулийн 7 дугаар зүйлийн 7.1.2 дахь хэсэгт зааснаар хүсэлт гаргагчийн улсын тэмдэгтийн хураамжид төлсөн 70,200 /далан мянга хоёр зуун/ төгрөгийг улсын төсөвт хэвээр үлдээсүгэй.

 

5. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 120 дугаар зүйлийн 120.2 дахь хэсэгт зааснаар шийдвэр нь танилцуулан сонсгомогц хүчинтэй болох бөгөөд нэхэмжлэгч, түүний төлөөлөгч нар энэхүү шийдвэрийг эс зөвшөөрвөл уг шийдвэрийг гардан авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргах эрхтэй.

 

 

 

 

                     ДАРГАЛАГЧ ШҮҮГЧ                                 Т.БАТСҮХ