2024       04         03

151/ШШ2024/00301

Нэхэмжлэлийн шаардлагыг хариуцагч

зөвшөөрснийг баталж, хэргийг хэрэгсэхгүй болгох тухай

 

Төв аймаг дахь сум дундын иргэний хэргийн анхан шатны шүүхийн шүүгч Д.Алтантуул би,

Нэхэмжлэгч: “Т******** банк” ХК,

/Төв аймаг, Зуунмод сум, 1 дүгээр баг/,

Хариуцагч: Бо****н овогт Б**** Б***********

/Төв аймаг, ***** сум, ***** дүгээр баг, **********, уушиг *** дугаар гудамж, ** тоот/,

Хариуцагч: ********** овогт Э*********гийн С**********

/Төв аймаг, ********* сум, 1 дүгээр баг, *********, уушиг *** дугаар гудамж, *** тоот/,

Нэхэмжлэлийн шаардлага: Зээлийн гэрээний үүрэгт нийт 8,606,637.87 төгрөг гаргуулах тухай

ТОДОРХОЙЛОХ нь:

1. Нэхэмжлэгч “Т******** банк” ХК нь хариуцагч Б.Б*********, Э.С******** нарт холбогдуулан зээлийн гэрээний үүрэгт нийт 8,606,637.87 төгрөг гаргуулах тухай нэхэмжлэл гаргасан байна.

2. Нэхэмжлэлийн шаардлагын үндэслэлээ: “...Зээлдэгч нь зээлийн гэрээг зөрчиж, зээлээ хуваарийн дагуу төлөхгүй удаа дараа шаардуулсан. Банкны зүгээс зээлийн гэрээний үүрэг биелүүлэх тухай мэдэгдэл өгсөн боловч харилцагч янз бүрийн шалтаг шалтгаан тоочиж, зээлээ төлөхгүй цаг хугацаа авч байна. Зээлийн гэрээний дагуу 2024 оны 03 дугаар сарын 18-ны өдрийн байдлаар дээр дурдсан шаардлага бүхий нэхэмжлэлийг гаргаж байна. Иймд Батжаргал овогтой Балдандорж, Эрдэнэдалай овогтой Сайнсанаа нараас зээлийн үндсэн өр 7,000,000.00 төгрөг, зээлийн хүүгийн өр 1,109,546.65 төгрөг, нэмэгдүүлсэн хүүний өр 63,320.54 төгрөг, хуримтлагдсан хүү 421,150.68 нотариатын зардал 12,620 нийт 8,606,637.87 төгрөг /Найман сая зургаан зуун зургаан мянга зургаан зуун гучин долоон төгрөг наян долоон мөнгө/-ийг гаргуулж өгнө үү” гэжээ.

3. Хариуцагч Б.Б*********, Э.С******** нар нь хариу тайлбартаа: “Миний бие Б.Б********* эхнэр Э.С********гийн хамт Т******** банк ХК-иас өрхийн хэрэгцээнд 7,000,000 төгрөгийн зээлийг 2022 оны 06 дугаар сарын 09-ний өдөр авсан. Зээл авснаас хойш мал үрэгдэж, зуд болсны улмаас зээлээ төлж чадаагүй. Зээл авсан нь үнэн учир зээлийн гэрээний үүрэгт 8,606,637.87 төгрөгийг төлөхөд маргах зүйл байхгүй. Зээлийн үлдэгдэл төлбөрийг 5 сарын хугацаанд доорх графикийн дагуу төлөхөөр нэхэмжлэлийн шаардлагыг хүлээн зөвшөөрч байна.  2024 оны 04 дүгээр сарын 30-ны өдөр 200,000 төгрөг, 2024 оны 05 дугаар сарын 30-ны өдөр 200,000 төгрөг, 2024 оны 06 дугаар сарын 30-ны өдөр 200,000 төгрөг, 2024 оны 07 дугаар сарын 30-ны өдөр 200,000 төгрөг, 2024 оны 08 дугаар сарын 30-ны өдөр 7,806,637.87 төгрөгийг тус тус төлж барагдуулахаар нэхэмжлэлийн шаардлагыг хүлээн зөвшөөрч байгаа тул хэргийг хялбаршуулсан журмаар шийдвэрлэж өгнө үү” гэжээ.

4. Нэхэмжлэгчээс нэхэмжлэл, итгэмжлэл, улсын бүртгэлийн гэрчилгээний хуулбар, барьцаат зээлийн гэрээний хуулбар, зээлийн эргэн төлөлтийн хуваарийн хуулбар, зээлдэгч нарын анкет, барьцааны гэрээний хуулбар, зээлийн гэрээнд нэмэлт, өөрчлөлт оруулах тухай гэрээний хуулбар, хариуцагч нарын “Т******** банк” ХК-д гаргасан өргөдлийн хуулбар, Төв аймгийн Баянжаргалын сумын 1 дүгээр багийн Засаг даргын тодорхойлолт, зээлийн гэрээний үүрэг биелүүлэх тухай мэдэгдлийн хуулбар, Б.Б*********ийн Мал, тэжээвэр амьтад, хашаа худгийн 2021 оны тооллогын хуулбар, зээлийн дансны хуулбар зэргийг тус тус гаргаж өгсөн.

ҮНДЭСЛЭХ нь:

1. Шүүх, нэхэмжлэлийн шаардлагыг хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх үндэслэлтэй гэж дүгнэлээ.

2. Нэхэмжлэгч “Т******** банк” ХК нь хариуцагч Б.Б*********, Э.С******** нарт холбогдуулан зээлийн гэрээний үүрэгт нийт 8,606,637.87 төгрөг гаргуулах тухай нэхэмжлэл гаргасан байна.

3. Хэрэгт авагдсан баримтаас дүгнэхэд талуудын хооронд зээлийн гэрээ байгуулагдсан, гэрээгээр тэдгээрийн эрх үүргийн харилцааг тодорхойлох бөгөөд хариуцагч тус гэрээнд заасан үүргээ биелүүлээгүй, нэхэмжлэгчийн хуулиар хамгаалагдсан ашиг сонирхолд хохирол учруулсан болох нь нэхэмжлэгчийн шүүхэд гаргасан хүсэлт, хариуцагч нэхэмжлэлийн шаардлагыг хүлээн зөвшөөрсөн хариу тайлбар зэргээр тогтоогдож байна.

            4. Нэхэмжлэгч нь гэрээгээр хүлээсэн үүргээ биелүүлээгүйгээс гэрээний үүрэг биелүүлэхийг хариуцагчаас шаардах эрхтэй ба хариуцагч нар нь гэрээгээр хүлээсэн үүргээ биелүүлэх үүрэгтэй.

 5. Хариуцагч Б.Б*********, Э.С******** нар нь “...8,606,637.87 төгрөгийг 2024 оны 04 дүгээр сарын 30-ны өдөр 200,000 төгрөг, 2024 оны 05 дугаар сарын 30-ны өдөр 200,000 төгрөг, 2024 оны 06 дугаар сарын 30-ны өдөр 200,000 төгрөг, 2024 оны 07 дугаар сарын 30-ны өдөр 200,000 төгрөг, 2024 оны 08 дугаар сарын 30-ны өдөр 7,806,637.87 төгрөгийг тус тус төлж барагдуулахаа илэрхийлсэн хариу тайлбар бичгээр гаргасан байна. /хх-28/

6. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-т Хэрэг үүсгэснээс хойш шүүх хуралдаан хүртэл хугацаанд ... хариуцагч нэхэмжлэлийн шаардлагыг хүлээн зөвшөөрсөн ... бол хэргийг хялбаршуулсан журмаар хянан шийдвэрлэнэ, 74.2-т хэргийг хялбаршуулсан журмаар хянан шийдвэрлүүлэх боломжтой гэж үзвэл шүүгч ... хариуцагчийн зөвшөөрлийг баталж, хэргийг хэрэгсэхгүй болгосон тухай захирамж гаргахаар тус тус заасан.

7. Нэхэмжлэлийн шаардлагыг хариуцагч Б.Б*********, Э.С******** нар нь цаашид маргахгүй, нэхэмжлэлийн шаардлагыг бүхэлд нь хүлээн зөвшөөрсөн хариу тайлбар гаргасан нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй гэж үзнэ.

8. Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-д заасныг үндэслэн нэхэмжлэгч “Т******** банк” ХК-ийн зээлийн гэрээний үүрэгт нийт 8,606,637.87 төгрөг гаргуулах тухай нэхэмжлэлийг хариуцагч Б.Б*********, Э.С******** нарын зөвшөөрлийг баталж, хэргийг хэрэгсэхгүй болгож хялбаршуулсан журмаар хянан шийдвэрлэв.

9. Хариуцагч нэхэмжлэлийн шаардлагыг хүлээн зөвшөөрч байгаа нь нэг талын хүсэл зоригийн илэрхийлэл бөгөөд нэхэмжлэгчид энэ талаар заавал мэдэгдэх үүрэггүй болохыг дурдах нь зүйтэй.

10. Улсын тэмдэгтийн хураамжийн хувьд: Хэргийг хялбаршуулсан журмаар хянан шийдвэрлэсэн тул нэхэмжлэгчийн улсын тэмдэгтийн хураамжид урьдчилан төлсөн 152,656 төгрөгийн тал хувь 76,328 төгрөгийг улсын орлогод хэвээр үлдээж, Т******** сангийн 100140000941 тоот данснаас 76,328 төгрөгийг, хариуцагч Б.Б*********, Э.С******** нараас 76,328 төгрөгийг гаргуулан нэхэмжлэгч “Т******** банк” ХК-д олгож шийдвэрлэх нь Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д заасанд нийцнэ.

11. Зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй ба шүүхийн хүчин төгөлдөр шийдвэрийг иргэн, хуулийн этгээд заавал биелүүлэх, шүүхийн шийдвэрийг сайн дураар биелүүлэхгүй бол хуульд заасан үндэслэл, журмын дагуу албадан гүйцэтгэхийг тус тус дурдах нь зүйтэй.

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-д зааснаар нэхэмжлэгч “Т******** банк” ХК-ийн зээлийн гэрээний үүрэгт нийт 8,606,637.87 төгрөг гаргуулах тухай нэхэмжлэлийн шаардлагыг хариуцагч Б.Б*********, Э.С******** нарын зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид урьдчилан төлсөн 152,656 төгрөгийн тал хувь 76,328 төгрөгийг улсын орлогод хэвээр үлдээж, Т******** сангийн 100140000941 тоот данснаас 76,328 төгрөгийг, хариуцагч Б.Б*********, Э.С******** нараас 76,328 төгрөгийг гаргуулан нэхэмжлэгч “Т******** банк” ХК-д олгосугай.

3. Иргэний хэрэг хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг тайлбарласугай.

4. Иргэний хэрэг хянан шийдвэрлэх тухай хуулийн 11 дүгээр зүйлийн 11.1, 11.2-т зааснаар шүүхийн хүчин төгөлдөр шийдвэрийг иргэн, хуулийн этгээд заавал биелүүлэх, шүүхийн шийдвэрийг сайн дураар биелүүлэхгүй бол хуульд заасан үндэслэл, журмын дагуу албадан гүйцэтгэхийг тус тус дурдсугай.

 

 

 

 

ШҮҮГЧ                                 Д.АЛТАНТУУЛ