Хариуцагч нэхэмжлэлийн шаардлагыг

хүлээн зөвшөөрснийг баталж, хэргийг

хэрэгсэхгүй болгох тухай

 

Б аймаг дахь сум дундын иргэний хэргийн анхан шатны шүүхийн шүүгч А.Жархынгүл би,

Нэхэмжлэгч: Б аймгийн Х газар /дарга А.Галия/, Хаяг:Б аймаг, Ө  сумын 5 дугаар багт үйл ажиллагаа явуулах,

 

Хариуцагч: Л, Хаяг:Б аймаг, Б  сум 5 дугаар багт оршин суух, /харилцах утас:98430642/

 

Нэхэмжлэлийн шаардлага: Н сангаас хөдөлмөрийн чадвар алдалтын хувь, хугацаа тогтоосон актгүйгээр авсан халамжийн тэтгэврийн мөнгө болох  4,584,194 төгрөг гаргуулахыг хүссэн тухайн нэхэмжлэлийг 2024 оны 01 дүгээр сарын 18-ны өдөр хүлээн авч хянаад,

 

ТОДОРХОЙЛОХ нь:

 

 

1.Нэхэмжлэгч Б аймгийн Х газар нь хариуцагч Л т холбогдуулан Н сангаас хөдөлмөрийн чадвар алдалтын хувь, хугацаа тогтоосон актгүйгээр  авсан халамжийн тэтгэврийн мөнгө болох 4,584,194 төгрөг гаргуулахыг хүсэж нэхэмжлэлийн шаардлагаа тодорхойлсон байна. Үүнд:

1.1 Б аймгийн Б  сумын 5 дугаар багийн иргэн Л  хөдөлмөрийн чадвар алдалтын хувь, хугацаа тогтоосон актгүйгээр Н сангаас халамжийн тэтгэврийн мөнгө авсан нь аймгийн А газрын шалгалтаар илэрч тухайн иргэнд акт тавигдсан.

1.2 Л тай уг асуудлаар уулзахад халамжийн тэтгэврийн мөнгийг өөрийн дансаар дамжуулан авсан болохыг хүлээн зөвшөөрч, эргүүлэн төлөхөөр тохиролцсон боловч хууль бус авсан 4,584,194 /Дөрвөн сая таван зуун наян дөрвөн мянга нэг зуун ерэн дөрвөн/ төгрөгийг одоо хүртэл төлж барагдуулаагүй тул иргэний хэргийн шүүхийн журмаар гаргуулж өгнө үү гэжээ.

2.Хариуцагч Л ын тайлбар, зөвшөөрөл:

2.1 Миний бие Л  нь Б аймгийн Х газрын надад холбогдуулан гаргасан нэхэмжлэлтэй танилцлаа.

2.2 Би Н сангаас хууль бусаар авсан 4,584,194 төгрөгийг 2024 оны 9 дүгээр сарын 01-ний хүртэл төлж өгөх болно. Энэ талаа ямар нэгэн маргаан байхгүй гэжээ.

3.Нэхэмжлэгчийн итгэмжлэгдсэн төлөөлөгч Е ийн шүүхэд гаргасан хүсэлтэд: Миний бие Х газрын итгэмжлэгдсэн төлөөлөгчөөр оролцож байгаа бөгөөд хариуцагч Л ын тайлбартай танилцлаа. Б  сумын иргэн Л  нь Н сангаас авсан мөнгөө 2024 оны 9 дүгээр сарын 01-ний хүртэл төлж өгнө гэсэн тайлбарыг зөвшөөрч байгаа тул хариуцагчийн зөвшөөрлийг баталж, хэргийг хэрэгсэхгүй болгож өгнө үү гэжээ.

 

ҮНДЭСЛЭХ нь:

 

 

4.Нэхэмжлэгч Б аймгийн Х газрын нэхэмжлэлтэй, хариуцагч Л т холбогдох иргэний хэргийг хянан шийдвэрлэх ажиллагааны явцад хариуцагч Л  нь Н сангаас хөдөлмөрийн чадвар алдалтын хувь, хугацаа тогтоосон актгүйгээр авсан халамжийн тэтгэврийн мөнгө болох 4,584,194 төгрөгийг 2024 оны 9 дүгээр сарын 01-ний өдрийг хүртэл төлж өгөхийг хүлээн зөвшөөрснийг нэхэмжлэгчийн итгэмжлэгдсэн төлөөлөгчөөс зөвшөөрч тус тус тайлбараа шүүхэд бичгээр ирүүлсэн тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй байна.

5.Хариуцагч Л аас нэхэмжлэгч Б аймгийн Х газрын нэхэмжлэлийн шаардлагыг хүлээн зөвшөөрсөн нь Иргэний хуульд нийцсэн, бусдын хуулиар хамгаалагдсан эрх, хууль ёсны ашиг сонирхлыг зөрчөөгүй байна.

6.Улсын Тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч Б аймгийн Х газар нь улсын тэмдэгтийн хураамжаас чөлөөлөгдсөн болохыг дурдаж, мөн хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 56 дугаар зүйлийн 56.1, 74 дүгээр зүйлийн 74.5-д заасныг баримтлан нэхэмжлэлийн үнийн дүнгээр улсын тэмдэгтийн хураамжид төлбөл зохих 88,297 төгрөгийн тал нь болох 44,148 төгрөгийг хариуцагч Л аас гаргуулан улсын орлого болгох нь зүйтэй байна.

 

Иргэний хэрэг шүүхэд хянан шийдвэрлэх тухай хуулийн 74, 75 дугаар зүйлд заасныг удирдлага болгон

 

ЗАХИРАМЖЛАХ нь:

 

 

1.Хариуцагч Л  нь Н сангаас хөдөлмөрийн чадвар алдалтын хувь, хугацаа тогтоосон актгүйгээр авсан халамжийн тэтгэврийн мөнгө болох 4,584,194 төгрөгийг нэхэмжлэгч Б аймгийн Х газарт 2024 оны 9 дүгээр сарын 01-ний өдрийг хүртэл төлж өгөхөөр болж, нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай.   

 

2.Нэхэмжлэгч Б аймгийн Х газар нь улсын тэмдэгтийн хураамжаас чөлөөлөгдсөн болохыг дурдаж, нэхэмжлэлийн үнийн дүнгээр улсын тэмдэгтийн хураамжид төлбөл зохих 88,297 төгрөгийн тал нь болох 44,148 төгрөгийг хариуцагч Л аас гаргуулан улсын орлого болгосугай.

 

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

 

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

ШҮҮГЧ                                        А.ЖАРХЫНГҮЛ