Хариуцагч нэхэмжлэлийн шаардлагыг

хүлээн зөвшөөрснийг баталж, хэргийг

хэрэгсэхгүй болгох тухай

 

Нийслэл дэх Захиргааны хэргийн анхан шатны шүүхийн шүүгч Н.Дуламсүрэн би, Нийслэлийн Баянгол дүүргийн прокурорын газрын Зөрчил хэрэг бүртгэх ажиллагаанд хяналт тавих албаны хяналтын прокурор М.Н*******ын дүгнэлттэй, Баянгол дүүргийн Татварын хэлтсийн улсын байцаагч Р.Б*******д холбогдох зөрчлийн хэргийг хянаад

ТОДОРХОЙЛОХ нь:

Хариуцагч Баянгол дүүргийн Татварын хэлтсийн улсын байцаагч Р.Б******* шүүхэд 2018 оны 08 дугаар сарын 08-ны өдөр бичгээр гаргасан тайлбартаа “Баянгол дүүргийн Татварын хэлтсийн татварын улсын байцаагч Р.Б******* би 2019 оны 06 дугаар сарын 04-ний өдрийн ******* тоот шийтгэлийн хуудсаар Зөрчлийн тухай хуулийн дагуу шийтгэл ногдуулахдаа хуулийн заалтыг хэсгийг орхигдуулж бичсэн гэсэн прокурор М.Н*******ын дүгнэлтийг хүлээн зөвшөөрч байгаа тул шийтгэлийн хуудсыг өөрчилж бичихэд татгалзах зүйлгүй” гэжээ.

                                                             ҮНДЭСЛЭХ нь:

Захиргааны хэрэг шүүхэд хянан шийдвэрлэх тухай хуулийн  21 дүгээр зүйлийн 21.1-д хариуцагч хэрэг хянан шийдвэрлэх ажиллагаанд оролцохдоо дараахь эрх эдэлнэ, 21.1.1-д нэхэмжлэлийн шаардлагыг хүлээн зөвшөөрөх, биелүүлэх, нэхэмжлэгчтэй эвлэрэх эсхүл татгалзах эрхтэй гэж заасны дагуу хариуцагч Баянгол дүүргийн Татварын хэлтсийн улсын байцаагч Р.Б******* нь Нийслэлийн Баянгол дүүргийн прокурорын газрын Зөрчил хэрэг бүртгэх ажиллагаанд хяналт тавих албаны хяналтын прокурор М.Н*******ын тус шүүхэд 2018 оны 06 дугаар сарын 27-ны өдөр гаргасан 66 дугаартай прокурорын дүгнэлтийг бүхэлд нь  хүлээн зөвшөөрч байгаагаа бичгээр илэрхийлсэн байх тул хариуцагч прокурорын дүгнэлтийг хүлээн зөвшөөрснийг баталж, хэргийг хэрэгсэхгүй болгож шийдвэрлэх нь зүйтэй байна.

Хариуцагчийн зөвшөөрлийг баталснаар Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1 дэх хэсэгт заасан бусад этгээдийн эрх, эрх чөлөө, хууль ёсны эрх ашиг хөндөхөөргүй, хуульд харшлах байдал тогтоогдохгүй байгаа болохыг тэмдэглэх нь зүйтэй.

Хэргийн оролцогчдод Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1-д “Хариуцагч нэхэмжлэлийн шаардлагыг бүхэлд нь хүлээн зөвшөөрсөн нь бусад этгээдийн эрх, эрх чөлөө, хууль ёсны ашиг сонирхлыг хөндөхөөргүй, хуульд харшлаагүй байвал шүүх хариуцагчийн зөвшөөрлийг баталж, хэргийг хэрэгсэхгүй болгоно”, 69 дүгээр зүйлийн 69.2-т “Энэ хуулийн 66-68 дугаар зүйлд заасны дагуу шийдвэрлэсэн шүүгчийн захирамжид гомдол гаргах эрхгүй бөгөөд шүүхийн шийдвэрийн нэгэн адил биелүүлнэ” гэж заасныг тайлбарласан бөгөөд хариуцагч Баянгол дүүргийн Татварын хэлтсийн улсын байцаагч Р.Б******* нь ойлгож, түүнийг зөвшөөрч байгаагаа илэрхийлж холбогдох баримтанд гарын үсэг зурсан болно.

Харин энэхүү шүүгчийн захирамж нь Баянгол дүүргийн Татварын хэлтсийн улсын байцаагч Р.Б*******гийн иргэн Д.Т*******ыг 150,000 төгрөгөөр торгохтой холбоотойгоор үүнийг эс зөвшөөрөн “Д.Т*******ыг гомдол гаргах эрхийг хязгаарлахгүй болохыг дурдах нь зүйтэй.

Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.2-д заасныг удирдлага болгон ЗАХИРАМЖЛАХ нь:

1. Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1-д заасныг баримтлан Нийслэлийн Баянгол дүүргийн прокурорын газрын Зөрчил хэрэг бүртгэх ажиллагаанд хяналт тавих албаны хяналтын прокурор М.Н*******ын Баянгол дүүргийн Татварын хэлтсийн улсын байцаагч Р.Б******* холбогдуулан гаргасан “Баянгол дүүргийн Татварын хэлтсийн татварын улсын байцаагч Р.Б******* би 2019 оны 06 дугаар сарын 04-ний өдрийн ******* тоот шийтгэлийн хуудсанд өөрчлөлт оруулах”-ыг хүссэн прокурорын дүгнэлтийг хариуцагч Баянгол дүүргийн Татварын хэлтсийн улсын байцаагч Р.Б******* бүхэлд нь хүлээн зөвшөөрснийг баталж, хэргийг хэрэгсэхгүй болгосугай.

2. Энэхүү захирамжийг шүүхийн шийдвэрийн нэгэн адил журмаар биелүүлсүгэй.

Захиргааны хэрэг шүүхэд хянан шийдвэрлэх тухай хуулийн 122 дугаар зүйлийн 122.2-т зааснаар хэргийн оролцогч, тэдгээрийн төлөөлөгч, өмгөөлөгч нар шүүгчийн захирамжид гомдол гаргах эрхгүй.

 

 

ШҮҮГЧ                                 Н.ДУЛАМСҮРЭН