Хариуцагч нэхэмжлэлийн шаардлагыг

  хүлээн зөвшөөрснийг баталж, хэргийг

 хэрэгсэхгүй болгох тухай

 

Нийслэл дэх Захиргааны хэргийн анхан шатны шүүхийн шүүгч Н.Дуламсүрэн би, Чингэлтэй дүүргийн прокурорын газрын хяналтын прокурор Б.Бийн дүгнэлттэй, Чингэлтэй дүүрэг дэх мэргэжлийн хяналтын хэлтсийн улсын байцаагч Ц.Од холбогдох зөрчлийн хэргийг хянаад

ТОДОРХОЙЛОХ нь:

Чингэлтэй дүүргийн прокурорын газрын хяналтын прокурор Б.Б Чингэлтэй дүүрэг дэх мэргэжлийн хяналтын хэлтсийн улсын байцаагч Ц.Оийн гаргасан ...  дугаартай шийтгэлийн хуудсыг хүчингүй болгуулахаар бичсэн дүгнэлтээ 2020 оны 04 дүгээр сарын 23-ны өдөр өөрчилж, эрх бүхий албан тушаалтны шийтгэлийн хуудаст өөрчлөлт оруулахаар дүгнэлт бичиж шүүхэд ирүүлсэн бөгөөд “...улсын байцаагч Ц.Оийн гаргасан ...  дугаартай шийтгэл оногдуулсан үндэслэл, торгох шийтгэлийн хэмжээ зэрэг нь хууль зүйн үндэслэлтэй гэж дүгнэсэн бөгөөд шийтгэлийн хуудсанд хуулийн зүйл, заалтыг буруу бичсэн тул өөрчлөлт оруулахаар дүгнэлт бичив” гэжээ.

Хариуцагч Чингэлтэй дүүрэг дэх мэргэжлийн хяналтын хэлтсийн улсын байцаагч Ц.О шүүх хуралдаанд гаргасан тайлбартаа: “Чингэлтэй дүүрэг дэх мэргэжлийн хяналтын хэлтсийн улсын байцаагч Ц.О би ...  дугаартай шийтгэлийн хуудсаар Зөрчлийн тухай хуулийн дагуу шийтгэл ногдуулахдаа хуулийн зүйл, заалтыг буруу бичсэн гэх прокурор Б.Бийн дүгнэлтийг хүлээн зөвшөөрч байгаа тул шийтгэлийн хуудсыг өөрчилж бичихэд татгалзах зүйлгүй” гэжээ.

                                                             ҮНДЭСЛЭХ нь:

Захиргааны хэрэг шүүхэд хянан шийдвэрлэх тухай хуулийн  21 дүгээр зүйлийн 21.1-д хариуцагч хэрэг хянан шийдвэрлэх ажиллагаанд оролцохдоо дараахь эрх эдэлнэ, 21.1.1-д нэхэмжлэлийн шаардлагыг хүлээн зөвшөөрөх, биелүүлэх, нэхэмжлэгчтэй эвлэрэх эсхүл татгалзах эрхтэй гэж заасны дагуу хариуцагч Чингэлтэй дүүрэг дэх мэргэжлийн хяналтын хэлтсийн улсын байцаагч Ц.О нь Чингэлтэй дүүргийн прокурорын газрын хяналтын прокурор Б.Бийн тус шүүхэд гаргасан 2020 оны 04 дүгээр сарын 23-ны өдрийн 28 дугаартай прокурорын дүгнэлтийг бүхэлд нь  хүлээн зөвшөөрч байгаагаа шүүх хуралдаанд илэрхийлсэн байх тул хариуцагч прокурорын дүгнэлтийг хүлээн зөвшөөрснийг баталж, хэргийг хэрэгсэхгүй болгож шийдвэрлэх нь зүйтэй байна.

Хариуцагчийн зөвшөөрлийг баталснаар Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1 дэх хэсэгт заасан бусад этгээдийн эрх, эрх чөлөө, хууль ёсны эрх ашиг хөндөхөөргүй, хуульд харшлах байдал тогтоогдохгүй байгаа болохыг тэмдэглэх нь зүйтэй.

Хэргийн оролцогчдод Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1-д “Хариуцагч нэхэмжлэлийн шаардлагыг бүхэлд нь хүлээн зөвшөөрсөн нь бусад этгээдийн эрх, эрх чөлөө, хууль ёсны ашиг сонирхлыг хөндөхөөргүй, хуульд харшлаагүй байвал шүүх хариуцагчийн зөвшөөрлийг баталж, хэргийг хэрэгсэхгүй болгоно”, 69 дүгээр зүйлийн 69.2-т “Энэ хуулийн 66-68 дугаар зүйлд заасны дагуу шийдвэрлэсэн шүүгчийн захирамжид гомдол гаргах эрхгүй бөгөөд шүүхийн шийдвэрийн нэгэн адил биелүүлнэ” гэж заасныг тайлбарласан бөгөөд хариуцагч Чингэлтэй дүүрэг дэх мэргэжлийн хяналтын хэлтсийн улсын байцаагч Ц.О нь ойлгож, түүнийг зөвшөөрч байгаагаа илэрхийлж холбогдох баримтанд гарын үсэг зурсан болно.

Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.2-д заасныг удирдлага болгон ЗАХИРАМЖЛАХ нь:

1. Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1-д заасныг баримтлан Чингэлтэй дүүргийн прокурорын газрын хяналтын прокурор Б.Бийн улсын байцаагч Ц.Од холбогдуулан гаргасан “...  дугаартай шийтгэлийн хуудаст өөрчлөлт оруулах тухай” дүгнэлтийг хариуцагч Чингэлтэй дүүрэг дэх мэргэжлийн хяналтын хэлтсийн улсын байцаагч Ц.О бүхэлд нь хүлээн зөвшөөрснийг баталж, хэргийг хэрэгсэхгүй болгосугай.

2. Энэхүү захирамжийг шүүхийн шийдвэрийн нэгэн адил журмаар биелүүлсүгэй.

Захиргааны хэрэг шүүхэд хянан шийдвэрлэх тухай хуулийн 122 дугаар зүйлийн 122.2-т зааснаар хэргийн оролцогч, тэдгээрийн төлөөлөгч, өмгөөлөгч нар шүүгчийн захирамжид гомдол гаргах эрхгүй.

 

 

ШҮҮГЧ                                 Н.ДУЛАМСҮРЭН