Зохигчдын эвлэрлийг баталж, хэргийг

хэрэгсэхгүй болгох тухай

 

Баянгол дүүргийн Иргэний хэргийн анхан шатны шүүхийн шүүгч З.Доржнамжин даргалж тус шүүхийн шүүх хуралдааны танхимд хийсэн иргэний хэргийн шүүх хуралдаанаар:

Нэхэмжлэгч:Хан-Уул дүүргийн .... дугаар хороо, Үйлдвэрийн гудамж ...., өөрийн байранд байрлах, регистр ......, .....,

Хариуцагч:Хан-Уул дүүргийн 1 дүгээр хороо, ......... давхарт байрлах хаягтай боловч одоо тодорхой хаяггүй гэх, регистр............., ..........,

Нэхэмжлэлийн шаардлага 16 403 983 төгрөг 50 мөнгө гаргуулах тухай хэргийг хянан хэлэлцэв.

Шүүх хуралдаанд:Нэхэмжлэгч байгууллагын итгэмжлэгдсэн төлөөлөгч ,,,,,,,,,,, хариуцагч байгууллагын итгэмжлэгдсэн төлөөлөгч ,,,,,,,,,,, шүүх хуралдааны нарийн бичгийн дарга З.Төвсайхан нар оролцов.

ТОДОРХОЙЛОХ нь:

Нэхэмжлэгч ..... нь ..........-д холбогдуулан гэрээний үүрэгт 16 403 983 төгрөг гаргуулах нэхэмжлэл гаргасан.Нэхэмжлэгч нэхэмжлэлийн шаардлагын үндэслэлээ дараах байдлаар тодорхойлж байна.Үүнд:

Тус компани /РД:5258537/ нь ..........-тай хэлэлцэн тохиролцож, 2022 оны 10 дугаар сарын 25-ны өдрийг хүртэл нийт 10 935 989 төгрөгийн ундааг нийлүүлсэн, 2021 оны 10 дугаар сарын 25-ны өдөр ТБ/22/03 дугаартай Төлбөр барагдуулах гэрээг байгуулж, тооцоо нийлсэн........... нь 2022 оны 11 дүгээр сарын 30-ны өдөр 3 000 000 төгрөг, 2022 оны 12 дугаар сарын 28-ны өдөр 7 935 989 төгрөгийг тус тус төлөхөөр тохиролцсон.Эдгээр авлагыг төлүүлэхээр ..........-тай удаа дараа холбогдсон ч 2024 оны 01 дүгээр сарын 24-ний өдрийг хүртэл нэг ч төлөлт хийгдээгүй тул Иргэний хуулийн 232 дугаар зүйлийн 232.4-т...Анзын нийт дүн гүйцэтгээгүй үүргийн үнийн дүнгийн 50 хувиас хэтэрч болохгүй гэж заасны дагуу 5,467,994.50 төгрөгийн алданги тооцсон.Иймд үндсэн төлбөр 10,935,989 төгрөг, алданги 5,467,994.50 төгрөг, нийт 16,403,983.50 төгрөгийг ..........-аас гаргуулж өгнө үү гэжээ.

Нэхэмжлэгч байгууллагын итгэмжлэгдсэн төлөөлөгч шүүх хуралдаанд тайлбарлахдаа:Манайх нэхэмжлэлийнхээ 2 733 997 төгрөг, 25 мөнгөнөөс татгалзаж, үлдсэн 13 669 986 төгрөг 25 мөнгийг хариуцагч .......... нь 2024 оны 6 дугаар сарын 30-ны өдрийн дотор төлөхөөр эвлэрч гэрээ байгуулсан гэв.

Хариуцагч байгууллагын итгэмжлэгдсэн төлөөлөгч шүүх хуралдаанд тайлбарлахдаа:Нэхэмжлэгч нь нэхэмжлэлийн шаардлагынхаа 2 733 997 төгрөг, 25 мөнгөнөөс татгалзаж, үлдсэн 13 669 986 төгрөг 25 мөнгийг манайх 2024 оны 6 дугаар сарын 20-ны өдөр 3 669 986 төгрөг, 25 мөнгө, 2024 оны 6 дугаар сарын 30-ны өдөр 10 000 000 төгрөгийг нэхэмжлэгчид төлж барагдуулахаар эвлэрлийн гэрээ байгуулсан гэв.

ҮНДЭСЛЭХ нь:

Нэхэмжлэгч ..... нь ..........-иас 16 403 983.50 төгрөг гаргуулах тухай нэхэмжлэлийг шүүхэд гаргажээ.

Нэхэмжлэгч байгууллагын итгэмжлэгдсэн төлөөлөгч Г..........., хариуцагч байгууллагын итгэмжлэгдсэн төлөөлөгч ........... нар харилцан тохиролцож, нэхэмжлэгч байгууллага нь нэхэмжлэлийн шаардлага 16 403 983.50 төгрөгийн 2 733 997 төгрөг, 25 мөнгөнөөс татгалзаж, хариуцагч байгууллага нь 13 669 986 төгрөг 25 мөнгийг манайх 2024 оны 6 дугаар сарын 20-ны өдөр 3 669 986 төгрөг, 25 мөнгө, 2024 оны 6 дугаар сарын 30-ны өдөр 10 000 000 төгрөгийг нэхэмжлэгчид төлж барагдуулахаар тохиролцож, эвлэрлийн гэрээ байгуулсан байна.

Зохигч талуудын эвлэрэл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул зохигчдын эвлэрлийг баталж хэргийг шийдвэрлэх нь зүйтэй байна.

Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.6-д зааснаар нэхэмжлэгч байгууллагын улсын тэмдэгтийн хураамжид төлсөн 239 970 төгрөгийг улсын төсвийн орлогод хэвээр үлдээж, хариуцагч байгууллагаас 119 985 төгрөгийг гаргуулан нэхэмжлэгч байгууллагад олгож шийдвэрлэх нь зүйтэй байна.

Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5, 123 дугаар зүйлийн 123.1-т заасныг удирдлага болгон ЗАХИРАМЖЛАХ нь:

1.Нэхэмжлэгч ..... нь нэхэмжлэлийн шаардлага 16,403,983.50 төгрөгийн 2 733 997 төгрөг, 25 мөнгөнөөс татгалзаж, хариуцагч .......... нь 13 669 986 төгрөг 25 мөнгийг манайх 2024 оны 6 дугаар сарын 20-ны өдөр 3 669 986 төгрөг, 25 мөнгө, 2024 оны 6 дугаар сарын 30-ны өдөр 10 000 000 төгрөгөөр нэхэмжлэгч байгууллагад төлж барагдуулахаар эвлэрсэн зохигчдын эвлэрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.6-д зааснаар нэхэмжлэгч байгууллагын улсын тэмдэгтийн хураамжид төлсөн 239 970 төгрөгийг улсын төсвийн орлогод хэвээр үлдээж, хариуцагч байгууллагаас 119 985 төгрөгийг гаргуулан нэхэмжлэгч байгууллагад олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураар биелүүлээгүй бол шүүхийн шийдвэрийн адил албадан гүйцэтгүүлэхийг дурдсугай.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ДАРГАЛАГЧ ШҮҮГЧ З.ДОРЖНАМЖИН