МОНГОЛ УЛСЫН НЭРИЙН ӨМНӨӨС

 

 

          Сэлэнгэ аймгийн Сайхан сум дахь Сум дундын шүүхийн шүүгч Г.Дэлгэрсайхан даргалж, тус шүүхийн шүүх хуралдааны танхимд хийсэн иргэний хэргийн шүүх хуралдаанаар,

*т оршин суух хаягтай, * овгийн * (РД:*)-ийн хүсэлттэй, 

Иргэний эрх зүйн маргаанд хариуцагчаар оролцвол зохих этгээд болох *ыг эрэн сурвалжлуулах тухай хүсэлтийг 2023 оны 11 дүгээр сарын 20-ны өдөр хүлээн авснаар хянан хэлэлцэв.  

Шүүх хуралдаанд: Шүүх хуралдааны нарийн бичгийн дарга * оролцов.

ТОДОРХОЙЛОХ нь:

 

Хүсэлт гаргагч * нь шүүхэд гаргасан хүсэлтээ дэмжиж шүүх хуралдаанд гаргасан тайлбартаа: “...2023 оны 11 дүгээр сарын 20-ний өдөр *нь 177 ямаа авч явсан. Тэрнээс 131 эр ямаа, 46 эр ямааг авсан. Анх 2024 оны 01 дүгээр сарын 06-ний өдөр 5,000,000 төгрөгийг нэхэж байж авсан. Одоо үлдэгдэл 11,200,000 төгрөгийг авах ёстой, мөнгөө авах гэсэн утас нь холбогдохгүй холбоо барих ямар ч боломжгүй болсон байдаг. Тиймээс хариуцагчийг эрэн сурвалжлуулж өгнө үү...” гэжээ.

 

Шүүх хуралдаанаар хавтаст хэрэгт авагдсан бичгийн баримтуудыг шинжлэн судлаад  

ҮНДЭСЛЭХ нь:

 

            Хүсэлт гаргагч * нь иргэний эрх зүйн маргаанд хариуцагчаар оролцвол зохих этгээд болох *ыг эрэн сурвалжлуулах хүсэлтийг гаргажээ.

 

            Хүсэлт гаргагч *аас худалдах, худалдан авах гэрээний үлдэгдэл төлбөрийг гаргуулах шаардлагатай бөгөөд * нь хаана байгаа нь тодорхойгүй гэх шалтгаанаар эрэн сурвалжлуулахыг хүссэн бөгөөд хүсэлт гаргагч нь *ыг олж тогтооход ач холбогдолтой мэдээлэл болох овог, нэр, хаана ямар газарт хэзээ оршин сууж байсан, регистрийн дугаар зэрэг хувийн мэдээллийг нь тодорхой гаргаж өгөөгүй байх тул *ыг эрэн сурвалжлах боломжгүй байна.   

 

Иймд *ын “*ыг эрэн сурвалжлуулах” тухай хүсэлтийг бүхэлд нь хэрэгсэхгүй болгож шийдвэрлэлээ.

 

            Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1-т зааснаар хүсэлт гаргагчийн улсын тэмдэгтийн хураамжид төлсөн 70,200 төгрөгийг улсын орлогод хэвээр үлдээх нь зүйтэй байна.

      

             Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.3, 116, 118 дугаар зүйлд заасныг удирдлага болгон 

ТОГТООХ нь:

 

1. *ын хүсэлттэй *ыг эрэн сурвалжлуулах тухай хүсэлтийг бүхэлд нь хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1-т зааснаар хүсэлт гаргагч *ын улсын тэмдэгтийн хураамжид төлсөн 70,200 төгрөгийг улсын орлогод хэвээр үлдээсүгэй. 

            3.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-т зааснаар шийдвэр танилцуулан сонсгомогц хүчинтэй болохыг дурдсугай.

4.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.3, 119.4-т зааснаар шийдвэр хүчинтэй болсноос хойш 14 хоногийн дотор бичгийн хэлбэрээр гарах бөгөөд ийнхүү гарснаас хойш хүсэлт гаргагч нь 14 хоногийн дотор шүүхэд хүрэлцэн ирж шийдвэрийг өөрөө гардан авахыг мэдэгдсүгэй.

           5. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар энэ шийдвэрийг хүсэлт гаргагч эс зөвшөөрвөл шийдвэрийг гардан авснаас хойш 14 хоногийн дотор Сэлэнгэ аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах эрхтэй болохыг дурдсугай.  

 

 

 

 

ДАРГАЛАГЧ, ШҮҮГЧ                           Г.ДЭЛГЭРСАЙХАН