Хариуцагч нэхэмжлэлийн шаардлагыг

хүлээн зөвшөөрснийг баталж,

хэргийг хэрэгсэхгүй болгох тухай

 

 

Сэлэнгэ аймаг дахь сум дундын Иргэний хэргийн анхан шатны шүүхийн шүүгч Б.Мөнхзул би,

Нэхэмжлэгч: Улаанбаатар хот, ******* дүүрэг, 26-р хороо, Үйлдвэрчний гудамж, Монгол 99 төв, 12 давхар, 1203 тоот ******* ******* ХХК-ийн нэхэмжлэлтэй

Хариуцагч: Сэлэнгэ аймаг, ******* сум, 1 дүгээр баг, *******, орон сууц 2-р байр, 07 тоот, ******* ******* /РД: *******/-д холбогдох утас: *******

Нэхэмжлэлийн шаардлага: 385,600 төгрөг гаргуулах тухай иргэний хэргийг хянаад;

ТОДОРХОЙЛОХ нь:

Нэхэмжлэгч нь шүүхэд гаргасан нэхэмжлэлдээ:

...******* Кредит инвестмент ББСБ " ХХК А.*******гийн хүсэлтээр 2021.01.26-ны өдөр 9347 тоот Зээлийн гэрээг 24 сарын хугацаатай байгуулсан бөгөөд 2021.01.28-ны өдөр 100,000 төгрөгийг 30 хоногийн 6% хүүтэйгээр хэрэглээний зориулалтаар зээлсэн. Зээлдэгч нь манай " ******* Кредит инвестмент ББСБ " ХХК-аас зээл авах Төрийн банк А.******* дансаар хүлээн авахаар хүсэлт гаргасны дагуу уг дансанд зээлийг шилжүүлсэн болно. Зээлдэгч нь зээлийн гэрээнд заасан зээлийн эргэн төлөлтийн хуваарийн дагуу зээлээ төлөх үүрэгтэй боловч уг хуваарийг зөрчиж 2021,02,27 -ны өдрөөс хойш удаа дараа залган, зээлийн талаар сануулсан боловч огт эргэн төлөлт болон сунгалт хийлгүйгээр итгэл эвдэн өдий хүрсэн болно. Зээлийн гэрээний 2.6.5-г ноцтой зөрчил гэж зээлдэгч нь зээлийн гэрээний үндсэн төлбөр, түүний хүүгийн төлбөр, алданги төлбөрүүдийг эргэн төлөлтийн хуваарьт хугацааг хэтрүүлсэн, эргэн төлөх хуваарийг зөрчсөн, гэрээгээр хүлээсэн үүргээ зохих ёсоор гүйцэтгээгүй, хуваарьт төлбөрийг 90 болон түүнээс дээш хоногоор хэтрүүлсэн үйлдлийг ойлгохоор заасны дагуу хариуцагч нь зээлийн гэрээний 3.2.1 дахь хэсгүүдийг ноцтой зөрчсөн байна. Энэхүү зээлдэгчийн ноцтой зөрчил нь зээлийн гэрээний 3.3.6-т заасан нөхцөл байдлыг үүсгэсэн учир гэрээний 6.3.1, 6.3.7-т заасны дагуу зээлдүүлэгч гэрээг дангаар цуцлах эрхтэй.

Ингээд 2024 оны 05 сарын 07-ны өдрийн байдлаар хариуцагчийн: үндсэн зээлийн үлдэгдэл 100,000 төгрөг, төлөх ёстой хүү 239,000 төгрөг, нэмэгдүүлсэн хүү 46,600 төгрөг нийт 385,600 төгрөгний үлдэгдэлтэй байна. Мөн шүүхэд нэхэмжлэл гаргахад улсын тэмдэгтийн хураамжинд төлсөн 12,218 төгрөгийг нэмж гаргуулж өгнө үү гэжээ.

Хариуцагч А.******* нь шүүхэд гаргасан хариу тайлбартаа:

... овогтой ******* миний бие 2021 оны 01 сард ******* ******* ББСБ-аас 100,000 төгрөг зээлийн бөгөөд хүү, нэмэгдүүлсэн хүү болох 385,000 төгрөг ёстойгоос 2024 оны 06 дугаар сарын 03-нд 100,000 төгрөг төлсөн бөгөөд үлдэгдэл 285,000 төгрөгийг 2024 оны 07 дугаар сарын 01-ний дотор төлөх болно гэжээ.

ҮНДЭСЛЭХ нь:

******* ******* ХХК нь А.*******д холбогдуулан 385,600 төгрөг гаргуулах тухай нэхэмжлэлийн шаардлага гаргасан ба хариуцагч нь нэхэмжлэлийн шаардлага болох 385,600 төгрөгийн 100,000 төгрөгийг төлсөн. Үлдэгдэл 285,000 төгрөгийг төлөхийг бүрэн хэмжээгээр хүлээн зөвшөөрсөн болох нь түүний шүүхэд ирүүлсэн дээрх тайлбар, баримт зэргээр нотлогдож байна.

Хариуцагч нэхэмжлэлийн шаардлагыг бүхэлд нь хүлээн зөвшөөрсөн нь бусдын эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй.

Иргэний хэрэг шүүхэд хянан шийдвэрлэх тухай хуулийн 75 дугаар зүйлд заасныг удирдлага болгон ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дахь хэсэгт зааснаар ******* ******* ХХК-ийн нэхэмжлэлтэй А.*******д холбогдох 385,600 төгрөг гаргуулах-ыг хүссэн нэхэмжлэлийн шаардлагыг хариуцагч бүрэн хэмжээгээр хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид урьдчилан төлсөн 12,218 төгрөгийн тал хувь болох 6,109 төгрөгийг хариуцагчаас, үлдэх 6,109 төгрөгийг төрийн сангийн төсвийн орлого /данс-100130000941/-оос тус тус гаргуулан нэхэмжлэгчид олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэж болохыг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дугаар зүйлийн 74.4-т зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ Б.МӨНХЗУЛ