Зохигчдын эвлэрлийг баталж,

хэргийг хэрэгсэхгүй болгох тухай

 

 

Баянгол дүүргийн Иргэний хэргийн анхан шатны шүүхийн шүүгч Ч.Мөнхцэцэг би,

 

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1 дэх хэсгийг удирдлага болгон, ЗАХИРАМЖЛАХ нь:

 

1. *** ББСБ ХХК-ийн нэхэмжлэлтэй, О.У, Т.Х нарт холбогдох, зээлийн гэрээний үүрэгт 59,305,446 төгрөг гаргуулж, үүргийн гүйцэтгэлийг эд хөрөнгө өмчлөлд шилжүүлэх гэрээний зүйлээр хангуулахыг хүссэн иргэний хэрэгт хариуцагч нар нь нэхэмжлэлийн шаардлага 59,305,446 төгрөгийг 2024.06.25-ны өдөр 5,000,000 төгрөг, 2024.07.25-ны өдөр 5,000,000 төгрөг, 2024.08.25-ны өдөр 9,861,090 төгрөг, 2024.09.25-ны өдөр 9,861,090 төгрөг, 2024.10.25-ны өдөр 9,861,090 төгрөг, 2024.11.25-ны өдөр 9,861,090 төгрөг, 2024.12.25-ны өдөр 9,861,090 төгрөгөөр хувааж төлөх, төлж барагдуулаагүй тохиолдолд эд хөрөнгө өмчлөлд шилжүүлэх гэрээний зүйлээр хангуулахаар эвлэрсэн зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 524,680 төгрөгийн 50 хувь болох 262,340 төгрөгийг Баянгол дүүргийн Татварын хэлтсээс, 50 хувь болох 262,340 төгрөгийг хариуцагч нараас гаргуулж нэхэмжлэгчид олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч нар сайн дураар биелүүлээгүй бол шүүхийн шийдвэрийн нэгэн адил албадан гүйцэтгэх журамтайг мэдэгдсүгэй.

 

4. Хэргийг хялбаршуулсан журмаар хянан шийдвэрлэсэн тул зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ Ч.МӨНХЦЭЦЭГ